|
|
 انا زعيمة عصابة !
|
اي ضكر ......... يتخارج قوووووووووووام البوست دا للنساء فقط .................. والاشتراك ذاتووووووووووووو
|
|
 
|
|
|
|
|
|
|
 Re: انا زعيمة عصابة ! (Re: سمرية)
|
السنة دي انا عندي قرف وزهج كدا ما عادي...
خاصة بعد السخانة الفلكية دي ، والكهربا المجنونة دي ..
اها انا ذاتي وبيني وبينك كهربتي قاعدة تزيد مع الحالة دي ..
وكعادتي كل سنة بخطط لمشروع ابدا بيه السنة اها مرات المشروع بنجح ومرات بفشل ..
المهم ...
السنة دي حسب قرفتي دي قلت اشوف لي حاجة تغير لي مزاجي المعكر دا ،
فكرت ودنقرت وصنقت وما لقيت اي حاجة الا اني اعمل عصابة زي عصابات خلق الله ديل ....
وطبعن حاكون انا زعيمة العصابة ...
اها العصابة دي محتاجة لــ بودي قاردات .. وطبعن من الجنس النااااااااااااااااااااااعم ...
بس على شرررررط تكون طيااااااااااااااااارة ( شرط للارض ) وشريرة جدا ........
شوووفو الشغل دا كيف ؟؟
العمر : اقل من 30 عام
الطول 175 سم
الوزن 60 كيلوجرام
اللبس الرسمي : اسود غاتم
لون الشعر : احمر انجليزي ( يسمح بالشعر المصبوغ)
لون العيون : حرجلي مايل للهبهاني ..
لون البشرة : سمراء .. ( التفتتيح ممنوع )
لون الرموش المستعارة : سمنية ..
اسم العصابة
Samira's angels
اي عضوة في العصابة عندو رقم .. يمنع استخدام الاسماء نهائيا ولا حتى المستعارة .. ( كفاية الشعر والرموش )
دا نوع اللبس البنفضلوووووووووو ...
المهارات :
تكون هاكر وكاكر .. زي الفل
السباحة ، قيادة السيارات بكافة انواعها ، المواتر والدراجات ..
اجادة استخدام الاسلحة البيضاء ..
والاسلحة الخفية ... ( العيون وسهامها )
ان تكون ماهرة في المراوغة ، مطاردات السيارات .. وبوليس المرور ..
اجادة الرندوك ... واللغة السواحلية ... بجانب الفرنسية الاسبانية والانجليزية ..
اجادة اللغة الفارسية والعبرية ...
لا يسمح بالمواعدة ...........
فاصل ونواااااااااااصل ........
| |
|
|
|
|
|
|
|
|
|
Re: انا زعيمة عصابة ! (Re: سمرية)
|
معلومة مهمة ، بما اننا عصابة غير ارهابية لا نستخدم السيخ او الطيقان مطلقا ، نحنا زي عصابات الياكوزا .. عندنا قانون حقنا برانا ..
وعندنا ... شكل حقنا برانا .. واسلحة كمان حقنا برانا ...
| |
|
|
|
|
|
|
|
|
|
Re: انا زعيمة عصابة ! (Re: سمرية)
|
سمريـة
عايز اقدم (لأصحابي) , ممكن ؟؟؟
بالله احجزي مقعدين لاسمهان وانعام ع حفيظ
بشـرط تدريبهـم (على الشـرور) ....
أحمد الشايقي
| |
|
|
|
|
|
|
|
|
|
Re: انا زعيمة عصابة ! (Re: أحمد الشايقي)
|
بالله احجزي مقعدين لاسمهان وانعام ع حفيظ
بشـرط تدريبهـم (على الشـرور)
يا الشايقي ...
انت متأكد ان صحباتك ديل مستوفيات للشروط ... هههههههه ( وش ابو غمزة ..)
طيب فلنفرض انو بصفتي ( صحبة ) للمرشحات ديل ، وبحكم معرفتي بهن .. وافقت انهن يشتركن في العصابة دي ..
البعلم اسهمان على الشرور دا منو ؟؟
غايتو انعام دي في أمل شوية كدا ...
اها كمان .. حاجة تانية ... انعام ما بتعرف تلبس تكعب عالي ، ودا شرط اساسي .. ما ممكن نتجاوزو ... لو عندك ليها حل
جيبها وتعال ...
