مخطط أمريكى لتقسيم السودان ومصر ودول المنطقة الى دويلات (فيديو بالكوم)

Quote: ومن هم النوبة يا منان، ان لم يكونو هم ذات من وصمتهم بالعروبيين؟ انتا بتفترض من يسمون بالنوبة ما عروبيين او ده ما حاصل! من هو مؤسس حزب البعث، بي فهمك طبعا، او هل محي الدين صابر مثلا شايقي؟ العروبيين ياهم ذات نوبتك يا منان، واذا ده حاصل، فصل من يسمون بالنوبيين عن بقية السودان اطلاقا ما حل، وانما كارثة بحق، لهؤلاء النوبيين تحديدا، قبل بقية السودانيين، يا للعجب! اذن واضح يا منان، او دون قصد انتا تعبر عن وعي قبلي للاسف، بتفترض فيهو، انو الجعل والشواقية هم العرب، او بقية الجلابة نوبيين، او بالتالي ما عرب! مفهوم عربي او غير عربي، في المنطقة الممتدة بين دنقلا او حلفا، صيغة او وعاء، يعبر عن مكنون، او فهم قبلي محض! لانو ناس المنطقة دي، مواهيم عروبة بذات قدر وهم عروبة ال العباس. مع الاخذ في الاعتبار، كيف وهم العروبة، لدي الجلابة بعامة، في الاساس مرتبط، بي مفهوم "عبد" او "حر"، حقيقة! لانو من يسمون بالنوبيين، تاففم بكل ما اتصل بافريقيا والافارقة اي "العبيد" في وعيهم كمان اظرط واضل سبيل من استعلاء ال العباس! الموضوع واضح انو متشعب او مركب حقيقة. ولكن منان ومن حيث لايدري، للاسف يعيد تكريس هذا الاستقطاب القبلي في المنطقة، ما بين "العرب" و "النوبة"، في استدعاء واضح لذاكرة الصراع، التاريخي في المنطقة، بغض النظر عن واقع المسميات هذه اليوم.