|
|
|
 Re: بحــــــــري طـــــــــراوة "الجزء الثاني" (Re: عبدالكريم أحمد الامين)
|
## من إرشيف ست الهوى والطراوه ص."1":-
Haitham Labib
** كتب هيثم لبيب:-
Quote: ياسلااااااااااام .. غايتو وتر ودق في القلب ... أها نحنا ناس الحرية والأهلية وبحري الحكومية ..
بحري الشباب الحلوين ...
بحري الجمال ...
بحري الأصالة ...
بحري الذوق والفهم ...
بحري الهواء العليل ( زي ماقالت عيدابي هواء بحري بحري )..
بحري السُكْنى الجميلة ...
بحري الطرب ... أم درمان تألف وبحري تغني ...
عاوز تشرب عرديب يحميك من الملاريا مية سنة .. أمشي لعلي إبراهيم في المحطة الوسطى ...
ياناس بحري ... وأنت جاي من الخرطوم او أم درمان قاطع الكوبري .. الهواء بيفرق معاك ( ده عن نفسي ) ..
الكورة في أم درمان ... وكباتنه حالياً من بحري ...
وبرضو بنقول :: كل مناطق السودان طراوة ... |
## قلنا مشيت الخوووور يوم الجُمعه مامنها رجعه إلا يوم الأحد...
| |
  
|
|
|
|
|
|
|
 Re: بحــــــــري طـــــــــراوة "الجزء الثاني" (Re: عبدالكريم أحمد الامين)
|
## فى 13\12\2010 كتب سيد الحوش الكبير "ودابو بكر" :-
Quote: شكرا لكم جميعا
سوف يكون اخر يوم لهذا البوست هو يوم 28 -12- 2010
ننصح بجزء جديد |
## ومن التاريخ المذكور دا (28\12\2010) خرج الجزء الأول من ست الهوى والطراوه ولم يُعد ,, أها الجزء الجديد "الثانى" شغال ##
## ياسيد الحوش الكبير :-  بما إنو سيد الحوش الصغير "ود السر كرار" برضو رايح مننا من فتره ,, رجع لينا الجزء الأول كمنبر منفصل مع أخوانو ناس اليوم الحار والشعبيه والزقازيق..
(ودام الود بين الجميع)
| |
|
|
|
|
|
|
|
|
 Re: بحــــــــري طـــــــــراوة "الجزء الثاني" (Re: أشرف البنا)
|
مساء الخير
الف حمد على السلامة الأخ كمال كرار ويمتد السؤال بإفتقادنا لكل الغائبين عن البوست دون ذكر الأسماء لكي
لا أنسى أحد في هذه العجالة .
الأستاذ والموثق البحراوي صلاح لبيب أبدى سعادته الكبيرة بما كتب عن بحري في الجزء الأول من البوست
وبكل أريحية رحب بتعاونه اللا محدود معنا في كل مامن شأنه رفعة بحري ولا نريد إستباق الأحداث ولكن
ستجدوا كل مايسركم في الجزء الثاني من البوست إن شاء الله .
هلا ومرحب بصاحب القلم الأنيق أشرف البنا
حللت أهلا ونزلت سهلا .
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: Emad Ahmed)
|
| Quote: الأستاذ والموثق البحراوي صلاح لبيب أبدى سعادته الكبيرة بما كتب عن بحري في الجزء الأول من البوست وبكل أريحية رحب بتعاونه اللا محدود معنا في كل مامن شأنه رفعة بحري ولا نريد إستباق الأحداث ولكن ستجدوا كل مايسركم في الجزء الثاني من البوست إن شاء الله |
** ود عثمان..(ملك التوثيق)
** مساءك خير..
## تجدنا فى الإنتظار لتوثيق الأُستاذ صلاح لبيب ..
(ودام الود بين الجمبع)
(ابو محمد فؤاد)
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: أشرف البنا)
|
مدرسة الوابورات رغم موقعها بحي الوابورات إلا أن الطلاب الذين درسوا بها كانوا يأتون من مناطق بحري المختلفة ... مثال على ذلك زملاء كانوا يأتون من الصافية ، الدناقلة ، الأملاك ، حلة حمد .... بينما كانت الغالبية العظمى من الطلاب من أبناء العاملين بهيئة النقل النهري ...هي من المدارس القليلة في السودان التي كان بها تعليماً مختلطاً ... و بالطبع كتن للبيئة الخضراء المحيطة بالمدرسة أثراً ايجابياً على العملية التربوية و التعليمية ...
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: عبدالكريم أحمد الامين)
|
أسر بحراوية
آل شانتير – حلفاية الملوك
لقب محمد أحمد بخيت من الجعليين الزيداب بشانتير وقيل أن سبب التسمية أنه كان ريسا يقود الوابورات بين بحري والجنوب واختلف مع أحد الانجيلز فالقاه في النهر فسماه الناس شتار او شانتير ولعلها لغة جنوبية .
تزوج محمد أحمد بخيت من صفية عبد الظاهر والتي تعود جذورها لدولة مصر وأنجب إبراهيم الذي كان نائبا لمدير منظمة العمل العربية ببغداد وعلي وجعفر وعبد الرحمن وعبد المنعم وكمال المحامي والذي كان يقدم برنامج ( مشكلات قانونية ) على تلفزيون السودان في ثمانينات القرن الماضي .
المصدر : موسوعة الأنساب والقبائل للبروفسير عون الشريف قاسم .
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: Emad Ahmed)
|
| Quote: الصورة التقطها مصور لا بد أن بعضكم يعرفه اسمه جلال ... كانت تلك عادة أن يأتي كل سنة لإلتقاط الصور التذكارية . |
الأخ أشرف البنا
سلامات
نرحب بك مجددا في رحاب حوش ست الهوى والطراوة
المرحوم المصور جلال خفيف الظل علم على رأسه نار وشق خبر نعيه على كل بحري يوم غادر دنيانا الفانية
ولاحقا سيتم التوثيق لأنه أحد رموز بحري .
اللهم انزل نورا من نورك على قبره وأجعله من أصحاب اليمين.
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: عبدالكريم أحمد الامين)
|
Quote: ** ود عثمان (ملك التوثيق)..
