|
Re: ياريس .. بخصوص هشام هباني !! (Re: العوض المسلمي)
|
مداخلة الاخت راوية في بوست اعتذار امين
___-------------------------
غايتو ياناس البورد خوتكم خوة جريوات _________________________ سيناريو محتمل بناء على تجربة شخصية
في سنة من السنوات كنت آدمن في سودانيزاونلاين آدمن دي ياجماعة بتديك صلاحيات أكتر من العضوية العادية (ستيتمنت) ..منها مثلا حذف بوست وتغيير باصوورد ووقف حساب من ضمن الصلاحيات تعديل المداخلات ممكن ببساطة تعدل مداخلة شخص آخر لكن وللحق بكري من أول التحذيرات بيقول ليك ماتعدل أي مداخلة لاي شخص ومهما كان السبب: على حسب البوست الاتفتح الصباح والكابتشر واضح إنه هشام هباني عدل في مداخلة عبدالمنعم .. ودا تحليل على حسب فهمي المتواضع: (1) لهشام هباني صلاحية آدمن...ماتنخلعوا لما كنت آدمن قربت تجيني الدهشة من الادمنز التانين الماممكن إنك تتخيلهم في موقع زي دا (2) هشام وبالخاصية المتفردة بتاعة الادمن عدل في مداخلة عبدالمنعم... - مستعجل كان- .. (3) حاجتين ممكن تثبت الكلام دا الاولى زول واحد مرة قصدوهو في خدمة قريبة من كدا قال قولته المشهورة (رودا مردة هي رودا مردة) والتانية هشام هباني شخصيا يوضح سبب ظهور إسمه في تعديل مداخلة شخص آخر.ماعدا ذلك وأعني به ما إزدحم به البوست الاخر من تكهنات وتبريرات لاتعدو ان تكون فتاوى شخصية يؤجروا عليها وغير ملزمة. (4) من الليلة ولي قدام عبدالمنعم ماهيظهر تاني دورو إنتهى..إتحرق..سيد اللبن مابيحب المشاكل أو أي سبب أخر. (5) أمينو إنت ليه الناس دي شايلة منك قدر دا... الغريبة كل من دخل البوست دا امن على غلطك من غير مايتعب نفسه لايجاد سبب منطقي لتعديل هشام عند عبد المنعم . (6) رأي شخصي أقيف براك لو متأكد إنك صاح سبب إحترامي شخصيا ليك و..إعجابي إنك حقاني ..حتى لو موضوعك مابوافق عليهو ولا بيعجبني ولا ممكن أقيف معاهو لكن بكون متأكدة إنك عندك سبب وجيه لدفاعك عن وجهة نظرك. (7) لزوار البوست والمشاركين مامهم إعتذار أمين وإنسحابه من إتهام زميله وبس المهم أيضا وبالاوي Hisham's integrity والا بماذا تبرر وجود إسم شخص في مداخلة شخص آخر....
-------------- أمينو بالله لابد أن تنظر بعين الرضا و الاعتبار لمداخلتي لانني خصيتك بالمداخلة اليومية الوحيدة في بوستك بالرغم من إني محوشاهم لبوست السكري لغاية ما أفضى ليهو (عدل بواسطة Rawia on 27-04-2012, 06:38 AM)
|
|
|
|
|
|
|
العنوان |
الكاتب |
Date |
ياريس .. بخصوص هشام هباني !! | العوض المسلمي | 04-27-12, 12:13 PM |
Re: ياريس .. بخصوص هشام هباني !! | العوض المسلمي | 04-27-12, 12:17 PM |
Re: ياريس .. بخصوص هشام هباني !! | العوض المسلمي | 04-27-12, 12:26 PM |
Re: ياريس .. بخصوص هشام هباني !! | العوض المسلمي | 04-27-12, 12:33 PM |
Re: ياريس .. بخصوص هشام هباني !! | العوض المسلمي | 04-27-12, 12:37 PM |
Re: ياريس .. بخصوص هشام هباني !! | العوض المسلمي | 04-27-12, 12:46 PM |
Re: ياريس .. بخصوص هشام هباني !! | Ahmed musa | 04-27-12, 12:31 PM |
Re: ياريس .. بخصوص هشام هباني !! | العوض المسلمي | 04-27-12, 01:01 PM |
Re: ياريس .. بخصوص هشام هباني !! | أسامة البلال | 04-27-12, 01:22 PM |
Re: ياريس .. بخصوص هشام هباني !! | ABUHUSSEIN | 04-27-12, 01:26 PM |
Re: ياريس .. بخصوص هشام هباني !! | ABUHUSSEIN | 04-27-12, 01:50 PM |
Re: ياريس .. بخصوص هشام هباني !! | محمد قرشي عباس | 04-27-12, 02:38 PM |
Re: ياريس .. بخصوص هشام هباني !! | بكرى ابوبكر | 04-27-12, 03:20 PM |
|
|
|