الأخ الباقر: السلام عليكم غايتو أنا بستغرب في محاولاتكم المستمية لتجميل وجه حكومة الجنوب القبيح وفي محاولاتكم المستمية لتلصيق الجنوبيين فينا بأي طريقة والله البكا القاعدين تبكوهو إنتو ديل الجنوبيين ذاتهم ما قاعدين يبكوهو والأسف المتأسفنو إنتو ديل الجنوبيين ما شغالين بيهو الشغلة يعني الجنوب ده معنا مجهجهنا ينفصل مننا يجننا ياخ خلوا البكاء على الأطلال القاعدين تسووا فيهو ده وانتبهوا لوطنكم وشوفوا مشاكل الشمال شئنا أم أبينا رضينا أم سخطنا الجنوب أصبح دولة مستقلة لها علمها وعملتها وتمثيلها في الأمم المتحدة الجنوب ذهب ولن يعود مرة أخرى وما سمعنا في يوم من الأيام دولتين انفصلوا رجعوا تاني أمسك جمهوريات الاتحاد السوفيتي واتحاد يوغوسلافيا وأمسك تشيكسلوفاكيا وأمسك الكوريتين والكنقو كنشاسا والكنقو برازفيل والهند وباكستان ثم باكستان وبنغلاديش!!! مافي أي دولتين انفصلوا بإرادة شعبيهم أو سياسييهم رجعوا تاني
Quote: ولم يطرد الجنوب شماليا واحدا
كيف لم يطرد الجنوب شماليا واحدا؟؟ كلامك ده مجافي للحقيقة وليس يصح في الأذهان شيء إذا احتاج النهار إلى دليل الجنوب من بعد نيفاشا بيطرد ويسجن ويقتل وينهب ممتلكات الشماليين وأمسك الفيديو ده فيهو 1000 أسرة شمالية طردها الجنوبيون 1000 دي أضربها في 5 بس = 5000 شمالي
زيادة على كده الجنوبيون طردوا قبائل الأنقسنا اللي هم حاربوا معاهم وأقرب لهم إثنيا .. فلا تحاولوا تجميل وجه الجنوب القبيح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد جلال عبدالله
فيس بوك
تويتر
انستقرام
يوتيوب
بنتيريست