** مساءك خير..
## الرحمه والمغفره للمصور جلال والذى وثق بكاميرته لكل المدارس ببحرى من الأوليه الى الثانويه..
## يالله ماتنسى علم من أعلام بحرى ومن اوائل السودانيين الذين درسوا هندسة الإلكترونيات بمصر فى الستينات وأفتتح محله جنوب نادى التحرير وكان محله مُنتدى لكل ظرفاء بحرى وهو الصديق وإبن الدناقله والمزاد :-
عبدالعزيز محمد سعبد مانجل..
(ودام الود بيننا) |
إن شاء الله قريبا أخي أبو محمد فؤاد واضف لعبد العزيز مانجل من أبناء المزاد المرحوم طه المجمر وكمال
حسب الله ومحمد سليمان ( جراب الحاوي ) وبالنسبة لخليل الياس فقد بدات الاخت نجلاء سيد احمد التوثيق له
عن طريق الفيديو ونامل أن تكمل الأخت نجلاء توثيقها له لتتحفنا به في القريب العاجل.
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: Emad Ahmed)
|
سلامات جميع البحراويين
غيبة طوييييييييييييييلة منكم لكم العتبي حتي ترضوا
اود ان ازف لكم نبأ إنشاء أول جامعة حكومية تحمل اسم ست الهوي و الطراوة (جامعة بحري).فقد تم اجازة قانون جامعة بحري خلال الأيام الماضية ، و يتوقع توقيعه من رئاسة الجمهورية خلال الأيام القليلة القادمة.
و بحري كماهو العهد بها دائما هي الملجأ و الملاذ لمن تقطعت بهم السبل و حار بهم الدليل. فبعد انفصال جنوب السودان و الذي اصبح واقعا، و تداعياته علي جميع القطاعات ، ظهرت مشكلة الشماليين منسوبين الجامعات الجنوبية للسطح. عملت جهات عديدة من اجل ايجاد حل لهذه القضية ، وبعد شد و جذب تكللت المساعي بإنشاء جامعة جديدة لمعالجة و توفيق أوضاع الشماليين بالجامعات الجنوبية، و نحمد الله كثير أن تم اختيار اسم (بحري)ليكون هو أسم الجامعة الجديدة. و موقعها الحالي بمجمع جامعة جوبال بأم القري شرق الكدرو.
قامت جامعة بحري لتحقيق هدفين أساسيين الأول هو توفيق أوضاع ابناء شمال السودان من منسوبي الجامعات الجنوبية. والثاني تعويض طلاب شمال السودان عن الفرص التي كانت متاحة لهم بتلك الجامعات قبل انفصال جنوب السودان.
تفاصيل اوفي لاحقا.
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: Zein Hasan Mahgoub)
|
ناس الطراوة جميعا
خالص التحية الممزوجة ودا ومحبة
أعتقد قراءتي لكامل هذه الصفحة ( مروة واحدة ) عوضتني عن انقطاعي القسري
فالشكر لكم بتزويدنا بهذا الكم من المعلومات والأخبار
بصراحة الطراوة أصبحت مكتبة جامعة
واترحم علي جميع موتي بحري
والتعازي الخالصة للجميع.
وعذرا للانقطاع
قلوبنا معكم
ودمتم جميعا
ما زالت الدعوة مفتوحة للجميع لزيارة الدوحة
وصديقنا الفنان محمد السني دفع الله سوف تعرض له مسرحية " عرس الزين " التي قام باخراجهاعلي مسرح قطر الوطني بمشاركة الفنانين موسي الامير ومصطفي الخليفة.
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: حسن طه محمد)
|
| Quote: بصراحة الطراوة أصبحت مكتبة جامعة |
** ود البوب ..
** سلام..
## حمداً لله على سلامة الطله  ,, لو ناس بحرى الكانو بيكتبو فى الجزء الاول ,, وأختفوا لأسباب مجهوله وبالرُغم من مُناشدة ملك التوثيق (ودعثمان) لهم بالعوده ,, البوست دا كان بقى أكاديميه ولربما يُضاف الى دار الوثائق المركزيه..
(ودام الود بيننا)
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: حسن طه محمد)
|
أشرف البنا
لك التحية والترحاب لإنضمامك إلى كوكبة بحري طراوة
صورة مدرسة الوابورات جميلة ونادرة
إنتهز هذه الفرصة لكي أترحم على روح المصور الراحل جلال فقد وثق بكاميراته النادرة لجميع مدارس بحري بكافة مراحلها الدراسية
أول مرة أعرف أن مدرسة الوابورات كانت مختلطة وفي ظني أن المدارس المختلطة أفضل في كثير من النواحي من مدارس العُزاب
عندي تعليق بسيط علي الصورة ..
الطلبة في الصف الأول وقوفا ً(على الكنبة) أنت متأكد أنهم كانوا معك في نفس الفصل
أعتقد أن بعضهم إما من منسوبي النقل النهري أو دفعة كمال كرار أطال الله في عمره
ربنا يديك العافية ...
| Quote: قال ليهم :- النيل الأبيض ,, فيهو سمك وتماسيح .. والنيل الأزرق,, فيهو رشـــا وتـسـابـيـح |
يا عوض الله مشكور على هذا النكتة الظريفة ونتوقع منك المزيد وركّز على الأسماك ..
بالمناسبة المذيعتين المتميزين رشا وتسابيح من مدينة بحري
التحية لهما من هذا المنبر والتمنيات لهما بالتوفيق
| |
|
|
|
|
|
|
|
|
 Re: بحــــــــري طـــــــــراوة "الجزء الثاني" (Re: Zein Hasan Mahgoub)
|
| Quote: اود ان ازف لكم نبأ إنشاء أول جامعة حكومية تحمل اسم ست الهوي و الطراوة (جامعة بحري) فقد تم اجازة قانون جامعة بحري خلال الأيام الماضية ، و يتوقع توقيعه من رئاسة الجمهورية خلال الأيام القليلة القادمة. |
** د. الزين ..
** سلام..
## نُبارك تسمية الجامعه بإسم بحرى ,, ولكن هل ستكون بمقومات الجامعات المُتعارف عليها ؟؟ أم كما تفعل الإنقاذ إى مدرسة قديمه حولوها الى جامعه فأصبح خريج الجامعه فاقد تربوى كل الذى إكتسبه هو فك الخط فقط..
