كتب الكاتب الفاتح جبرا المتوفرة بمعرض الدوحة
|
Re: (3) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
اليوم كانت محصلة مكالمات مع أعزاء علينا من بنو الأمتداد معتز عوض محمد بطران
وفي ضيافة صديق حمتو رجب وآخر مع بهاء الدين سري سليمان والمحور الفقد الكبري
جنابو إبراهيم تاج الدين ألف رحمة ونور علية وأيضا الرائع عاطف خضر مدني وخالد محمد
(أبوساعة) وزكريات تمر علينا بعجلة الزمن المتسارعة نود أن نترحم علي كل الذين مضوا
في الأيام الفايته ونرحب بالقادمين علي طريق المودة الأمتدادية الحميمه ولكل الذين غابوا عنا
أن يمتعونا بالطله وعماد شمت متجلي ولافوق يافنان وياكع خلي بدرنا في سماء وماتخليني أفلعك بالنجوم
مريحه مامريخ ............
ونواصلــــــــــــــ إبداع وتوثيق لهذا الكيان الممتد حبا وإخاء وجمال .
،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
سلام لكل الحبان
Quote: اليوم كانت محصلة مكالمات مع أعزاء علينا من بنو الأمتداد معتز عوض محمد بطران
وفي ضيافة صديق حمتو رجب وآخر مع بهاء الدين سري سليمان والمحور الفقد الكبري
جنابو إبراهيم تاج الدين ألف رحمة ونور علية وأيضا الرائع عاطف خضر مدني وخالد محمد
(أبوساعة) |
ابوقصى حظك والله حسدناك عديل كدة . ياأخى بهاء الدين سرى دا لينا منو
خرتومائة سنة تحياتنا لية ولاسرتة الكريمة وحاول اقنعوا يشارك هنا لانوا
قلم كارب . عشان نشوف زعامة مصطفى سرى تظهر . وسلامنا لخالد ابساعة
ياكع وعاطف قبانى وابغاوون
يازول والله فعلا جليناها ثابتة ياخى بالنسبة لجعفر صالح لو قلنا الجولى كان شوية اقرب
يلا ياعمدة انكت كل صور استديو سمعة والخليج وشتح البوست ذى ماداير طالما مافى ابداع
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بابكر التوم)
|
جاري الحبيب يوسف طه لك تحياتي والاسرة الكريمة ,,هكذا الايام وعجلتها تدور نفقد من نحبهم
ولكن نعيش بحبهم وودهم وذكراهم العطرة وتصبح الصورة في الخيال حيه تتجلي بجمالها راسخه
في الوجدان رحم الله اخي علي رحمة واسعة وربنا يجعل مقامة مع الابرار...
ياريس ويابابكر البوست ده شتحه رأس ابو الرووس الكبيرة ده ..
بعدين الاخضر الابراهيمي ده ماعلقتوا عليهو اكيد صديقي العزيز جومو ذاتو بكون ماعرف حاجة!!!
يااخوانا ماشفتوا لي عمر زراعة ودنور الظاهر كب الزوقه والله ياود موحومد الحسن انا راجيك!!
ههههههها شوفوا تابو!!!!!!!!!!!!!!!!!
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عماد شمت)
|
ليك حاجات عجيبة ياكعوي هسع كدي قارن ابقاون بصورتك الجبتهادي!!
تعرف الصور دي جاتني بالصدفه ماكلها جزء. لكن بالله رايك شنو في الزول القاعد وراء
الفنان المخستك ده ؟؟؟؟ ياكعو الزول هسع حيقوليك ده اخوي الصغييير..
بعدين الناس الجرفتهم السيول والامطار والهزات الارضيه وكل عوامل التعريه بجيبوا صورهم القديمه
ذي التاجر لمن يفلس ....
يابابكر انت نسيت الهادي طعميه ؟؟؟ استديو شهرزاد؟؟؟
سمعت تحت تحت فاروق سعيد داير يعرس !!! غايتو انا رجوعي للسودان مربوط بي زواج فاروق سعيد
غايتو لو الكلام صح الرماد كال حماد...لكن قولوا ليه اجل شوية لحدي ما حافظ المحار وعادل
حسين قباني ما يعرسوا...
حليم الشوق مطر لكن داير اعرف مفاجاتك ..يالله واقع في الواطه والكورة في الشبكه,,,
ياقبرو جايك بصورة عجيبة طبعا كتيريين ما عارفيين قبرو ده منو!!!
