الغواصة المقرش الذي توقف عن دعم شباب قرفنا ( صور )

Quote: Author: الصادق اسماعيل Quote: الصادق دجل طيب يا ابو العريف البوست ده اسمو شنو وبتكلم عن شنو والتحفة منو يا اخ اختشي تعرف غواصات المنبر الزيك ديل بجو براهم بفضحو نفسهم عشان كده ما بنشتغل بيهم تسترت علي اسماء الذين قبضوا علي تاجر كلام ( متهمين بالقتل ) وتسترت علي غواصات قوات التحالف ( متهمين بالتصفية ) والان بتتستر علي ناس الفيزا متهمين بالتزوير وعينك قوية كمان وبتتكلم عن التستر صلاح جادات قلت ما بتشتغل بي ليه عشان سألتك عن ناس الأمن الكانوا بيجندوا الناس في ارتريا مسكتك ام هلا هلا طيب نمسك ليك كلامك دا ونرجع للأسئلة الزمان زغت منها وعملت مجنون دليلك شنو إنو الناس القبضت تاجر كلام هم الناس الكتلوهو؟ لمن سالناك السؤال دا لبدت من البوست لحدي ما جا رأفت ميلاد وقال ليك في امور كتيرة ما واضحة، اول ما ظهر رأفت طوالي كبيت الزوغة كم يوم وجيت جاري بمداخلة هزيلة وقلت خليت البوست عشان مداخلة رأفت ميلاد تكون فوق وطوالي اتفقت معاهو على كلامو وتم قفل البوست في تاريخهو وحينهو. أها تعال ابقي مارق وقول لينا اسماء الغواصات المتهمين بالتصفية والانا اتتسترت عليهم ديل منو؟ ولا كلام كضب ساكت؟ وناس الفيزا المتهمين بالتزوير ديل أنا اتسترت عليهم يا رااااااااااااااااااااجل يا خي إنتا بي عضمة كيبوردك قلت لمن ناس الأمن سالوك في المطار منو الطلع الفيزا قلت ليهم الزول دا سافر مصر هسه عليك الله في ذمتك دي البيتستر على التزوير (لو كان في تزوير من أساسو منو) زول يا ناس الله قال الفيزا مزورة ناس الامن قالو ليهو الزور الفيزا دي منو يقوم يكضب ويتستر عليهو ويقول ليهم الزول دا في مصر؟ ارحمنا من هذا الغباء يا جادات ياخي. وفرمالتن ما زالت قائمة: مصلحتك شنو في التستر على ناس الأمن السوداني الكانوا في ارتريا وشغالين تجنيد في المعارضة؟