كتب الكاتب الفاتح جبرا المتوفرة بمعرض الدوحة
|
|
 Re: رمتلة نسائية ! (Re: ناهد بشير الطيب)
|
ناهد ...
معقول كل الكلام الحلو دا ، للرمتلة حقتي دي ؟؟
الله يديها العافية رمتلتي وقت جاب لي ناس حلوين زيك كدا ، وسمعت بيها ألطف حكي .. ووشفت فيها ارواح شفيفة محلقة حولي ..
ويديك العافية انتي كمان ... ويبعد عنك الناس الجافية .. ويحبب فيك القلوب الصافية ... وينعم عليك بمعيشة نادية ... .. قصرت معاك ؟؟!!
طيب هاكي دي رمتلة واظنها كاااااااااربة حسب التوقيت المحلي لجامعة الخرطوم!
ودي رمتلة بمناسبة شهر ابريل ... وكل سنة وانتي طيبة ..
الفترة دي انا كنت قاعدة في البيت ، لاني كانت اجازة طبعن وانا في الاجازات ما كنت باخذ برضو .. لاني الاجازات ما بتكون شاملة يعني اسكول شغالة آداب مأجزة .. اداب ماجزة هندسة شغالة وهكذا ... اها في اجازتي كنت بكون قاعدة في البيت بس لكن كل يوم بجي الجامعة .. وللمعلومية شلتي في الجامعة غير شلتي في الداخلية ، المهم كانت الساعة اتنين ضهر هي ساعة الصفر حقت الشلة حقتنا .. يعني لازم الساعة اتنين نتلاقي عند ضهر التور ونقعد ننتظر لغاية آخر واحد ما يجي ... وضهر التور هو عبارة عن مسطبة غريبة الشكل ... عدا ... بالقرب من مكتب بريد الجامعة وفي اول شارع النشاط ... على يدك الشمال وانت داخل من بوابة النشاط ... مقابل كافتيريا قانون ... !
اها القعدة هنا سمحة سمااااح ... فكنا بنقعد وبعد داك ندخل على كافتيريا قانون نتغدا ونقعد نترمتل لمن الله يغفر لينا .. ... وبعدين كل حي يروح لحاله ... !!
اليوم داك كنت جاية من البيت متاخر حوالي الساعة واحدة ضهر كانت .. ونزلت من الحافلة وقدام بوابة الشناط لاقيت واحد صاحبنا شديد ومن شلتنا ومعاهو واحد تاني برضو صاحبنا بس ما شديد ومن شلتنا برضو .. الاولاني اسمو .. ( هنيدي ) لانه بشبه محمد هنيدي والتاني اسمو ... ( عبود ) ... اها قام هنيدي سلم علي سلام باااااااااااااايخ شديد جدا واختصرني ... اختصار غريب خلاس ... عبود سلم علي عادي ... قامك هنيدي طوالي نط ليهو في اقرب حافلة وانا محتارة في سلامو الغريب لي ؟؟!!
سألت عبود وقال لي والله ما عارف بكون بس لان قال مستعجل .. قلت ليهو لا لا ... هنيدي دا صاحبي شديد وعمره ما اتصرف معاي كدا ... والا في حاجة زعلتو مني ... لكن عبود قال ما عارف !
دخلت الجامعة ونسبة لانو حانت الصفر لسه ما هانت مشيت افتش بقية الشلة في بنشات آداب .. وصلت هناك وكان عبود وراي ... ولقيت واحد برضو صاحبنا شديد واكتر .. اسمو ( الداف ) لقيتو قاعد قدام الشنقيطي .. وطوالي سالتو انت هنيدي مالو ؟ لاقتيو ما سلم علي كويس واختصرني وشكلو زعلان مني ؟؟ وركب طوالي بكون ما يكلمني ولا كلمة .. هو مالو ؟ قال زعلان مني ولا حاجة ؟ لازم اعرف !!
والمهم جهجهت ليك .. حنانو .. وحننت قلبو شديد ... قام طوالي قال لي مافي حاجة دي حركات منو ساي ؟؟
حركات .. حركات شنو ؟؟ وليه وعشان شنو ؟! ودا كان ردي ليهو ...
