كتب الكاتب الفاتح جبرا المتوفرة بمعرض الدوحة
|
Re: موضوع العرس مرّة أخرى: تعديل مواصفات العروس (Re: AnwarKing)
|
العزيزة نجلاء التوم... ولا يهمك يا بت ابوك.... اها نجيب ليك الكلام تحت تانى:
Quote: 07-2004, 10:16 م
نجلاء التوم
انور يا خوى البوست ده فاتح فتح شديد بالله انا غبت لى يومين جيت لقيت غبارك لاوى عارف ؟ انت ح تصل يا كنج لكن المشكلة الوحيدة انو الاحتمالات مفتوحة وحتجى لحظة محددة صارمة يكون عليك استقبال قبلة واحدة والمشى فى سكتها للاخر بدون ما تتلفت ولا مرة لى ورا . بعد زمن يا انور ممكن يكون فى حب ،ممكن جدا على فكرة لكن السعادة ( النسبية ) ح تكون برضو فى الرضا والرضا مرتبة عالية وغالية عايز قلوب دهب وارواح مغسلة بالتواضع والسماح . امش لى قدام شوية . لكن قيل كده قول لى : انت تربية منو فى الحبوبات يا انور ؟ بتنكت كلام لا فى السما لا فى الارض ، غايتو البنية الله يعينها عليك لانك غلباوى ومشاكس وروحك خفيفة . منور . |
وسأعود للتعليق...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
العزيزة نجلاء.... First of : I dont mean...to be mean, But that's all ...I can be..is Just me... AnwarKing
ثانياً:
Quote: انت ح تصل يا كنج لكن المشكلة الوحيدة انو الاحتمالات مفتوحة |
دى اظنها بتشبه مرحلة المتوسط...لما يسألوك انت داير تطلع شنو؟؟؟ دكتور..مهندس... ولا ما نافع (على حسب الجو العام فى السودان)..
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
Quote: لكن قيل كده قول لى : انت تربية منو فى الحبوبات يا انور ؟ |
ممكن يكون فى زول/ة محظوظ زى هنا...ممكن؟!؟
يا سيدتي...انا عندى أمين (2 mothers)...و 3 اباهات (3 fathers)...وحبوبات كتار
أمي والدتى إقبال مامون محمد بشير... الله يرحمها ويحسن اليها...كانت القيرل فريند بتاعتي الله يرحمها... واعني ما أقول على حسب فهمى للاشياء...كنا لا نخفى اى حاجة من بعض...واى شئ قابل للنقاش... أى سؤال يخطر على بالك...انا سألتو لى امى الله يرحمها.... سألتها عن الدورة الشهرية... وعن معيشة الازواج... وعن تربية البنات... وعن أى شئ بلا استثناء ولا خوف..ولا خجل... الله يلحقنى بيها فى الصالحين ان شاء الله....
أمي مربيتي...النشأت فى بيتا... حبوبتى نعمات يوسف بشير... زولة الله يديها العافية وطولة العمر والعمل الصالح... أمرأة بخمسمية (راجل)...ولا أقول ليك...بكل الرجال..وأولهم انا... الالفاظ الممكن تتطلعنى من سودانيز أون لا ين دا... بسمعها منها عاااااااااادى...زى الزبادى...
وبتدافع عن البنات دفاع مستميت فى البيت...زرعت فينا الكثير من الانسانية واحترام المرأة عشان هى أمرأة...كذات..وليس موضوع... وأمى -حبوبتي نعمات دى... ما بتفك الخط...لكن بتفك أى مشكلة...ولو أستعصت على الجن الاحمر.. شجاعة..لما يقولوا حرامي..بتكون جنب الزول القالها والكلام دا شوفتو بعينى دى....ما حكوهو لينا..
ابائي هم: ابي-جدى مأمون محمد بشير عبد الله... لا أجد كلمات مناسبة لوصف هذا الرجل النبيل..الكريم...الأب.. الكل حاجة... الله يشفيه من السكرى....ويرجع يأكل الباسطة ويبسطنا معاهو كمان.... ربانى من عمرى سنة..بعد انفصال الوالدة والوالد... ربانا على الرجالة...وربتنا أمى نعمات على الأمومة....
أبى والدى: فتح الرحمن أحمد دفع الله...ضابط متقاعد من القوات المسلحة السودانية... بشبهو فى الشكل كتير....
أبى وابو أخوانى من ناحية الأم: أحمد عبد الرازق بابكر.... منتهى الانسانية...أب فاضل...رأيت فيه بأم عينى معنى الوفاء...معنى التفانى...معنى ان تكون انساناً....
اما الحبوبات: حبوبة فاطمة بت الخليفة البدري والدة جدى مأمون...... من ناس الابيض...دعواتها واصلنى محل ما مشيت..بحس انو الحاجة دى من دعوة حبوبة بت الخليفة... ويكفى حكاويها بس عن حياتها مع جدى محمد بشير....تخليكى تعاينى للدنيا رهاب رهاب...
حبوبتى كرام بت سعد محمد سعد.... ترا رااااااااااااااااااااااا دا الفيلم الهندى زاتو...حبوتى كرام..أو كوكى (كحبوبة عصرية) زولة منقة شديد... عينة تقول ليك..انا دمعتي مؤدباها...(يعنى ما بتبكى مع زول ما جاها فى بكا)..ولا تقول ليك الخطيب فى عين خطيبتو حمار لما ما يكون عاجبه خطيب واحدة من احفادها... ولا تقول ليك ها البوم دا...انت هسع عارف الحوت فسى وين..لما ما يعجبها النضمى بتاعك... ولا تقول ليك...حوار من حمار...لما تشوف أبو أولادو عاجبنها... والكلام عن كوكى..ما بيخلص...الله يديها العافية وطولة العمر والعمل الصالح....
بس كدى سؤالين ليك يا نجلاء... انت تراب الوتد بمشى ويين؟؟؟؟
والزول لما يحفر حفرة...وداير يرجع التراب تانى..ليه تراب الحفرة بيزيد؟؟؟؟
ولى عودة... أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
سؤال تانى موجه للجميع:
واحد وواحدة...كان بينهم علاقة حب شديدة جداً...جا واحد من المغتربين (الحديات) كف ختف البت وخلى الولد خشمو ملح ملح....
