|
# أنتي منو وأنتي شنو !!!
|
#
في ليلة رأس السنة أخوكم قال يمشي يبتهج مع الشباب لانو محتاج جرعة كبيرة من المرح والبهجة بعد أشهر طويلة من العجائب والعزلة الاختيارية لكين الشقي يلقي في الفشفاش عضمه يا قيقا الشباب كانوا منتهي الكرام مع سعادتنا ضبحوا والمزة (أي ما بين الوجبة والوصلات الغنائية ) كانت علي مستوي راقي والباقي بدون الدخول في تفاصيل من أفخر وأعتق الانواع متعهم ربي بالعافية المهم أخوك أنبهر من مستوي الاحتفاء والاحتفال وقام يهضرب وسأل البت المغنية عن نص للمرحوم العميري ولو ممكن تغني النص أعتذرت حتي المعاصرين ما قدرت تقدم حاجة مقنعه طبعا بخرقتي المعهودة بصدق قلت ليها تعرفي قصة الغنا دي ما شغالة معك يا خي مش أحسن ليك التمثيل من الغنا دا المطربةالرهيبة جنت وقالت (أنا ما برد علي المستوي زي دا) أخ كانت القاضية وأخوكم كمان كان طاشي شبكة وبدايت في الملاسنة وهاكم ما قال أبو الزهراء في لحظة الغضب المضرية +:
أنتي منو وأنتي شنو كان وصفتك ما بتعوك لغتنا الحنينه وكان قطعتو في حشاي بموت بحسرتي وأساي لكين هاك مر الكلام يا شينة الفعال أنت لا طايله أنثي ولا كديسة مستشفي الشعرات وألله بشهد أربعين بالعدد والوش كوم عضام والسنينات ياهو دراكولا ذاتو في العصور المظلمة والايدين يس ملاكم واصابعينا أصابعين نشال عديل والغنا والله ناذر في غنا الدلكوة أرحم مطربة شنو أنتي أزمتي وكدرتي كل العالم وكان ما الزمن لينا هان وأتجبر للزيك والله لا بنقعد ولا بنسمع ولا الحلم يجمعنا ولا في السوق وسط النسوان ليها بعاين ياخلاسيه بالكريمات بقت بنويه ما عملت فيك الخلاطات الخيالية العجايب والله أنت كان عارفه حالتك تدخلي الغابة و ما محتاجة لا لسلاح ولا دبابة بالله أصبري أنا واحد أتنازل وسمعتك تقومي تفكيها في نفسك كد لا... لا ماكدا أعمل شنو ديل ماشباب الزمن الغريب دا أي حاجة بس غنا والسلام يا عبد السلام لا وشا صبوح ولا جسم راقص أنتي منو وأنتي شنو يا مغنية الشتارة والكبالا والنقارة في الزمن الغلظ دا أنتي شنو وأنتي منو .
*مع الاعتذار لمبدعي الكمبالا والنقارة
بكرةح تلقوا الخبر في (الدار بالصورة القلم في ليلة راس السنة صحفي يتهجم علي فنانة مشهورة بأقبح وأبشع الالفاظ !
|
|
|
|
|
|
|
العنوان |
الكاتب |
Date |
# أنتي منو وأنتي شنو !!! | زهير عثمان حمد | 01-01-12, 01:19 AM |
Re: # أنتي منو وأنتي شنو !!! | محمد البشرى الخضر | 01-01-12, 03:48 AM |
Re: # أنتي منو وأنتي شنو !!! | محمد عبد الماجد الصايم | 01-01-12, 07:14 AM |
Re: # أنتي منو وأنتي شنو !!! | قيقراوي | 01-01-12, 09:10 AM |
Re: # أنتي منو وأنتي شنو !!! | زهير عثمان حمد | 01-01-12, 12:22 PM |
Re: # أنتي منو وأنتي شنو !!! | زهير عثمان حمد | 01-01-12, 12:29 PM |
Re: # أنتي منو وأنتي شنو !!! | زهير عثمان حمد | 01-01-12, 01:05 PM |
Re: # أنتي منو وأنتي شنو !!! | Salah Abdulla | 01-01-12, 02:44 PM |
Re: # أنتي منو وأنتي شنو !!! | زهير عثمان حمد | 01-01-12, 09:41 PM |
Re: # أنتي منو وأنتي شنو !!! | قيقراوي | 01-02-12, 10:30 AM |
Re: # أنتي منو وأنتي شنو !!! | Salah Abdulla | 01-02-12, 10:59 AM |
|
|
|