الجعلي ود العمارات، يعود بنا خمس سنوات الى الوراء!!! أركز للبطان بالمدافع!

Quote: 3)أغلقت منبر سودان للجميع لمبلغ عشر دولارات؛ حق تسجيل الدومين ويا ليتك دفعتها من جيبك؛ لا بل إدعيت إمتلاكك له، وأعلنته في مزاد علني، بلا خجل وبلا حياء، في عملية أقل ما يقال عنها خيانة الأمانة؛ وسرقة مجهود أناس وضعوا ثقتهم فيك. ولو كنت مقيماً في دولة محترمة لكان مكانك السجن، ولو علمت بذلك شركة محترمة لما وجدت بها وظيفة وإن كنت أنور-كنق-قيت..

تاني جيبتا سيرة البحر ده؟
أعتقد أنك ممن يقرأون بأضنيهم يا ود عمي....لأنو لو بتقرا بعينك الحا يأكلها الدود الأسود الصغيروني داك...كان قريت أنو مافي زول من إدارة سودان فور أوول، دفع ولا "هللة" في الموقع المذكور آنفاً...لذلك فكونو أعرضو للبيع...أزرعه، أحصده....أحرقه...فهذا شأن خاص...وليس بمقدور أحد التدخل وإملاء ما أفعله!

الله؟ ما قلتو جعليين يا ناس، نسيتو حماقتكم خلاس؟

وإن كنت أعتذرت وأعتذر الآن، لأشخاص لا علاقة لهم ولا دخل لهم بما حدث...اصابهم رشاش ما فعلت...!
أنا يا سيدي في دولة محترمة...وعندي شركة محترمة (وكمان بعمل في شركة محترمة)، وحاجات تانية كتيرة...لكن لأنو كلامك منطلق من غرض...تريد تجريمي في حقي!!! وده طبعاً الفرضية الأنطلقت منها حملة مسح أنور كينغ بالأرض حينها...(من دون ذكر أسماء)!

ومازلت عند رأيي...لو في زول عندو حاجة عندي...فأسكون سعيد جداً للوقوف أمام المحاكمة! لكنه الإستهبال وحركات المثقفين المفلسين يا عمك!

وأشكر الدكتور الحبيب مُعز عمر بخيت على وقفته الإنسانية النبيلة مع إدارة الموقع، رغم ما تعرّض له من رسوماتهم تلك!

وأشكر الإنسان النبيل والأخ الى الأبد: عادل عبد العاطي...الذهب الذي لا يصدأ...على وقفته وتعريته للكثيرين حينها (وانا يافع غض وكده!)


والشكر للمعلم...علي حسن سلوكه برضو يا ياسر ود طيفور...لأنو لو كان في قدوة حينها من قبل الطرف الآخر....لكان الحال غير!

فقد تم إنكار كل جهدي ووقتي وعملي...وفلوسي التي دفعتها حينئذ...ودي ياها زاتا الحقارة الما بنقدر نبلعها...ولو جاتنا من أقرب الأقربين!

الشوق الشوق يا شنتير...وكامل المحبة وكل عام وأنتم بخير

Quote: أولاً وثانياً .. حمدلاّ على السلامة. حسبتك في لاهاي بين القضبان، من كثرة ما أثاره محامو الادّعاء والعارضون خدماتهم بالمجان لتجريمك المطلق. يعني في أمل تكون بريء؟. بالنسبة لي فأنت بريء ونص وخمسة، إلا أن تقول بنفسك إنك مجرم نت. وياما يا دنيا ما فيكِ بلاوي متلتلة. ألف حمدلاّ على سلامتك وأعمل حسابك من مطاردات الانتربول. سلِمْتَ

في ما يختص بموقعيّ سودان فور أوول وسودانيات...

عشان قراية المزيد...