مُشكلة حقيقية : زواج الأبناء والبنات .. في بلاد الشتات !

Quote: محمد الزبير محموداعتقد انك فهمت كلامي غلط. انا ما قلت نرمي اهلنا ولا نوديهم دار العجزه. البر بالوالدين و رعايتهم شئ لا يختلف عليه اتنين و انا و اخواني جميعا نتناوب في رعاية والدي المريض. انا قصدت انه الاسره السودانيه ما بتفكر تلم قرش لليوم البيتقاعدوا فيه و بيصرفوا قروشهم عمرهم كله اعتمادا انا اولادهم ديل ضمان اجتماعي و مادي ليهم. ايوه مفروض نصرف علي اهالينا لكن اهالينا مقروض يفكروا في بكره. لمن الولد يجي يتزوج الاهل بيخافوا انه المصروف يتقطع و عشان كده بتكون في مشاكل يتزوج منه و عاوزينه يتزوج واحده تناسبهم هم و يضفروها عشان ما تحميه يديهم. انا شخصيا لن انظر لابني انه استثمار لي او ضمان مادي. و حاخليه يتزوج البتتاسبه هو مش البتناسبني انا. و انا لو ولدي بعدين زوجته منعته يبرني او يساعدني حالوم نفسي لاني فشلت في تربيته. عاطف مكاوي البوست جميل و ولدك مكاوي ذكرتي لمن كنت في سنه. برضه اتذكرت لمن دادي جاء شاف السكن الجامعي و بدون ما يكلمني اجر لي شقه بره الجامعه. ربنا يوفق مكاوي.