|
|
 نداء عاجل جدا الى كل البرالمة والجوديين بالمنبر
|
اها يا اخوانا قالوا ناس فزعة واهل نجده عشان كدا رحبنا بيكم في المنبر وانشاء الله تكونوا قدرا ودي واثق منها , شايف المنبر عجاجتو قامت وسفاريقو وعكاكيزو وكمان جابت ليها كواكيب - من كوكاب - خاصة بعد ما رجعت فلانة ديك وكملت امتحاناتا واستفزت ..ولا اقول ليكم بلاش نحكي عشان ما يقولوا منحازين
المهم دايرين فزعتكم عشان تغطصوا ابو اهل بوستات المشاكل المدورة يعني زيادة المداخلات الجادة في بوستات موضوعية واضافة بوستات جديدة والحرص عليها لازم يا شباب الحرص وولا ح تغطص تحت وناسنا ديل رغم انو عجائز لكن في دي في المشاكل دي تحديدا وقصص التار عندهم همة ما عادية عشان كدا اقترح عليكم نظام الوردية نقوم نقسم المية وخمسين عضو جديد ديل بالاضافة لاهل الجودية القدام ونمسك الصفحة الاولى ننضفا كل ما يرفعو واحد نغتطص حجرو
اها يا ناس نادية وزول ساكت وود الباوقة ورانية ووووووو نادو بقية الشباب
عليكم الله ما تخزلونا دفن تقيل للبوستات دي
|
|
 
|
|
|
|
|
|
|
|
Re: نداء عاجل جدا الى كل البرالمة والجوديين بالمنبر (Re: محمد حسن العمدة)
|
الأخ الحبيب محمد حسن العمدة
كلامك دا حلو شديد
| Quote: المهم دايرين فزعتكم عشان تغطصوا ابو اهل بوستات المشاكل المدورة يعني زيادة المداخلات الجادة في بوستات موضوعية |
المشكلة إنو نحن كبرالمة نعرف كيف البوستات الموضوعية من البوستات الما موضوعية
حقو تقترح على كتاب البوستات إنو كل واحد يكتب على البوست حقو موضوعي او غير موضوعي كجزء من عنوان البوست
او
حدد لينا انت البوستات الموضوعية من البوستات الما موضوعية عشان نقوم باللازم
و لك الشكر و خالص الود
| |
|
|
|
|
|
|
|
|
|
Re: نداء عاجل جدا الى كل البرالمة والجوديين بالمنبر (Re: Hafiz Bashir)
|
عمدة ابو العمد انا قولى كان بالجد
قلت عليك أصيل فات كرم ابوك الحد
معاك تنضف بيوت الحب وطن ممتد
ومننا بوست شكلة مابيلقى الرد
ود العمدة العزيز والله لسسسسة ماخلصت الامتحان والاستفزاز مابيأثر فينى لانى حالفة ماادور شكلة فى المنبر الحلو ده لو شنو وشنو !!
بعدين انت يعنى فلانة رسلت ليها ماسنجر ولا سالتها من اخبارها ياكافى البلا ؟!!
زعلااااانة
| |
|
|
|
|
|
|
|
|
|
Re: نداء عاجل جدا الى كل البرالمة والجوديين بالمنبر (Re: نادية عثمان)
|
العزيز ود العمدة
لك التحيه و الاجلال
مرحب بيك عضو قديم بين اخوانك الجداد, و الله نعم الراى و انا معاك نحدده مع الناس ديل للنهايه. 150 قلم متحد ممكن نعمل انقلاب فى المنبر دا , لكن مازى انقلاب ناس فلان ديك انقلاب سلمى و محاكمات تصفويه لتصفيه الانفس من الاحقاد و الرواسب و القازورات, ورائك شنو كمان لو نعمل دوريات كدا و كل يوم 10 و لا 15 من اعضاء الثورة دى اشيلوا اقلامهم و الفوا على البوستات دى و بدل كل كلمه قبيحه نكتب حاجه اجمل و بدل كل صره وش وزعل نرسم ابتسامه.....
و بعد اسبوع و لا اتنين نقيم التجربه لو ما نفعت نعمل انقلاب جد جد زى حق ناس فلان ديك..
و لك التحيه
| |
|
|
|
|
|
|
|
|
 ســــــلام (Re: محمد حسن العمدة)
|
الأخ الحبيب ود العمدة
أفففففو
والله والله
نحنا ناس فزعه وجعه
والعقد بنجيهو
لوري رجال
ولوري عكاكيز
إنت تأمر بس
لك الود
إسماعيل
| |
|
|
|
|
|
|
| |
وليد محمد المبارك
زول ساكت
Hafiz Bashir
عبدالناصر معتصم
Ismaeil H. Mohamed
فيس بوك
تويتر
انستقرام
يوتيوب
بنتيريست