العمل العام السوداني بين التسييس و البخل : المركز السوداني بشيكاغو

Quote: Quote: انا لم ولن اسع ان اكون مع الكيزان يوما واحدا في هذه الدار المتهالكة ولم ولن ادخلها حتي لثانية واحدة. ولكن انا اسع لجسم ديمقراطي يسع جميع السودانين ويخدم الجميع وبالجميع وللجميع. ده الكلام النجيض يا أبو حميد عشان كده أنا كنت من أول البوست ده كنت بطالبك تقول رأيك بوضوح و لو أنك قلت هذا الكلام من الأول كنا خلصنا و انتهينا لأنه زي ما بقول المثل بتاع عربنا فوق : ما في عوة بعد الطلاق . يا أخي ما دام ده رأيك ( شنو المساككة) و الإتهامات و الشوشرة على الناس . إنت عاوز تعمل مركز يضم الجالية : خير و بركة و نحن ذاتنا معاك . أما الجماعة بتاعين الدار ديل خليهم لله و ال أف بي أي . متعب نفسك في شنو ؟؟؟؟؟؟؟؟ !!!!!!!!!!!!!!!!!!! طبعا بعد الكلام ده سؤالك بتاع عبد العظيم الصديق لم يعد له معنى و لكن حتي لا تقول أنني هربت من الإجابة و حتى تجد ما تكوته إليك أجابتي ( كرم شديد ) أنا لم اسمع بهذا الاسم إلا من خلال بوست دينق و لا أعرف صلته بالدار و سمعت عن موضوع محاولة لجمع التبرعات و لست متأكدا فأن كان لديك تفاصيل اتمنى أن نسمعها منك هنا و بالمرة تقول لينا : هل الموضوع كان مبادرة شخصية من عبد العظيم الصديق ؟ أم مبادرة من أحد الأعضاء طلب منه المساعدة في جمع هذه التبرعات ؟ أم أن الأمر مخطط و متفق عليه من قبل مجموعة المركز ككل ؟ لأن الأمر سيكون له تفسير مختلف في كل حالة. كما بالمرة أرجو أن تعرف لنا هل عبد العظيم الصديق ده مدان لأنه كوز ؟ أو لعلاقته بالنظام في السودان ؟ أم لأسباب أخرى ؟؟؟؟ أحمد إنت شايف أنا كريم معك كيف أي سؤال طوالي تلقى الإجابة فهل نطمع منك هذه المرة أن تفيدنا فيما استفهمنا حوله منك .