|
|
 Re: يستمـــــــــــــــــــــر النضــــــــــــــــــــــال (Re: ABUHUSSEIN)
|
كدي يا معاوية بالمناسبة الطيبة دي ممكن تحكي لينا حكاية نضالك مع الكيزان ، مواجهاتك ، أعتقالك ، نضالك الحالي ...الخ
غايتو كان البتسوي فيهو دا مسميه نضال سجم خشم النضال
وصدق هاشم صديق وكت قال الكلام التحت دا وأظن كان قاصد أمثالك
لئيمة مكايد الاحقاد
وكت تنعيكا للدنيا
قبيحة خناجر الاصحاب
وكت تطعن ضهر غنية
غبية محاكم الفاشست
وكت تلوى الضمير عنية
وامينة دفاتر الاشعار
صدق كلماتها بالدنيا
أرافع لا لقاضى الحزب
ولا لى عسكر السلطان
أرافع لى ضمير الشعب
تحت زرقة سما ام درمان
أدق طبل الغضب وأصرخ
واقول كل الكلام مليان:-
مزيف فى جرايد الحشية
والطغيان..
مجرح بالكلام أسمى
من السفلة ومن الصحبان
مرسوم يوم تحت لافتة..
ومكتوب يوم تحت عنوان
"فيلم هندى" القصص عنى
ميلودراما وبالالوان.
مواجه بقلم فاشى
ومصلوب فى جرايد السر
تقول عقل الوطن ناسى
مناضل قالوا لو "حزبى"
وساقط لو "ديمقراطى"
صحيح صبح الفهم واطى
وضمير القاضى ما خجلان
يشد ساعد المناضل يوم..
ويوم يكتب فى اسمو هوان
تقول كسرت سن قلمى
وتقول بايعت للشيطان
تقول معنى النضال اصبح
قلم سايح بدون أوطان
تقول الردة
رجعة قدمى للسودان
وبين تنكيل قلم جاهل
وتحليل حملة الاختام
بقيت ثائر بدون تاريخ
وراجى اشارة الاعدام
وكل التهمة ما ساومت
واستسلمت للاحلام
و استنيت خلاص بلدى
بايد ثوار من المريخ
سيوف ميتة وطول اقزام
كرهت تفاهة الثوار
وكت يبقى النضال "قعدة"
كرهت قصائد الحفلات
عن "الثورة" وعن "الجبهة*"
كرهت معارك الأحقاد
تحيل اسم البلد لعبة
كرهت تطاول الاولاد
و الساقطين من النقاد
وصوت فنان ملوث
بى هوى الاسياد
وساقط من ضمير الكلمة والمبدأ
وحامل راوية الاوغاد..
أموت يا وطنى
بى خنجر مكايد الحاشية والطاغية
ولا الشايلين اسم ثوار
وهم عصبة المافيا
اقوم يا وطنى من جرحى
واشوف بى رؤية العافية
جروحك فى المزاد للبيع
واسمك فى خشوم لاهية
واحسك غابة من اشواك
عليك قدم البحس حافية
يمينك لعبة الاوزان
يسارك يل وطنن تايه
معسم فى الحروب كيمان
نتوه فى سكة الجبهة
نقيف فى سكة الجبهة
كأنك ما قدر نصبح
عشانك يا وطن وحدة
كاننا لسه فى الاحزان
دروح من واقعة الردة
ناصبين للحزن صيوان
ومستنين فرح مجهول
يجلجل فى سما السودان
نسيب السهر والشوك
نعود لى أمنا الساحة
نقيف راجين نفير الحق
وشهور تجرى وسنين زاحة
وسيوف الجبهة فى الاغماد
لا دكت هوى النيران
ولا سوت ارض واحة
مناشير عن نضال أحزاب
اشعار عن رجال أحزاب
أقوال من فكر احزاب
كانو الحزب هم نفسو
كأنو الازمة بس جرحو
وجرح الامة ضاق راحة
كانو بلاهو:
لا ولدت بطون امات
ولا صبح النضال ساحة
ويقيف الشعب
فى ساحة المحطة دهور
قطار الوحدة لا شرف
ولا فارق عيونا السور
ونجرح ونتلقى من العسكر
وطعن الخونة و الطابور
ونتقعر عن الازمات
عن تقريب مسافة الرؤيا
والرايات.
