من هو محمد حامد الحمرى ( تبيدى ) الذى نقل مستشارا بسفارة السودان بالدوحة ؟؟؟

Quote: أنا بختلف معاك هنا..البوست ده ما لى شيل حال الناس البوست ده لى فضح تبيدىّ آى..... لفضح تبيدى وأى زول عذب ليه زول. والناس القالو تبيدى عذبهم ما إتبلو عليه.... أنا بعرف عاصم كته( عاصم شريف ) معرفه شخصيه وبثق فى كلامه.. ولو عاصم قال لى تبيدى عذبنى فى كتابى تبيدى عذبه.. لىه ما إختار أى زول تانى؟؟؟ ودى ياها اليد الفى المويه بالجد..يا نجاه.لو كان عندك أخو كتلوه ولا عذبوه... وقضيتى الشهور الطوال ما عارفه مكانو..وكل ما الليل يجن..يا ربى جعان ولا عطشان؟؟؟ يا ربى دقوه بى شنو ...ولا عذبوه كيف الليله؟؟؟ وكل ما الباب يدق بالليل...ح يجيبو ليك خبرو زى على فضل. يقولو ليك مات بالملاريا.. وإنتى تعلمى تماماً إستحاله إثبات تهمه زى دى فى المحاكم فى ظروف السودان الحاليه....!!! والناس ديل جابو ليك القوانين ونصوصها البتحمى ناس الأمن.. صاح البشير إعترف بالتعذيب الآن لكن لسه ما غير القوانين... ولا أعتقد إنه ح يغيرها..لأنه عارف كان غيرها بتجيبو مجرور من ضنبه لحدى القفص .. وما بتبقى عليه لاهاى براها .بتبقى عليه سواة إيده الغلبت أجاويده...!!! لمن تكونى مريتى بتجربه زى دى...أريت عادل كان نبزوه ولا إتهموه فى بورد. كان مشينا إشتكينا وإنتهى الموضوع..ومافى زول بقدر يقول بغم بعد داك...................... وبالمناسبه قريبى إسمه عادل عبد الرحمن المرضي