## نتمنى أن تكون جامعه بالمعنى المُتعارف عليه أكاديمياً وداخليات بمستوى جامعة الخرطوم قبل الإنهيار ,, وكذلك مستوى الدكاتره والدكاتره الزائرون ,, وان يكون معيار القبول هو درجات الطالب وليس جيب ولى أمر الطالب (بدلاً من عبارة الكاش بيقلل النقاش) فنجد الراسبين وأصحاب النسب المُتدنيه بالجامعه ومن يتحصلوا على النسب العاليه فى الشارع لضيق ذات اليد..
(ودام الود بيننا)
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: عبدالكريم أحمد الامين)
|
ابو محمد فؤاد تحياتي
اتفق معك في ما طرحت من اسئلة و امنيات. و لكن المبشر في هذه الجامعة أنها ليست جديدة بالمعني الحرفي للكلمة و لكنها تطور لجامعة جوبا بكل ارثها وتقاليدهاالأكاديمية التي تراكمت علي مدي 35 سنة، و كذلك من جامعتي بحر الغزال و اعالي النيل اللتان ولدتا من رحم جامعة جوبا. لذا لا اعتقد ان جامعة بحري ستولد من فراغ بل تعتبر تطوراً طبيعيا لهذه الجامعات ، ولكن برؤي تستصحب تغيرات الزمان و المكان، و المتغيرات العالمية و المعرفية و العلمية ، و متغيرات سوق العمل واحتياجات المجتمع الحالية و المستقبلية. كما ان هذه الجامعة سترث كل الطلاب و الأساتذة و الموظفين و العمال من الشماليين (حوالي 12 الف طالب و 820 استاذ ، اضافة الي نحو 650 من الموظفين و العمال.)
بالنسبة للأساتذة منهم حوالي 30 أستاذ و 80 استاذ مشارك ، و اكثر من280 استاذ مساعد، و حوالي 340 محاضر، وحوالي 90 مساعد تدريس في مختلف التخصصات فعلي سبيل المثال هناك حوال 160 استاذ بكلية الطب في مختلف التخصصات الطبية.
كماأن هذه الجامعة سترث المقر المؤقت لجامعة جوبا بام القري شرق الكدرو والذي به ما يلي من البني التحتية
قاعات دراسة تسع حوالي 7500طالب للجلسةالواحدة .
معامل العلوم الأساسية تسع حوالي 750 طالب للجلسةالواحدة.
معامل متخصصة تسع حوالي 450 طالب للجلسةالواحدة .
معامل حاسوب تفوق سعتها 200 طالب للجلسةالواحدة .
ورش هندسية بسعة 660 طالب للجلسة الواحدة ،
مكتبات بسعة حوالي800 طالب للجلسة الواحدة .
المكاتب 100مكتب فردي و جماعي و تجهيزات أخري
هذا اضافة الي مواقع اخري بامدرمان و الخرطوم.
هذه القوي البشرية و البني التحتية اضافة للأثر الأكاديمي لهذه الجامعات يجعلنا أكثر تفاؤل من ان جامعة بحري لن تكون مثل تلك الجامعات التي ذكرت. لما توفر لها من كوادر بشرية و بني تحتية لا اظن انها توفرت لاي جامعة سودانية عند مولدها.
في هذا الاطار قمت بإعداد ورقة علمية بعنوان جامعة بحري التحديات الراهنة و الرؤي المستقبلية تمت مناقشتها في ورشة عمل اقيمت لتدارس أمر توفيق الشماليين بالجامعات الجنوبية، يمكن طرحها في هذا البوست لتحظي بنقاش من أهل بحري ان لم يكن ذلك مزعجا.
لك حبي و ودي
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: عبدالكريم أحمد الامين)
|
Quote: وطالما البلد بلد جبايات ,, لذلك يجب أن يستفيد من الجبايه المُحيط الذى تُجبى منه الأموال ,, وطالما لدينا المنطقه الصناعيه "التى كانت من أكبر المناطق الصناعيه فى إفريقيا"
لماذا لايتم التقدم بإقتراح أن من يدعم الجامعه يُعفى من من إى من الجبايات وتسجل له فى ملفه كإستقطاع من ضرائبه.. |
الاكرم عبد الكريم
جمعة مباركة
شكرا للإهتمام بامر جامعة بحري ، اقتراح عملي جدا ، و لكن يا حليل المنطقة الصناعية ، اصبحت كالوكر المهجور تمر فيها من الشرق للغرب و من الجنوب للشمال لا تسمع صوت و همس ناهيك عن هدير الماكينات ، و اصوات البصات التي كانت تنقل عمال مصانع مؤسسة الخليج ( النسيج و غيره) ليل نهار.
اتوقع مشاركة عريضة من اعضاء المنبر في امر جامعة بحري.
سوف اقوم بانزال الورقة مقسمة لاجزاء تباعا
لك حبي و ودي
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: عماد الدين عبدالله)
|
جامعة بحري التحديات الحالية و الرؤي المستقبلية
مقدمة:
يمر السودان بمنعطف تاريخي و مفصلي ، الآ و هو انفصال جنوب السودان عن الوطن الأم ، و الذي اصبح حقيقة ماثلة بعد أن أُعلن عنه في الشهور الماضية، حيث كان لهذه الحدث الكثير من التأثيرات والتداعيات و التي ستنعكس اثاره على كل ضروب الحياة السياسية والإقتصادية والإجتماعية و الثقافية والتعليمية ، و من ضمن ما سيؤثر عليه هذا الحدث ، قطاع التعليم العالي في جميع مؤسساته شمالا وجنوباً. فالمتطلع علي حال هذا القطاع يجد وضعا معَقدا و متشابكاً للغاية الامر الذي يجعله جديرا ً بالإهتمام و الدراسة . فهناك مؤسسات تعليم عال قومية في شطري السودان بها أساتذة وطلاب و عمال وموظفون من الشمال و الجنوب يقدرون بالآلاف. إنَ هؤلاء المواطنين من شطري السودان يجدون أنفسهم في مأزق حقيقي بعد أن تم إعلان الأنفصال ، حيث اصبحوا رعايا أجانب بعد أن كانوا مواطنين لهم كل الحقوق و عليهم كل الواجبات.
و في هذا الاطار تحركت عدة جهات من أجل ايجاد حل لهذه القضية، وذلك لتأمين مستقبل المنسوبين من شمال السودان بالجامعات الجنوبية ، توحدت هذه الجهود فيما عرف باللجنة العليا لمتابعة أوضاع الشماليين بالجامعات الجنوبية، و التي ضمت ممثلين للأساتذة و الطلاب وبقية العاملين بالجامعات الجنوبية الأربع.
