بوست حول الحزب الليبرالي السوداني، تاريخ تأسيسه، ومعرفة أعضائه بالمنبر

Quote: سلام يا ود البصير، يا ود البصير شايفك بترمي في الناس باتهامات بالباطل، وبالمناسبة فهمك للديمقراطية خاطيء هل الديمقراطية هي اتهام الناس بالباطل؟! اتهام الناس بالباطل جريمة يا ود البصير وبعدين عبد العزيز نفى ليك ألف مرة إنو ما متعاطف مع الحكومة ليه إنت بتحاول تتهمو بالباطل؟! أنا في تقديري ورأيي الشخصي أي زول بقول هو ما كوز يعني إنو ما كوز ومافي داعي رمى الناس بالتهم جزافاً، وبعدين إنت عامل فيها منصح لعادل عبد العاطي أتأمرون الناس بالبر وتنسون أنفسكم؟! ياخي مادام إنك بتنصح الناس هسا اتهامك لعبد العزيز دا بصب في مصلحة المعارضة أم في مصلحة الحكومة؟! عبد العزيز متعاطف مع الحزب الليبرالي الديمقراطي بدل تشجعو ينتمي لحزب معارض ترميه جزافاً بالكوزنة؟! ما لك كيف تحكم يا ود البصير؟! وبعدين يا ود البصير إنت موش اتهمت عبد العزيز براهو، إنت اتهمت معظم رواد هذا البوست بالكوزنة ومن ضمنهم أنا صاحب البوست، أرجو أن تحاسب على كلمات يا ود البصير، والله ح تبقى لينا في البورد دا أصعب من صلاح جادات ونحن ما ناقصين نفرين وكفانا جادات . تحياتي