|
|
|
 Re: هل سرق هشام آدم رواية الطواحين لبركة ساكن!! (Re: هيثم طه)
|
الاخوة الكرام
تحية عطرة
موضوع النقد الادبي موضوع جيد لتطور الاداب بشكل عام...وتناول مثل هذه القضايا قضايا السرقات الادبية ولحساسياتها تحتاج الي نقاد يقرأون بنهم ولديهم القدرة علي عقد المقارانات في مواضع كثيرة من الراوية أو الكتاب ويجب ان يتم ذلك لفكرة النقد نفسها وليس التجريح والاساءة,فالقاريء هو الذي سيحكم والمتضرر هو الذي سيطالب بحقه...الفكرة المقدمة الان هي وجه مقاربة بين فقرة او فقرتين من روايتين قد يكون كتابهما اجتمعوا في مزاج كتابتها وفقا لتقاربهم العمري مثلاً او لاي سبب أخر...ولكن بشكل عام السرقة الروائية يمكننا أن نقول أنها يمكن أن تاتي عندما تتم سرقة الخيال او(الفن التصويري) اما المفردة فهي شائعة وليست ملكاً لاحد وبالتالي لايمكن أن تُتم المحاكمة عبرها....وكما أن الكتاب والروائيين لديهم سرقاتهم كذلك إمتد هذا الداء الي الحركة النقدية, ولكن بشكل عام الحركة الروائية تتاثر ببعضها وتستلف من بعضها وكذلك يتم التقدم, وليس من حق احد هنا غير بركة ساكن أن( يتهِم) وعلي الاخرين ابداء ملاحظاتهم (فقط).
مع خالص ودي وتحاياي
مازن
مازن
| |
 
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: Mahmoud Mustafa Mahmoud)
|
نواصل بعد انقطاع لظرف خاصّ
رحمة الله على (عوضية)،وعلى قاتليها من الله ما يستحقون في الدنيا قبل الآخرة..
أخي حبيب نورة دعني أتفق وأختلف معك حول تعقيبك على الاقتباس الأول،والذي رأيت فيه براءة هشام ومشروعية ما قام به،بينما أرى أن البراءة لم تنزل بساحته بعد..
اتفق معك حول كون (الإنداية) مكاناً عاماً متاحاً لكل كاتب أو قاص ليجعله مسرحاً لحكايته وفق ما يريد وما هو بصدده،فهو ليس من ابتكار بركة ساكن ولن يحتكره برواية,,
ولكن موضع الخلاف بيننا في الفرق بين (المشاهدة) و(الملاحظة)..
فوصف المكان (مشاهدة) يغذّي بها الكاتب خيال القاريء ليحمله على (دخول) جوّ الحكي وبالتالي فهم المراد،فهو (يصف) المكان وما فيه ومن فيه والحدث الذي يقع به تماماً كرأي العين،وقد يشترك الناس في ذلك ولا يعاب على أحدهم أن يذكر ما ذكره غيره من تفاصيل موجودة..
ولكن (الملاحظة) غير ذلك،وهي تكمن وراء (المشاهدة) عمقاً..فما ألاحظه أنا في مكان غير ما يلاحظه غيري،وبالتالي هو (ملك) لي..فالإنداية أو الحانة كما سمّاها هشام آدم فيها ما فيها مما يمكن للكاتب أن يلاحظه حسب ماعونه الفكري والتجارب التي في جعبته،ولكن ماذا نقول عند تطابق الملاحظات؟؟
بركة ساكن (يلاحظ) النظام الإداري للمكان ويفصّل فيه تفصيلاً،فيأتي هشام آدم ويترك كل شيء ليلاحظ (نفس) الملاحظة التي سبقه بها بركة!!
هذا إما (قلة) خيال أو سرقة صريحة أو كلاهما معاً..
ثم هل يعقل أن يرسم هشام شخصية (أكيج) على نفس نسق (أداليا دانيال) من رواية الجنقو،حتى يجعل زوجها (ضخماً) تماماً كما وصف بركة ساكن؟؟
ألا يمكن أن يكون نحيلاً مثلاً؟؟
نواصل
| |
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: هشام آدم)
|
Quote: فالإنداية أو الحانة كما سمّاها هشام آدم فيها ما فيها مما يمكن للكاتب أن يلاحظه حسب ماعونه الفكري والتجارب التي في جعبته،ولكن ماذا نقول عند تطابق الملاحظات؟؟
بركة ساكن (يلاحظ) النظام الإداري للمكان ويفصّل فيه تفصيلاً،فيأتي هشام آدم ويترك كل شيء ليلاحظ (نفس) الملاحظة التي سبقه بها بركة!!