قدمت عدة خيارات لحل هذه القضية، تمثل في:
1) العودة و مواصلة الدراسة والعمل بالجامعات الأم بجنوب السودان،
2) إعادة التوزيع علي الجامعات الأخري في شمال السودان ،
3) إنشاء جامعة جديدة لتوفيق أوضاع هذه الشرائح.
نواصل
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: Zein Hasan Mahgoub)
|
جامعة بحري التحديات الحالية و الرؤي المستقبلية
استبعد الخيار الأول (العودة للجامعات بالجنوب) لأسباب أهمها:
1)عدم وضوح الصورة عن طبيعية الاوضاع و الظروف الأمنية والإقتصادية في الجنوب وو ضع الشماليين كأجانب.
2) ضعف البني التحتية و التجهيزات في الجامعات الجنوبية.
3) ضعف الأطر التدريسية ، خاصة بعد قرار الأساتذة الشماليين بعدم الذهاب للجنوب .
استبعدالخيار الثاني (التوزيع علي جامعات الشمال) لأسباب أهمها:
1) اختلاف المناهج و نظم الدراسة و التقويم ، اضافة للغة التدريس.
2) تغير البيئة و المجتمع الدراسي و ثقافة الحرم الجامعي ، وانعكاساته السلبية علي الطلاب .
3) عدم وجود بعض التخصصات في جامعات الشمال.
5) ضياع عام دراسي علي الأقل للطلاب.
6) إختلافات في معالجة أوضاع الطلاب من جامعة لأخري كل حسب نظمها ولوائحها .
رجح الخيار الثالث(انشاء جامعة لتوفيق الأوضاع )لأسباب أهمها:
1) تقارب في المناهج و نظم الدراسة و التقويم ولغة التدريس،مع وجود بعض الإختلافات البسيطة.
ممايسهل من عمليات مقاربة الأوضاع الأكاديمية للطلاب .
2) تقارب في البيئة و المجتمع الدراسي و ثقافة الحرم الجامعي لدي الطلاب ، مع وجود بعض الإختلافات البسيطة. يقلل من الأثار السالبة علي الطلاب
3) وجود ما يزيد عن 800 استاذ في مختلف التخصصات ، وأكثرمن 650 من الأطر الأخري.
4) استمرارية العملية التعليمية بنفس الأساتذة لن يشعر الطلاب بغربة معهم .
5) وجود بني تحتية مناسبة للدراسة. بعض تفاصيلها كما يلي:
- قاعات دراسة تسع حوالي 7500طالب للجلسة الواحدة .
- معامل العلوم الأساسية تسع حوالي 750 طالب للجلسة الواحدة.
- معامل متخصصة تسع حوالي 450 طالب للجلسة الواحدة .
- معامل حاسوب تفوق سعتها 200 طالب للجلسة الواحدة .
- ورش هندسية بسعة 660 طالب للجلسة الواحدة ،
- مكتبات بسعة حوالي800 طالب للجلسة الواحدة .
- المكاتب 100مكتب فردي و جماعي،
- تجهيزات أخري
(عدل بواسطة Zein Hasan Mahgoub on 05-14-2011, 05:37 AM)
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: Zein Hasan Mahgoub)
|
جامعة بحري التحديات الحالية و الرؤي المستقبلية
أهداف جامعة بحري :
أن من ضمن أهداف جامعة بحري ، هدفين أساسيين هما:
1) توفيق أوضاع الشماليين في الجامعات الجنوبية و يشمل ذلك:
i.الاوضاع الأكاديمية و غير الأكاديمية للطلاب.
ii.اوضاع بقية العاملين من عمال ، موظفين و أساتذة.
2)ايجاد فرص دراسية لطلاب الشهادة الثانوية من شمال السودان تعوَض تلك التي كانت متوافرة في الجامعات الجنوبية.
لكل من هذين الهدفين تحدياته ، التي يجب أن تعمل جامعة بحري لمعالجتها و خصوصا الهدف الأول الذي يعني بالشماليين في الجامعات الجنوبية.
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: أشرف البنا)
|
نسال الله الرحمة والمغفرة للاستاذ محجوب عتيق وكل العزاء لاسرته الكريمة
الاخ عبدالكريم
تحياتي
يمناسبة سؤالك عن انقطاع النت فى قطر والسعودية يومي الخميس والجمعة
غايتو فى قطر مابقطع لكن لو قدرت قعدت ساعتين فى البيت يومي الخميس والجمعة تكون ماطلعت
ياخي شفع البلد دي عندهم فهم انو الجلوس فى البيت يومي الخميس والجمعة حرام عديييييل
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: Emad Ahmed)
|
الأستاذة الصحفية والأديبة ناهد بشير الطيب أتحفتنا في الجزء الأول من البوست بكتاباتها الرائعة والتي كانت تضفى على البوست رونقا وألقا وبعدا جماليا .
الأستاذة ناهد ترسل تحاياها وسلامها لكل عموم أهل الطراوة وتبارك انطلاقة الجزء الثاني من البوست وهي تعمل حاليا في صحيفة الجريدة السودانية وتتعاون أيضا مع صحيفتا فنون الفنية والمشاهد الرياضي وعبر عمودها (تعب عالى ) في صحيفة الجريدة نتوقف في المساحة التالية :
Quote: واحد من اتنين ...يا نبقى كلنا حكومة يا نبقى كلنا شعب!!!
تعب عالى * ناهد بشير الطيب
ذات إنتخابات وفى ذات يوم من الأيام ..تبنى المرشح إسماعيل مقترح الكاتب الساخر دهب خيرى ..عندما تساءل لماذا لا يجدد عقد الزواج أسوة بالأوراق الثبوتية الأخرى كجواز السفر والبطاقة الشخصية ورخصة القيادة .....الخ ..وجعل الأمر من أولويات برنامجه وحشد له ..أصحابه فى الحى من المكتوين بنار النكد وسطوة وزارتهم الداخلية ...فقد اجتمع اسماعيل ...بدهاقنة العكننة الزوجية ...عبدالستار و عبدالماجد...وسالم ...و عاصم ..بمنزل الأخير إجتماعاً سرياً ومغلقاً ...منتهزين فرصة خلو المنزل من الحكومة الداخلية ..حيث ذهبت عفاف زوجة عاصم لأداء واجبها الإجتماعى فى مناسبة زواج !!!