اخليكم بعافيه واعود انشاء الله والقاكم بالعافيه ..
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
مجدي سلامات اخبار العيال تمام انشالله
Quote: بهاء الدين سري سليمان والمحور الفقد الكبري جنابو إبراهيم تاج الدين ألف رحمة ونور علية وأيضا الرائع عاطف خضر مدني وخالد محمد (أبوساعة) |
يا مجدي ديل نكتهم من وين العالم قاعدين في جده ؟؟ سبحان الله الناس لو قلت ليك قريب 15 سنه ما كحلناهم عاطف خضر عازف... محمد بلو .. وبهاء سري والله نسيت شكلو (صراحه) وخالد ابساعه اتقل جناح في الربطة .. حليل محمد ورقه (طيارة ) .. مجدي خليك زي جماعة من الامس وطلع الصور بي اي لون برتقالي ولابيض واسود اي حاجه خلينا نتزكر الناس دي كانت كيف زمان . ما مهم الان اشكلهم اتغيرت بس نعيش الذمن الحلو .. ريك شنو ؟؟ شوف سمير اكيد عندو كوم من ( من الامس )
Quote: وماتخليني أفلعك بالنجوم |
ـــــــــــــــــــــ ياتو نجوم ؟ لو النجوم حقتنا مافي مانع .. بس اوعك من النجوم الممسوخه حقتكم دي
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
ياعمدة احمد جمعة هو نفسه احمد جمعة مابختلف عن احمد الان بس ثمن شوية الصورة الجماعية دي من اليمن, احمد جعفر وعماد عويس والمرحوم عبد الرحمن جعفروفي الخلف يوسف جعفر وابو قاوون الصغير. علي ما اظن الصورة دي كانت في بيت ناس احمد جعفر او في شندي
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
سلامات يا عمدة كما تشتهي
Quote: بعدين الاخضر الابراهيمي |
طبعا الاخضر ملك الخرخره في الدافوري عشان كدا احتفظ بالتعليق .. يقوم يجي ناطي لينا هنا ويمسك لينا في العظمه الله دي يا مان
Quote: تعرف الصور دي جاتني بالصدفه ماكلها جزء. لكن بالله رايك شنو في الزول القاعد وراء
الفنان المخستك ده ؟؟؟؟ ياكعو الزول هسع حيقوليك ده اخوي الصغييير |
كدي الحته حقت اخوك الصغير دي ليها...
ده بدر الدين زمان مستححححححححححححيل قول كلام تاني ؟ غايتو يا عمدة دي باالجدجد من الامس طوالي بجيك احساس المراحيم وكدا
لو شافو الصورة دي عيال الذمن حيقول دي جاين من العصر الحجري..
مخستك من يعم ياما زكينا حفلاتك انت عماد الكاشف........
ـــــــــــــ ؟؟؟؟؟؟؟؟؟؟؟؟؟؟؟؟!!!!!!!!!!!!!
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
بابكر سلامات...
Quote: يلا ياعمدة انكت كل صور استديو سمعة والخليج وشتح البوست ذى ماداير طالما مافى ابداع |
لو بتقصد ابداعات عماد عويس صحيح افتقدناها كلنا ... ولكن لو بتقصد الابداعات في البوست .. البوست كلو ابداع وروعه خالص يامان ..
ــــــ انني اشهد انك مبدع من خلال كتاباتك هنا (شهادة مجروحه)
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
عادل يا راقي ..
Quote: خف شوية على الهلال وعلى عبد الله كع انت ما عارف الهلالاب ديل ناس راقين وطيبين ولكن لو قاموا ما بتقدر تجاريهم في الرد والأغنيةالمرفقة هدية ليك علشان تعرف قدر الهلالاب |
مممممممممممممممممممممجدي قريت الكلام ده ..
