|
Re: ازمة دارفور التي ارضعت كلاب لهب (Re: علاء الدين صلاح محمد)
|
سلام يا اساسي .. لا تتعجب يا اخي. انا ببساطة لا اتفق مع مقدماتك التي سردتها بتاعة انو الناشطين سافين و هم سبب أزمة دارفور .. الخ لذلك من الطبيعي ان لا يسرني تراشق لفظي وقوالات بينهم. من يخطئ في أي معسكر واي مكان يجب ان يحاسب .. وفي العمل العام يجب ان يفضح على الملأ .. لكن الفضح على الملأ ما بيكون بالشكل و الهرجي فتختلط القوالة بالحقيقة و الواقعة بالظن. في كل الذي كتب كان كلام مكي و هشام عثمان متوازن ( رغم انو هشام زاتو قرص على عبد المجيد ) لكن دون اتهامات. وقائع محدده ظاهرة تبرئ ساحتيهما. العندو عليها اعتراض يجي بذات المنطق يكتب و يفند. لكن اللعلعه تؤدي لانو كلهم كعبين و كلهم مستهبلين و هديل دقو الطار لبعض زي ما انت قلت. فيا سيدي بما انو انا مقتنع انو دارفور فيها قضية وانو الناشطين ديل حتى لو اختلفت مع بعضهم فيها لكنهم بيعملو العليهم وما يستطيعون لخدمة القضية دي ما حاقبل دق الطار ده منهم. عشان كده نصحت انهم يحلو قوالاتم بيناتم. اذا عندهم جرائم ماسكنها على زول بالجد يجو يقولوها. وكلامي ده ما عنهم براهم. باكر لو الشيوعيين اتشاكلو في اختيار السكرتير العام وجو يدقو الطار لبعض كده برضو حاقول ليهم امشو المركز العام اتفاهمو ما تجو تتشاكلو فوق راسنا ( في المنابر العامة )
الحصل ده يا اساسي جزء لا يتجزأ من مشاكل السودان السياسية .. ما ممكن نختلف لأننا ما بندور بعض .. احنا لازم مختلفين عشان انت خــاين و عمـيل و ماسوني و بتاكل بقدونس. ودي كارثة كبرى.
|
|
|
|
|
|
|
العنوان |
الكاتب |
Date |
ازمة دارفور التي ارضعت كلاب لهب | اساسي | 05-03-12, 02:25 PM |
Re: ازمة دارفور التي ارضعت كلاب لهب | اساسي | 05-03-12, 02:27 PM |
Re: ازمة دارفور التي ارضعت كلاب لهب | بشير أحمد | 05-03-12, 03:46 PM |
Re: ازمة دارفور التي ارضعت كلاب لهب | هيثم طه | 05-03-12, 04:14 PM |
Re: ازمة دارفور التي ارضعت كلاب لهب | Elmuiz Haggaz | 05-03-12, 04:42 PM |
Re: ازمة دارفور التي ارضعت كلاب لهب | Mohamed Suleiman | 05-03-12, 05:40 PM |
Re: ازمة دارفور التي ارضعت كلاب لهب | علاء الدين صلاح محمد | 05-03-12, 05:57 PM |
Re: ازمة دارفور التي ارضعت كلاب لهب | حمور زيادة | 05-04-12, 02:23 AM |
Re: ازمة دارفور التي ارضعت كلاب لهب | Tragie Mustafa | 05-04-12, 02:35 AM |
Re: ازمة دارفور التي ارضعت كلاب لهب | النذير حجازي | 05-04-12, 08:28 AM |
Re: ازمة دارفور التي ارضعت كلاب لهب | الرفاعي عبدالعاطي حجر | 05-04-12, 08:37 AM |
Re: ازمة دارفور التي ارضعت كلاب لهب | اساسي | 05-04-12, 02:51 PM |
|
|
|