بس الكعب العالي ذاتو لازم يكون ( مرخص ) ... قرقرقررررررر ..
| |
|
|
|
|
|
|
|
|
|
Re: انا زعيمة عصابة ! (Re: مدثر محمد ادم)
|
سمرية الحبيبة الغالية
أنا قريت عنوان البوست
(لنا زعيمة عصابة)
و قلتا في سري ياما في الحبس مظاليم(:(:(:(:(:أصلن الناس المساكين أمثالي دايماً مظلومين(:(:(:
مشتاقين
| |
|
|
|
|
|
|
|
|
|
Re: انا زعيمة عصابة ! (Re: lana mahdi)
|
Quote: يا مدثر ... برضو انت افكارك ارهابية ...
نحنا ما بنصفي ولا حاجة ... نحنا بنلجأ لــ طرق تانية ...
ما بقدر افصح عنها .. حاليا .. |
تمسكوهم رهائن مثلا
| |
|
|
|
|
|
|
|
|
|
Re: انا زعيمة عصابة ! (Re: lana mahdi)
|
بسم الله هسي انتي لنا ولا شذى ؟
يا بتي انا الكهربا مزغللة لي عيوني وافكاري طشت ، تكوني برضك ما نمتي كويس
وان شاء الله ما تشوفي ظلم كلو كلو .. .. بس المؤمن مصاب ...
اها بالمناسبة دي ما عاوزة تشتركي معانا .. بخليك دراعي اليمين .. وامينة الاسرار
| |
|
|
|
|
|
|
|
|
|
Re: انا زعيمة عصابة ! (Re: سمرية)
|
سمرية سلامااااااات
غايتو موضوع عصابة عصابة دا اشاركك ف جرحك (وش مبتسم شديد)
انا غايتو عندي مهارات عالية وممن افيدكم ف موضوع العصابة دا .. و اقول ليك ايه رايك نبدا نفتح باب العضوية ومن بعد كدا نبدا في الاختيار و ننظم العصابة وفق الشروط .
| |
|
|
|
|
|
|
|
|
|
Re: انا زعيمة عصابة ! (Re: Sahar Yousif)
|
سحر ... ازيك وكيفنك ؟
اي محتاجين للمهارات العالية دي ، وخاصة لو بتعرفي تسني ( السكاكين ) .. !
وبما اننا طوالي بدينا نلم القروش من العالم عشان نأسس روحنا ...
مصاريف العربات والمواتر واللبس والاسلحة .. وحق البنزين !
حتكوني انتي المسؤولة الاولى عن امدادات العصابة
موافقة موووش ؟
ما بتعرفي زولة عندها خبرة في فتح ( الخزن الرقمية ) ؟
| |
|
|
|
|
|
|
|
|
|
Re: انا زعيمة عصابة ! (Re: سمرية)
|
Quote: بسم الله هسي انتي لنا ولا شذى ؟
يا بتي انا الكهربا مزغللة لي عيوني وافكاري طشت ، تكوني برضك ما نمتي كويس
وان شاء الله ما تشوفي ظلم كلو كلو .. .. بس المؤمن مصاب ...
اها بالمناسبة دي ما عاوزة تشتركي معانا .. بخليك دراعي اليمين .. وامينة الاسرار |
انتي اكيد مزغللة
دققي كويس في الصورة(:(:(:
| |
|
|
|
|
|
|
|
|
|
Re: انا زعيمة عصابة ! (Re: سمرية)
|
سمرية
لعلك بخير
منذ فترة لم اقرا لك .. قلت اليوم أعود لأقرأ لسمرية..
بصراحة شديدة لم يعجبني ما كتبت هنا ..
وأنا أعلم تماما أن : حب الناس مذاهب !!!
بحثت في القوقل وقلت سأتناول أول موضوع من كتاباتك يقابلني
اصطدت هذا ، وهو من موقع سودانيات :
بالصمت ... ارفع يدي .. سلاما يا أحبائي
بالكلمة ... النجعاء ِ
أعلن .. إنني .. مازلت ...سمراء ِ
فسلاما .. وقياما... لكل ..من خط بهذا الأحمر .. المزدان ...