يا عادل نحنا شعارنا اللون الابيض و برمز للمحبه والسلام واللون الازرق برمز للصفاء النقاء
عكس الوان الجماعه احمر والاصفر ده بودينا لاشياو حاجات غريبه
ـــــــــــــــــ احترامي
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
ناس الامتداد يا حلوين ازيكم ما خليت شارع فى الاجازة دى وما دخلتو بامارة التكسى الاصفر الواقف قدام بيت ناس عبدالله كع
والغريبة محطة سبعة اتغيرت تماما" اولا" العمال الزمان ديك ما ياهم الجماعة الموجودين هسه بناطلين كيف وحلاقات كيف .. يا اما ماسكين ليهم جريدة بيقرو فيها ... ولا بتفرجوا ليهم فى موبايل ..... تقيف بعربيتك تنادى سباك ، كهربائى ، بنــاي زول بجيب خبرك مافى يا حليلكم يا البناين اتخرجوا وهاجرتو
ناس الموية ادونى اتنين عمال عشان يركبو لى الموية سقتهم ومشيت قعدو يحفرو اليوم كلو فى نص الشارع واحد يقول الماسورة الرئيسية هنا والتانى الغالاط يقول لا هنا بعد تعبت اتصلت بواحد مهندس قال ليهم خط الموية بيكون على بعد متر ونص من الحيطة فى الاتجارة الموازى لخط عمدان الكهرباء غايتو يا طارق جبريل شوفو طريقة حسنو خدماتكم شوية اما ناس الكهرباء ديك خليهم ساكت الا تملص ليهم
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عبد الدائم سيد أحمد)
|
أخونا الجميل يوسف سعيد
Quote: الأخ العزيز الفنان الوسيم عماد عويس لك التحيه وشكرا على تلك الصوره وعلى ما أذكر الصوره كانت في بيت ناس عوض أبنعوف بمناسبة نقلهم الى بورسودان تحياتي لك وللأسره الكريمه وإنشاءالله في زيارتي لجنيفا سوف إتصل بك انا مازلت أعمل بالأمم المتحده وحاليا أنا بالإمتداد وسوف أوثق لكم بالصور. صديق حمد2 وعادل عوض لكم مني السلام ويبدوا انو الزهايمر ظهر عليكم اولا الطيب عبدالله زاملنا في الإمتداد1 وأبوه الله يرحمه كان رئيس مجلس الآباء وصلاح محمد الحسن إسمه الصحيح صلاح سيدأحمدقريب لطفي أخي الصغير جدا أبوقصي تحياتي الحاره لك رسل لي صور الشباب الحلوين أو ضع الصور ببجانب البوست عشان أوريهم للحاجه
|
أوكي برسل ليك عبر الميل كمرفق تحايا عظام لك أخي الجميل يوسف وللعيال وكل الأهل
حمدا علي السلامة الشاب اللذيذ عبدالدائم سيد أحمد أنت البيوديك تبني شنو في السو دان ده خليهوا للجماعة ديلك بيعرفوا يلاقوا الأميه حق الموية وحتي حقت الصرف الصحي كمان.
تحايا كميات ومودة
،،،،أبوقصى،،،،
تخريمة
كع بجيك برواقه نصف هلا .............
ود عوض بلال الكوره واطه من زمان بس كع داير يصرجه براهوا!
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
شنو الاخبار المزعجة دي ياريس ؟؟
الف سلامة ليك وانشاءالله شفاء حبيبنا ناصر ..تعودلينا وتعودلينا وكلك عافيه..
يايوسف طه والله اتمني شوفتك حتي نعيد ونستعيد الذكريات الجميلة كنتم نعم الجيران
ونعم الاهل. عليك الله لو جيت جنيفا اتصل بي وياحبذا لو اتصلت قبل ماتجي ..
ومرة تالته دي التلفونات ..البيت 0041712458648 ..الموبايل00414004853
ولكل الاحبة الاحتفاظ بهذه الارقام والدعوة للكل اكون سعيد...
ياحليل اخوي الكاشف كانت لنا ايام صولات وجولات لكن دي الدنيا !!مادوامة
بدر يعني عرفت نفسك كان تابو ماعارف !!!
وينك يابكور انا حاسي بيك بتضحك لمن تبكي والله مازالت الاصوات في اذني ...لكن
بجيب ليك صورة تحتار فيهالي واحد صحبك !!!!
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عماد شمت)
|
شفت يابكور صحبك ابو كراع بكشف كيف ؟؟ طبعا توبس بحرض فيهو عشان يكشف حاله
كانت ايام سعيده ويوم جميل وليلة من ذات الليالي زواج شقيقي الاكبر في القاهرة صيف 1986
واجمل مافي هذه الحفلة هذا الجمع من ابناء جيرتي بالامتداد ..خالد السعودي
الفاضل, كمال توبس ومحمد قسم الله وحافظ المحار وعثمان بت ون..