بدأ الإجتماع بالمتاوقة من الشبابيك والأبواب وفوق الحيطان التى لها آذان ..خشية الطابور الخامس وجواسيس السيدة ليه !!!...والسيدة ليه التى يتناغم اسمها مع السى آى آيى " وكالة الاستخبارات الأمريكية" هى جارة عاصم وزوجته ولها قدرة فائقة ...على التنصت ....وتحليل المعلومات كمان !!!
قال المرشح إسماعيل هامساً : ياجماعة الاجتماع مؤمن عشان نبدا!!!
خرج عبدالستار مستطلعاً وعاد ليقول: ..ابدو على بركة الله.
اسماعيل : ياجماعة انتو عارفنى كيف مع الراية ...رجال الخطوط الفى استادات البلد دى كلها ما رفعو الراية قدرى !!!...لكن قصة تجديد عقد الزواج دى بقت ضرورية وفيها مصلحة البلد.
عبدالستار : قبل كل حاجة انت عارف لو ختيت الموضوع دا فى برنامجك ..حتفقد اصوات النسوان كلهن ...؟
اسماعيل : عارف ...وأنا دخلت الانتخابات دى أساساً ...عشان أخارج نفسى بحاجة مقننة ..يا نجدد يا نلغى !!!..ما عندى شغلة بتنمية ولاَّ خدمات ولاَّ وعود للناخبين ..بوسترى ذاتو ...ختيت فيهو صورة مقيِّد نفسى فيها بسلسل ومسجون فى زنزانة ..وكتبت تحت ..آن أوان التجديد والسجن ترباسو انخلع تحت انفجار " الجدجدة "...
سالم : انتو عارفين طبعنا طبعاً ...ما بنجدد لا جواز لا رخصة لا بطاقة فى وقتها ...لكن حتشوفو ...الناس حيحسبو تاريخ انتهاء عقذ الزواج بالثانية والدقيقة ...ومعظمهم عشان (يلغوالزواج) !!!
عبدالماجد : وفى اقتراحكم دا عقد الزواج حيعملو ليهو دفتر وصفحات زى جواز السفر؟
عاصم : أمال تأشيرات الخروج والدخول حيدقوها وين؟ ...بدل المرأة تسألك كنت وين وجيت من وين ...مشيت وين وجيت من وين دى حتكون مختّمة فى الصفحات...
سالم : وبالمرة حقو يعملو رخصة للمرأة ...زى ما نحن مدة رخصة السواقة خمسة سنة ومدة رخصة العربية السايقنها سنة واحدة ...!!!
عبدالستار : ويعملوا شرطة مرور زيجات ...والزوجة الرخصتها انتهت يجروها لبيت أمها لحين التجديد .
إسماعيل : ياجماعة الموضوع جاد احترمو ترشيحى ...أنا لحم وشى كمل من كلام الناس البقولو لى ....رجل الخط ومخالفة ...طبعاً فى المخالفة رجل الخط برفع الراية...فهمتوها ولاَّ أفهمكم !!!
عبدالماجد: هدى من روعك نحن معاك وحنبدا نوصل الموضوع دا لى كل رجال الدائرة ..
وهتف االمجتمعين ولكن فى " سرهم" : لا قسيمة بلا تجديد ..يا اسماعيل ايد فى ايد ضد الراية وضد القيد !!!
وفجأة انفتح باب الصالون المغلق ...ووسط دهشة المجتمعين ...ظهرت السيدة ليه وعفاف صاحبة المنزل وخيم الصمت الكثيف حتى قالت السيدة ليه : قلتو لى عايزين تجددو عقد الزواج؟...وتدخلت عفاف : فى الأول يا اسماعيل جدد بطاقتك الشخصية الانتهت ليها سنتين ...وجدد فرش البيت الليهو عشرة سنوات ..
قاطعتها السيدة ليه : مجرد تفكيركم فى الموضوع دا انتو اعتديتو على حقوق المرأة وعملتو فصل جندرى ...وعايزين تعملوا لأقدس العلاقات تاريخ انتهاء ؟
اسماعيل " متراجعاً" : ما تفهمونا غلط ...تجديد عقد الزواج دا للحد من ظاهرة الطلاق الوصلت نسبتا 80%...
عفاف : اسماعيل نحن سمعنا الكلام من طقطق لى السلام عليكم ...ودايرين تعملونا زى السفر والسواقة ...وكمان فيها غرامات قطع إشارة ....وسحب ...
السيدة ليه: فرضنا اقتراحكم دا أجيز وعملوا ليهو آليات وقوانين ...وحسب كلامكم قلتو الحاجة دى أسوة بالأوراق الثبوتية الأخرى ...أها الأوراق الثبوتية الأخرى ...بقدر الزول يطلع فيها بطاقتين ولاّ جوازين ولاّ رخصتين؟
عبدالستار : أكيد لا!!
السيدة ليه بابتسامة المنتصر : طيب فى حالة عايز تدق واحدة بى أختها ...زى ما بتقولو ....يعنى بالعربى الفصيح لو واحد منكم جاب لزوجتو ضرة ...حيقدر يعمليها دفتر عقد زواج ...ولاً حيعملا مع المضافين على دفتر الزواج !!!!
سالم : يا اسماعيل وقت الموضوع دا وصل الاستخبارات ديل خليهو .....انشاء الله الزواج دا يبقى زى شارع الستين ما ينتهى أصلو!!!
عاصم : ...طول صلاحية الزواج دا هو الخلى إمرىء القيس يقول : "ويا لك من ليل كأن نجومه بكل مغار الفتل شُدَّت بيذبل "..نحن ساكت فى المدارس ودينا البيت للليل الطويل ...لكن أكيد ...هو كان بفتش زينا لى تاريخ انتهاء ...!!!
السيدة ليه شاكية :- تانى وقت تجتمعو ما تشغلو المروحة ...خليتونى لاصقة أضانى فى الحيطة ..مع الدودوة ...لغاية ما دخلت نملة فى أضانى !!..عشان كدا اقتراحكم دا حولوهو ...وزيدوهو فى حقوق المواطنة بأنه للمواطن حرية الإستماع والشمار ...والبعترضو كلو يعاقب بعشرين عقوبة معاً ....ثم وجهت حديثها لإسماعيل : نحن ترشيحكم دا ذاتو عندنا فيهو راى ....أصلو الدولة مبنية على حكومة وشعب ...عشان كدا وعشان ما ندى الزيكم دا فرصة عشان أول ما يشطح ينطح بتجديد عقد الزواج ...حنقترح..يا نبقى فى السودان دا كلنا شعب...يا نبقى كلنا حكومة ...ودا افتكر هو الحل الجذرى..
انفض الاجتماع بفعل فاعل ..هى السيدة ليه ...وصاحبتها عفاف ..وتبخر حلم التجديد ..وسقطت ديباجة تاريخ الانتهاء عن معلبات التجديد..!!!
لكن اسماعيل همس الى رفاقه قائلاً :- لو ما خليت الزواج بى عوائد ورسوم محلية ما أكون أنا إسماعيل !!!
(( خريطة بسيطة ))
للجدران آذانها الصاغية لكن للأسقف سطوة العلو .....فأين بانة !!! |
| |
|
|
|
|
|
|
|
|
 Re: بحــــــــري طـــــــــراوة "الجزء الثاني" (Re: Emad Ahmed)
|
| Quote: سالم : انتو عارفين طبعنا طبعاً ...ما بنجدد لا جواز لا رخصة لا بطاقة فى وقتها ...لكن حتشوفو ...الناس حيحسبو تاريخ انتهاء عقذ الزواج بالثانية والدقيقة ...ومعظمهم عشان (يلغوالزواج) !!! |
** ود عثمان ..
** بت بشير الطيب..
** مساءكما خير..
## إبداع لبت بشير الطيب ذكرنى نُكتة السألتو مرتو ماشى وين :-
** قال ليها:- يامره أنا مزوجك لى كم سنه..
** قالت ليهو:- 30 سنه..
** قال ليها :- والبيحكمو عليهو بالمؤبد بيكون حكمو 25 سنه.
## يعنى أنا مؤبد + خمسه سنوات ,, تانى ماأسمع ماشى ويييييين وجاى من ويييين..
(ودام الود بيننا)
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: Nizar Ateeg)
|
اللهم أرحم الراحل محجوب عتيق بواسع رحمتك ، اللهم أحسن اليه وتجاوز عن سيئاته وضاعف حسناته
تعازينا القلبية الصادقة لك أخي نزار عتيق ولجميع أفراد الأسرة ببحري في مصابكم الجلل
أسأل الله العلي القدير أن يحسن عزاءكم ويعظم أجركم ويلهمكم الصبر والسلوان
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: أشرف البنا)
|
شمبات الزراعة ... شمبات الحلة ... الأراضي ...
امتداد حزام الجميلة الأخضر ... بكل مواضعه الصبابي ... حلة خوجلي ... حلة حمد ... الوابورات ... إلى آخر حزام النيل الأزرق (البحراوي)
شبه جزيرة بحري ... بروعتها ...
الصور منقولة عبر قوقلة مشتاق ...
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: Zein Hasan Mahgoub)
|
أسأل الله العلي القدير أن يتغمدالمغفور له بإذن الله عز الدين أبو الريش بواسع رحمته
و يدخله فسيح جناته مع الصديقين والشهداء والصالحين وحسن أولئك رفيقا..
مصاب جلل لأسرته وأصدقائه وجيرانه بالشعبية وفقد كبير لمدينة بحري
أسال الله أن يلزم أهله وذويه وأصدقائه الصبر وحسن العزاء
(إنا لله وإنا إليه راجعون)
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: أشرف البنا)
|
لا حول ولا قوة الا بالله
زارنا عزالدين فى الدوحة العام قبل الماضي مع وفد من نقابة المحامين
قضي معنا اسبوع ملا الدوحة حبورا وضحكا والقا
لم يكفه الاسبوع فى تلبية دعوات احبائه واصدقائه العديدين هنا
لازالت ذكراه وطرائفه حاضرة بيننا
اختطفه الموت منا صغيرا
عزالدين المتواضع اعرفه منذ ان كان طالبا فى مدرسة الاميرية 2
كان نجم المدرسة فى الدورة المدرسية
جمعتني به مهنة المحاماة فوجدت فيه نعم الزميل والاخ الصديق
انا لله وانا اليه راجعون
رحم الله عزالدين ابو الريش
الرجل الخلوق والمحامي المهذب
نسال الله ان يجعل قبره روضة من رياض الجنة
وان يغسله بالماء والبرد
وان ينقيه من ذنوبه كما ينقي الثوب الابيض من الدنس
وان يجعل البركة فى ذريته من بعده
وان يصبر والدته وارملته واشقائه على فراقه
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: احمد محمد احمد عتيق)
|
رحل صاحب القلب الكبير
رحل صديق الصغير والكبير
رحل وتركنا في بحر لجي
فنحن بعدك يا عزالدين تائهون
ولا ندري ما نحن فاعلون
من امس كلمات ابنك محمود ترن في اذني ادعو لابوي يا عمي عماد
والكل كان يدعو بالشفاء لك ولكن ارادة الله شاءت وارتحلت عنا يا حبيبنا
الكل كان ينتظر عودتك لتحكي لنا عن رحلتك واراد الله ان تكون الرحلة
الاخيرة ولا نراك بعدها فالى جنات الخلد اخي عزالدين
وربنا يصبر الجميع
ارجو من الجميع الدعاء لفقيدنا عزالدين
** اللهم : يا حنان يا منان واسع الغفران اغفر له وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس .
** اللهم : أبدله دارا خيرا من دارة وأهلا خير من أهله وزوجا خيرا من زوجه وادخله الجنة وأعذه من عذاب القبر ومن عذاب النار .