بعد زمن ليس بالطويل...اتلاقو فى الحلة..فى زقاق ضيق...ومضلم... -وييييييييييينك ووين الحى بيكى؟ *وييييييييييينك ووين الحى بيك؟ -الحصل عليك شنو؟ * والله انا عندى ولد وبت رضيعة هسع... - كذابة * والله - ما بصدق .... طلعت نهدها..وعصرتو... وشاف بعينو..اللبن... * صدقتا؟ - أىىىى * اها وانت وين الزمن وداك؟؟ - والله انا زاتى بقيت أبو وعندى بت رضيعة هسع دى.... * كذاب! - أأأأأأأأأأأأأأأأأأأأأأأأأا
السؤال...كيف يمكن يقنعا..انو متزوج واب لرضيعة ؟؟؟
ولكم المخ.. أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
رسالة من بت الاحفاد... أشكرها جداً عليها...واجد نفسى معجبا بها...ولكن..المواصفات بقت مسافة... أختى العزيزة بت الاحفاد...لك الشكر على الرسالة المشجعة....
Quote: Al-salam alikum brother Anwar Knig
First ana ba7yeek le sra7taak wo wodo7ak, I don’t know why people keeping blaming u as u did some thing wrong, I can’t see any wrong of what u doing, I think the way u
Looking for marriage is better than marrying a girl u sow her in video cassette and u don’t know any thing about her except her looking.
I think people who study computing or have a great interest in computer should see that as normal, we spend most of our time in computer, so our mentality should be different than others, I think we believe more on online relationship ( friend ship, marriage) than others, that why some people find it strange to have friends from the internet, and I find it very normal, the only Sudanese I have friendship with is from the board, some of them I meet them already in my last visit to Sudan and the rest I spoken to them by phone, my family is wondering how come we became that close while we knew each other through the net only.
AllAh ywafegak to find bint al7alal, even though I meet some of the condition u mention, like the age and the Passport, but I don’t know my right and I am not willing to live In Sudan or Korea, + u are older than me only 2 years and I prefer the man should be older than me from 5-15 years.
So I wish u all the luck, wo intaa testahaal kul kheer, if u wait another 10 years I can let u marry bint akhoy J
I wanted to write to u this in the board but ma 3endee mazaaj lel ktabaa fee alboard alyomeen deel, I don’t mind if u copy it to the board, and again I say I don’t find there is any problem with that, I believe intaa betanshood al7alaal wo rabanaa ywafegaak insha AllAh
Wo fee aman AllAh
Ur sister, bint_alahfad
|
واتمنى لك من كل قلبى ان تجدى من يسعدك فى الدنيا والآخرة... أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
رسالة الى عروستى المنتظرة.... سلامات وأشواق...من هنا...الى حيث أنت.... بوسة فى الجبين... الانتظار شعور جبان...وقاتل...لم يذق طعمه (الرجال) فى بلدنا السودان... فدائما البنات هم المنتظرين...وحتى (اليأس)...
عروستى المنتظرة... حبّى و أشواقى لك..تماماً كالحامل فى الشهر الرابع...تنتظر مولودها... وتحبه قبل ان تراه... انا انسان بسيط....أبسط مما يمكن تصوره... زى الطفل...كلمة تودينى...وكلمة تجيبنى... بس ما بحب الزيف...ولا بحب أعيش منافق... أحب الحقيقة...
سأسلمك نفسى حباً.... وربنا بيورثنا المودة والرحمة...( وجعلنا بينكم مودة ورحمة)... أتمنى ان تكونى فخورة بى...كما أتمنى ان أكون فخور بك... وأجى وسط (الرجال) وأقول مرتى قالت... ساعتها لمّا يقولوا الزول دا (باطل) ولا (دلدول) يضحكوا على... أجى أحكى ليك... انصاف الرجال قالوا شنو.... ونضحك فيهم سوا....
أتمنى انو تجى كوريا هنا...فيها منتزه (ملاهى) أسمو EVER LAND والله نفسى نتمتع فيهو بلحظات جميلة...
وانا آسف مقدماً على كل قبح قد يأتى منى... فانا ابن بيئتى... والطبيعة بتغلب التططبع...
أحبك...,أودك....وأنت...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
Quote: 3- الجنسية: (أمريكية أو أوربية) تكون من أب أو أم سودانيين أو كلاهما و لا يشترط كلاهما |
أواصل فى موضوع الجواز...الجنسية... تخرجت بعد معاناة 5 سنوات فى الدراسة...والغربة...والسهر والتعب...الحمد لله على كل حال...ياخى العلم دا شئ صعب شديد والله... ومسئولية الله يقدرنا تحمل تبعاتها...خصوصاً فى دولنا النامية...
كنت قد سافرت قبل التخرج الى كوريا...والوظيفى فى الجواز طالب...رجعت بورتسودان...مشيت مكتب الحركة... وأتشحطته هناك لمّا ربنا غفر لى...عشان أجدد رخصة السواقة... الضابط قاعد يتكلم بالموبايل... وما جايب خبر الدنيا... مشيت وجيتو زى 9 مرات كدا...فى آخر مرة..قال لى خلاص قفلنا...تعال بكرة...زعلتا شديد..لانو الزول قاعد قدام كمبيوتر... واعتقادى ان الكمبيوتر دا زول محترم... والمفروض اليقعد قدامو..يكون محترم برضو... ILL GOTTEN GAINS, NEVER PROSPER... عشان كدا..مشيت لى مكتب العميد...مدير الحركة وحكيت ليهو الحصل دا...انا مواطن سوداني...عندى معاملة...ممكن تخلص فى ثوانى بأستخدام الكمبيوتر....لللللللللللييييييييه أجى بكرة؟
كتب لى فى الطلب...ينفذ...الآن... رجعت للضابط...لسع بتكلم فى الموبايل...مديت ليهو الورقة وخاتى اصبعى فى مكان الآن دى....
المهم خلصتا المعاملة وغيرت المهنة وجددتا الرخصة...ورجعت البيت بركشة
دحين رخصة شنو العليك يا جنى؟؟؟
بعد كم يوم مشيت الجوازات...داير أغير المهنة....قالوا لى مافى تغيير مهنة...انت دايرا راعي؟؟ قلت ليهو : أى نعم انا زمان كنت بجرى ورا الغنم...وأحليب الغنم... وربيت مع خالى بدر الدين خرفان..وجداد..وحمام و حمام رقاص...وعندنا بقرة...جدها كان مستر فريزون (دا ما فريزين بتاع هولندا)...لكن والله داير أغير لى مهندس... قال لى نعم!... خوفتا...ولقيت نفسى بطلع شهادات التخرج...واحكى ليهو يا سعادتك انا مرة شفتك جنب فندق أمية فى القاهرة...ودحلسة شديدة...( لو كنت كلب...وعند سيدك حاجة..قول ليهو هو هو)...