قام قال لي ياخ كنا دايرين نعمل فيك ... كذبة ابريل !!
كذبة ابريل .... لا حولاااااااااااا لكن ما جهجتوني شديد .. قام طوالي طلع لي من جيبو جواب .. ورقة فلسكاب وقال لي اقري ... قريت الجواب وضحكت ... والحمدلله قريتو بعدما عرفت ... لانه فيه شتائم لي من نوع غريب وكلام يحير زاتو ... وكان مفروض الداف يتم بافي الكذبة علي ويديني الجواب بنفس طريقة هنيدي ويكون صاري وشو ... ومتغير معاي لكن وين ... طلع قلبو رهيف ... شديد !
غايتو لو كنت قريت الجواب بدون ما اعرف انها كذبة كنت بموت وبقع من طولي ... بس الحمدلله طلع الداف طابور خامس !!
اما عبود ... المتأمر السري .. فكان عارف كل حاجة بس غتيت ... شديد !
اها انا شلت الجواب وقمت قت للداف انت اعمل نفسك كملت المهمة وما تقول لهنيدي انك افسدت الكذبة ... خليهو يصدق اني ما زلت مصدقة حركاتو ومتاثرة بسلامو البايخ دا .. وبرضو وصيت عبود ما يكلموه بحاجة !
شلت الجواب ورجعت البيت ... وقمت حكيت لاخواتي عما حصل اليوم ... وقريتم الجواب فضحكوا على .. وقال لي عندك شلة دمها خفيف والله !
اها انا قلت خلاص اقوم ارد على الجواب كأني بكل زعل .. ويكون كلامي عاطفي جدا ويقطع القلب .. كلام زول مظلوم بجد الجد !!
تاني يوم الصباح ... مشيت الجامعة من بدري ولاقيت الداف ووريتو الجواب وحكي لي انه امبارح كلم هنيدي انو انا اتضايقت شديد من حركتو ... وشكيت ليهو بس هو ذاتو ما قصر وضايقني وقال لي راجعي نفسك يمكن هو زعلان منك في حاجة وبرضو فهمو انه اختصرني وفات خلاني بعدما اداني الجواب !
وحكي ليه انه هنيدي برضو .. حاول يقول ليهو خلاص بكرة طوالي نقول للبت الحقيقة عشان ما تحصل عليها حاجة .. لكن الداف قال لي انا اصريت عليهو نواصل حتى آخر قطرة من الكذبة !!
اها لمن الداف قرا ردي ... ضحك ضحك شديد ... وقال لي الزول دا حيموت عديل من كلامك دا .... !
اها الداف شال الجواب مني ومشى وانا رجعت بيتنا بدري عشان ما الاقي اي زول تاني ... !!
الساعة ستة مساء رن تلفون البيت وكان المتصل هنيدي وقال لي يا بت القصة ديك كلها كانت كذبة ابريل ... وكل الكلام الفي الجواب داك كذب × كذب ... وانا هسي اتصلت عليك لمن شوفتك متاثرة شديد كدا في ردك لجوابنا ... ويلا خلاس الحكابة انتهت !
قمت قلت ليهو لا ما انتهت ... خلينا نواصل ... وسالتو طوالي الداف عارف انك جاي تتصل علي ؟؟
قال لي : طبعن لا ... لانه هو مص يواصل الكذبة .. !
قلت ليهو خلاص خليهو على كدا واوعى تكلمو انك وريتني ... قال لي خلاص تمام اتفقنا !
اها قام هنيدي رجع الداخلية وقابل الداف واظهر ليهو تاثيره بجوابي وما كتب فيه .. وطبعن زاد البهارات حبة لزوم مواصلة الكذبة ... فقام الداف طوالي حكي ليهو وقال ليهو انه الزولة دي عارفة اننا بنكذب عليها لاني كلمت من ساعتها ... بس هي حبت تواصل في الكذبة ..!!