فجاءت الأحلام بيضاء ِ
انتم .. ريحانة ... الأيام
ربيع مزهر الأوراق .. خضراء ِ
حملتهم ... مشعل .. الكلمات ..
قبس .. من الأنوار ...
شعاع .. من الأضواء ِ
جئتم .. بلا موعد
طرقتم .. أبواب
مملكة تزورها الشمس .. شهباء ِ
يا .. جراح .. من الأحزان ..
تطفو .. على سطح … الأوجاع … …نجلاء ِ
أنا .. لم اختار فجيعتي … ولكن ..
اخترت أن أقيم ليل صحبتكم … وذكرياتي .. هدباء ِ
يا صحبة .. بين الغيم .. انشدها ..
وان طالت رحلتي .. وعرَجت … في الصبح …أنواء ِ
دعوني .. أقص عليكم .. بالصمت .. لا بالحرف ..
بعض حكاية … الأنهار ..
ورحلة … الموج .. المعربد في .. دماء ِ
دعوني الفظ .. الأحزان .. على أوراقكم …
وعين الصبر … دعجاء ِ
اعذروا … وجعي … إن .. تسرب .. بين الخلايا
وصاح … مناديا … يا رفقائي
من غيركم … يستطيع ..
أن .. يضمد … حزنه … من يا أحبائي ؟؟؟؟!!
انتم … الفرح لقلبي … والسرور له …
تعالوا … فان النار … تأكل .. جوانبي … الشيماء ِ
لن أكون وحدي … طالما .. بين رحيقكم
استنشق … الأفراح … زهراء ِ
****
_________________
سأوقع ...
بكل تباريحي هنا …
حين أغزل .. من ذاتي …
ثوب .. صبري
واكتحل من ملامحي …
هنا أتوحد .. بالعشق
وينقسم عني … الحزن
الى الف .. جزء .. من الحب
ّّّ ّّّ ّ هبة ّّّّّّّ ّ
قلت :
ياسمرية يا ابنتي اكتبي ما يشبهك ،
هل قسوت عليك ؟
آمل أن لا أكون ..
| |
|
|
|
|
|
|
|
|
|
Re: انا زعيمة عصابة ! (Re: ودقاسم)
|
ود قاسم ...
افتقد طلتك كثيرا ... لعلك طيب ؟
منذ ان قمت بفتح هذا البوست توالت علي الاتصالات والبرقيات المستنكرة !
- الكلام دا ما اسلوبي !
- اوعى تكوني مهكرة ؟
- البوست ما بشهبك !
وهكذا ..
اهتمت جدا بتلك التعليقات .. واوليتها الاهتمام صراحة .. وناقشت الامر بيني وبين نفسي مطولا ..
ربما تكون هذه هي المرة الاولى يا ود قاسم اكتب هنا بهذا الاسلوب ، ولكنها ليست المرة الاولي لي لاكتب بهذا الاسلوب ،
في مواقع اخرى اكتب هكذا .. واجد نفسي ايضا كما اجدها في خواطري الادبية !
واجد انني اكثر صدقا مع نفسي ومع الآخرين ، ليس لانني اكتب بصورة غير جادة ولكن لانني اجد ان الكاتب يحتاج احيانا ليخرج عن النمطية التي اعتادت عليها
حروفه ، فالكتابة مثل هذا النوع ، لها منافعها على الكاتب نفسه .. !
بالنسبة لي ، ارى انه طالما انني استطيع ان اغير اساليبي الكتابية لا بأس بذلك ، طالما هي تحقق لي شيئا مهما ،
فانا حين اكتب لا اقرر ما يشبهني او ما لا يشبهني !
انا لا اعرف ما يشبهني حقا ، لان ذلك شان الاخرين .. هم اللذين يحكموا بذلك . ..
ما يهمني في لحظة الكتابة ان اكون صادقة مع نفسي ، قبل ان اكون صادقة مع من يقرأ لي ...
طالما ان هذه الكتابة تحقق ذاتي !
حاولت كثيرا ان اتحلي بالشجاعة التي تجعلني اكتب دون الخوف من الرقيب ، ان اكتب عن الاشياء عما احسها ، ولكن كون هناك اشياء فرضت علينا ..