على العموم ادانى ابتسامة كدا...لونها سفّة... وتفة باقى السفة و قال... أنصحك تخليهو طالب!... قلت ليهو والله دى أمنيتى أعميلو مهندس!!! المهم غيرتا المهنة من طالب الى مهندس كمبيوتر... والله يا أخوانا لو شفتو الاجراءات بتاعة الجواز دى...تخلو السفر زاتو....احىىىىىىىىىىىىىىىىىى انا... ملاحظة...كان ممكن أشوف واسطة وأقعد فى بيتنا...وكل شئ بيتظبط...لكن الواحد دايماً شايله بالشوبلى...
بعد قبولى لدراسة الماجستير...مشيت أعمل تأجيل الخدمة( الوطنية)... لقيت ولد من دفعة الثانوى العالى...علا كلامو متغير شوية...وجزاكالله خير كدا...
لويت ليهو خشمى و وجزاكالله خير... قال لى انت دافع زكاة؟ قلت ليهو يا عمك كدا قول بسم الله...فى زول مسافر يقرأ...بيدفع زكاة؟ قال لى المهنة معمولة مهندس طيب ليه؟ هنا وقع لى كلام الضابط الزماااان داك... أتاريو بيعرف الدفعة دا!....
المهم عملت ملف زكاة...وملف ضريبى...
البيغيظ موش انو عملتا الحاجات دى...البيغيظ فعلاً انو أختام الزكاة والضرائب ...وكمان دبوس من الخدمة الالزامية..كلها ملصقة فى الجواز؟؟؟
يعنى يحرق ابو كلام وزير الداخلية... وهم مساكين..ما عارفين الجواز دا بيصل ويين؟ وبتفحص كم مرة... الجواز السودانى ما فيهو مراعاة للمطارات الاجنبية... تاريخ الميلاد مكتوب بحروف اللغة الهندية..
وحروف لعتهم العربية...غائبة؟...؟؟
الجواز السودانى أحمله انا وانت و كارلوس وبن لادن والظواهرى و جيش الرب و أى ابو دقن فلسطينى وأى سجم رماد يخمنا زاتو...
عشان كدا وعشان حاجات تانية حاميانى...داير عروس بجواز أجنبي..ذو هيبة....
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
جواز السفر السوداني يحمله الرشايدة...العرب الخلص عروبتهم... مافى أختلاف على عروبة الرشايدة (يا شيوخ العرب)... لكن المهانة والمذلة البيلاقوها الرشايدة فى بورتسودان من (العرب) السودانيين...يشيب لها الرأس...
واحد صحبى كان خدمتو الالزامية فى قسم (المغتربين) هناك...وبحكم انو صديق سألتو: ياخى ليه بتذلوا الرشايدة ديل كدا؟ قال لى ياخى ديل زى البهائم! دى العقلية المستوطنة فى بورتسودان عن الرشايدة....والما مصدق يمشى ويشوف بعينو...فوق جزارة شيكاغو فى السوق الكبير...
واحد معرفة برضو...كان عندو علاقة جنسية مع واحدة ما سودانية...بعد فترة مشى معاها الجوازات وحلف يمين انها سودانية..عشان يدوها الجنسية... الزولة ما بتعرف تنضم سودانى... الضابط بعد ما عمل الاوراق كلها...غاظتو حكاية ما بتعرف سودانى دى... وقام رفض الطلب...
الزول دا زاتتتتتتتتتتتتتتتو....بعد فترة بقا مؤذن فى جامع... وكمان عرسوا ليهو (بنت الحلال)...
يا أخوانا...يا أخواتنا..دا كلام شنو؟ يا ربى دى العقلية الذكورية زاتا؟
الواحد يقبل الهظار عينة ( والله أبوك دا زمان كان صعلوق ومكمل الصعلقة) وتلقاهو يضحك ....
لكن ما أظن فى زول ولا زولة لحدى أسع دى..قالوا ليهو أمك زمان كانت صعلوقة..ولا مكملة الصعلقة!!
على العموم الحمد لله أنو الواحد بقا مقتنع تماماً... مافى شئ بيجيك...لو ما مشيت هابشتا فى اعراض الناس...
ورسالة الى أولياء الامور....أصحوا يا النايمين... أصحوا يا النايمين... أصحوا يا النايمين... أصحوا يا النايمين...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: EMU إيمو)
|
الحبيب إيمو... شكراً على إيرادك للرابط... ولو انو أفضل ان نركز على المواصلة هنا والتعدين فى هذا المكان الجميل....
Quote: يمنحك عضويه قيمتها 13 دولار فى الشهر مجانا لمدة شهر كامل
|
جنس الكلام دا البيجيب الهلع والشفقة زاتا... صحى يا إيمو...حبوبتى كان بتقول لى يا ولد انت شفقان زى شفقة أتويا...
عندك فكرة عن شفقة أتويا؟؟؟
لك الود يا حبيب..ومازلت منتظرك....
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
بريد الكترونى بديل لمن أرادت الإتصال وتنطبق عليها المواصفات:
Quote: 1- العمر: ما بين 20 الى 24 عاماً 2- الدين: ليس مهما (ًتحديداً لى انا) 3- الجنسية: (أمريكية أو أوربية) تكون من أب أو أم سودانيين أو كلاهما و لا يشترط كلاهما. 4- الشكل العام أو المظهر أو الجمال: ليس مهماً(ًتحديداً لى انا). 5- لديها الاستعداد لتعيش معى فى أى مكان (كوريا- السودان- أوربا- أمريكا). 6- تكون عارفة حقوقها القانونية جيداً ( حتى لا أظلمها ولا تظلمنى).
|
[email protected]
وربنا يجيب الرايحة... أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: SAdo7)
|
Anwar : what is up ? no news? two messages about the musical " group and no answer is received from you , don’t forget that you are going to get married soon and you may need us to cover algedomat" and the wedding if that obscure 3rousa shows up good luck
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: نجلاء التوم)
|
العزيزة جدا نجلاء التوم... أقسم بالله انك انسانة رائعة... وأتمنى لك من كل قلبى نجاح مشروع الفرقة الموسيقية... لا أجد وقت كافى للتفكير فيما يمكن ان أقدمه للفرقة؟؟؟ يمكنك تقديم أقتراحات هنا فى هذا البوست... واوعدك انو اعمل ما بوسعى للمساعدة..فى حدود أمكاناتى...
لك الحب يا نجلاء...والله انت انسانة جميلة....
أخوك أنور...
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: SAdo7)
|
الاخ العزيز صادوح... أعتبر مجيئك الى هنا بمثابة تصافى النفوس والسودانية التى أبحث عنها وسط (السودانيين)... طبعا بالرجوع الى هذه المداخلة ...
Quote: Quote: 14-06-2004, 04:56 م
SAdo7
تاريخ التسجيل: 06-01-2003 مجموع المشاركات: 531 Re: من هى الرائعة رودا؟ (Re: AnwarKing)
اذا كان الغراب دليل قوم فما وصلوا وما وصل الغراب دخلت البوست فازددت والله ايماننا بان النساء ناقصات عقل ودين ولم اكن اعلم ان هناك رجال يحملون هذه الصفه نقص الدين والعقل الا من خلال هذا البورد فان لله فى خلقه شئون |
رمضان الكريم على الابواب... لتضمن اننى عفوت حقى لك...أرجو منك الدعاء لى فى العشر الاواخر من منه... وساعتبر دخولك هنا ايضاً بمثابة سؤال ورجوع مرة أخرى لنقطة الدين...ذكرت فيما سبق اننى لم اكمل كلامى فيها...وسأكمل ان شاء الله...
جزيت خيرا على الدعوات...والعفو والعافية...
أخوك أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
نجح (علماء) الاسلام المعاصرين فى تطوير الكثير فى قسم العبادات (كالصلاة مثلاً)... وفشلوا فى كثير من الجوانب الاخرى ( كتقديم نموذج عصرى للدولة الاسلامية)...
ما يهمنى قوله...هو اننى كشاب مسلم أود المحافظة على عرى دينى فى كل حياتي (قل ان صلاتى ونسكى ومحياى ومماتى لله رب العالمين)... ان أجد أجابات عصرية وسريعة ومواكبة لحياتى العصرية... وذلك يتطلب بالضرورة ..مواكبة من العلماء انفسهم... ولا يكتفون بالكتب فقط...
فى مرة من المرات سألت امام الجامع (شيخ صالح أحمد عبد الحفيظ) فى حى الشاطئ بورتسودان عن ما حكم الاسلام فى الاستمناء (العادة السرية) وتعرف بين الشباب فى السودان ب (دق الحلاوة)...
أفتاني الشيخ بانها حرام... قلتا ليهو طيب انا قريت فى كتاب انها حلال... قال لى حلال فى حالة واحدة فقط... هى ان تستوى اما فرج المرأة ..يعنى لما يكون مافى بينك وبين الزنا الا ادخال المكحل فقط!!!... بى قلبى قلتا ليهو...يا شيخنا فى الوقت داك فى زول بيكون واعى ليك!!!
ظل السؤال حائراً فى ذهنى لزمن...هل يعقل ان تكون الممارسة الجنسية مرتبطة بالزواج فقط...يعنى ما قبل الزواج الناس دى تقع وين؟؟؟
الا ان حضرت برنامج بلا حدود فى قناة الجزيرة.... عنوان الحلقة التربية الجنسية ...
الشخص المحاور هو د. محمد هيثم الخياط (نائب المدير الإقليمي لمنظمة الصحة العالمية في إقليم شرق المتوسط ولد الدكتور محمد هيثم الخياط في دمشق في سوريا، وتخرج من كلية الطب بجامعة دمشق، وحصل منها على درجة الدكتوراه في الطب، ثم شهادة أهلية التعليم العالي من جامعة بروكسل في بلجيكا، .. درَّس العلوم الطبية طيلة 22 عامًا في كلية الطب بجامعة دمشق، وكلية الطب بجامعة بروكسل، درس العلوم الشرعية على مشايخ دمشق، وتبحر في علوم اللغة العربية، مما جعله يجمع عضوية أغلبية مجامعها؛ فهو عضو في مجمع اللغة العربية في دمشق، ومجمع اللغة العربية فى عمان، ومجمع اللغة العربية في القاهرة، والمجمع العلمي العراقي، والمجمع العلمي الهندي، وأكاديمية نيويورك للعلوم، وعلاوة على ذلك.. فهو عضو في أكثر من 20 جمعية علمية في مختلف أنحاء العالم؛ عضو مجلس أمناء المنظمة الإسلامية للعلوم الطبية، ورئيس تحرير المجلة الصحية لشرق المتوسط.
) وكانت الحلقة هى الجواب الشافى لاسئلتى:-
http://www.aljazeera.net/programs/no_limits/articles/2000/12/12-9-2.htm
وهى ان العادة السرية...حلال ...للرجل والمرأة على حد سواء... وقد لا يعجب البعض هذا الكلام... ولكن ما يجعلنى اصدق فتوة الدكتور...هو انه ليس (شيخاً) فقط...وليس طبيباً فقط وانما عالم يجمع بين الامور كلها....
ومرة أخرى أعيد....أصحوا يا ولاة الامور...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
مقدمة البرنامج....شافية...وكافية:-
Quote: موضوع حلقة اليوم هام وشائك وحساس وشائق في آن واحد، فكثير من الناس يعتبرون الحديث في مثل هذه الموضوعات من العيب أو المحرمات التي لا يجوز الاقتراب منها، في الوقت الذي تناولت فيه النصوص القرآنية والنبوية مثل هذه الأمور بشكل واضح للناس، حتى ينشأ الناس نشأة سوية بعيدة عن الانفلات الذي تعيشه المجتمعات الخالية من الضوابط، أو الكبت الناتج عن الموروثات الاجتماعية والتقاليد البالية في معظم مجتمعاتنا، مما يؤدي إلى صراعات نفسية، وكبت يؤدي في كثير من الأحيان إلى الانحراف، أو الحصول على معلومات من طرق ملتوية أو من رفاق السوء.
