العمل العام السوداني بين التسييس و البخل : المركز السوداني بشيكاغو

Quote: العزيز الرشيد : Quote: انتا شهاداتك الكتيرة دي Quote: يا صاحب الشهادات Quote: شهاداتك الكثيرة Quote: صاحب الشهادات. يا أخي شايف موضوع الشهادات ده ( وجعك ) شديد ( شوف كم كوت فوق) لا حولا يا زول . كفارة يا حبيب و هون عليك . الجامعات هنا بالكوم و تقدر تعمل بدل الشهادة ألف و تقدر تتفشخر بيهم في أي مكان . شوف الإنصرافية لمن تتحكم في زول بتوصله لي وين ؟ أنا ذكرت موضوع الشهادات دي لأرد على مداخلتك دي Quote: كلمة أخيرة اخ اسامة او نصيحة افهم الكلام البتكتب او البتقال قبل الرد عليه حتي لا تضيع زمنك وزمن المعنين بالرد عليه فانت خلال المداخلتين الأخيرتين لفيت ودورت في حاجة ما عندها يعني إنت بتتهمني أنه أنا ما بفهم الكلام البكتب أو البتقال . ردي عليك إنه أنا بفهم بزيادة لأنه ده تخصصي . المشكلة و ين ؟ و الوجعة دي من شنو؟ يا شافي يا معافي و ما تشوف شر أخونا الرشيد . Quote: يكون بقيام جمعية عمومية وهل هذا يحتاج الي مشورة!!!!!!!!!! إذا كان هذا لا يحتاج لمشورة فلماذا كان الإتفاق أن نلتقى و نتحدث و لماذا وعدتني أن تتصل بي قبل الساعة 8 ذات مساء للتنسيق حول هذا اللقاء ثم زغت ؟؟؟!!!!!!!! Quote: بالنسبة الي الحلول التي قدمت ارجع الي المداخلة السابقة عشان تعرف برغم شهاداتك الكثيرة دي ما بتقرأ الكلام قبل ما ترد ، كل عمل او منظمة لها قوانين تحكمها وكتبت لك فتش عنها (راجع القانون المنظم لعمل المنظمات غير الربحية) دي أسي ما لواكت كلام منك ،الشغلة ما سوق ملجة يا صاحب الشهادات. و إنت يا دكتور وقت بتعرف كل ده ما بتعرف إنه حل لجنة المؤسسين يعني أيضا إلغاء رخصة المركز تلقائيا ؟؟؟ يعني الجماعة ديل يلغوا رخصة المركز و عليه تتوقف الأنشطة ثم ننتظر حتى شهر يوليو لنجتمع ( و الله أعلم نتفق و لا لا ) حول قيام المركز و تتحول المسألة من تجديد ترخيص إلي إجراءات جديدة ( هذا إن اتفقنا ) يا سلام يا عمك شنو العبقرية دي و بعدين ناس المركز مساكييييين لدرجة يقبلوا بالكلام ده ؟؟!! ده اسمعه تعجيز . الاتفاق يعني أن يتنازل كل طرف و يلتقى الجميع في منتصف الطريق . لماذا لا تقوم الجمعية العمومية و تجهز للدورة الجديدة بانتخاب لجنة تنفيذية تتضمن رئيس و نائب رئيس و سكرتير و تستمر الأمور . Quote: اما مصارحتك برفضك ورفضهم لحل المؤسسين واللجان قبل الجمعية العمومية اشعرني بالخجل لك ولهم امام القراء الذين يقرؤون فهذا من أبجديات العمل الجماعي. اتمنى بعد أن شرحت ماذا يعنى إلغاء لجنة المؤسسين أن تكون برضو خجلت بس بسبب قصر نظرك . Quote: من هوالجادي ومن الذي تغمره الحماسة في اول الطريق ويصل نصف الطريق ويحاول الرجوع فيجد الطريق مقفول ويبقي عليه كلام الفنان اللحو ( لا وصلتا ليك لا الرجعة تاني عرفتها) يا الرشيد يا أخوي ما تنبسط ساكت و تفتكر إنه أنا وقفت في نص الطريق . كل الحصل إنه أنا عرفت أنه طريقي هو ليس طريقكم . أنا طريقي أضفاء المؤسسية على عمل الدار و جعلها بالكل و للكل و ألا تكون مركز لأي نشاط لا يكون في مصلحة الناس هنا و لا يضر الشعب السوداني هناك . أما طريقكم أنتم فهو طريق ثأرات شخصية و وهم بتاع فوبيا كيزان تتوهمونهم و هدفكم أن تثبتوا إنتصاركم على فلان و علان و هذا ليس بطريقي . Quote: انتا بقيت تخاف ولا شنو اكبر يا الرشيد يا أخوي زولك ده حده التكويت و حتى إن لم يكن هذه حده فيشوف ناسه اللي بخوفهم . أنا من أطالبه هنا إن كان يعرف أي نشاط يقام في الدار يدعم النظام في الخرطوم أو يعلم عن أي شخص كان أو ما زال يعمل بجهاز الأمن قتل أو عذب أي فرد من الشعب السوداني أن يبلغ السلطات الأمريكية و إن لم يستطع فليمدني أنا شخصيا بأية دليل على ذلك و سوف أبلغ السلطات هنا . أما إن كان لا يستطيع هذا أو ذلك و الأمر لا يعدو أن يكون فوبيا كيزان و دون كيشوتية و مقاتلة طواحين هواء فنرجو منه السكوت حتى لا يصاب الناس بالشلل و يفقدون القدرة على الحركة الجماعية بسبب أوهام لا أساس لها . Quote: من اين لك بان هذه المطالب تعجيزية !!!!!!!!!!!! وسلملي علي قارئ الفنجان عرفت بواسطة حاجة اسمها common sense بعيد عنك . و ده حتى ناس الملجات عندهم .