هذا إما (قلة) خيال أو سرقة صريحة أو كلاهما معاً.. |
يا الواثق كدي دقيقة خليني اديك ملاحطة فيك
ياخ البشوفك ايام الجامعة في شارع المين و انت كادر اساسي لانصار السنة بجانب محمد زكريا
اصلو ما بصدق انك تبقى مخرج
مُخرج عدييييييييل كدا !!
جبتها كبيرة والله
بقيت تقول انداية و جاكات بالشكل دا بدون ما تلحقه باستغفر الله!!
غايتو انا من زمان بقول للناس ما تركزو مع بنطلون الواثق الزي باب الحمام دا :)
قاعد اقول ليهم الزول دا بجي منو ,, و اهو الحمد لله بقيت سينمائي كمان
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: حسبو عكاشة)
|
وبعد مداخلة الأخ هشام آدم الأخيرة هذه ،، على الأخ الواثق أن يذهب سريعاَ لفتح بوست جديد يعتذر فيه بكل وضوح
للأخ هشام آدم أولا وللسادة الأعضاء والقراء ثانياَ ،، كما ونرجو أن يكون هذا درس له بأن لا يلقى التهم جزافا
هكذا ،، وأن يعطى للأدباء حقهم فإن هشام آدم أديب كامل الدسم .
مع التحية للجميع هنا ،،
ماهر
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: Mahir Mohammed Salih)
|
: ) يا حسبو عكاشة ياخ إنت زول (بجي منّك) والله
...............................................................................
يبدو أن هشام آدم كان أسرع منّي في (لفّ) الحبل على العنق اختياراً : )
يقول في (دردشته) المزعومة مع بركة ساكن:
| Quote: قد تعلم أنني لم أعش في السودان سوى خمس سنوات، هي سنوات الجامعة، وعلاقتي بالثقافة السودانية علاقة ضعيفة جداً. رواية قونقليز مكتوبة بالعربية الفصحى، حتى حواراتها كذلك، والحقيقة أنني اخترت ذلك لأنني لا أجيد استغدام اللغة المحكية في الحوار، وكنت أفكر: ماذا لو أرسلت لك الرواية لتقرأها، ثم تعيد صياغة حواراتها الداخلية باللغة المحلية؟ |
(علاقتي بالثقافة السودانية علاقة ضعيفة جداً)
طيب : من أين لك هذا يا رجل؟؟
كيف بالله عليك تكتب روايةً (سودانيةً) أساساً وأنت لم تعش سوى خمس سنوات في السودان وتتكلم بتفاصيل عن الأنادي وكليات الفنون وتفاصيل الحياة السودانية في المدينة والقرية زاعماً أن هذا كله من بنات أفكارك؟؟
لقد عرف الروائي السوداني المميّز المهاجر (طارق الطيب) بقدرته الفائقة في الكتابة والقصّ ضمن حدود واقع عيشه بالنمسا لفترات طويلة وبلغ في الأمر شأواً من الإجادة،ومع ذلك كان إذا كتب عن السودان جاءت كتابته أضعف وأقلّ جودة وهذا ما لاحظه الراحل الطيب صالح رحمه الله تعالى..
كيف تعبّر عن واقع لم تعشه؟؟
من الممكن طبعاً أن تكتب روايةً (وجوديةً) عن معايشتك الخاصة في الجامعة وما حولها،وهذا ما لم نجده في رواياتك (السودانية) التي تذهب إلى تفاصيل بعيدة.. ليتك كتبت عن حواري السعودية ومدارسها ومساجدها وحلق القرآن وجلسات السودانيين ومطاعمهم وأحاديثهم في الشوق والغربة..
وكيف لروائي (عاجز) عن كتابة حوارات (مناسبة) أن يدرك (الحال) أصلاً؟؟؟؟
كيف تنجح في (بناء) شخصية لا تعرف أساساً كيف تتكلّم وتعبّر وبالتالي تتفاعل وتتصرف وتتحرك؟؟
ألم تكن العرب تقول (تكلّم حتى نعرفك؟)،وكما يقول عيسى الحلو:الزول بكتب كويّس عن المحل البعرفو ..
لقد وفّرت علينا الجهد العظيم في إثبات انتحالاتك (المتعددة) والمتكررة وأنت تصف معرفتك بالثقافة السودانية بالضعيفة..
فهذا الخيال منتحل بلا ريب وهذه المعرفة مدّعاة بلا شك..لقد عرفت السودان من خلال التهام ما يكتبه بركة ساكن على مدونته ومواقع الإنترنت المختلفة وغير بركة ساكن ممّن تفضلوا عليك بهذه التفاصيل الشيقة التي لولاها لما كتبت حرفاً واحداً عن ما لا تعرفه..
أنت يا صديقي لم تحظ بـ(المشاهدة) فضلاً عن (الملاحظة) : )
سؤال للمزح فقط:كيف أدركت بالله عليك معنى كلمة (قونقليز) وأنت (شهادة عربية)؟؟
شكراً على روحك الرياضية على أية حال : )
.....................
وأستغفر الله من كلّ هذا اللغو وأسأل الله أن يتوب على كلّ شارب خمر وصانعها وحاملها والمحمولة إليه
ونواصل
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: حبيب نورة)
|
Quote: (علاقتي بالثقافة السودانية علاقة ضعيفة جداً)
طيب : من أين لك هذا يا رجل؟؟
كيف بالله عليك تكتب روايةً (سودانيةً) أساساً وأنت لم تعش سوى خمس سنوات في السودان وتتكلم بتفاصيل عن الأنادي وكليات الفنون وتفاصيل الحياة السودانية في المدينة والقرية زاعماً أن هذا كله من بنات أفكارك؟؟
لقد عرف الروائي السوداني المميّز المهاجر (طارق الطيب) بقدرته الفائقة في الكتابة والقصّ ضمن حدود واقع عيشه بالنمسا لفترات طويلة وبلغ في الأمر شأواً من الإجادة،ومع ذلك كان إذا كتب عن السودان جاءت كتابته أضعف وأقلّ جودة وهذا ما لاحظه الراحل الطيب صالح رحمه الله تعالى..
كيف تعبّر عن واقع لم تعشه؟؟
من الممكن طبعاً أن تكتب روايةً (وجوديةً) عن معايشتك الخاصة في الجامعة وما حولها،وهذا ما لم نجده في رواياتك (السودانية) التي تذهب إلى تفاصيل بعيدة.. ليتك كتبت عن حواري السعودية ومدارسها ومساجدها وحلق القرآن وجلسات السودانيين ومطاعمهم وأحاديثهم في الشوق والغربة..
وكيف لروائي (عاجز) عن كتابة حوارات (مناسبة) أن يدرك (الحال) أصلاً؟؟؟؟
كيف تنجح في (بناء) شخصية لا تعرف أساساً كيف تتكلّم وتعبّر وبالتالي تتفاعل وتتصرف وتتحرك؟؟
ألم تكن العرب تقول (تكلّم حتى نعرفك؟)،وكما يقول عيسى الحلو:الزول بكتب كويّس عن المحل البعرفو ..
لقد وفّرت علينا الجهد العظيم في إثبات انتحالاتك (المتعددة) والمتكررة وأنت تصف معرفتك بالثقافة السودانية بالضعيفة..
فهذا الخيال منتحل بلا ريب وهذه المعرفة مدّعاة بلا شك..لقد عرفت السودان من خلال التهام ما يكتبه بركة ساكن على مدونته ومواقع الإنترنت المختلفة وغير بركة ساكن ممّن تفضلوا عليك بهذه التفاصيل الشيقة التي لولاها لما كتبت حرفاً واحداً عن ما لا تعرفه..
أنت يا صديقي لم تحظ بـ(المشاهدة) فضلاً عن (الملاحظة) : )
سؤال للمزح فقط:كيف أدركت بالله عليك معنى كلمة (قونقليز) وأنت (شهادة عربية)؟؟
شكراً على روحك الرياضية على أية حال : )
.....................
وأستغفر الله من كلّ هذا اللغو وأسأل الله أن يتوب على كلّ شارب خمر وصانعها وحاملها والمحمولة إليه
|
, Dear Astaz Alwathiq : really won't be rude , but ,, in my opinion ,,this is an utterly off point intervention !!
! and the underscored with blue is just a needless( top up credit ) !!! 1
sorry to say that
stay well
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: هيثم طه)
|
حبيب نورة أسمح لي أقول إنّنا وصلنا (الميس)..
...................
| Quote: ساعدني فقط لأفهم هذا الأمر: كيف تبني نتائج قطعية وحاسمة بناءً على "مزاعم" تؤكدها أنت؟ |
هشام آدم كل ما تقوله (مخبراً) به عن آخرين أو عن وقائع ،هو عندي (مزعوم) حتى يثبت خلاف ذلك لأن كذبك هو (الأصل)..
ولم يثبت عندي أن الطرف الثاني هو بركة ساكن..وحتى لو كان بركة فإنّه لم يكتب شيئاً تفرح به وتطير....
وهذا كلّه لا يهمّ الآن في ظل اعترافك (العجيب) على لسانك (أنت) في المحادثة بأنّك ضعيف في (الثقافة السودانية).. وبالتالي لا يمكن لك أن تصيغ حواراً (محكياً) باللهجة المحلية لأبطال روايتك وتطلب العون من بركة ساكن (الطرف المزعوم)..
بالله عليك كيف زعمت كتابة قصيدة (النخلة) الموغلة في المحلية بمفردات صعبة ومعقدة تفرّد بها حمّيد وأنت عاجز عن كتابة حوار بلهجة أهل الوسط؟؟؟
ثم بعد ذلك ترى في حديثي عن (سقطتك) هذه أنّه اعتراف بأنّك مميّز إذ لك قدرة (خاصّة) في كتابة رواية عن واقع لا علاقة (كافية) لك به : (
ربما نسمع برواية جديدة لك تدور أحداثها في (بنغلاديش) لأنّ الساعي في مكتبكم بالسعودية كان بنغالياً،وأنت بمقدرات (الحواة) المهرة قادر تماماً على سبر الأغوار وصناعة العوالم وبناء الشخصيات رغم ضعف علاقتك بالثقافة البنغالية،ولا مانع من استعانتك بالساعي نفسه لإعادة صياغة الحوارات : (
عرفنا ضعف الحيلة الفنّيّة فيك ونرى الآن ضعف القدرة العقلية : )
أنصحك بالاحتجام في (نقرة) القفا ..
نواصل
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: هشام آدم)
|
يا هشو ياخي أنا عندي ليك إقتراح ... بدل ما كل يوم زول يجيك ناطي انك علفت الرواية الفلانية و سرقت العلانية ... أفتح بوست نزل فيهو رواياتك و كتاباتك كلها و أعمل ليها تصانيف : الروايات من كذا لكذا معلوفات بالكامل و من كذا لكذا علفت الفكرة لكن السيناريو حقي و من كذا لكذا ما معلوفات... و هكذا .... غير كده القصة دي ما بتخلص !!!
| |
|
|
|
|
|
|
|
|
 Re: هل سرق هشام آدم رواية الطواحين لبركة ساكن!! (Re: الواثق الصادق)
|
| Quote: حبيب نورة أسمح لي أقول إنّنا وصلنا (الميس).. |
:) هاهاهاهاهاهاهاها غايتو في دي بالغت يا حبيبنا
وييين الراجل جاب ليه دفوعات تضحض محاولاتك اليائسة لنصب شراكك التكفيرية المغرضة الهدامة :)
ياخ الزول ده قول ليه كافر عدييييل وريّحنا :)
Quote: ربما نسمع برواية جديدة لك تدور أحداثها في (بنغلاديش) لأنّ الساعي في مكتبكم بالسعودية كان بنغالياً،وأنت بمقدرات (الحواة) المهرة قادر تماماً على سبر الأغوار وصناعة العوالم وبناء الشخصيات رغم ضعف علاقتك بالثقافة البنغالية،ولا مانع من استعانتك بالساعي نفسه لإعادة صياغة الحوارات : (
|
يا راجل بعد ( الخاين ) أفتكر نفسو وصل ( دكّا ) حيث الشيخة حسينة وديار البنغال وأفتكرنا إنو الفلم أنتهي
تاني البطل قام فوق وقال ليكم وييييين دي المناظر بس؛ إنتو لسه شفتوا حاجة ؟؟
Quote: هي محاولة إخبارك بأن الصديق عبد العزيز بركة ساكن اطلع على رواية [قونقليز] already ولو كان رأى فيها شيئًا يدعو للريبة لكان أولى منك في اتهامي بسرقة روايته [الطواحين] أو إحدى رواياته الأخرى، ولاتخاذ الإجراء اللازم حيال ذلك؛ فارحم نفسك فإنني أُشفق عليها.
|
النقطة دي بترجعنا للمربع الأول
ولم تزل مطالباً صديقي الواثق بإثبات نسب رواية قونقليز لأبٍ آخر هو بركة ساكن
ويتخيل لي الحامض النووي ما بحلّك مننا :)
كن بخير وأشكرك علي المكالمة اللطيفة
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: هيثم طه)
|
هههههههههههههههههههه
.............................................