** اللهم : عامله بما أنت أهله ولا تعامله بما هو أهله .
** اللهم : اجزه عن الإحسان إحسانا وعن الإساءة عفوا وغفرانا .
** اللهم : إن كان محسنا فزد في حسناته وإن كان مسيئا فتجاوز عنه يا رب العالمين .
** اللهم : أدخله الجنة من غير مناقشة حساب ولا سابقة عذاب .
** اللهم : أنزله منزلا مباركا وأنت خير المنزلين .
** اللهم : أنزله منازل الصديقين والشهداء والصالحين وحسن أولئك رفيقا .
** اللهم : اجعل قبره روضة من رياض الجنة ولا تجعله حفرة من حفر النار.
** اللهم : أفسح له في قبره مد بصرة وافرش قبره من فراش الجنة .
** اللهم : أعذه من عذاب القبر وجاف الأرض عن جنبيه .
** اللهم : املأ قبره بالرضا والنور والفسحة والسرور .
** اللهم : قه السيئات (( ومن تق السيئات يومئذ فقد رحمته )) .
** اللهم : اغفر له في المهديين واخلفه في عقبه في الغابرين واغفر لنا وله يا رب العالمين وأفسح له في قبره ونور له فيه .
** اللهم : انه في ذمتك وحبل جوارك فقه فتنه القبر وعذاب النار وأنت أهل الوفاء والحق فاغفر له وارحمه وأنت الغفور الرحيم .
** اللهم : إن هذا عبدك وابن عبدك خرج من روح الدنيا وسعتها ومحبوبيها وأحبائة فيها إلى ظلمه القبر وماهو لاقيه , كان يشهد ألا اله الا انت وأن محمدا عبدك ورسولك وأنت أعلم به .
** اللهم : إنه نزل بك وأنت خير منزول به وأصبح فقيرا الى رحمتك وأنت غني عن عذابه آته برحمتك رضاك وقه فتنه القبر وعذابه وآته برحمتك الامن من عذابك حتى تبعثة إلى جنتك ياأرحم الراحمين .
** اللهم : انقله من مواطن الدود وضيق اللحود إلى جنه الخلود (( في سدر مخضود وطلح منضود وظل ممدود وكاء مسكوب وفاكهه كثيرة لامقطوعة ولا ممنوعة وفرش مرفوعه )) .
** اللهم : ارحمه تحت الارض واسترة يوم العرض ولاتخزة يوم يبعثون (( يوم لاينفع مال ولابنون إلا من أتى الله بقلب سليم )) .
** اللهم : يمن كتابه ويسر حسابه وثقل بالحسنات ميزانه وثبت على الصراط اقدامه وأسكنه في أعلى الجنات في جوار نبيك ومصطفاك .
** اللهم : أمنه من فزع يوم القيامه ومن هول يوم القيامه واجعل نفسه أمنه مطمئنه ولقنه حجته .
** اللهم : اجعله في بطن القبر مطمئنا وعند قيام الاشهاد آمنا وبجود رضوانك واثقا وإلى أعلى علو درجاتك سابقا .
** اللهم : اجعل عن يمينه نورا , وعن شماله نورا , ومن أمامه نورا , ومن فوقة نورا حتى تبعثه آمنا مطمئنا في نور من نورك .
** اللهم : اللهم انظر اليه نظرة رضا فإن من تنظر اليه نظرة رضا لاتعذبه ابدا .
** اللهم : اسكنه فسيح الجنان واغفر له يارحمن .
** اللهم : اغفر وارحم وتجاوز عماتعلم فإنك أنت الله الاعز الأكرم ,, اللهم اعف عنه فإنك القائل (( ويعفوا عن كثير )) .
** اللهم : إنه جاء ببابك وأناخ بجنابك فجد عليه بعفوك وأكرامك وجودك وإحسانك.
** اللهم : إن رحمتك وسعه كل شي وهو شئ فارحمه رحمه تطمئن بها نفسه وتقر بها عينه .
** اللهم : احشرة مع المتقين إلى الرحمن وفدا .
** اللهم : احشرة في زمرة المقربين وبشرة بروح وريحان وجنه نعيم .
** اللهم : احشرة مع اصحاب اليمين وأجعل تحيته سلام لك من أصحاب اليمين .
** اللهم : بشرة بقولك (( كلوا واشربوا هنيئا بما أسلفتم في الايام الخاليه )) .
** اللهم : اجعله من (( اللذين سعدوا ففي الجنه خالدين فيها مادامت السموات والارض)) .
** اللهم : لانزكيه عليك ولكنا نحسب أنه آمن وعمل صالحا فاجعل له جزاء الضعف بماعمل واجعله في الغرفات من الآمنين .
** اللهم : إنه خاف مقامك فاجعل له جنتين ذواتى أفنان بحق قولك (( ولمن خاف مقام ربه جنتان )) .
** اللهم : شفع فيه نبينا ومصطفاك واحشرة تحت لوائة واسقة من يدة الشريفة شربه هنيئه لا يظمأ بعدها ابدا .
** اللهم : اجعله مع (( المتقين في ظلال وعيون , وفواكه مما يشتهون , كلوا واشربوا هنيئا بما كنتم تعملون إنا كذلك نجزي المحسنين )) .
** اللهم : اجعله مع (( المتقين في مقام أمين في جنات وعيون يلبسون من سندس وإستبرق متقابلين كذلك وزوجناهم بحور عين يدعون فيها بكل فاكهه آمنين )) .
** اللهم : اجعله في جنه الخلد (( التي وعد المتقون كانت لهم جزاء ومصيرا لهم مايشاؤن خالدين كان على ربك وعدا مسئولا ))
** اللهم : أنجز له وعدك الذي وعدت في قولك (( وإن للمتقين لحسن مآب جنات عدن مفتحه لهم الابواب متكئين فيها يدعون فيها بفاكهه كثيرة وشراب وعندهم قاصرات الطرف أتراب هذا ماتوعدون ليوم الحساب إن هذا لرزقنا ماله من نفاد )).
** اللهم : بشرة بقولك (( الذين آمنوا وعملوا الصالحات أن لهم جنات تجري من تحتها الانهار كلما رزقوا من ثمرة رزقا قالوا هذا الذي رزقنا من قبل وأتوا به متشابها ولهم فيها أزواج مطهرة وهم فيها خالدون )) .
** اللهم : إنه صبر على البلاء فلم يجزع فامنحه درجه الصابرين الذين يوفون أجورهم بغير حساب فأنت القائل (( إنما يوفى الصابرون أجرهم بغير حساب )) .
** اللهم : إنه كان مصليا لك فثبته عالصراط يوم تزل الاقدام .
** اللهم : إنه كان لك صائما فأدخله الجنه من باب الريان .
** اللهم : إنه كان لكتابك تاليا فشفع فيه القرآن وارحمه من النيران واجعله يارحمن يترقى في الجنه إلى آخر آيه قرأها وآخر حرف تلاه .