قام الداف طلب من هنيدي يعمل نفسو ما عارف اني انا عرفت وانو جوابي فشنك ساي !
طبعن هنيدي في الحتة دي طلع غتيت جدا وما كلم الداف انو اتصل علي وكلمني بانه الجواب والحكاية من الاول كذب × كذب !!
وبعد داك ... اصبح الصباح !!
قام هنيدي قابل ( سيد جرسة ) ودا واحد صاحبنا كان بعيد اليومين ديلك ... وقام وراهو جوابي ... وقام هنيدي حكي ليهو القصة كلها بدون ما يفهموا اني عارفة انها كذبة ... قام سيد جرسة عجبتو الفكرة وقال انا داير اشترك معاكم !!
هنيدي قال ليهو مافي مانع طوالي .. تشترك ... !
وطوالي جوني في بكان بقعد وقام سيد جرسة سلم علي برضو بطريقة بايخة ، قمت فهمت انه كان مشترك معاهم بس ما كان ظاهر ولا متابع التطورات فقمت أظهرت ليه زعلي برضو من حركات اصحابو وهو كمان ما قصر وطلعني غلطانة وقعد يألف من رأسه تأليف غريب لمن انا رأسي سخن وشكيت ياربي دي قصة جديدة بالجد ولا الزول دا زايد العيار حبتين ؟؟
المهم قررنا اننا نتلاقي كلنا الساعة اتنين .. واتلاقينا ... واول كلمة كانت .... هههههههههههههههههه!!
وبعد داك ... كلنا طلعنا خونة .. وما عندنا ضمير لانو اي زول فينا طلع مكذب على التاني ... حتى المسكينة الركشة انا كذبت عليها وخليتها تقرا الجواب ... بسبب الجندر وما الجندر طبعن اتضامنت معاي ... شديد !!
وبـــــــــــث مباشر ... يا ناهد مووووووش ؟؟!!
|
|
 
|
|
|
|
|
| العنوان |
الكاتب |
Date |
| رمتلة نسائية ! | سمرية | 04-01-08, 07:17 AM |
| Re: رمتلة نسائية ! | سمرية | 04-01-08, 07:22 AM |
| Re: رمتلة نسائية ! | سمرية | 04-01-08, 07:25 AM |
| Re: رمتلة نسائية ! | سمرية | 04-01-08, 07:30 AM |
| Re: رمتلة نسائية ! | Hatim Yousif | 04-01-08, 12:30 PM |
| Re: رمتلة نسائية ! | سمرية | 04-03-08, 07:38 AM |
| Re: رمتلة نسائية ! | سلمى الشيخ سلامة | 04-06-08, 12:21 PM |
| Re: رمتلة نسائية ! | تماضر الخنساء حمزه | 04-01-08, 07:28 AM |
| Re: رمتلة نسائية ! | سمرية | 04-01-08, 07:37 AM |
| Re: رمتلة نسائية ! | سمرية | 04-01-08, 08:28 AM |
| Re: رمتلة نسائية ! | abubakr | 04-01-08, 07:40 AM |
| Re: رمتلة نسائية ! | سمرية | 04-01-08, 09:14 AM |
| Re: رمتلة نسائية ! | انعام حيمورة | 04-01-08, 08:05 AM |
| Re: رمتلة نسائية ! | سمرية | 04-01-08, 10:06 AM |
 Re: رمتلة نسائية ! | mamkouna | 04-01-08, 08:35 AM |
| Re: رمتلة نسائية ! | سمرية | 04-01-08, 10:15 AM |
| Re: رمتلة نسائية ! | Nasr | 04-01-08, 08:48 AM |
| Re: رمتلة نسائية ! | سمرية | 04-01-08, 11:19 AM |
| Re: رمتلة نسائية ! | محمد أبوالعزائم أبوالريش | 04-01-08, 09:24 AM |
| Re: رمتلة نسائية ! | nazar hussien | 04-01-08, 10:45 AM |
