ابناء الهامش ببرمنجهام يشتتون الجمع المقام ابتهاجا بمقتل خليل إبراهيم

Quote: سلام اخ نزار والذين مرو من هنا: من خلال اقامتي ببريطانيا، اصلا لا يجروء عضو مؤتمر وطني ان يقول انا كوز او انا عضوا منتظم بالمؤتمر الوطني الا في اطار ضييق خااااااااالص، ناهيك ان يقيموا لهم حفلا نهارا جهارا وفي برمنغهام معقل ابناء دارفور وابناء عموم غرب السودان، ويحتفلون فيه بمقتل دكتور خليل، اعتقد ان هناك حلقة مفقودة في الخبر، هذا من جهة، من جهة اخري وكما ادان شخصي الاعتقالات الغير المبررة وقتل المدنييين بدارفوار و ج كردفان وغيرها ادين ايضا حادث الاعتداء علي افراد الجالية السودانية الذين اقاموا الحفل ببرمنغهام لانها سوف تعطي انطباع سيء لمثقفي الوسط والشمال السوداني الذين ناصروا قضية دارفور ببريطانيا وبالداخل طوال فترة الصراع، وهذا يعتبر خصما علي قضية دارفور. حاجة قريبة من الكلام دا برضو وردت من ضمن التعليقات بالصفحة الرئيسية المنشور بها المقال كاملا... وتابعت عبرها...معظم الردود... أتاريكم يا ناس بريطانيا...حاقدين علي بعضكم حقد...لا حولا...وسارحين ومارحين في البلد السمحة ديك بي سكاكينكم وسواطيركم وواحد يقول لي التاني لاقيني في شبربوش وتبادل سباب وكلمات نابئة ... شكلكم سريع جدا حا تنزلوا تصنيف بريطانيا الي عالم تالت يا ناس ما تخلوا البتسووا فيه دا...وخالقين ليكم اوهام بطولات وحروبات...وديك مؤتمر وطني وديك مع خليل وداك ود عم مني اركو مناوي...وغرابة وجلابة...والمشتهي النضال يركب طيارتو ويجي نازل مطار الخرطوم عدل... والفاضين منكم يمشوا يلعبوا طاولة وكوتشينة في الكوميونتي الفي شبربوش...ناس صلاة النبي عليهم...لذيذين وبي فولهم وكوارعهم وصعوطهم... هسي القي بلدكم ديك الخضراء ام برد دي تاني بفضي لي مشاكل...؟؟؟ المشاكل عندنا هنا في السخانة والكتاتيح دي