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
تمنياتنا بالشفاء العاجل للاخ ناصر جبريل
وانشاء الله اجر وعافية وماتشوف شر باذن الله
* الحبيب بكري الخليفة مشتاقين شنو يعني كتاباتك شويه كده جيب من جوه
خلاص الشعر انتهي ياحليل ايام زمان .
* الاخ يوسف سعيد التحايا العطره لك ولاسرتك , الاخ صديق حكي لي عن تشرفكم الكريم له في زواج اخته
وانشاء الله نحنا كمان نسعد بشوفتك .
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: نسرين جمال)
|
الأخ العزيز يوسف سعيد تحياتي واشواقي .... يا يوسف سعيد الطيب عبد الله درس في الأمتداد (3) المتوسطة دي أنا متأكد منها وإذا كان نحن عندنا الزهايمر أنت تكون المكنة صلبة عديل كدة .. وبعدين صلاح أبوه ما أسمه سيد أحمد دي برضو متأكد منها.. سمعت قبل كدة حلفاوي اسمه سيد أحمد والله (يطرشنا) لكن محمد الحسن حقت صديق حمدتو ممكن وهي جائز مع الكراهة عند الحلفاويين. تحياتي لكم والأسرة الكريمة
عادل عوض بلال
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عادل عوض بلال)
|
رخيصةٌ فيك أشلائي إذا انتثرت وما تفحّم في النيران من بَدني
رخيصةٌ فيك آلامي وهل شُغُلي إلا بذكرك بين الطعن والثَخَنِ
ودمعُ بنتي رخيصٌ واعتلال أبي وشوقُ أمّي في عبْراتها الهُتُنِ
رخيصة فيك لوعاتي ومسكنتي وغربتي في فراق الأهل والسكنِ
رخيصةٌ فيك أيام الوصال وما للنفس فيهن من حُسْنٍ ومن حَسَنِ
رخيصة فيك أحلامٌ مدبّجة .... طارت رؤاها على طيفٍ من الوسنِ
رخيصةٌ هذه الدنيا وزخرفها ... ولو ملكتُ بها عرشَ ابن ذي يزنِ !!!!
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
عبدالدائم حمدلله علي السلامه .. يامرحبا يا مرحبا
Quote: ناس الامتداد يا حلوين ازيكم ما خليت شارع فى الاجازة دى وما دخلتو بامارة التكسى الاصفر الواقف قدام بيت ناس عبدالله كع |
بالله لسه التاكسي الاصفر واقف جم البيت .. معناها الولد ميه ميه يدك العافيه يا مان طمانتا عليه .. بالرغم من اني كلمته الوالد انسي الشغلة حقت التكاسي دي لانهاما بتجيب همها وصدقني يا عبدو ناس ابوي ديل في وادي والدنيا في وادي تاني هم لسه واقعين البيجو الكلام الزي ده والعالم في الهمر والBM والانفنتي .. عموما طمانته عليه خالص . تسلم ياغالي مسئول من الخير الشارع الجم بيتنا لسه غبارو قايم ولا سفلتو ؟
Quote: والغريبة محطة سبعة اتغيرت تماما |
انت عارف يامان نفس الموقف حقك ده حصل لي .. الغريبه اتلمو كميه بتاعت جماعه ما ناقشين اي حاجه طلعو فارت سقتهم معاي البيت واشتغلت الشغلة كلها انا وبعد ده كلو قالو دارين كم كدا ماعرف ..والله شالين جولات اخر صيحه وقشرات في السلك يا حبا
Quote: ناس الموية ادونى اتنين عمال عشان يركبو لى الموية سقتهم ومشيت قعدو يحفرو اليوم كلو فى نص الشارع واحد يقول الماسورة الرئيسية هنا والتانى الغالاط يقول لا هنا |
شوفته الفليم ده بي اجازتك كلها
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عبدالله كع)
|
حمد لله على سلامة الاخ ناصر جبريل
واجر وعافية
عماد شمت
والله لكن كشف الفاضل عينة لكن زول قديم خالص
ما عندك صور لبنقورى وعبدة التوم.