بعد هذا كلّه فقد وجب عرضك على طبيب متخصّص ليتأكد من الوضعية الصحيحة لمركز الفهم في دماغك..وهل هو موجود أصلاً أم تحوّل إلى خلايا مساعدة في بؤرة (اللفح) و(العلف)؟؟
يا هشام آدم أنت بشهادة شخصية منك وبمحادثة نقلتها بنفسك وصفت علاقتك بالثقافة السودانية بـ(الضعيفة) جدّاً،فكيف نصدّق أنّك كتبت رواية (سودانية) أو قصيدة (سودانية)؟؟
هل هذه النقطة واضحة لك أم لا؟؟
بركة ساكن صديق عزيز،وأنت (حتى الآن) لم تقابله وجهاً لوجه ،ولو حدث لك هذا فستعلم أيّ لطف يتّصف به هذا الإنسان وعندها لن تستغرب أنّه لم يصارحك بجريمتك وأنت تفلفح شخصياته الواحدة تلو الأخرى من أداليا دانيال إلى الصافية التي حوّلتها إلى (صابر) في رواية أرض الميت،هذا رغم أن (المنقول) لم يثبت أن بركة فرغ من قراءة الرواية وربما كان في صفحة 4 عند محادثتك (المزعومة) له : )
على كلّ أيّها الرجل (الضعيف جدّاً) انصرف لما يشغلك وأرجو أن تضع في أولوياتك محاولة الدراسة والتبحّر والتعمّق في الثقافة السودانية حتى تقدّم نفسك للناس ككاتب سوداني بمنتوج سوداني..وحتى ذلك الحين فإنّ كل ما كتبته لا (تجوز) نسبته إليك : )
جايلك يا حبيب نورة : ))
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: حسبو عكاشة)
|
| Quote: تعبان قدُر دا عشان تثبت لينا انو هشام كافر !! :) |
بالله البوست صفى على كدا يا حسبو!
هو كفر هشام عاوز ليه رتينة!!.
حاولت من البداية أنبه شيخ الواثق عشان ما تاخده حمية العقيدة ويخلط بين الهشامين
لأنو حسب رأيي فيو (شيخ الواثق) زول موضوعي وحقاني، وطالما جاء داخل بلبوس الناقد وترك بنطلونه القصير خارج البوست يبقى ينسى مسألة إلحاد هشام دي
وشايف شيخ عماد برضو بقى ناقد أدبي 
ـــــــــــــــــــــــــــــ
إبراء ذمة: ما لقيت طريقة أتابع البوست كويس لذلك مداخلتي دي بناءاً على تلخيص مصدرنا من أمام البوست (عمك حسبو)
إذاً لو في أي ردم يوجه لمصدرنا
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: Ashraf el-Halabi)
|
الحلبي وحسبو
نوع "الكُفُر" بتاع هشام آدم دا بيجهجه ليك باكات "السفيين"، لأنو ما في طريقها "يكفروهو"، يعني دا كافر "منو فيه"، أها حتقوق ليهو شنو، بعدين داير تثبت ليهو وجود الله من غير ما تستعمل منهج "مادي" كيف، عشان كده أحسن يختوهو.
أما بالنسبة لموضوع البوست، فواضح إنو الموضوع "مستحمي" ليس هناك دليل ولا يحزنون، والبوست انتهى على كده.
والواثق لا حتحلو "نخلة" ولا حيحلو "إلحاد هشام".
الواثق الآن في موقف "من أخذته العزة بالإثم" فلا تتوقعوا منه اعتراف بالخطأ، وإتهام الناس بالباطل، لأنه حتى "لو تبيّن له الحق" ما ممكن يعتذر ليهو لي زول ملحد، لأنو بي بساطة هو ما ممكن يعتبر "الملحد" دا زول من أساسوز
الغريبة أن "علف" هشام في موضوع آخر مثبت في بوست العلف الشهير للدكتور البروف "أمين"، لكن دا ما معناهو إنو هشام عشان "علف هناك" معناها "علف هنا" برضو.
غايتو يا الواثق
واصل "عنادك" وما تعتذر كلو كلو عن اتهامك، وقول ليهم "عنزة حتى ولو طارت"
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: مرتضى احمد عبد القادر)
|
يا دوك
Quote: يا زول القصة دي خلصت وعلي وشك النهاية ببراءة حبيبنا هشام !!
|
الموضوع هنا داير الزول يقرأ الروايتين و يراجعهم قبل ما يحكم ....عشان كده أنا ما علقت لانو مافي إحتمال اقرأ لي رواية كاملة لهشام ... لكن بهناك في (نخلاتي تلقط الحب ) أديناهو البراءة ....
قصص العلايف دي ما بتخلص إلا هشو حبيبنا يفتح بوست يورينا علف شنو و ما علف شنو زي ما اقترحت ليه ... ما عارف الزول ده ما بسمع كلامي ليه !!
Quote: و بعدين يا بروف ورينا انتاجك - علف او غير معلوف !
ياخي انت اسم بوست ساي ما قادر تنتج ! و عالفو من اسم بقالة في امدرمان !!
|
إنت قصيدتي الحديسة بتاعت ( بحيرة البجع) ما عجبتك ولا شنو ؟ بعدين أنا هنا ما بصفتي الأدبية... أنا هنا بصفتي ناشط في حقوق الوهم الهنا ديل ... لو ما أنا هشو كان قال ليكم إنو هو النقط حروف اللغة العربية !!
