كنت شاهدا على مظاهرات جامعة السودان اليوم ..

Quote: السادة المتهمين اود ان اعبر لكم عن عميق إعتذاري لاتهامكم بدماء هذا الهدهد حسب ظني في انه الان يخوض ساحات الوغى يجندل الاعادي ويضرب بسيفه يمنة ويسرة ، فاذا بي افأجا بان الهدهد مشى يسجل ارض للعيال حسب إفادة عمنا ود الموج. الهدهد الذي كنا ننتظر منه خبراً عظيماً اتى لنا بخبر قمع تظاهرة جامعة السودان . بالله عليك ما بتخجل ولا بتختشي شغال تحمس في الطار ليحارب لك اولاد الناس الدرجة تانية وتالتة والمهمشين وانت تسجل في الاراضي؟ ما بتخجل وانت بتقرا تصريحات الطيب مصطفى بان حزبه لم يرسل مجاهدين لاستعادة هجليج؟ الداير يحارب منو؟ كدي تاني النسمعك تجيب سيرة جهاد وحرب؟ انت ما كنت في الخرطوم في زول قرعك من هجليج؟ حمد الله على سلامة السفر وحمدً لله اكثر على سلامة تولا من الهلاك بالله عليك مافي زول لاقاك وسألك انت بتدعو الناس للحرب وانت هدا في الخرطوم مالك ما مشيت؟ اعذرني فان لهجتي القاسية هي بقدر خيبة املي فيك اذ كنت اعتقد انك من القليلين الصادقين الذين اذا قالو فعلو وان تغبير قدميك في سبيل الله والوطن هو عندك اغلى من الدنيا ومافيها. دا انت طلعت اي كلام ياراجل لازال الامل معقوداً عليك وسوف تستعيد مكانتك عندنا وتثبت سوء ظننا بعد ان نراك في الصفوف الامامية مع اولاد الذوات التمانية اذ لانرضى لك ان تكون كالقواعد من النساء ولا نرضي لك ان تكون ممن قال فيهم تعالى "وإذا أنزلت سورة أن آمنوا بالله وجاهدوا مع رسوله استأذنك أولو الطول منهم وقالوا ذرنا نكن مع القاعدين ،رضوا بأن يكونوا مع الخوالف وطبع على قلوبهم فهم لا يفقهون، لكِنِ الرَّسُولُ وَالَّذِينَ آمَنُوا مَعَهُ جَاهَدُوا بِأَمْوَالِهِمْ وَأَنْفُسِهِمْ وَأُولَئِكَ لَهُمُ الْخَيْرَاتُ وَأُولَئِكَ هُمُ الْمُفْلِحُونَ. صدق الله العظيم اسوي ليك شنو بعد كدة؟ كلام عامة ساهي وقلتو ليك ، كلام ربنا وقلتو ليك، ما فضل لي الا اجي اشيلك واجرك جر على الجهاد