يازول الهادى شهرزاد حكايتة حكاية طبعا كان ساكن اخر مرة بالامتداد بمربع (1)
بيت ناس حمبية وبدر الدين عوض ورحل امدرمان والكورولا الحمراء قلبها تاكسى
ونسى التصوير الفتوغرافى وقلب تصوير وصفى (م............صة)
ماشاء الله اولادة كبروا وابنتة اصبحت دكتورة ايام جميلة لاتنسى
شكرا يا كع على كل هذا الالق
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
ابو قصي والله لقيتك ..........
معليش امبارح قطعنافيك انا والمرة وقلته ليها ياخي مجدي ده غير اخبار الموت ما قعد يجيب لينا حاجه .
لكن لقيتك 100% يا مان
Quote: الليلة حنة الوجية يسري حسن خليل |
اللييييييييييييييييييييييييييييييييييييييلة ( ماالبخوفو بيها الشفع )
الف مبروك للاخ الصديق الرهيب ابو الياء حبيبي .. وعقبال الشباب كلهم..
ـــــــــــــ فيصل هليل مبروك عقبال العقاب
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
صادق دعواتنا وتمنياتنا بعاجل الشفاء لاخونا ناصر جبريل وانشاء الله اجر وعافية
تعرف يا عادل صاحبك يوسف ده عنده حالة الزهايمر مستعصية ياخ في زول ينسى ليهو 23 زميل في الفصل !!!
وبعدين يا يوسف عادل عوض ما قرأ معانا في امتداد (1) صاح ؟؟؟ يعني حا يكون قابل الطيب عبد الله وين غير في الامتداد المتوسطة!!!! غايتو يا يوسف ده الزهايمر عديل كده !!!!
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: Nagi Ahmed)
|
الريس طارق جبريل ناس الامتداد الطيبين سلام واشواق ومحبة نسال الله الرحمة والمغفرة لكل عزيز انتقل الى رحاب الله ونساله تعالى ان يلهم الهم وزويهم الصبر وحسن العزاء ولحبيبنا ناصر جبريل الف سلامة واجر وعافية ولنا عودة اذا امد الله فى الاجال فى الواجهة
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: راشد جبريل)
|
الهم ارحم عم بشير العمدة واسكنة فسيح جناتك
هو مثل والدى وكبيرنا وكبير الحى الجعلى الاصيل
صاحب الروح الشبابية ونصير الشباب والصغير قبل
الكبير وصاحب النكتة والمرح لك الرحمة ولكل الاهل
بشندى والاخوان بدر الدين وسيف الدين وصلاح ونجم الدين
وسعد والاسرة وكل سكان الامتداد ومربع (1) بالتحديد
لان الفقيد من اوائل سكان الامتداد وانطفئت شمعة
وتكأت احدى ركائز الحى
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
Quote: الغالي Magdi لك مني التحيه ولأسرتكم الكريمه. أخي الغالي بدرالدين يعقوب كيفك وكيف الأسره وبعدين يابدر الصوره الخاتيها أخد تها متين والله عيني بارده أنت لسع شباب مازي بعض أخوانا ومعاويه جعفر أخباره شنو. عادل عوض وصديق حمدتو أنا إعترفت بالزهايمر ولكن الخبر الجديد أسامه محمد فضل الله إتصل بي وقال أنا عايز أناسب عمو صديق وهويغريكم السلام الإمتداد بخير والمطعم الشوفتو صورتو هو مطعم في مربع 1 أستديو سمعه سابقا سلامي للجميع.
|
رسالة أخونا يوسف سعيد علي محمد طه
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
الرحمه والمغفره للعم بشير العمده خاص العزاء للاخوان بدرالدين وسيف
* الرحمه والمغفره لوالدة الاخوان عذالدين وعلي جنينه
انا لله وانا اليه راجعون
* العزيز يوسف سعيد يديك العافيه والله الكبر حصل بس الحمد لله علي نعمة الصحه والعافيه
الصورة من حوالي اسبوعين بس بتاع الاستديو عمل ليها حبة رتوش وشال الشخبطه وغبار الدهر
بس ياحبيب لسه الدهن في العتاقي .