وان خطوطا حمراء وضعت لنا كي لا نتخطاها ، اصبحت اشعر بانني احتاج للغة اخرى لاسلوب آخر .. لاعبر به عن تلك الاشياء !
ان الكتابة هي جزء اصيل من انفعالنا الداخلي تجاه الاشياء ، لذا حين نكتب الحروف والسيف البتار يقف بالمرصاد لكل ما نكتب ،
لن تكون تلك كتابة صادقة انما .. مجرد حروف صُنعت لمجاراة لما يطلبه القراء !
يا ود قاسم ...
في هذه الحياة لا ارغب سوى ان تتعافي روحي من كل جراحات الدنيا ، ولا سبيل لي غير الكتابة .. بكل اشكالها التي استطيع !
بالنسبة لوجهة نظرك فهي على عيني ورأسي .. واحترم ما قلته جدا ..
ذاك النوع الذي تفضله ، مازال موجودا ... ولن افرط فيه مطلقا ...
عميق الشكر .. .
| |
|
|
|
|
|
|
|
|
|
Re: انا زعيمة عصابة ! (Re: إسماعيل حميم)
|
اسماعيل دا مالك قديم كدا .. الغاز شنو ؟؟
قول الله يجازي MBA Action .. هي السبب اظنو !
منتجات شنو كمان الداير تسوقها عن طريقنا ؟؟
يا لطيف .. عندك مصنع اسلحة ونحنا ما عارفين ؟
وانا اقول الدكان اللفي البكان داك ... محلو دا ما لي ( خير ) اصلو .. !
غايتو ...
الله يكضب الشينة ...
وبالمناسبة دي المنتجات دي لسه فعالة مع السخانة وقطع الكهربا ؟
| |
|
|
|
|
|
|
|
|
|
Re: انا زعيمة عصابة ! (Re: سمرية)
|
العزيزة سمرية،
أنا أعتبر نفسى مؤهلة تماما لأكون ............
دراعك اليمين يا معلم......
فكل المواصفات تنطبق على (بالكربون)،،
شوفى هنا،،،،
Quote: اللبس الرسمي : اسود غاتم
لون الشعر : احمر انجليزي ( يسمح بالشعر المصبوغ)
لون العيون : حرجلي مايل للهبهاني ..
لون البشرة : سمراء .. ( التفتتيح ممنوع )
لون الرموش المستعارة : سمنية .. |
ياهو نفس الوصف،،،،
و هنا،،،
Quote: المهارات :
تكون هاكر وكاكر .. زي الفل
السباحة ، قيادة السيارات بكافة انواعها ، المواتر والدراجات ..
اجادة استخدام الاسلحة البيضاء ..
والاسلحة الخفية ... ( العيون وسهامها )
ان تكون ماهرة في المراوغة ، مطاردات السيارات .. وبوليس المرور ..
اجادة الرندوك ... واللغة السواحلية ... بجانب الفرنسية الاسبانية والانجليزية ..
اجادة اللغة الفارسية والعبرية ...
لا يسمح بالمواعدة ........... |
كلو مية مية،
عز الطلب............
لكن هنا،
Quote: العمر : اقل من 30 عام
الطول 175 سم
الوزن 60 كيلوجرام |
ما عصرتى عاينا حببببة؟؟
يعنى الطول...الطول،
174 بس،،،
بنفع؟؟؟؟؟؟؟
| |
|
|
|
|
|
|
|
|
|
Re: انا زعيمة عصابة ! (Re: Hala Hassan)
|
هالة .. غايتو ما قادرة اصدق المواصفات انطبقت عليك بالشكل دا ، دا انطباق خرافي عديل !
لغاية ما شكيت ذاتو ، قلت تكوني جريتي جري ، غيرتي الـ look وجيتي ..
وطبعن اي حاجة قدرتي تعمليها ..
لبستي اسود
وصبغتتي شعرك
ولبستي عدسات لاصقة
وعملتي تسمير لبشرتك
وركبتي الرموش ..
وعملتي رجيم ...
واتعلمتي المهارات ديك كلها في ظرف ساعة ( جاكي شان لتعليم العصابات )
حسب خبرتني في تغير الـــ look دا كلو ممكن
بس ضحكني انو غلبك تزيدي طولك ( سم ) واحد ... يا عويرة لو كلمتيني كان بقول ليك ابلعي مسطرة حتزيدك 30 سم عددديل ..
