حيـــَا الـلـه شعــب المـغـرب..!

Quote: المؤسف الا يشارك أي سوداني/سودانية في هذه المنافسة

و نوقشت مشاركتها فى هذا البوست السودانية المشاركة في برنامج عرب ايدول ( فيديو ) ..!!

و الثانى كان ( مناد محمد عبدو) سودانى عايش فى ليبيا، و هذا صوتيا كان افضل حالا ، و لكن برضو اختار الاغنية الغلط
غايتو الجماعة اعجبو بـالـ (عفأه ) حقتو ! مع انى ما عارف هى يعنى شنو



** اعتقد ان النجاح للمتسابق السودانى فى هذا مثل هذة البرنامج سيكون بان يختار اغانى فيها الطابع السودانى و تكون سهلة ، لازم نشدد على ان
تكون سهلة لان الجماعة لسه ما بيعرف الفن السودانى ، فما داعى ندخل ليهم بـ أهل التراث، من يشرح هذة الكلمات (أنا ليهم بجر كلام) ؟

يعنى يا ريت نشوف واحد او واحدة صوتها يستاهل و يتقدم لتجربة الاداء و يقدم أغنية أغدا القالك ، للفنانة ام كلثوم من كلمات الشاعر الهادي آدم ولحن الموسيقار محمد عبدالوهاب

كده ميه ميه ح يكون كسب اللجنة ، و قدم حاجة فيها ريحة السودان ، بعد داك اختيار الاغانى بيخضع لادرة البرنامج و اكيد ح يختارو ليهو او ليها

اغانى مصرية و خليجية و شامية ، هنا بقى لازم يـعتمد على خامة صوتو ، و برضو يحاول يحنك ناس البرنامج يخلهو يغنى اغانى لمحمد منير الاصلا هو

شايلها من وردى ، و الليل الهادى بتاعت شرحبيل اللى تغنى بها محمد فؤاد، بس يبعد عن حاجة كولن كولن اللى تغنى بيها حكيم لانها ما ح تكون مناسبة ابدا

بل و ممكن تتسبب فى طردو شر طرده !

لما الحلقات تسخن شوية ، يقوم يغنى (المامبو السودانى ) ، الاغنية السودانية المحبوبة عربيا هى و كده كده يا ترلا ، الجمهور ح يسخن و يتفاعل معاهو

بس خلاص رسمنا للنجم الجاى طريقو !

كانت لاهل السودان تجارب جميلة ، ولقت الاشادة ، و لعل ابرزها تجربه خالد حسن ضمن فريق شمال افريقيا ويمكن مراجعة البوست

وكان نصرنا خالد! ، تهنئه بحجم وطن، فريق شمال افريقيا يحصد الفــوز!.

و برضو الزوله دى (ما عارف اسمها للاسف ) غنت كويس ، و لقت اشادة فى برنامج فرصة على قناة دبى ، رغم انو كلامها كلو مصرى

و برضو المشكلة دى كانت عند سلمى يوسف (اتكلمت مصرى) و مناد (مفروض اتكلم بلهجة ليبية) و خالد حسن ايضا (كان بيلمس فى اللهجة المصرية)



و اخيرا اهديك و ضيوفك الكرام قبل الأرشفة احدث اغانى فرقة ميامى الكويتية ( المامبو السودانى )