|
|
 Re: أقبل الليل...(عثمان حسين) (Re: محمد عثمان)
|
محمد عثمان
الزول النغم
كيفنك ياخ وان شاء الله طيب وسعيد
طولنا ما لاقيناك ولا نالنا الحبور من تالاك
عثمان حسين
تعرف يا محمد انا دائما قاعد اقول واغالط واشاكل كمان
فى انه ابو عفان ده هو تانى اتنين فى غار التلحين فى غنانا السودانى البديع
الأول طبعا هو عبد الكريم كرومة، عبقرى التلحين فى الدنيا كلها
تخيل باله زول فى أقل من عقدين من الزمن بس لحن الروائع البغنو فيها الناس لى هسه ولى بكره
زول توفى وعمره 37 سنة، فى عبقرية اكتر من كده
والتانى بعده مباشرة هو عثمان حسين
كما وكيفا
زول يلحن قصائد زى "فى محراب النيل" للتجانى، و "أنا والنجم والمساء" و "لا تسلها" و "شجن" و "قصتنا" و أنتى لى" وباقى ابداعات بازرعة، و"الفراش الحائر" بتاعة قرشى محمد حسن، و "نابك ايه" بتاعة صلاح احمد محمد صالح
ده زول عادى عليك الله ؟
أنا سمعت حسين بازرعة انه الشى الشداه وجذبه لعثمان حسين هو تلحينه وغناه للقصائد، زى "غرد الفجر فهيا يا حبيبى" وعرف انه امام زول ما عادى بكل المقاييس
الأغنية دى طبعا يا محمد معروفة بإسم "اللقاء الأول" برضه
ابو عفان زى ما هو مؤدى طروب حتى ثمالة الطرب وصاحب صوت متفرد، هو برضه كمان ملحن عبقرى ومتميز
بمناسبة الأغنية دى يا محمد
بالله مش حرام تغيب آلة القانون من موسيقتنا؟
بس عمك مصطفى كامل كتر الله خيره وتولاه برحمته فات من هنا
واختفى الحضور الحلو بتاع القانون من اغنياتنا
نكهة وحلاوة وتميز اغنيات الخمسينات والستينات جزء كبير منها برجع لقانون مصطفى كامل وبيكلو موسى محمد ابراهيم
شكرا ليك يا زول يا سمح
|
|
 
|
|
|
|
|
| |
أبوذر بابكر
فيس بوك
تويتر
انستقرام
يوتيوب
بنتيريست