------------
مورتا يا وهم | Quote: الواثق ما تركب راس اخير تعمل غمران من البوست و يجي أمين نوته يجدع زي مداخلتو الجنلية وعكس مجريات البوست و عماد يشيله و يموت من الضحك مره مرتين كدا والبوست بغطس و القصة بتتنسي |
الواثق علي الأقل قدم حيثيات ... منبر (أبانا الذي في أريزونا قدس الله سرة و سر صلعته الشريفة ) ده غير إتهام الناس بالباطل فيهو شنو ؟ ما سمعنا ليكم صوت لا إنت لا حسبو و لا العاملين لينا فيها حقوق انسان و قلة إحسان ديل... جايين تعملو فيها حقانيين عشان الواثق بقصر بنطلونو ؟!
الأصل هنا (البل بغرض تصفية الحسابات ) ... أنا بجي كل شوية ( ابتز ) هشام لاني بصفي معاه في حسابات شخصية .. أبلو و أذلو و لا يقدر يفتح خشمو ... انتو مشكلتكم مع الواثق شنو ؟
فلنفترض إنو مافي أي حيثيات : الواثق صحي الصباح داير يلفق تهم في هشام لانو ملحد : وين المشكلة ؟! ما ده حاصل كل يوم هنا : الناس تتهم في أخلاقها و سمعتها و في قضايا و كلام محدد جدا بدون دليل و لا بينات و مافي زول بفتح خشمو بالعكس تصرف الألقاب و كلمات الاستحسان من الأصحاب و المعارف و رفقاء الدرب ...
أفهم تماما إنو ياسين حبيبنا و حبيب نورة بدافع عن هشام لانو صحبو ... لكن ما بقدر أفهم انتو بتدافعو عن هشام ليه ؟ أوعي يجيني زول يقول لي من منطلق أخلاقي و كلمة الحق و باقي الحنك ده ... القصص كلها في هذا المنبر نابعه من أشياء شخصية و عليها تبني المواقف ... يبقي إنت و حسبو مفروض تبلو هشام لانو هشام شتمني قبل كده و أنا صاحبكم ... إنت بالذات أنا جبت ليك قميص هدية جيتي قبل الفاتت لمن جيت السودان ...بحق القميص ده ساي مفروض تقيف معاي وقفه أخت الموت كان ما بقت الموت ذاتو !!
-----------
يا الواثق ياخي ... من باب (( رب أخ لك لم (تعلفه) أمك ))... و بصفتي غواصة سلفية زي ما قال قيقا... اسمح لي بالكلمتين ديل بالله : ما عندي شك واحد في الميه إنو هشو علف من بركة ساكن رغم اني ما قريت الروايتين ... أنا أزعم إنو مافي زول علي وجه الأرض مطلع علي علايف هشو قدري ... لكن كمان قصة اثبات سرقة بين روايتين دي صعبة إن لم تكن مستحيلة لانو العالف بغير في كم تفصيله و بعدين بجوك أصحابو ( ناس حبيب نوره ) يقولو ليك : تشابه الفكر و التناص و المدح بما يشبه البل و كلام كبار معظم الرجرجه الهنا ديل ما بفهمو ... بعداك بجوك الناس العندهم قضية معاك إنت في عضمك ( ناس مورتا بتاع القميص و حسبو الصاريها ليك من المين رود و اخرين ) يجوك يتكلمو ليك باسم الأخلاق و عدم إتهام الناس بالباطل و يعملو ليك فيها تلاميذ الامام الشافعي .... عشان كده بوست زي ده ما بتقدر تثبت فيه واحد زيد واحد يساوي عليفتين ... و هشو ده ميسي بتاع العلايف ... ود لعاب و حريف ما بعلف و يخلي اثر بسهولة ....
-----------
يا مورتا أوعك تنكر قصة القميص دي لانو الصور قاعده و الشهود علي قفا من يشيل !!
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: أمين محمد سليمان)
|
Quote: : يا زول القصة دي خلصت وعلي وشك النهاية ببراءة حبيبنا هشام !!
| Quote: الموضوع هنا داير الزول يقرأ الروايتين و يراجعهم قبل ما يحكم ....عشان كده أنا ما علقت لانو مافي إحتمال اقرأ لي رواية كاملة لهشام ... لكن بهناك في (نخلاتي تلقط الحب ) أديناهو البراءة . |
|
يا بروف ياخي امنع الحقارة و الحقد الطبقي والعلمي !
انا كلامي في البراءة تحديدا من تهمة الواثق و حيثياتو - خلصت هنا ! و قال فيها ((وعلفها مع بعض التعديل ليكتب
روايته (قنقليز) ويفوز بجائزة الطيب صالح؟؟)
عليك الله شوف حقارة الواثق ! هو زاتو زيك ! شوفو صاغ الاتهام كيف ؟ قال (مع بعض التعديل! ) يعني ما سرقة جابتر او انما الفكرة كلها
ياخي دي تهمة اجعص وكيل نيابة ما بقدر يصيغها !!
عموما انا بتكلم من ناحية الاتهام (الواثقي) الحالي ! و ليس علي اجماله ! داك موضوع تاني
ما ممكن عزيزنا الواثق يجي يخت تهمة انا امشي اتأكد و اقرا الروايتين ! ليه اصلو ياخ ! بقيت صديق الموج انا !
حتي العلفة لو حاصلة فرضا لكن ما حاصلة بمنطق الواثق الحسع !!!(حسب نظري ) -و دا بالنسبة لي كرئيس لجمعية اصدقاء هشام كفاية جدا حاليا !!
يعني عشان هشام جاب القصيدتين و اخد البراءة بيدو ! لازم نحن نجيب الروايتين و نقعد نقارن عشان
الواثق !!؟؟ هو ما عندو زمن- نحن نجيب الزمن من وين !!
و بعدين ياخي انا ما قصدي تبرئه هشام -انا داير ابل الواثق لانو عندي مشكلة معاهو من الجامعة !!
مشكلة ما عندها اي علاقة بالكساء و الدواء و مشاكل العالم التالت بتاعتكم دي !!
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: Ashraf el-Halabi)
|
يا بروف| Quote: الموضوع هنا داير الزول يقرأ الروايتين و يراجعهم قبل ما يحكم ....عشان كده أنا ما علقت لانو مافي إحتمال اقرأ لي رواية كاملة لهشام |
عامل فيها الود ما فاضي يعني !! :) ياخ انت موش قبل كدامشيت جبته كتابات هشو و فلفلتها كلها و حددته العليفة بتاعتو !! هسة بقي ما عندك احتمال تقرأ لي هشام !!
الواثق جاب مقارنات و طلعت بيش, بدل تقول للواثق شغلك تعبان, تجي تبرر ليه بانو الموضوع محتاج قراءة للروايتين !!
انت وقت صاريها لي هشو لمن بلاك بـ " فيورباخ" , انا مالي بقيف معاك و انت ما جبت لي قميص ذي بتاع مورتا !! :)
--
رسل لاخوك بنطلون و انا بقيف مع الواثق
بس ما يكون بنطلون قصير :)
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: حسبو عكاشة)
|
Quote: يعني عشان هشام جاب القصيدتين و اخد البراءة بيدو ! لازم نحن نجيب الروايتين و نقعد نقارن عشان
الواثق !!؟؟ هو ما عندو زمن- نحن نجيب الزمن من وين !!
|
يا دوك ... أنا مشكلتي مع قراية رواية هشام .. ما مع الزمن ... مشكلتي جدوي قراية الرواية ذاتها ... قلت ليك مافي زول علي وجه الأرض عارف علايف هشام قدري ... إثبات إنو الرواية معلوفة ولا لا صعب جدا إن لم يكن مستحيل و بينت السبب فوق ...
----------
Quote: هيثم طة لعصر الزيوت :)
نوته يا حليلك بقيت تمرق شايل إدانة هشام آدم و تدخل شايل براءتو وبين الدخله والمرقة بتفرفر أهدأ يا خال ما تحرجنا مع الكفار :) |
يا زول ما بهدأ.... و لو سمحت القميص الجبتو ليك أدي لحسبو !!
-----------
| Quote: يا خال لما الناس تترصد هشام بسبب إلحاده دا معناتو إنو حجتو الإلحادية مكربة |
والله يا حلبلب يا ريتني كنت مترصدو لانو ملحد .. علي الأقل الزول يكون مبسوط لانو مترصد ليه زول ابتغاء لوجه الله ... المشكلة إنو أنا مترصدو ابتغاء لوجه نفسي الأمارة بالسوء دي ... الزول ده شتمني و إتحداني أثبت علايفو و هذا ما فعلت !!
-----------
Quote: عامل فيها الود ما فاضي يعني !! :) ياخ انت موش قبل كدامشيت جبته كتابات هشو و فلفلتها كلها و حددته العليفة بتاعتو !! هسة بقي ما عندك احتمال تقرأ لي هشام !!
الواثق جاب مقارنات و طلعت بيش, بدل تقول للواثق شغلك تعبان, تجي تبرر ليه بانو الموضوع محتاج قراءة للروايتين !!
انت وقت صاريها لي هشو لمن بلاك بـ " فيورباخ" , انا مالي بقيف معاك و انت ما جبت لي قميص ذي بتاع مورتا !! :)
|
يا حسبو أخوك دقس في جيبة القميص لمورتا ... والله مورتا لباس ما يستاهل ... عاين ليه ببل فيني كيف ؟!
بعدين يا اخوانا مية مره قلنا إنو أنا مستهدف هشام لاسباب شخصية جدا ما عندها علاقه بالحادو ... كان بينا نقاشات و حوارات في الدين تمت بكل أدب و إحترام ...الزول ده بعداك شتمني و قال لي أثبت إنو علاف و هذا ما فعلت !
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: أمين محمد سليمان)
|
يا جماعة الخير مساء الخير : )
ياخي أنا زول (محظوظ) شديد ومرزّق..
جيت بطموح بسيط عشان أثبت سرقة رواية روايتين،عبارة عبارتين،شخصية شخصيتين،لكن طلعت بحاجة (سمينة) شديد..
هشام آدم بعضمة كي بورده (وصم) علاقته بالثقافة السودانية بالضعيفة جداً..
يعني اعترف إنّو أساساً ما عندو مقدرات يقدم منتوج سوداني،،والاعتراف سيد الأدلّة : ))
وبعد دا بقى إنتاج هشام آدم (السوداني) كله في مهب الريح واللفح مش القونقليز والنخل بس : ))
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: الواثق الصادق)
|
Quote: و بعدين ياخي انا ما قصدي تبرئه هشام -انا داير ابل الواثق لانو عندي مشكلة معاهو من الجامعة !!
مشكلة ما عندها اي علاقة بالكساء و الدواء و مشاكل العالم التالت بتاعتكم دي !! |
يعني القصة بقت بقج غبائن من زمن الجامعة وكده : )
سيطول انتظارك يا رجل : )
سيطول جداً : )
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: أمين محمد سليمان)
|
| Quote: أفهم تماما إنو ياسين حبيبنا و حبيب نورة بدافع عن هشام لانو صحبو ... لكن ما بقدر أفهم انتو بتدافعو عن هشام ليه ؟ أوعي يجيني زول يقول لي من منطلق أخلاقي و كلمة الحق و باقي الحنك ده ... القصص كلها في هذا المنبر نابعه من أشياء شخصية و عليها تبني المواقف ... يبقي إنت و حسبو مفروض تبلو هشام لانو هشام شتمني قبل كده و أنا صاحبكم ... إنت بالذات أنا جبت ليك قميص هدية جيتي قبل الفاتت لمن جيت السودان ...بحق القميص ده ساي مفروض تقيف معاي وقفه أخت الموت كان ما بقت الموت ذاتو !! |
كااااااااااااااااك هي تاريها فيها قمصان ؟ :) طيب جميل شديد الواحد يقوم يعلف من المولد ده في الزيارة القادمة :)
| Quote: لكن كمان قصة اثبات سرقة بين روايتين دي صعبة إن لم تكن مستحيلة لانو العالف بغير في كم تفصيله و بعدين بجوك أصحابو ( ناس حبيب نوره ) يقولو ليك : تشابه الفكر و التناص و المدح بما يشبه البل و كلام كبار معظم الرجرجه الهنا ديل ما بفهمو |
والله القصة دي ما صعبة شديد
لكن الواثق حججو واهية وضعيفة وممحوقة أكتر من بنطلونو أيام المين روود :)
والأدهي والأمر تهافت الغالبية العظمي علي مائدة البوست برغم أنها لا تتسع
كثرة الأيادي هنا ما دليل بركة نهائي :)
لم تزل يا هشام بريئاً
فيما أكد مصدر موثوق بأن الواثق يجهز في بوست الإعتذار ممهوراً بالتوبة يا حبوبة :)
| |
|
|
|
|
|
|
|
|
|
Re: هل سرق هشام آدم رواية الطواحين لبركة ساكن!! (Re: Ashraf el-Halabi)
|
يا أشرف الحلبي ياخ إنت زول حقّاني : )
الحمد لله ما فتلت كتير في حبل حسبو المقطوع دا..
| Quote: تعبان قدُر دا عشان تثبت لينا انو هشام كافر !! :) |
يا راجل : ))
ما تعمل رايح يا حسبو ياخ..
هو إثبات كفر هشام آدم دا داير ليهو بوست؟؟
بعدين الأنكر منو ذاتو عشان نثبت ليهو العكس؟؟
كبّر دماغك وأرفع بصرك من أطراف البناطلين شويه : )
| |
|
|
|
|
|
|
| |
هيثم طه
Mahmoud Mustafa Mahmoud
هشام آدم
حسبو عكاشة
حبيب نورة
أمين محمد سليمان
Ashraf el-Halabi
الصادق اسماعيل
مرتضى احمد عبد القادر
فيس بوك
تويتر
انستقرام
يوتيوب
بنتيريست