بيــــــــــت الاشبـــــــــــاح الجـــــــــديـــــــد فى الخرطوم

Quote: واحد رمة عيان كذاب لفح ليه كلام ما عارف من وين فتح بيه بوست..... جاء واحد من المجموعة السودانية لمناهضة التعذيب قال إعرف تفاصيل علشان إشوف شغلوا و إخدم بلدوا قال ليهم أدوني مكان البيت علشان إقدر إتحقق من وجود البيت و إفضح الأرزقية و الكيزان و أذناب الكيزان و جاب ليهم رابط القول إيرث علشان ما إتعبهم و إسهل ليهم الشغلانية صاحب البوست قال ليه :- Quote: البيت المعنى ملاصق ...لمستودع ..(مخزن) خاص بالكوز ياسن جابر التوم مغترب بالسعودية ...جدة...ويعمل فى مجال التصدير( تصدير ) السيارات المستعملة (البكاسى) ..من جدة للخرطوم ... المناضل الرمة إتزنق هو أصلاً ما عندو معلومات عنو لأنو لافح الكلام لفح جاء مناضل تاني عايز إنتشل صاحبو من الزنقة اللي وضع نفسو فيها جاب رابط من القوقل لي الوادي الأخضر علشان إضحك على الناس بي إنو عمل شئ لغاية الآن الناس دي ما قدرت تحدد مكان البيت المعنى كيف المخارجة ...؟؟؟ مساعد المناضل فكر و فكر و فكر.... جانا بي كذبة أكبر من الأولى قال :- Quote: شكرا معاوية عبيد لقد تم اغلاق البيت المعني وتم اجلاء المعتقلين فيه والذين هم معظمهم من ابناء دارفور وهذا هو الغرض من البوست وعلي جهاز الامن وليس غيره نفي هذا شكرا كتير معاوية عبيد بي كل بساطة غطوا على الكذبة الأولى بي كذبة تانية و المصيبة كمان المناضل طلع بطل وطني بي إنو إتسبب بي قفل بيت الأشباح.....!!!! و نحن علينا نصدق كووووووول دا و إلا نكون أمنجية و أرزقية و كيزان و أذناب كيزان... معارضة وهم