المسيريةيستنفرون(7000) مجاهد لمناصرة القوات المسلحة

Quote: نعم هذا ما تم فعلا و القوة جاهزة فعلا و تحت امرة القوات المسلحة و بتتشكل من جميع مناطق المسيرية و كل خشوم بيوت المسيرية مشاركة في اعداد هولاء المجاهدين . و اقول للاخوان كبر و محمود الدقم .... نحن اليوم و امس بنقاتل لان الابقار المنهوبة ابقارنا و الاروح التي ازهقت ارواحنا و النساء اللائي ترملن نساءنا و الابناء الذين يتموا ابنائنا و اليوم الفينا ده بهائمنا كسن من البحر و بشربن طملة و العشب حق الله ده ما شبعانات فوقه ... في حين هنالك مسارات اخري في نعمة .... عشان كدة نحن بنقاتل و ما داير اقول ليكم الجمرة بتحرق الواطيها .... لاننا بنؤمن بأن قضايا المسيرية وحدة واحدة ..... لكن كلامكم بخليني اتسأل ... يعني البحصل لينا ده اتو ما هاميكم والله شنوا ..... و الهجوم ده لو كان في مناطق اخري من مناطق المسيرية كان بتكون مواقفكم هي نفس المواقف ..... غايتو نحن ترابنا بنموت دونه ......و لن تثنينا اي قوة في الارض عن التنازل عن اراضينا و للذين يقولون إن لنا مصالح مع الجنوب .... نعم قد تكون المراعي الجيدة مصلحة ولكن بعد انفصال الجنوب مراعينا بتكفينا و لنا كم سنة بهائمنا ما دخلت الجنوب لانه و بعد اتفاقية السلام دخولنا للجنوب كان بكلفنا الكثير من اتاوات لضباط الحركة و نهب و سلب من المواطنين و قتل و ترويع من الجيش الشعبي ..... بل زادوا من ذلك بأن فرضوا علينا ان ندخل جنوب السودان بدون اسلحتنا .... هل يمكن ان نقبل هذا و الله العظيم من يوم ما وعينا في هذه الدنيا ما اشترينا علف لبهايمنا بقروش .... الا بعد اتفاقية الشؤم هذه جنقي بقوا ببيعوا لينا القش بيع ( القش هنى الله ده باعوه لينا بيع ) في فصل لا يستطيع المسيري تدبير امور معاشه نقدا لبعد الاسواق و التجار في فصل الصيف لا يستطيعون الوصول للرعاة ... لذا حتي لو اراد المسيري بيع جزء من بهائمه لا يجد من يشتري ..... و كمان لما امتنعنا او توقفنا عن الدخول للجنوب بقت بهايمنا تشرب من الدوانكي هل تصدقوا هذا لينا كم سنة بقرنا بتشرب من الدوانكي كميه هائلة و بهايم كبار يني بقر و قليل من الابل كم بتكلف الراعي ... اول كنا بنخلي البهايم الصغار تصيف في الحلة و تشرب من الدونكي و لا تكلف الكثير اما البهايم الكبار و الله تكلفة فوق طاقة الناس .... ده كله و تقولوا نحن لينا مصالح مع الجنوب و ما بنحارب بالوكالة ..... اي زول شايف انه بحارب بالوكالة ما يحارب و يلزم بيته و لا مانع من ان يمنع اهله ..... اما نحن بنحارب و بنحث اهلنا للحرب و الموت دفاعا عن مراعينا و اراضينا و اعراضنا ..... و الرهيفة التنقد........ ادم العمار