لا تزينوا لحمور الخطأ

Quote: Quote: ها شايف أنا ممكن أختلف معاك واكون عارف إسمك عااادي مابتنقص حاجة ياخ - دي والله مجرد أسماء بعدين شكلك كدة يافيصل من النوع المقدراتو الذهنية عالية ( يحفظ عشاري ويغلبو يحفظ عمر ) عشاري او ماكنت اولا سؤالي لك لم يكن في خانة الاختلاف معك لرأيك في صاحب بوست الترحيب او كتاباته ولكنه يصب في خانة الاستفسار قبل الشروع في الرد علي الا انني صراحه (وما تزعل مني) لم اجد ما يحقق هذا الاختلاف لضحالة الرأي والطرح..(حقك) نجي لحتت المقدرات الذهنيه بقي ... انت شايف انه انا لما ما اعرف اسمك معناها مقدراتي الذهنيه ضعيفه ...طبعا ده رايك اللي ما ممكن حد يحجر عليه هنا يعني ممكن تجي من الصباح تقش عينك من النوم وتجي طاير لي جوز مع الصباح كده ...نظام فكة ريق .. وانا شفت ... اتفرجو يا ناس دال وما حولها انا العشاري الشفت ..تمساح عديييييل عنده ضنب ... واي زول اقل من برستيجي العقلي بردمو زي ما ردمت ليكم فيصل الرشيد.. اها ناس المبيعات والمشتروات وناس كابو وسيقا كلهم يزغردو ايووووووووووووي يوووووووووي.. ديل الجكس طبعا اها الرجال يجوك جارين ..ابشر يا العشاري ..يالرشيت فيصل الرشيد ووقفته في حده .. ويقعدو يتحالفو عليك .. اليعزمك في اوزون واليقول حرم نمشي سولتير ... والشفاته شويت يعزموك حجر شيشه كان بتشيش واللسه تعبانين غايتو بجيبو ليهم كرتونه كرتونتين اسكريم من 41 ..اقل من كده تقطع علاقات معاهم ..الله مش معقول اها بعد تخلص الموضوع ده طبعا في حاجه مهمه خاااالص.. المحاضرة بتاعتك العملته ليها اعلان دي ... تكلم المحاضر ...رقم صفر بتاعك ده تقول ليه في واحد اسمه فيصل الرشيد ..تصور يا استاذ سألني منك قال لي انته منو؟ دنيا عجيبه يا استاذ ..يعني ياهو الفضل ..اجيب ليهم السي في حقتك في البورد هو انا يا استاذ قلته 20 نفر ..يجوني طايرين ناس فيصل ومين مين ديل ... الناس دي ما عارفه مكانه من الاعراب والا شنو؟ ويرد ليك استاذك الجليل : سيبك منهم ديل جهلاء ...اشرب اشرب العصير المركذ ده قلته لي اسمه شنو؟؟ كنا واقفين في شنو؟؟؟ معليش يا اسمك مين كده عشاري ...نسيت الموضوع كان شنو ..طبعا انت عازرني زي ما اتفقنا ..صح؟ ممتاز اها ... ايوه ايوه Quote: كان احلي لو قلت ( ام ماذا يارعاك الله ... احلي والله كان حيكون احلي من زبادي الفواكه اللي انا بحبه خالص خالص وخاصه الانناس Quote: أنا والله ماقاصد حاجة بس دايما الغلط أو النسيان بكون في إسم الحاج والله ياخ الحاج ده اول حاجه ربنا يحفظه (فل استوب) بعدين يعني في ناس غيري بغلطو في اسم جلالتكم والا شنو ..؟؟ والله لكن دي قلة ادب ما بعدها قلة ادب كيف يعني يغلطو في اسمك يعني ؟؟ اما ده كلام فاضي ... ديل طوالي مفروض يتفتح ليهم بلاغات ويمشو نيابة المجتمع يخلصو معاهم ويدوهم الفيها النصيب وبعد داك طوالي علي الجرائم الموجهة ضد الدولة ينتهو منهم هناك النهاية الياها .. ومنها كوبر يا شالا ..لحدي ما يعرفو الله واحد ومين كده عشاري واحد ... امافوضي كمان غايتو يا مين كده عشاري امسحه في قزاز عربيتك والا في الواطه والا في اي حته وابقي مارق Quote: لكن عمر دي ماساهلة أقول ليك حاجة تتذكرها بيها عمربن الخطاب عمر بن عبد العزيز والله لكن حصه ورواية قصه هسي انا بي امكانياتي الذهنية الضعيفه الانته قلتها دي اركز كيف انا يعني؟؟ ما ممكن تجيب لي كتاب الدين كله والسيرة النبويه والفرد كلهم ودايرني اتذكر بيهم انا يا دوب فكيت الخط ... تجي شايل دفاترك وكتبك وفوق ليهم القوقل عشان اتذكر ليك ؟ ياخ احترم مقدراتي وادراكي الانته قلته عليه Quote: عمر بن أبي ربيعة عمر الشاعر عمر بانقا عمر النقي شايفك انحدرته وبديت تدردق من الصحابة للشعراء وناس الكورة لوووووووولز هسه الله يسألك عمر بن ربيعه يختوهو مع عمر الشاعر والله دي كان قلتها لزيدان ابراهيم فردتو العزيز كان ضحك فيك لكن طبعا انت ما بنقدر نعترض عليك ... امر الله ..وكده بعدين النقي ده قاعد زي الكلمة الشاذه كده حقو تعمل ليه باكنج لست براه ..عشان ما ممكن تخلط المش مع العصير بطلع حاجه كده ما معروفه شنو... انته بتكون طبعا عارفه.. نحن متفقين طبعا انك عارف اي حاجه ..صح ما عدا المحاضر بتاع المحاضره بتاعتك.. لانه حسب كلامك هو قال ما ضروري الناس تعرفني الله يدينا الصبر Quote: لو داير حاجة كعبة تتذكر بيها عمر البشير والله لكن دي عاوزه ليها صفحه براها اجيك ليها بالليل مع اني خايف بالليل انسي البتاعه دي يا اسمك مين كده (عشراوي) اخد لي لفه واجيك ..تكون انته شربته القدامك .. والوراك