وفي هذه الحلقة.. نحاول أن نطرح موضوع التربية الجنسية والصحية للأطفال والمراهقين من محاوره المختلفة، ليعرف الأبوان تحديدًا، بصفتهما المحضن الأساسي للطفل والمراهق دورهما في هذه القضية الشائكة، وكيف يتعاملان بأسلوب صحيح مع تساؤلات أو حتى خجل أبنائهم.
ولحساسية القضية المطروحة لدى معظم الناس.. فقد اخترنا لها من يستطيع أن يسبر غورها من نواحيها المختلفة، الصحية، والنفسية، واللغوية، والفقهية في آن واحد، ولذا فإن ضيفنا طبيب أو بالأحرى عالم مبرز في الطب، ولغوي مميز، وفقيه أريب، جمع هذه العلوم من أطرافها، وربما يكون من القلائل، أو من العرب النوادر الذين يجمعون بين علوم الطب واللغة والفقه في آن واحد.
|
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
لما جيت الى كوريا للدراسة فى سبتمبر 2003 كان معاى مصحف...هدية من الاخ عامر عبد الحميد ومعه مصلاية... رغم انو النصوص تقول بتحريم أخذ المصحف الى بلاد غير أسلامية... شلت المصحف معاى...لفهمى ان (انّا نحن انزلنا الذكر وانا له لحافظون)... وشلتا معاى سبحة...لا تقل أهمية عن ذهابى للدراسة...ابتغاء مرضاة الله... ومن اجل بلدى السودان...بفهمى...
من الاشياء الغريبة...ان معظم دعاة محاربة البدعة... يستعملوا البدع فى ما يخدم أغراضهم...مثلاً جهاز الكمبيوتر دا...كان بدعة...الى حد قريب... وفجأة..اصبح من أهم الوسائل الدعوية!...
نفسى مرة واااااااااااحدة..اسمع شيخ من الشيوخ ديل يعتذر لجهله...ويقول فى صلاة الجمعة...يا ناس انا والله غلطان...( وفوق كل ذى علم عليم)...المشكلة انو التعامل بين المجتمع المسلم والشيوخ مفروض عليهو نوع من القدسية...التى لا تفرق بين الشيخ والنص الذى يقول به...عطلت هذه العلاقة تطور المجتمع المسلم...وجعلت المكتبة الاسلامية تعيد أجتطرار نفسها...
واصبح عدونا (الوهمى)... هم أعداء مجتمع الرسول صلعم..رغم انو عدو الاسلام فى هذا الزمان..هم المسلمين انفسهم... لذلك لا تجد صفحات فى الانترنت...إسلامية...جاذبة...وانما تطفل من (الدعاة) على الصفحات الموجودة....ومحاولات بائسة (لاسلمتها)....
واصبحنا نتوق شوقا لرؤية النماذج الغربية للاسلام (يهودي اسلم- مسيحي اسلم)...ولا نهتم ولا نعلم فى كم مسلم أو مسلمة (تنصر) من الجوع والفقر والبؤس...
واصبحت الرسائل بين المسلمين فى البريد...سخيفة... مثلاً...بريد من 3 صفحات عن تكفير الزول البيقول باى Bye.... ولا محاولة سخيفة للربط بين القرأن واحداث 11 سبتمبر...
انا اخذتا عهد على نفسى..انو أعمل بلوك للابد لاى زول يرسل لى رسالة كهذه...فهى نوع من التهرب من المسئولية... التى ضيعها المسلمين...
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
قرأت الكثير من الكتب (الاسلامية)...تدعو لفصل البيضة من الحجر...فى محاولات عجيبة وغريبة لرهبنة المجتمع المسلم... ذكور<> اناث...
المشكلة انو احنا مازلنا نتعامل بانتقائية مع مجتمع الاسلام الأول... العنصرية موجودة ومتاصلة فينا... واسأل الله ان ينزعها من قلوبنا...
يا أخوانا الصحابى القال لسيدنا بلال رضى الله عنه.. يا ابن السوداء...كان فى عهد الرسول صلعم... والعرب (وانا ليس منهم انا سودانى وفقط) مشهورين بالعنصرية...لذلك انظر للاسلام الذى يتعامل مع عقلى وبيراعى ثقافتى المحلية... وهنا أورد لكم مثل مشهور.... الشنب البنعتبرو علامة (الراجل) فى السودان ...ليس من الاسلام فى شئ...
ولهذا اجد نفسى اناصر فرقة عرائس النيل...لترقص... واستغرب من الذى يفصل الغناء من اسلام المجتمع السودانى!!!
وليس بالضرورة ان ترقص زوجتى او لا ترقص...وانما أجده حق من حقوق الانسان فى السودان...
ولن استغرب لو لقيت زول ولا زولة..بيرقص فى الاذان... نعم يرقص فى تلك النغمة الموسيقية الجميله والعذبة التى تصدر من الآذان...( حى على الصلاة...حىّ على الفلاح)...
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
أعود مرة أخرى لرسالة العزيزة بنت الاحفاد...
Quote: AllAh ywafegak to find bint al7alal, even though I meet some of the condition u mention, like the age and the Passport, but I don’t know my right and I am not willing to live In Sudan or Korea, + u are older than me only 2 years and I prefer the man should be older than me from 5-15 years |
العزيزة بت الاحفاد...ما مشكلة انو الزول ما يكون عارف حقوقو...المشكلة هى ان لا يسعى لمعرفتها.. انا لو كنت بنت... وتقدم لى احدهم فى الزمن دا...
سوف اؤكد حقوقى فى الاتى: 1- بما انو انت عاوزنى اكون عذراء (كعقلية سائدة)...أطلب منك ان تأتينى بشهادة طبية من معمل معترف به...تؤكد خلوك من مرض الايدز... (نسبة الايدز ماشاء الله)....
2- بما انو انا الحا أكون وعاء لأولادنا المتوقعين ان شاء الله... أطلب منك شهادة طبية تثبت انو انت قادر على الانجاب...عشان ما نقعد نتهم فى بعض بعدين ويقوموا أهلك يعرسوا ليك فوقى...
كحقوق اساسية... وبعد داك ادخل فى التفاصيل...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
الاخ العزيز صادوح... لك الحب فى الله يا اخي...وسبحان من لا ينسانا ولا ينساكم..... (والكاظمين الغيظ والعافين عن الناس والله يحب المحسنين)... اسأل الله العلى القدير ان يجعلك من المحسنين... آمييييين...