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: امير عوض الجمري)
|
الاخوة ابناء وبنات القبيلة
صباحكم نور وزهور وابق وروائح عطور
عينى عليكم بارده مالكم سحروركم ولا شنو؟
بالله كل صباح تحصنوا من اهل الكلام المباح
وواصلوا عافاكم الكريم ونحن متابعين
عزائنا لكل من فقد عزيز لديه والعزاء للاسرة
الامتدادية جمعاء
تحياتـــــــى
ســــــــــيد
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: سيد محمد احمد سيدنا)
|
ياســــــــيد سيدنا وإمتداد لمحبتنا عظيم التقدير لحضورك الذين يزين مربعاتنا
وفي كل ملماتنا تجئ بك قدم الحضور سباقه كل أفراحنا وأتراحنا لك مني سيدي
فائق المودة وكامل الأمتنان .
ولكل المتفردين تقدير وأحترام وإن شاء الله متلمين في حضرة النبي الكريم محمد صلي الله علية وسلم
>
بهذة الأسماء الحٌسني ربي أحفظنا.
،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
الغالى مجدى عبد الرحيم فضل
Quote:
ياســــــــيد سيدنا وإمتداد لمحبتنا عظيم التقدير لحضورك الذين يزين مربعاتنا
وفي كل ملماتنا تجئ بك قدم الحضور سباقه كل أفراحنا وأتراحنا لك مني سيدي
فائق المودة وكامل الأمتنان .
ولكل المتفردين تقدير وأحترام وإن شاء الله متلمين في حضرة النبي الكريم محمد صلي الله علية وسلم
|
دائما تهزمنا بابداعاتك واخلاقك الرفيعة وحثك الامتدادى الكبير
لك التحية يا جميل .
تحياتــــــى
ســـــــــيد
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بابكر التوم)
|
جاك ياقبرو,,,,,,,,,,,بدون تعليق!!!!!!
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
انا مستعجل لكن بحكي ليك قصة تكل العجلة بره !!!!
كان في فنان جايبنوا من مدني بغني في مربع واحدوكنا انا وعادل سيداحمد
وفجأ في واحد قدم الفنان ,,,والان مع الفنان حسون واغنية تكل العجلة بره
انا وعادل في لحظة واحده قلنا الله حسون بقي يغني ,,الليلة ,,,,حسون طبعا اخوة
الله يطراهم بالخير ,,,
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
أبو قصي تحياتي الصورة دي يا مجدي أسمها "تشاهد غدا" لمن البت تتخرج من السوربون إنشاء الله (طالعة لأبوها)
مليون مبروك يا بكري الخليفة وعقبال الشمعة المية عاد يا بكري الخليفة ما في اي طريقة للزوغان والولد ده طالع ليك يعني طالع ليك !! لو طبقا لمدرسة التحليل النفسي وللا المدرسة السلوكية (يعني مهما كان الاختلاف بين وفرويد و واطسون إنت الوحيد الحايتلاقوا ويتفقوا فيك - دنيا عجيبة !! ) ما عارف ليه يا بكري من الصباح متذكر عمك جبارة سواق بص الحلة الجديدة القال "خطفت البص شمال" !!!
صادق التعازي للأخوان منصور وعلي وعز الدين وجميع أفراد الأسرة في وفاة فقيدة الامتداد ومربعي 4 و8 الخالة "فاطمة بت عثمان" ونسأل المولى عز وجل أن يسكنها فسيح جناته ويلهم أبنائها وأهلها وجيرانها ومعارفها الصبر وحسن العزاء
كما ننقل التعازي للأخوان السر وعبد الله "الخميني" وعبدالمنعم في فاة والدهم وعميد أسرتهم العم "محمد الحسن" ونسأل المولى عز وجل أن يسكنه فسيح جناته ويلهم أبنائه وأهله وجيرانه ومعارفه الصبر وحسن العزاء
وإنا لله وإنا إليه راجعون
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عماد شمت)
|
نسال الله الرحمة والمغفرة للحاجة فاطمة ونذكركم بالاخ عثمان الظريف المهاجر فى اليونان منذ سنوات بعيدة وقد التقيته فى السودان الاجازة الفاتت فله التعازى اضافة الى الاخوان منصور وعلى وعزو واحر التعازى الى الاخوان السر وعبد الله وعبد المنعم لوفاة العم الراحل محمد الحسن انا لله وانا اليه راجعون والتعازى الحارة لصديقنا جهبوز واخوانه فى وفاة الوالدة انا لله وانا اليه راجعون
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عامر تيتاوى)
|
مليوووون مبروك يابكرى وعقبال الشمعة ال 100 Quote: يا بكري الخليفة ما في اي طريقة للزوغان والولد ده طالع ليك يعني طالع ليك !! |
ابصم بالعشرة ياصديقوف Quote: يعني ابوه كان مقصر عشان احمد يكون ذي امير الجمري |
اثنى يابدر الدين Quote: ما عارف ليه يا بكري من الصباح متذكر عمك جبارة سواق بص الحلة الجديدة القال "خطفت البص شمال" !!!
