|
Re: عقد الجلاد ورسالة الفن! (Re: Awadallah Bashir)
|
يابا مع السلامة .. ياسكة سلامة فى الحزن المطير يا كالنخلة قامة .. قامة واستقامة هيبة مع البساطة اصدق مايكون راحة ايديك تماما متل الضفتين ضلك كم ترامى حضنا لليتامى وخبزا للذين هم لا يملكون بنفس البساطة والهمس الحنون ترحل ياحبيبى من باب الحياة لى باب المنون روحك كالحمامة بترفرف هناك كم سيرة وسريرة من حولك ضراك والناس الذين خليتم وراك عيونهم حزينة بتبلل ثراك وابواب المدينة بتسلم عليك والشارع يتاوق يتنفس هواك ياحليلك حليلك ياحليل الحكاوى تتونس كانك يوم ماكنت ناوى تجمع لم تفرق بين الناس تساوى نارك مابتحرق مابتشد تلاوى مابتحب تفرق من جيبك تداوى والحلم الجماعى والعدل اجتماعى والروح السماوى والحب الكبير فى الزمن المكندك والحزن الاضافى جينا نقول نفرق نجى نلقاهو مافى لا مسافر مشرق .. لا فتران وغافى وين عمى البطرق جوايا القوافى ياكرسى وسريرو هل مازلت دافى يامرتبتو امكن فى مكتبتو قاعد اقرا وذهنو صافى ياتلك الترامس وينو الصوتو هامس كالمترار يساسق يمشى كما الحفيف كم فى الذهن عالق ثرثرة المعالق والشاى اللطيف تصطفى الكبابى اجمل من صبايا بينات الروابى والظل الوريف احمر زاهى باهى يلفت انتباهى هل سكر زيادة ام سكر خفيف ينده للبنيه يديها الحلاوة والخاطر يطيب يدخل جنو منو محبوب الشقاوة يستنى النصيب الدفو والنداوة الثنا والعبير كالغزلان هناك فى الوادى الخصيب حيث الموية عذبة والغصن الرطيب كم تحت المخدة اكتر من مودة للجنا والغريب عش وعشب اخضر وجدول من حليب يابا ابوى يايابا والشمس البتطلع بلت منو ريقا والنجم البتسطع فيهو تشوف بريقا والندى فى حركتو يطفيها الحريقه ننهل من بركتو زى شيخ الطريقه ................ شايهو وطرقتو والايدى الصديقه يلا نسد فرقتو حب الناس درقتو ياموت لو تركتو مننا قد سرقتو كنا نقول ده وقتو لكنك حقيقة ............. النفاجو فاتح مابين دين ودين نفحة محمدية دفئا كالضريح مئذنة كم تلالى جيدا فى الليالى مجدا فى الاعالى مريم والمسيح .............. يابا يابا مع السلامة مع السلامة .. مع السلامة ياسكة سلامة فى الحزن المطير قلبا نبضو واصل مابين جيل وجيل مابين كان وحاصل او ما قد يكون مابتشوف فواصل الا الذكريات والام المفاصل وبعضا من شجون يابا يابا مع السلامة مع السلامة .. مع السلامة
|
|
|
|
|
|
|
العنوان |
الكاتب |
Date |
عقد الجلاد ورسالة الفن! | صلاح الدين مصطفى | 02-06-12, 01:00 PM |
Re: عقد الجلاد ورسالة الفن! | Awadallah Bashir | 02-06-12, 01:23 PM |
Re: عقد الجلاد ورسالة الفن! | Awadallah Bashir | 02-06-12, 01:39 PM |
Re: عقد الجلاد ورسالة الفن! | Awadallah Bashir | 02-06-12, 02:52 PM |
Re: عقد الجلاد ورسالة الفن! | anwar abu gaidaa | 02-06-12, 04:27 PM |
Re: عقد الجلاد ورسالة الفن! | سلمى الشيخ سلامة | 02-06-12, 10:14 PM |
Re: عقد الجلاد ورسالة الفن! | Nizar Ateeg | 02-07-12, 12:06 PM |
Re: عقد الجلاد ورسالة الفن! | صلاح الدين مصطفى | 02-07-12, 01:52 PM |
Re: عقد الجلاد ورسالة الفن! | صلاح الدين مصطفى | 02-07-12, 01:32 PM |
Re: عقد الجلاد ورسالة الفن! | صلاح الدين مصطفى | 02-07-12, 01:27 PM |
|
|
|