الى الذين تسللوا الى جامعة فاس المغربية -نداء عاجل

Quote: الاخ الكريم عمر و الاخوه و الاخوات خريجي المغرب الحبيب السلام عليكم و رحمة الله و بركاته طبعا دي فرصه جميله جدا انو الواحد يلتقي بالزملاء و الاصحاب القدامي و فرصه لاحياء الذكريات و استعادة الماضي الجميل .في البدايه احب اعترف باني غير متمكن من الكتابه بلغه جميله و كلمات منمقه كالاخوان الادباء مختار و سيف و زمراوي و حتكون كتابتي بالعاميه و عشان كده محتاجه للتركيز في القرايه . حابتدي في شريط الذكريات بالاخ العزيز مصطفي عبد الرحمن و ذكرني ليهو مختار عندما مر بالمكتبه التي كان يشتري منها مصطفي الجريده و في الحقيقه الاخ مصطفي لم يكن يشتري الجرايد فهو انسان محب للقراءه و مدمن لتحليل الاخبار و التطورات السياسيه و نسبة لانه كان طالب و ليس في الامكان ان يشتري كل المجلات و كل الجرايد فكان يقوم من الصباح بجوله علي المكتبات و ياخذ كل جريده و يقيف يقراء فيها موضوع و يختها و يفتح مجله و يقراء فيها مقال ثم يذهب الي المكتبه الثانيه و يفعل نفس الشئ و بعد جوله كبيره يكون قراء كل الجرايد و المجلات الصادره في اليوم داك و طبعا انا ضحكت ضحك شديد في اليوم الوراني فيهو الطريقه دي و مش كده و بس فالاخ مصطفي ربنا يطراه بالخير كان سميع درجه اولي للاخبار و بالمناسبه دي هو راجل مثقف جدا و ملم بكل الاخبار خاصة السياسيه و الرياضيه بالرغم من كرشه المميزه فقد كان ناقدا رياضيا من الدرجه الاولي .و اتذكر انه الاخ مصطفي كان امنيته الوحيده من ناحية العمل ان يصبح رئيس حزب و ما عارف ليه ما مشي في الطريق ده و الله العظيم كان سيكون زعيما ناجحا و هو من جد ذو شخصيه قياديه من الدرجه الاولي و هسع ما فات شئ خليهو يعمل حزب واعتقد في كوادر كبيره و كتيره مؤهلين لدعمه يللا يا ابو درش انت وين و رايك شنو ؟تحياتي و لك كل الاحترام و الود و الشوق الكثير يا جماعه في زول شاف لي معتصم فضل و كمال ميرغني قريب ده ......؟؟؟؟ ******* حمدي داؤود