قال صلعم:ورب أغبر أشعث...لو أقسم على الله لابره...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
الحبيب صادوح... شكرا لاضافة النقاط اعلاه...وهى بلا شك ستفتح مزيد من الآفاق للحوار...
أولا اسأل سؤال لهذا الاسر: هل الجواز أو أى وثيقة اجنبية تحملونها تمثل لكم اكثر من زواج بناتكم؟ ان كانت الاجابة نعم...يبقى انتهى التساؤل...
اكان لا...................... ........................ .........
الاخ صادوح...البوست ماشى فى سياقه..على حسب فهمى وتوضيحي للامور... وموضوع الدين فقرة من فقرات المواصفات التى أوردتها...لذلك باقول فيها ما أريد قوله...
لك الشكر مرة أخرى على الروح الطيبة وياريت لو تحكى لينا شوية عن حسادة السودانيين... أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
رسالة أخرى الى العروسة ...
كان يوم الجمعة 18-6-2004 يوماً مشهوداً فى حياتى...فقد قدمت فيه أول ورقة علمية فى حياتى فى مجال البحث العلمى...فى مؤتمر فى مدينة جونغ جو التى أعيش فيها حالياً... الورقة كانت بعنوان Privacy Preserving Data Mining using Role Based Access control http://www.sudadev.net/forum/viewtopic.php?t=1099&sid=f...ea03a314e2a279ee4ae9 والتجربة كانت ومازالت رائعة بالنسبة لى... تخيلى يا عروستى الحبيبة...ما قدرت أقدم الورقة دى لمؤتمر فى الولايات المتحدة لعلمى المسبق باجراءات التأشيرة التعجيزية...
فى الصورة دى (صورة حديثة وكدا) يظهر بجانبى جاى هيوك...سنيرى فى الدراسة ومتزوج... بعدين ان شاء الله حا أحكى ليك عن زواجو كان كيف...أجمل حاجة فى كوريا...الناس هنا بتعرف تعيش الحياة كيف...
مرة واحد بتناقش معاى فى موضوع الدين...قال لى ياخى انا ما محتاج للدين فى حاجة, لانو انا زول كويس...
الزول خلانى أحتار...واسأل...صحى احنا الدين محتاجنو فى شنو؟
البيئة فى كوريا قمة فى الجمال...فيا عروستى لا تحرمى روحك من شوفتا...ولو لفترة بسيطة...
واتمنى أشوف ليك صورة حديثة وكدا برضو...
لك الحب يا غائبة!
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
صديقي العزيز أنور ...
طبعا .. أنا وانت اتكلمنا في الموضوع ده وأنا قلت ليك بصراحة أني شايف أنه فكرتك لن تنجح لكن في نفس الوقت، أتمنى لك التوفيق وأن تثبت خطئي ..
السبب الرئيسي، كما أخبرتك، أن معظم الناس مصابة بشيزوفرينيا إنترنتية .. فمعظمنا – من جيل السايبر - يملك شخصيتان .. واحدة في الواقع الحقيقي والأخرى في الواقع الافتراضي .. فمن ستحبها على الماسنجر لن تكون هي نفس الإنسانة التي ستتزوجها وتعيش معها في العالم الحقيقي .. أو لنقل أن هناك مخاطرة كبيرة بأنكما ستنخدعان ..
وفي الحالة السودانية، تبدو المخاطرة مضاعفة .. لأننا مصابون بهذه الشيزوفرينيا حتى في الواقع فما بالك في الانترنت .. تلقى الواحد يتكلم ليك عن التقدمية والماركسية والايديولوجية والبطيخية وبعدها بثواني يقول "شايف العب ابن ...... "
وبالنسبة لمواصفاتك ... ليــــــــه أصلا تكون سودانية ؟؟؟ يعني السودانيين شفت فيهم شنو زيادة عن الكوريين ولا السويسريين ولا حتى المصريين ..
بما أنه إحنا جيل الإنترنت – زي ما انت قلت – فنحن أيضا جيل العولمة والعالم الذي أصبح قرية صغيرة .. وانتماء الزوجة والأولاد للسودان لا يحكمه الجنسية أو جواز السفر أو اللغة .. والدليل الحاصل في دارفور والاهتمام من كل دول العالم وآخر ناس اهتموا موالينا بتوعين السودان .. وطبعا العرب والمسلمين ديك انساهم ..
فأينا أكثر سودانية .. إحنا ولا هم ؟؟
بغض النظر عن الجنسية والديانة واللغة ... الجماعة ديل عندهم حاجات كتير ناقصانا .. ومن خلالك، حيحبوا السودان أكتر من السودانيين ذاتهم .. وأكيد حيكونوا أفيد ..
سؤالي تاني ... ليـــــــــــــــه سودانية ؟؟؟
وما زلت عند رأيي أن فكرتك الجريئة فاشلة !!!
ولي عودة ..
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: kabaros)
|
الحبيب الى القلب...الانسان الصادق جدا كبروس....
طبعا يا سيدى الزول ما بخاف...الا من الزول الصادق... لانو بقول ليك يا اعور...أقصد يا انور...
Quote: وفي الحالة السودانية، تبدو المخاطرة مضاعفة .. لأننا مصابون بهذه الشيزوفرينيا حتى في الواقع فما بالك في الانترنت .. تلقى الواحد يتكلم ليك عن التقدمية والماركسية والايديولوجية والبطيخية وبعدها بثواني يقول "شايف العب ابن ...... "
|
قلتها يا مظفر...واتمنى ان نقرأها ولا نمر عليها مرور الكرام... وانا ماخد على نفسى عهد يا مظفر... حا أشطب من قاموس حياتى أى زول ولا زولة يقول كلمة عب دى بدلالاتها...
ما يفوتك انو واحد من القابى العب... ومن شدة ما كان بتحرقنى وانا صغير...جدى مأمون قال لى : البيقول ليك عب...قول ليهو أزرقوا حب...
ونصيحتو دى عملتا بيها مع أول زائر للبيت (أشد اصدقاءه) وكان انو الضيف قال الولد دا ما مؤدب..
ياخى ناس عجيبة ياخى...
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: kabaros)
|
Quote: وبالنسبة لمواصفاتك ... ليــــــــه أصلا تكون سودانية ؟؟؟ يعني السودانيين شفت فيهم شنو زيادة عن الكوريين ولا السويسريين ولا حتى المصريين ..
|
يا مظفر سؤال حااااااااااااااااااااااااااااار...لا استطيع ان اتبنى اجابته لوحدى....
والله ما عارف...
لكن أمى الله يرحمها...كانت سودانية يا مظفر...شفت فيها نموذج للأم السودانية..شفت فيها نموذج للصبر السودانى...شفت فيها نموذج لتشجيع الابناء للمضى قدما نحو الامام...
طبعا ما بحاول أزوغ من الاجابة...لكن بحاول الملم حاجة من الوعى واللاوعى عسى ولعل أجد اجابة يا مظفر...
كلامك منطقى وزى السيف يا مظفر...لييييييييييييييييه سودانية أو بالاحرى يكون فيها شئ سودانى وممكن الكلام دا تلقاهو فى أى مكان... انتا طرحت سؤال يا مظفر...صعب...وانا كنت قايل روحى (رجل) المهام الصعبة...
ولنضيف هذا السؤال "لييييييه سودانية" الى قائمة الاسئلة الهائمة...التى تبحث عن اجابة...
1- To be or not to be, That's the Question!
2- ليييييييييييييييه سودانية؟؟؟
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: kabaros)
|
Quote: وما زلت عند رأيي أن فكرتك الجريئة فاشلة !!!
ولي عودة .. |
عارف يا مظفر... لولا حكاية ود(ر....) بتاعك دى...كنت بتفيد الناس كتير....
طبعا انا عارف انو عبارة فكرتك الجريئة فاشلة دى فى ناس كتااااااااااااااااار هنا بقولوها... لكن فى سرهم... المفروض شئ والواقع شئ تانى...
المفروض انو نقول الصراحة... ياخى لييييييييييه اصلاً البوست دا يقلب صفحتين؟؟؟؟
احنا فى 2004 يا مظفر...فى 2004 شاب سودانى اسمو أنور يطلب الزواج على الملاء...ومافى زولة واحدة ترد عليهو حتى الصفحة تقلب!!! يعنى معقول انا الداير العرس براااااااااااى؟؟؟
مافى واحدة دايرة تعرس وتنطبق عليها المواصفات دى؟؟؟
ياخى احنا كذابين بشكل...ومنفصمين بشكل....
ولا الاعجب من كدا يا مظفر...الشباب زاتهم...دايرنها باااااااااااااردة...دايرين شريكة مستقبل على انقاض بوست أنور!
والله مهازل... يعنى بعد ما القى عروستى...اشوف أخواتها..وعماتها...,خالاتها لشباب!
طيب انا زاتى عندى اخوات يا شباب...فى زول واحدددددددد قال لى داير أختك يا انور؟؟؟
مافى...كلهم يا مظفر دايرين فتات مغامرتى....
Quote: أنا وانت اتكلمنا في الموضوع ده وأنا قلت ليك بصراحة أني شايف أنه فكرتك لن تنجح لكن في نفس الوقت، أتمنى لك التوفيق وأن تثبت خطئي ..
|
يا مظفر زى ما قلتا ليك...نجاحى فى الوصول لهذه الفتاة ليس من باب المغامرة الغير محسوبة...
انا أطلب فى مكان...لو كنا احنا صادقين مع انفسنا...المفروض من أول يوم القى زولتى...
يا أخوانا الموقع اسمو Sudaneseonline يعنى السودانيين الهنا المفروض يكونوا بيعرفوا "أون لاين" دى معانها شنو...
يا مظفر الكمبيوتر دا زول زيو زى اى زول حايم هنا...واحسن من البعض كمان...
يا مظفر الانترنت عالم..فيهو أى حاجة... وله ثقافة... والمفروض الناس تقرا عن علم الكمبيوتر وثقافة الانترنت قبل ما تدخل العالم دا... لانو بجينا وجع قلب احنا من كلمة ( والله انا جديد فى الكمبيوتر والانترنت)...
ياخى لما درست المدرسة...سمعتا ليك بى زول دخلوه الجامعة طوالى!
فى الابتدائى....وبعدين الوسطى... بعدين الثانوى...ثم الجامعة....
الكمبيوتر والانترنت دى مرحلة الجامعة يا ناس زمان....وكفاية عليكم عشتوا زمنكم...دايرين تهدموا علينا زمننا برضو!!!
يا اخوانا فى زول بيمشى الصيدلية وياخد دواء ويتعالج من دون ما يمشى للدكتور ...من دون ما يعمل كشف؟؟؟؟
لو لا....طيب ليييه بتستهتروا بمتخصصى الكمبيوتر كدا؟؟؟لييييه دايرين الاستشارة مجانية...وليه دايرين الكشف مجانى؟؟؟
يا مظفر انا محبط من اصحاب البطاقات الائتمانية السودانيين...الناس دى ماشاء الله...تشترى من أمازون كتب...ويطلبوا بيتزا من الانترنت..و يقطعوا تذاكر سفر بالانترنت..باستخدام Credit Cards لكن ربنا ما بفتح عليهم يدخلوا الكرت دا فى موقع سودانى ابداً...
بئس المجتمع.... وتانى اسأل معاك السؤال: لييييه سودانية؟؟؟؟
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: kabaros)
|
Quote: بغض النظر عن الجنسية والديانة واللغة ... الجماعة ديل عندهم حاجات كتير ناقصانا .. ومن خلالك، حيحبوا السودان أكتر من السودانيين ذاتهم .. وأكيد حيكونوا أفيد ..
|
يا مظفر...ياخى انت طرحت كلام صعب...صعب...صعب والله... انا كانت مراهنتى على الدين... وكلامك دا قلب رأسى شديد والله...... شكراً لك يا مظفر...الف شكر...ها انت تثبت لى اننى مصاب بأنفصام عولمى ايضاً...الف شكر يا صديقى...مداخلتك...تنفع تكون كتاب كامل..لخصت فيها الكثير يا مظفر...