|
ده الكان ماشى بسرعة عشرة ياصديق ماشاء الله يابكرى احمد بشبهك شديد ربنا يحفظوا ويغتيهو
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: Ashraf El Bagir)
|
التعازي للأخوان السر وصديقي عبدالله الخميني وعبدالمنعم في وفاة الوالد محمد الحسن
اللهم اغفر له وأرحمه
وعافه واعف عنه.. واكرم نزله ..
ووسع مدخله.. واغسله بالماء والثلج والبرد..
ونقه من الذنوب والخطايا كما ينقى الثوب الأبيض..
اللهم جازه بالحسنات إحسانا.. وبالسيئات عفواً وغفرانا..
اللهم أنزل على قبره الضياء والنور.. والفسحة والفرح والسرور..
اللهم أنزل عليه بردا وسلاما..
اللهم انقله برحمتك من ضيق اللحود والقبور..
إلى سعة الدور والقصور.. في سدر مخضود..
وطلح منضود.. وظل ممدود.. وماء مسكوب..
وفاكهة كثيرة.. لا مقطوعة ولا ممنوعة.. وفرش مرفوعة ..
اللهم لا تحرمنا اجره ولا تفتنا بعده واغفر لنا وله ....
اللهم اجعل قبره روضة من رياض الجنة ..
اللهم بيض وجهه.. ويمّن كتابه.. ويسر حسابه..
وليّن ترابه.. وطيب ثراه.. وثبته على الصراط..
اللهم اجعله يمر على الصراط كالبرق الخاطف..
اللهم اظله تحت ظل عرشك..
يوم لاظل إلاّ ظلك ولا باقٍ إلاّ وجهك..
ولا تحرمه النظر إلى وجهك الكريم.. والشوق إلى لقائك..
اللهم احشره تحت لواء نبيك محمد صلى الله عليه وسلم..
واسقه من يده الشريفة الطاهرة.. شربة هنيئة مريئة..
لايظمأ بعدها أبدا.. وبلغه شفاعة الحبيب المصطفى..
اللهم اجعل القرآن العظيم شفيعا له في قبره..
وشاهدا له في الآخرة.. وحجة له يا رب العالمين..
اللهم اجعله من السبعين ألفا الذين يدخلون الجنة بغير حساب..
اللهم اسكنه في الفردوس الأعلى من الجنة مع نبينا
و حبيبنا محمد صلى الله عليه وسلم..
اللهم اسكنه في قصورها.. واسقه من أنهارها.. وأطعمه من ثمارها..
اللهم اخرجه من ذنوبه كيوم ولدتها أمه.. واعتق رقبته من النار..
اللهم اقض عنه كل دين..
اللهم أبدله دارا خيرا من داره ..
وصحبا خير من صحبه .. ..
واجعل له من بعده صدقة جارية .. وعلم ينتفع به ..
واجمعنا به في الفردوس الأعلى من الجنة ..
برحمتك يا أرحم الراحمين ..
يا أرحم الراحمين .. يا أرحم الراحمين ..
وصلى الله وسلم على سيدنا محمد خاتم النبيين والمرسلين
،،،،أبوقصى،،،،
| |
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: سلام ياناس الامتداد ياحلوين ياجماعة امبارح احمد كمل سنه طبعا احتفلت بيهو من علي البعد المشكله طالع لي عمو اميرالجمري طبعا دي امير فاهمه كويس الغالي احمد خضر مشتاقين والله |
يا سلااااااااااام يا بكور .. كل سنة واحمد وامه وانت بالف خير وعقبال تطفو شمعتو الميتين (طبعا سارة بتحصل لكن انت صعبة عليك شوية)
ربنا يحفظو ويحفظكم يا بكور يا حلو .
Quote: انا قصدي ان طالع حنين زي امير الجمري |
حنيّن يا بكور !!!!! (وطيب المشكلة شنو)!!
| |
|
|
|
|
|
|
|