واكيد بتنفعي ونص وعشرة .. بس دايرين موافقة ولي الامر ، طالما المواصفات بالشكل دا ..تقوم عصابة تانية تخطفك وتطلب فدية مليون دولار ..
يعلم الله لو ما العصابة دي لسه جديدة ما كتيرة عليك المليون دولار ندفعها على داير جنيه !
بالمناسبة دي حنعمل تأمين على حياة اي عضوة معانا ... مااا تكااافي !
| |
|
|
|
|
|
|
|
|
|
Re: انا زعيمة عصابة ! (Re: lana mahdi)
|
| Quote: ما بتعرفي زولة عندها خبرة في فتح ( الخزن الرقمية ) ؟ |
محسوبتك جاهزة يا...
ما قلتي لينا حنقول ليك شنو؟؟
بما إنك صاحبة الفكرة
تحياتي سمرية
| |
|
|
|
|
|
|
|
|
|
Re: انا زعيمة عصابة ! (Re: اميمة مصطفى سند)
|
عصابة اعضاءها سمرية وسحر واسمهان وعزاز
انا من اسع ح امشي اخش البوليس انشاء الله بي شريط وبدون مرتب
هو في احلى من واحد يفتش ليهو عصابة زي دي لوووول يكه
مع انو شايف اسمي مذكور في اول البوست زاتوووو
غايتو البتقع في يدنا يحلها الحله عبدالسلام مافي زول يقول لي قصة عبدالسلام شنو
دي العصابة ولا بلاش بالله ياهناية اديني بونية قالوا ضرب العصابة ولا عزف الربابة
تحياتي
زاتوووو
| |
|
|
|
|
|
|
|
|
|
Re: انا زعيمة عصابة ! (Re: ALZOLZATOO)
|
يا الذاتو .. يا زول ... بوليس شنو كمان ذاتوو؟
البوليس ذاتو ما نحنا ديل ذااتوو ، يعني في داعي تخلينا نكشف الورق حقنا هسي ذاتوو ؟
مشكلتك متخيل انها دي عصابة تقليدية ذاااتو ، لا معليش انت شكلك ما قاعد تتابع اخبار الـحرة ذاتووو!
قصة عبد السلام دي ما بتهمنا كتير ذااتووو ، لانو العصابة دي تكونت بعد قصص كثيرة .. بتوجع القلب ذاتووو!
غايتو ... ذاااتو
شكلي كدا حانفذ فيك اول عملية ... في العصابة ..ذاتووو !
| |
|
|
|
|
|
|
|
|
|
Re: انا زعيمة عصابة ! (Re: اميمة مصطفى سند)
|
ما شاء الله يا اميمة .. الخبرة ما عندك ...
خلاس قابليني قدام ( بنك الصداقة المركزي ) ... عشان في حاجة مهمة لازم تعرفيها ...بخصوص البكان دا !
اها قولي لي ... يا big angle
اسم يناسب زعيمة نسائية زيي كدا .. موووش ؟
| |
|
|
|
|
|
|
|
|
 Re: انا زعيمة عصابة ! (Re: سمرية)
|
شروطك دي هسه عليك الله شروط عصابة ليك ؟؟؟ ههههههههههه
Quote: غايتو انعام دي في أمل شوية كدا ...
اها كمان .. حاجة تانية ... انعام ما بتعرف تلبس تكعب عالي ، ودا شرط اساسي .. ما ممكن نتجاوزو ... لو عندك ليها حل
جيبها وتعال ...
بس الكعب العالي ذاتو لازم يكون ( مرخص ) ... قرقرقررررررر .. |
وبعدين وقت شايفه فيني أمل شر وكدا
ما كلمتيني قبل ما تنزلي البوست دا ليه؟؟ (وش شرير)
وإنتِ طبعا عارفه شرط الكعب العالي دا ما بنفع معانا ولا حاجتين
لازم تغيريهو ولا كمان ح أقوم أعمل لي عصابة (تنتعل تعب غير عالي) هههههههههه
ــــــــ
بلا عصابة بلا إجرام معاك بالله ذكائك دا حاولي إستخدميهو في حاجة تجيب قروش
| |
|
|
|
|
|
|
|
|
|
Re: انا زعيمة عصابة ! (Re: انعام عبد الحفيظ)
|
بس يا انعام ما تقولي لي ما لقيتي ولا شرط واحد يناسبك ؟
لا لا كان كدي حنغير الشروط ... مووش الشروط شروطنا ونحنا اهلها ..