نتفلسف عن الثورة
وعن المنفى وعن الاحباط
ونتحذلق عن المعنى
وعن الاسقاط
ونتحامل على التأريخ
ونجرح صحاف الشرفا بالتلميح
ونتفنن فى ختم الشعرا بالاختام
ونغرق فى بخار التيه
وننبدل سيوف افعالنا بالاحلام
وفى الدوامة
تتبدل سمانا سواد
يموت معنى الوطن
وفى زفة الاوغاد
يضيع نبض الوطن
فى زحمة الاحقاد
يئن شرف الوطن
من جزمة الاسياد
يغيب شرف الكلام
فى بحة المذياع
وفى تهويمة التلفاز
وفى مسرح صبح مشنوق
بحبل المافيا
من جنس الحطام" وشواذ"
تتصارد حروف الحق
ويعود معنى الثقافة جناز
وتقوم الزفو
عن اعيادها بالتعيين
ويصير عيد الفنون تأبين
متين كان الحرف مصنوع؟!
متين شبت ثقافة الامة
فى الصحرا
والحصاد والجوع
تعيش يا معنى كلمة لا
تدك الحصن الضلال
بى اشرف الاشعار
تعيش يا وطنى
رغم جروحك المليون
ورغم المافيا والانصار
تعيش يا شعبى صف مضموم
بساعج العافية والاضرار
أحبك
لا بقع فى الشين
ولا بسكن لوجع الفجعة
فى جرح العذاب الخاص
اقوم من كل جروحى وأقيف
وفى ساحتك
الممهورة بالرصاص
واصيح فى مسمع التأريخ
اقول عن أزمة الراجين:
شباب واقف على السكين
بيسأل بى عقل ملهوف
تددق ساعة الحرابة متين؟
انحنا سواعد الجبهة
وسيوف الجبهة تصحا متين؟
اصيح فى مسمع التأريخ
اوقل عن معدن الراجين
شباب ثورى وديمقراطى
وقلب واعى وصاحى
شباب واقف
سنين مشتاق
تقوم الجبهة من تعسيلةالأوراق
|
|
 
|
|
|
|
|
| العنوان |
الكاتب |
Date |
 يستمـــــــــــــــــــــر النضــــــــــــــــــــــال | معاوية عبيد الصائم | 01-02-12, 07:48 PM |
| Re: يستمـــــــــــــــــــــر النضــــــــــــــــــــــال | معاوية عبيد الصائم | 01-02-12, 07:58 PM |
| Re: يستمـــــــــــــــــــــر النضــــــــــــــــــــــال | بشير أحمد | 01-02-12, 08:04 PM |
| Re: يستمـــــــــــــــــــــر النضــــــــــــــــــــــال | معاوية عبيد الصائم | 01-05-12, 10:51 AM |
| Re: يستمـــــــــــــــــــــر النضــــــــــــــــــــــال | معاوية عبيد الصائم | 01-08-12, 05:37 AM |
| Re: يستمـــــــــــــــــــــر النضــــــــــــــــــــــال | ABUHUSSEIN | 01-08-12, 05:42 AM |
| Re: يستمـــــــــــــــــــــر النضــــــــــــــــــــــال | عبدالعزيز حسين عبدالرحيم | 01-08-12, 05:55 AM |
| Re: يستمـــــــــــــــــــــر النضــــــــــــــــــــــال | معاوية عبيد الصائم | 01-15-12, 05:52 PM |
| Re: يستمـــــــــــــــــــــر النضــــــــــــــــــــــال | حسن الطيب يس | 01-15-12, 05:59 PM |
| Re: يستمـــــــــــــــــــــر النضــــــــــــــــــــــال | حسن الطيب يس | 01-15-12, 05:59 PM |
| Re: يستمـــــــــــــــــــــر النضــــــــــــــــــــــال | Deng | 01-15-12, 09:14 PM |
| Re: يستمـــــــــــــــــــــر النضــــــــــــــــــــــال | معاوية عبيد الصائم | 01-21-12, 09:26 PM |
| Re: يستمـــــــــــــــــــــر النضــــــــــــــــــــــال | Nagat Sid Ahmed Elshiekh | 01-21-12, 09:36 PM |
| Re: يستمـــــــــــــــــــــر النضــــــــــــــــــــــال | معاوية عبيد الصائم | 02-03-12, 03:42 PM |
| Re: يستمـــــــــــــــــــــر النضــــــــــــــــــــــال | ABUHUSSEIN | 02-03-12, 03:46 PM |
| Re: يستمـــــــــــــــــــــر النضــــــــــــــــــــــال | د.نجاة محمود | 02-03-12, 04:01 PM |
|
| |
فيس بوك
تويتر
انستقرام
يوتيوب
بنتيريست