محمد عثمان .. يديك لحدي مايرضيك .. الكلام لسيد عبد العزيز وهاك القصيدة لحدي مايجيك الدكتور ... بس دي تصوير مبالغة لعادة الزواج الكانت في الوقت داك يعني هسه لو كنا الله يرمه عايش وشاف جنس البيحصل ده يكتب فيهو مُعلقة .
ياغصون الروض الآمالك ** النسيم الجاك من شمالك ولا صوت القمري الحنين قمــرية قالـت للتــانيـة مـالـك ** إنتي لسه في عز جمالك ولسه حملك في ضهور جمالك ** ونائمة فوق الخدر الأمين قاتليها أقسم ياأختــي خايفـه ** من زماني ومافيه شايفـه إلا قُلتَ أخيــر أبقـــى عايفـــه ** عوني شرفي ونعم المعين قاتليها شوفي الزهرة في نداها ** زابلة عابسة أصفرت يداها هـل هي كانت كده في بداها ** وكيف مصيرها إن طالوا السنين أسـمحيلي ياأختي ذاهـبـه ** سوي خدرك دير وأبقي راهبه طال ما أنها عاداتنا راهبه ** ومين مفكـر في موتهــا ميـن قطعن كلامن شافـن بـلابل ** مـروا دخلوا الروض المقابل غنـوا قالـوا حليـل بنت بابل ** فيهـــا لينــا الشفــا والأنيـــن قالـــوا جمعــاً كــان لينـا نيه ** في الــزواج والعيشـة الهنيه قبــل مابينـــا تحــــــل المنية ** إلا شفنـــا الشــــوف اليقيــن عـادات تهــدم أمتـــن بنية ** خـــــربت بيــوتاً كــانت غنية طلبـات لرضــوة أم البنيـة ** وتــاني طلبــات قول ليَّ وين الف حاجة بحجـاتٍ قويـــة ** عايزة حزمة ورزمة وشوية عايزة دايماً أيـــام ســــويه ** وإلا زينــــك قلبــــوا شـيـــن إلا واحدا قال لي رفـاقتـه ** الزول بيعمــل على قدر طاقته عطال زواجنا قوية علاقته ** ونحــن لـــســــه متغـفـليـــــن ما المعـطـله أنفسنـا ديــه ** إلا بعـض أمــالنــا الرديــة غايتـو قـصدنا تنزل هدية ** الحــــــواري للعالـمــيـــــن يابن عمي يالصدرو راحب ** داير ألومك ومالمت صاحب أنت تعـترف تكرم تراحـــب ** ولسه جاهل الحياة أنت وين عِدّ وشوف البِتصرُفه ليله ** حَسِبُه بكــره تقـــول ياحـليـلـه وإنت لســـه ماليــك حليله ** أبقى راجــع العـقــل الرزيـــن فتَّ عشرين شن تاني حارس ** شوف روحك قبل الكوارث لولاه ماكان بقــى حد وارث ** لولاه كنـت تقـول إبن مين بالـــزواج الديــن إكـتـمــل ** لولاه ماكان عامـل عـمـل لولاه ماكان خلق الأمــــل ** ليـهــو حق في نفوسنا دين يا أبناء أمي هيا هِـموا مَرة ** حاربوا وهـم العادة أستمرَ أقبلوهــا دي حقيقـــة مُرة ** والأمرَ الــــــدا الـدفــيــــن
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة