الغواصة المقرش الذي توقف عن دعم شباب قرفنا ( صور )

Quote: سلامات جادات و عساك طيب ياخي انت لقيتني مسكين و خميتني ساكت ياخ ! و ما جاويت فايثاغورثيا علي قول ناصر البطل هل الغواصات هم البقولوا نفس الكلام دا و ألاّ انت بتفتكر انهم بقولوا كدة ! -- و نصحتني بالرجوع لمشاركاتك - لكن ما لقيت شئ يفيدني الا كلامك بتاع انك متأكد 100 % من امر هذا الشخص الكريم -لكن في النهاية كمية النسبة المئوية ما بتعني للاخر شئ -! و بعدين سؤالي بتاع كيف يمكن تحاشي الغواصات - قلت لي بنشر اساليب التجنيد و حماية الافراد -- طيب كيف التجنيد بحل اذا اصلا علي قولك الغواصات ليهم نضال مشرف ! يعني في الاول هم اتجندو و كويسين !- و هم ما زي الجواسيس الاصلا جو للغرض و انما بحصل تحول اثناء مسيرة النضال علي قولك - عموما انا قصدي بسؤالي داك انو -من الصعب تحاشي الغواصات او بالاحري نشر ثقافة اكتشاف الغواصات ما هو البحل المشكلة ! و لو في اضافة في نقد لفكر سياسي حقيقي حقو يكون ترسيخ الديمقراطية داخل الاحزاب و العمل وفق استراتيجيات واضحة - قصدي بالكلام دا انو ترسيخ الديمقراطية تلقائيا ممكن يقلل من عمل الغواصات لانو ببساطة مافي شخص واحد ممكن يؤثر علي الاستراتيجيات و في حتة تانية انت قلت انو انضمام الاتحادي الديمقراطي للحكومة كان نتيحة غواصة - يعني هل يمكن لغواصة يقنع الميرغني انو الحكومة دي كويسة ! او لاي سبب تاني - و اذا اصلا في شخص واحد ممكن يقنع حزب عمرو 50 سنة عشان يشارك في حكومة زي دي تحت اي سبب دا زاتو ما حزب ! و بالتالي تبرير شراكة الميرغني لغواصة ما عندو معني - غايتو شايفك مدي الغواصات مهام خطيرة لدرجة انو الكيزان في السلطة قاعدين بسبب الغواصات - ! ياخي و الله دا شايفو تبسيط شديد - و هل الصادق مشرّك اولادو في الحكومة بامر من الغواصات و ألا الشعب ما قادر يطلع الشارع لانو في غواصات داخل الشعب ! ياخي الصادق و اليرغني عارفين بعملوا في شنو ! و ما محتاجين اي مساعدة ! يا عزيزي -شخصيا ما شايف اي اثر كبير للغواصات في سياساتنا الحالية و الامور كلها واضحة شعب مغتصب -حكومة غاصبة- و بعض احزاب المعارضة تترنح ! --عموما لو حالة اجتماع او انقلاب سري الزول ممكن يقول الغواصة ممكن يكون ليهو اثر في تخريب الشيء الآني لكن لو في استراتيجيات واضحة مافي زول واحد يقدر يأثر - -- و بعدين اجابتك علي السؤال المفخخ بتاع (المقولة المشهورة!) شايفها ممكن تدينك ! ما عارف وألاّ انت ما قاعد تكتشف بس ليك اجر المناولة ------ ختاما الرجاء التعاطي مع مداخلة العزيز زين العابدين بعناية ابقي طيب