|
Re: محمد عثماننا من ثقافة يسمى فيها الرجل ابو آمنة! (Re: قيقراوي)
|
بـل النساء حرام شرعا لان في البل اظهار لمفاتن المرأة أما إن كانت المرأة تقدمية فقد جوز بعض الفقهاء البل مع الكراهة في حين رأى بعض فقهاء السلف أنه مستحب لأن المرأة التقدمية قد اختارت مع سبق الاصرار والترصد المروق للربا والتلاف وبهذا أشير لـ اللي ما عارف أنني تاخرية لما متخلفة لذلك أدخل في حتة الحرمة دي بجدارة تاني أنا صينية غدا ما بجيبها في بيت البكا ده أصلي..
الهجمة والهجمة المرتدة الفوق ديل تدعوان للتفكر والتبسم الكورة فيها أصلها ما أنثى... !!
أخوي محمد الشيخ..لقيت تراب في العصير؟؟
| |
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
قيقراوي الموت ما فيه فرز فكري ولا سياسي ولا جندري ، في الموت تذكرة وعبرة لذلك يتجرد في حضرة جلاله الانسان من جندريته ويصبح كائن منتهى إلى الفناء. الفرز ده موجود أصلا من سنة حفروا البحر وشواهده بينة زي عين الشمس. كدا جر ليك دفاتر أي راجل واجرد حساب الاعتذارات في حياته كلها (بدون الدخول في النوايا) وفكر في النتيجة ! وعشان دايما العبرة بالعمل خليك ماسك في كلامك: ليس الطريق لمن سبق، الطريق لمن "سلك" وصدق .. انت أمشي والله يسهل عليك..
| |
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
Quote: الفرز ده موجود أصلا من سنة حفروا البحر وشواهده بينة زي عين الشمس. كدا جر ليك دفاتر أي راجل واجرد حساب الاعتذارات في حياته كلها (بدون الدخول في النوايا) وفكر في النتيجة
|
وماشين بعيد ليه!؟
خذيني انا دا كمثال .. (ما ح ابل لي زول جديد .. كفاية!)
انا دا اكتر زول اعتذر في منبركم المبتلى بالبل دا!! غلطان ول ما غلطان قاعد اعتذر .. وخذي مثال اعلاه .. ما عاوز اتعبك كمان!
ممكن تنورينا انا اعتذرت ليك عشان غلطت في شنو!؟
راجعت البوست .. ولقيت النتيجة (عشان ولا حاجة!) ساي!! لكن المافي شنو هو!؟ نحن طيبين و انتو تستاهلوا ياخ! علي بالحلال ما تقولي شئ .. ما برجع كلو كلو!
مرة الولد اشتكوهو لامو انو ضرب زميلتو، لمن استفسرت معاتبة .. قال ليه: عشان تعرف اني مهذب!! عقدت حاجبي الدهشة وسالتو بخلعة تليق: كيف يعني!؟ قال ليها : ما (اعتذرت ليها)!!
اها غايتو مافي مبرر لاعتذاري الفوق دا، علا تهذيب ساااي مني غايتو .. مهذب انا ياخي .. طبعي كدا!
------
في نظري دا تمييع للمعركة ..
المعركة معركة كل النساء و الرجال البسعوا لحياة كريمة للجميع .. وبين قوى الظلام (نساء و رجال) اي زاوية شوف تانية ما بتقسم معاي .. حقي ول لأ
عندما سئل عبد الخالق - رمز اليسار الوضئ - ماذا قدمت لشعبك .. قال : "الوعي، مااستطعت" او كما قال.
وقال خالد مونيكا:
كنا نعي .. صرنا طبول النعي!
كنا نعي ان حشرجة في الصوت لا تزعج الفرض شيئاً.. حتى اكتشفنا الامام قتيل .. فاختلفنا في الركعة التالية .. بيد إنّا جلوس .. والصلاة جنااااااااااازة!!!
وامسكوا الخشب لقول العارفين ..
قال سيدي محي الدين بن عربي:
كلنا إناث لما فينا يوّلده .. مافي الكونَ من رجلٍ
تحياتي والعفو فوق العافية لله في لله و الله محبة ساي
| |
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: قيقراوي)
|
Quote: وأنا أسترق اليكما السمع تحت تحت . |
يامحمد عثماننا
قال ليك: واحد يسارى أضانو تقيلة قال: سمعت تحت تحت أن هناك انشقاق حدث فى فرع الحزب فى كربلاء قبيل واقعة الجمل بساعات.. فقال له الزعيم: قعمس يقعمس دينك, هو انت فوق فوق قادر تسمع عشان تسمع تحت تحت؟
| |
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: محمد حيدر المشرف)
|
Quote: انا دا اكتر زول اعتذر في منبركم المبتلى بالبل دا!! غلطان ول ما غلطان قاعد اعتذر .. وخذي مثال اعلاه .. ما عاوز اتعبك كمان! |
تحياتى يا قيقا ياخ، أنت الوحيد الإشتغلت بى و عليه شكراً ليك مرتين و التانية عشان جهدك المبذول بدون فايدة ده!!!
دحين يا أهل!! الاعتذار البنقبوا عنو ذى البترول التحت المحيط ده، مافى ليهو داعى، و لا أتوقع له قبول.. ( الناس حتقول ليك بعد شنو)..
و أنت يا قيقا أجتهدت ( للأمانة و التاريخ) و بديت بى تدريس ( أساسيات الاعتذار 101).. ضربت الأمثلة .. و أوجدت كل المعينات..
و غيرك يظن ( و الظن أتعس الحديث) أنو الأعتذار بنقص و يدلق الكبرياء فى الرملة ذات الرمضاء.. و أحسن منو ( الغلط، ثم الكِبر، ثم التمادى،
ثم الغلط تانى Loop).على وزن LoooL
* أنا متأكد الناس الهنا ديل، غاية مناهم اعتذيرار صغير، عشان يقولوا للباقين ( أها اعتذر الكرام) و يقدروا يعبروا عن دواخلهم النقية بى حرية و يمضى الحب لا تعيقه المعوقات..
و لكن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!
______________________________________________________________________________________________________________________________________________
إضافة: لازلت من أنصار رفع الفراش، و لا بأس فى الونسة التى لا تنقب عن الاعتذار الضائع.. ( خذوا الحكمة من أفواه ...!!!)..
| |
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: Abuzar Omer)
|
عصام كسر الله - يكسر نخرتك يا قوقا - بقي ما عارف هل دخوله في الأمر - أى أمر - عنده معنى و لا لأ, كويس و لا بطال (كويس لى شنو و بطال لى شنو ... ده سؤال تانى) .... الإنكسر كتير ... بيناتو مافي عين تبعنا و تبعنا تعود لآلاف الرجال - أيوه الرجال في الأول - و النساء
يا د. بله سلامات ... هل اعلانك انتهاءك من البوست نهائي و لا فيهو رجعه , أنا قصدت ما أتداخل عشان ما يتحول لهلال مريخ - عصام VS محمد عثمان - و أشوفك سايقو لى وين , لو خلصت عشان أشوف أنا شخصيآ مرقت منو بي شنو
| |
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: حاتم محمد حاج المهدي)
|
Quote: مرة الولد اشتكوهو لامو انو ضرب زميلتو، لمن استفسرت معاتبة .. قال ليه: عشان تعرف اني مهذب!! عقدت حاجبي الدهشة وسالتو بخلعة تليق: كيف يعني!؟ قال ليها : ما (اعتذرت ليها)!! |
:) :) يا قيقراوي مافي شي تعتذر لي عليه ولا لغيري هنا، معاك حق ، لكن الاعتذار مرات بكون لجبر وتطييب الخواطر حتى لو كان المعتذر مقتنع بأنه صاااح 100% أريت خاطرك دايما طيب وعموما انت البشبهك منو؟ حتى البيه تزيد عليه.. والبيه دي قلتها مخصوووص.. عشان يفرز ما بيني وبين القوى التقدمية شكله البوست بقى فيه قناصة....وأنا لا لي في التور ولا الطحين (كل واحد يختار اسم فريقه بمزاجه أنا ما حأسمي الفرق)
| |
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
أخوي عصام أخو ناهد جبر الله الظريفة وأخوي أبوذر الهميم بمحجتي في الزمن الجميل "سودان بوكشوب" ما الامور واضحة خلاص و ما بتحتاج لايضاح أكتر ،لا في اعتذار ولا يحزنون.. لا عن صفة الطفابيع ولا عن سب الأهل. حتى قيقراوي تعب وفي النهاية نفض هديماته ولما تابوهاته المنبرية التلاتة ومشى فتح بوست تاني. ولا كمان في اعتذارعن كلمة "تتعولق".. مع اعترافي اني ما فلفلت البوست الذي تم فيه نقل المقال سبب الكلام الكتير كله.. لذلك لو فاتني يا عصام أقرأ فيه اعتذار منك سامحني.. هذا مع العلم بأنه رد أخوي محمد عثمان على كلمة تتعولق كان العولاق بعينه.. والكلام العولاق ياهو عولاق كان اتكتب بخط جميل ولا شين وسواء كتبه مثقف ولا زول الله ساكت. لكن أرجع وأقول إنه النقاش في البورد مرات كتيرة بكون بالقرون.. مما يشككني انه الرجل السوداني في الأصل كان تور بعدين تطور.. والله بقولها بمنتهى الحب.. ياخ بلاكم نحن نسوى شنو ؟ :) عموما اسدل الستار فيما ارى لما كان يمكن ان يكون نقاشا.. بح خلاص مافي ومتعكم الله بالصحة ورزقكم حسن الختام طبعا انكلودينق بلة ومحمد عثمان
| |
|
|
|
|
|
|
Re: محمد عثماننا من ثقافة يسمى فيها الرجل ابو آمنة! (Re: rummana)
|
Quote: لكن أرجع وأقول إنه النقاش في البورد مرات كتيرة بكون بالقرون.. مما يشككني انه الرجل السوداني في الأصل كان تور بعدين تطور.. والله بقولها بمنتهى الحب.. ياخ بلاكم نحن نسوى شنو ؟ :)
|
والله يا رمانة الزول لو استفاد حاجة واااحدة بس من البوست دا،بتكون انو عرفك و قرأ ليك
بالمناسبة لو عاوزة الوش الضاحك يظهر، اضغطي (اضف صورة) و استخدمي الرابط دا:
http://www.sudaneseonline.com/db/attention/010_Smile.gif
-------
Quote: هي شركة زين دي منو؟ ورئيسها منو؟ شركة وطنية نزيهة نظيفة قلبها على حاجة آمنة ومحمد أحمد؟ والفاتح عروة ده منو وعلاقته شنو بالوطنية؟ بالثقافة؟ ماضيه وحاضره؟ وليه زين بقت ما مشكلة لكن علي عثمان مشكلة؟
|
لاوطنية او نزاهة هناك .. ودا محك كل الحك و المماحكة الهنا دي
من حق محمد عثماننا انو يخالف (حكم القيمة) اعلاه .. لكن ما من حقو يصادر حقنا في اننا نابى البناباهو .. ويطلع قرونو ويوصمنا باقذع الصفات .. لأننا خالفناهو
لو المسألة مسألة حب لدكتور بشرى الفاضل .. ارمي بياضك يا محمد عثماننا
وجاوب على السؤال المليون ميل (محبة) دا عشان نختبر ثقافتك (من الجهة دي)
اجب فيما لا يزيد عن سطرين: غنى مصطفى سيد احمد ثلاثة نصوص لدكتور بشرى الفاضل .. اذكرها!؟ اذا غلبك اي واحد فيها .. بالله عليك لا تزايد في المحبة!! لانها حقيقية .. ومشفوعة بثقافة حقيقية مش قشرية (تقرأ راسياً و افقياً .. وفي كلٍ شر)
ثم ياخي العربي القح قال لسيدنا عمر (انما تأسى على الحب النساء) هوو كيرز!؟ودا (نص) يقرأ في سياقاته التاريخية و الحضارية .. انا محض راوي .. وعهدتي تنتهي بنهاية نقل النص!
انا شخصياً عندي صورة .. ولم ادعي محبة (مافي) زي ما ادعيت انت وموقفي الحالي تماماً وراء آية الله العظمى حسن موسى ..تماماً المافي شنو هو!؟
| |
|
|
|
|
|
|
|