** اللهم : ارزقه بكل حرف من القرآن حلاوة وبكل كلمه كرامه وبكل آيه سعادة وبكل سورة سلامه وبكل جزء جزاء .
** اللهم : اغفر لحينا وميتنا وشاهدنا وغائبنا وصغيرنا وكبيرنا وذكرنا وأنثانا .
** اللهم : من احييته منا فأحيه على الاسلام ومن توفيته منا فتوفه على الإيمان .
** اللهم : لاتحرمنا أجرة ولاتفتنا بعده واغفر لنا وله ولسائر المسلمين .
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: محاسن أحمد محمد)
|
الاخ دكتور عماد
صبر الله الجميع على هذا الفقد الكبير
عزو ابو الريش صاحب النكتة والقلب الكبير والعلاقات الواسعة
وقد شاهدت بنفسك كيف تسابق الجميع على الاحتفاء به عند زيارته الدوحة قبل عامين
اذكر كم احتشد كل مجتمع بحري فى زوجه كما احتشدوا فى وداعه بالامس بميدان الفلاح بالشعبيه
فجع فيه بالامس مجتمع المحامين والرياضيين كما فجعتم فيه انتم جيرانه واهله فى الشعبية
عاش بسيطا ومات بسيطا
قبل عدة شهور شاهدت له حلقة فى قناة الشروق وهو يتحدث عن والده العامل البسيط وعن تعب والدته في تربيتهم بعد وفاته لدرجة بيعها للفسيخ حتي اصيح لقبه فى الحي عزالدين فسيخة
فمن غير عزالدين الواضح البسيط الذى يستطيع قول ذلك على الملأ غيره
عندما اراد إعتزال الكورة غني له فنان الموردة محمد حامد الجزولي
عزو يا ابو الريش مافي إعتزال مافيش ارجع تعال لبريش
وعليه نقول له
عزو يا ابو الريش مافي موت مافيش ارجع تعال لبريش
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: محاسن أحمد محمد)
|
** الأُستاذه محاسن بت أحمد ود محمد..
** سلام ,, وممساءك خير..
## مرحب بيك فى ست الهوى والطراوه ,, وبنهـديك الجزء الأول دا قد تجدى فيه الكثير والمُثير :-
بحري طراوة... ويا ناس بحري .. قالوا بتحبوا يلا حبونا..]
Quote: سلام عليكم ياناس بحرى انا من ناس بحرى ومولوده فى بحرى وبعز بحرى وناس بحرى
لكن والله لم انتبه لهذا البوست ربما دائما بمر على سودانيس اولاين وانامستعجله فارجو المعذره اعزائى وحاجيكم بى رواقه
والعزاء فى كل من فقدنا من احبه من مدينه بحرى |
## يلا بعد دا أدخلى برجلك اليمين والصالون على يدك الشمال وضيفى نفسك والبجى بعدك ,, الصالون بعد تطلعى ماتقفلى الباب خليهو فاتح اصلو صالونا دا فاتح 24x7 ..
(ودام الود بين الجميع)
(ابو محمد فؤاد) - الماكيكى..
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: طارق ميرغني)
|
الـلهم يــاذا السـلـطـان الـعـظـيـم، والـمـن الـقـديم؛
ذا الـوجـه الكـريـم، ولـي الـكلـمات الـتـامـات،
والـدعـوات المسـتـجـابـات، عـاف أخــانـا عـثـمـان أحـمـد؛
والــد عـزيـزنـا ومـوثـق بـحـرى الأوحـد أخـانـا عـمـاد أحـمـد.
الـلـهم رب الـناس أذهـب الـبأس، واشـفــه أنـت الشـافـي،
لا شـفـاء إلا شـفـاؤك -- شـفـاءا لا يـغـادر سـقـما،
يــاكـريـم، يــاحـنـان، يــامـنـان.
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: Zein Hasan Mahgoub)
|
Quote: مع الموت المفاجئ لكل الأعزاء ,, تعرف الواحد ممكن فى حمد مايلقى فرصه أنو يدفن..^
|
كرومة
والله المقابر من شدة امتلاها ناس فريق العامل بقوا يعكسو الكرة من رأس قبر .
الاخ الزين
تحياتي وشكرا على التهنئة
ماالمشكلة هى إدارة الوقت دي ذاتها يادكتور
من اتخرجنا لو كل يوم الواحد بكتب صفحة واحدة بس كنا عملنا جامعة مادكتوراة بس
لكن شبكناها سفر للاجازة وعودة من الإجازة لحتى مافاتنا قطر كريمة ذاتو
ولا شنو ياصاحبي عبدالكريم
| |
|
|
|
|
|
|
|
|
|
Re: بحــــــــري طـــــــــراوة "الجزء الثاني" (Re: عبد الرازق سعيد)
|
أخــى ســعـادة الـمـسـتـشــار أبـو محـمـد فـؤاد
Quote:
** أبناء بحرى فى إى بقعه من العالم يُشرفون **
## تحيه للبروف عبده ##
|
والله يـاأخـى أنـا الــلـى الـشــرف أن أكـون أحـد أبـنـاء بـحـرى
الـتى عـلـمـتـنـا كـيـف نـكـون رجـالا ســودانـيـيـن؛
وعـلـمـتـنـا مـعـنـى الإخـاء والـمـودة والـتـرابـط.
يـاطـيـب الـدواخـل ورابـط الأخـوة ونـاشــر الـود
فـى كـل مـواضـيـع مـداخـلاتـك و خـتـمـتـهـا بـ
(دام ا لــود بـيـنـنـا).
شـــهـدالله أنـنـى لأفـرح حـيـن مـخـابـرتـك هـاتـفـيـا.
إذ إجـتر كـل ذلـك الـزخـم مـن ذكـريـات بـحـرى وأهـلـهـا.
فألـمـس طـيـبة نـاس بـحـرى ومـودتـهـم.
فـلك الـشـكـر عـلـى مـاظـلـلـت تـتـحـفـنـا بـة.
وشــكـرا عـلـى ثـنـاء تـظـل تـضـفـيـه عـلـىّ -- عـسـاى أكـون أهـلا لـه.
ولـك كـل الــود أبـــدا.
| |
|
|
|
|
|
|
| |
عبدالكريم أحمد الامين
Kamal Karrar
معاوية محمد الحسن
أشرف البنا
Emad Ahmed
حسن طه محمد
عماد الدين عبدالله
Nizar Ateeg
عامر باضاوي
محاسن أحمد محمد
عبدالرحمن إبراهيم محمد
فيس بوك
تويتر
انستقرام
يوتيوب
بنتيريست