خلاس انتي اشرطي .. وانا بوافق !
بس الكعب العالي دا ، مهم شديد ... استعيني بصديقة يااخ !
وانا بجيب ليك الكعب .. !
بالمناسبة يا انعام اي عصابة في الدنيا لو ما كان في عصابة تانية اقوى منها موجودة في الجوار ..
العصابة ما حتحس بانها قاعدة تقدم حاجة ...
( معانا ولا مع التانين )
واجمل حاجة ( التانين ) يكونوا اصحاب ( معانا ) عشان بكون الورق مكشوف .. والناس عارفة اسرار بعض كووويس !
والليلة والليلة ..
احسن ليك تبقى ( معانا )
وغير شكل العصابات البجيب قروش شنو تاني ؟
| |
|
|
|
|
|
|
|
|
|
Re: انا زعيمة عصابة ! (Re: سمرية)
|
| Quote: ما بتعرفي زولة عندها خبرة في فتح ( الخزن الرقمية ) ؟ |
أي سيدة متزوجة ح تكون عندها الخبرة دي ( وش متورط )...!
الكعب العالي دا ما عندنا ليهو عُضام...
ممكن ( تموت تخليٌ ) ..!!؟؟؟
| |
|
|
|
|
|
|
|
|
|
Re: انا زعيمة عصابة ! (Re: mamkouna)
|
يا سلام عليك يا ممكونة ... اها انتي قدرتي تفهمي الهدف الحقيقي للعصابة دي ؟
طيب طالما انك عندك الخبرة دي ما تجي نعينك المستشارة الامنية للعصابة !
مالكم يا حريم خليتو الكعب العالي ؟ ..
الكعب العالي دا دليل على عصرية العصابة ، اما تموت تخلي دا يرجعنا خمسية سنة وراء الشمس !
طيب عندي اقتراح للمشتركات الما بقدرن على الكعب العالي زي ممكونة وانعام ع الحفيظ .. نشوف ليكم شغل مكتبي ( شبكة التجسس ) او فك الاكواد حقت الـــ ATM.. وخلاس ..
وطبعن القروش حتكون اقل خليكن عارفات !
| |
|
|
|
|
|
|
|
|
|
Re: انا زعيمة عصابة ! (Re: إسماعيل حميم)
|
شكرا حميم ...
تميزك في قراءة حروفي يجعلني اعتمد عليك كثيرا ، ليس فقط لانك تطابق معرفتك بشخصيتي وبما اكتب ،
ولكن لانني اعرف ان لك القدرة لقراءة ما خلف سطوري !
| |
|
|
|
|
|
|
|
|
|
Re: انا زعيمة عصابة ! (Re: سمرية)
|
Quote: | Quote: Quote: ما بتعرفي زولة عندها خبرة في فتح ( الخزن الرقمية ) ؟ |
أي سيدة متزوجة ح تكون عندها الخبرة دي ( وش متورط )...! |
ممكونة يا حبيبة قساي بس بدون شرح للآليات لو سمحتي عشان الأطراف الأخرى لا تأخذ حذرها (:(:(:
| |
|
|
|
|
|
|
|
|
|
Re: انا زعيمة عصابة ! (Re: إسماعيل حميم)
|
Quote: لا حووووولا انت مُصر على الافكار دي .. اقول ليك واريحك بنعمل ليهم Brain Wash وحنبدأ بيك انت دا .. [/
QUO
طوالي بس انا كنت داير اخطط ليكم عند ي افكار تجنن
| |
|
|
|
|
|
|
|
| |
سمرية
صالح عبده
أحمد الشايقي
lana mahdi
Sahar Yousif
محمد عبد الماجد الصايم
فيصل محمد خليل
ودقاسم
إسماعيل حميم
ALZOLZATOO
انعام عبد الحفيظ
mamkouna
omer osman
فيس بوك
تويتر
انستقرام
يوتيوب
بنتيريست