|
|
 Re: أغنية لمحمد إبراهيم نقد - لشاعر الشعب الدكتور محجوب شريف (Re: محمد حيدر المشرف)
|
أخي محمد حيدر المشرف
شكرا لهذه المداخلة الرقيقة
تجاني .. نقد ..وردي وحميد ..تكالبت الأحزان علينا لكن وقفة الشعب بكل الوان طيفه قد خفف عنا وعثاء الفقد وعناء الرحيل
وطن حدادي مدادي
قد شفناهو يتقسم
ذبائح وإنت تتبسم
لديك الخضرة تتفحم
وتصبح في الأيادي عصي
وأوتاداً بلا خيمة
وصحراءً بلا غيمة
ذلك وطن المكروه (فكرهتموه) ، أما الوطن الذي بالبال
سلاماً يا وطن بحلم
أشوفك يا وطن آمن
حر وسعيد ومتفتح
محل ما يمشي إنسانك
عزيز النفس مطامن
ومتضامن
والخير الظاهر والكامن
في الأيدي جميعاً قدامن
تعيش إنت ونموت نحن
لكي يا غالي ما يكبر جنانا
تحت شرا المحنة
جرحنا إذا بفرهد فيك
حنمشي علي البجرحنا
وحزننا لو يضوي سماكا
هو الحزن البفرحنا
ودمنا لما يسقي ثراكا
ينزل من جوانحنا
وإن راحتنا ما ترتاح
نقول إنشاءالله ما ارتحنا
تضيع أيامنا بس ما تضيع
ملامحك من ملامحنا
بنرجع ليك توصينا
ونسمع ليك تحدثنا
ولو علّينا صوتنا عليك
يا والدنا سامحنا
|
|
  
|
|
|
|
عاطف عبدالله
فيس بوك
تويتر
انستقرام
يوتيوب
بنتيريست