| Re: رمتلة نسائية ! | Giwey | 04-01-08, 11:44 AM |
| Re: رمتلة نسائية ! | سمرية | 04-02-08, 07:54 AM |
| Re: رمتلة نسائية ! | سمرية | 04-02-08, 07:26 AM |
| Re: رمتلة نسائية ! | سمرية | 04-01-08, 01:27 PM |
| Re: رمتلة نسائية ! | محمد أبوالعزائم أبوالريش | 04-01-08, 12:05 PM |
| Re: رمتلة نسائية ! | Tragie Mustafa | 04-01-08, 02:00 PM |
| Re: رمتلة نسائية ! | سمرية | 04-02-08, 08:31 AM |
| Re: رمتلة نسائية ! | سمرية | 04-02-08, 08:02 AM |
| Re: رمتلة نسائية ! | حسين محي الدين | 04-01-08, 02:19 PM |
| Re: رمتلة نسائية ! | سمرية | 04-02-08, 08:37 AM |
| Re: رمتلة نسائية ! | حسين محي الدين | 04-03-08, 04:23 PM |
| Re: رمتلة نسائية ! | حمد فتح الرحمن | 04-01-08, 03:31 PM |
| Re: رمتلة نسائية ! | سمرية | 04-02-08, 08:46 AM |
| Re: رمتلة نسائية ! | Nasr | 04-01-08, 05:17 PM |
| Re: رمتلة نسائية ! | سمرية | 04-02-08, 09:04 AM |
| Re: رمتلة نسائية ! | أبوذر بابكر | 04-02-08, 07:40 AM |
| Re: رمتلة نسائية ! | سمرية | 04-02-08, 09:27 AM |
| Re: رمتلة نسائية ! | محمد أبوالعزائم أبوالريش | 04-02-08, 09:01 AM |
| Re: رمتلة نسائية ! | سمرية | 04-02-08, 09:35 AM |
| Re: رمتلة نسائية ! | انعام عبد الحفيظ | 04-02-08, 01:51 PM |
| Re: رمتلة نسائية ! | سمرية | 04-03-08, 07:32 AM |
| Re: رمتلة نسائية ! | خضر حسين خليل | 04-02-08, 02:07 PM |
| Re: رمتلة نسائية ! | سمرية | 04-03-08, 08:56 AM |
| Re: رمتلة نسائية ! | سمرية | 04-03-08, 10:44 AM |
| Re: رمتلة نسائية ! | Nasr | 04-03-08, 04:08 PM |
| Re: رمتلة نسائية ! | سمرية | 04-06-08, 07:25 AM |
 Re: رمتلة نسائية ! | الجندرية | 04-06-08, 10:45 AM |
| Re: رمتلة نسائية ! | سمرية | 04-06-08, 11:42 AM |
| Re: رمتلة نسائية ! | قرشـــو | 04-06-08, 01:01 PM |
| Re: رمتلة نسائية ! | سمرية | 04-08-08, 09:49 AM |
| Re: رمتلة نسائية ! | Nasr | 04-07-08, 07:33 AM |
| Re: رمتلة نسائية ! | سمرية | 04-08-08, 12:05 PM |
| Re: رمتلة نسائية ! | Safia Mohamed | 04-07-08, 12:58 PM |
| Re: رمتلة نسائية ! | سمرية | 04-09-08, 09:51 AM |
| Re: رمتلة نسائية ! | ناهد بشير الطيب | 04-08-08, 12:44 PM |
| Re: رمتلة نسائية ! | سمرية | 04-09-08, 10:55 AM |
| Re: رمتلة نسائية ! | محمد الطيب يوسف | 04-08-08, 12:49 PM |
| Re: رمتلة نسائية ! | سمرية | 04-09-08, 11:23 AM |
| Re: رمتلة نسائية ! | Nasr | 04-08-08, 03:33 PM |
| Re: رمتلة نسائية ! | سمرية | 04-09-08, 11:35 AM |
| Re: رمتلة نسائية ! | Nasr | 04-09-08, 05:05 PM |
|
| |
سمرية
فيس بوك
تويتر
انستقرام
يوتيوب
بنتيريست