شيوعيين سودانيزاونلاين - اجتماع غير عاجل

Quote: خدر وبقية الرفاق أنا من من شدة ما واقفة مع خيار الطناش دا من زمان لما كاتبي المفضل بقى مصطفى محمود وخاستا لمن يكتب التجاهل التجاهل التجاهل لانو فعلا في مجهودات بتهدر في البورد دا الحزب محتاج ليها فعلا وقبل كدا قلت الكلام دا لبكري علوم القاعد دا لكن برضو مرة مرة بجي بلقاه متور نفسه في معارك لا مقامو لا بتشبهو وزملاء كتيرين انا والله مستكتراهم ومستكترة وقتهم على الرد على ترهات فاضية والحزب دا لما يجي الجد بيقدر يرد علي المقرضين بافعاله والحزب دا هو ما بس الكم عضو الفي منبر بكري ديل عشان كدا انا بناشد كل الزملاء الشيوعيين في منبر بكري دا يرفعوا راية الطنيش وما ينجروا للعوارات دي صحي مرات الزول بيتغاظ وبينفعل فرجاءا ما تكتبوا وانتا منفعلين حصلت علي مرة وندمت عليها وما ناوية اكررها. اذا الزميل رئيس الاجتماع اداني فرصة تانية ممكن اناشد زملاء واصدقاء بأسماهم دون ذكر الاسماء وطبعا هم عارفين روحهم انهم ما يتعاملوا برد الفعل ويحاولوا يكونوا دقيقين في نقل الاخبار ويبعدوا عن الشخصي ولو بدأ به الاخرون.