وحتما سأقرأها مرات ومرات أخرى...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: نجلاء التوم)
|
العزيزة نجلاء التوم... أولاً شكراً على الحوش مقدماً....واوعدك لو بقا الموضوع فى الخرطوم...لازم يكون فى الحوش... وشكراً على العنوان البريدى ايضاً...يا ستّى اتفضلى اطرحى موضوع الفرقة هنا طوالى...صدقينى ما حا تخسرى حاجة...ولا انا برضو ... قولى كل حاجة هنا... أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
العزيزة نجلاء التوم... طبعاً يا ستّى احب أوضح ليك حتة مهمة جداً جداً...انا عندى خصام شديد مع (شعراء) و(مغنى) بلادى فى الزمن العلينا دا... لييييييييييه؟
قولتى لى ليييه... انا وحبيبى مظفر (كابروس) تحديداً عملنا صفحات سودانية فى الانترنت...هدفها نشر الغناء والشعر والفن السوداني... لحد اسع دى...يطرشنا ما سمعنا قصيدة ولا أغنية واحدددددددددددددددددة فيها اسامينا ولا أى حاجة... كانما الكلام دا مفروض علينا من (الشعراء) و(المغنيين والمغنيات)...
انا بكون مغيوظ شديد لما القا غنية فيها صلاح ادريس (عشان عندو القروش) ويجى واحد يقول لى بالله ختها لينا فى الموقع... طيب صلاح ادريس دا ما يعمل صفحتو براهو ويخت فيها أغانيهو...!!!
يا نجلاء...فى مواقعنا أغانى لكرومة وسرور وخليل فرح..دى مفهومة بالنسبة لينا...لزومو شنو نخوت اغانى لسامى المغربى وفرفور تانى وهم قاعدين يغنوا نفس الغناء! (سمح الكلام من خشم سيدو)....
وبعدين رجوعا لانو جيلنا دا متعولم وكدا... أغانى أمدرمان دى بعد شوية بتبقا برا الجك...
انا شايف انو الفرق الموسيقية الحديثة تاخد خط مستقل...بعيداً عن (جدودنا زمان)...
أى نعم القصة فى بدايتها حارة شوية...لكن بتلقوا الدعم من الشباب...غنية فيها أسمى غايتو..دى بتكون فى الصفحة الاولى طوالىىىىىىىىى...
فهمتى على؟ (على قول شوام مريم بنت الحسين)...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
Quote: 25-07-2004, 01:41 ص
Sobajo عزيزي أنور
ربنا يسهل عليك و قال سيد الرايحة بكوس في خشم البقرة ...
انا حابي احكيليك قصتي مع كوليل .... يوم جاني ليك من الصباح و قالي ياخ انا خلاس لقيت العروس الكايسليها ,,, قتليه طيب اها منو ... قالي دي صاحبة بت عمي ..... قلتليه خير اها مواصفاتها شنو ..!!! فبدى يوصف ... طبعاً من غير اطاله كل ما يبحث الرجل عنه في حوة ....السماحة و الطول و البياض و .... و .,,,, و الخ ... قلتليه طيب ما كان عندك خيارات كتيرة زي دي و امكن احسن ,,,, الخلاك تميز دي شنو ؟؟؟ قالي و الله دي فيها ميزة أساسية ,,,,, قالت: هي شنو ... قال: طرشة ...!!!! قلتليه كيف يعني (زي الاتوز الطرشة) قالي لا : طرشة لا بتسمع ولا بتتكلم ... يعني في بند كامل محذوف من بنود النكد العائلي ... يعني ما في نقة .... قلتليه النقة بتاعة الخشم هينة ... كعب اللكيز ... يعني يقومو يلكزوك عشان يلفتوك ولة يصحوك دي ما هتفتل أفكارك ....
قالي بيني و بينك عندك حق نشوف لينا وحدة مشلولة و طرشة أحسن ....
و دمتم ... |
الحبيب والوجيه صباجوه.... أولاً شكراً جزيلاً على القصة اللطيفة...(زي الاتوز الطرشة)
ودعنى أهمس فى أذنك يا حبيب...انو انا دايره تكون عندها لسان...يطهّر زى ما بيقولوا...وعارفة حقوقها تمام...ومجتمعنا دا يا حبيب متخلف..لانو مغيب نصو تماماً...واحنا الشباب زاتهم ماشاء الله...دايرنها ساكته...واحنا نرقى...ونفتى...ونقهر... ونضرب...ونطلّق...ونبرطع زى ما دايرين...
ومافى زول بيقول لينا عينكم فى راسكم...وبعد دا كلو البنات عاجبهم كدا...
قالوا شنو: بختى وان شاء الله راجل أختى!
ربنا يجيب الرايحة يا حبيب...وشكراً على الاطلالة يا وجيه...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
يا أنور شوف... ياخي مواصفات شنو هسة انا بقول ليك أهم حاجة تكون العروس وارثة من أبوها المات في قضية شيكات وتكون أمها لحقت امات طه في ضربة قلب وغير كدة لازم يكون عندها حساب سري في بنوك سويسرا وعندها بيت وعربية والاهم من دة كلو أنها تسجل ليك العفش دة قبل العرس وبعد داك تكب الزوغة بحجة أكمال التعليم ياخي عليك الله عرس شنو في الحر دة
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: حبيب نورة)
|
Quote: انا بقول ليك أهم حاجة تكون العروس وارثة من أبوها المات في قضية شيكات وتكون أمها لحقت امات طه في ضربة قلب وغير كدة لازم يكون عندها حساب سري في بنوك سويسرا وعندها بيت وعربية والاهم من دة كلو أنها تسجل ليك العفش دة قبل العرس وبعد داك تكب الزوغة بحجة أكمال التعليم |
حبيب نورة...والله تنفع بتاع سيناريو... وحوار كمان ان شاء الله فهمتنى بس... شكرا ليك على المرور... أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
أنور الغالي..
يااا كده الموضوع بقى جد جد.. ما دام جاب ليهو واحد واتنين وقانوني شنو، وبلد وين.. وشكل ومظهر..
في رأيي انك لو ختيت الموضوع ده في الرف لمدة 6 شهور.. حتضطر تعدل في بعض البنود.. عشان كده.. سيبها على الله.. ونصيبك حيصيبك.. لكن أوعك من العروس "السندريلا" البيختارو ليها "الحذاء" في الأول حتين يختاروها هي..
حأتابع معاك..
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: Raja)
|
رجوية الغالية... انتى صحى البوست دا قريتهو قبل كدا...ولا هسع قريتيهو كلو؟
Quote: لكن أوعك من العروس "السندريلا" البيختارو ليها "الحذاء" في الأول حتين يختاروها هي..
|
أولا يا رجاء شكرا على توضيح السندريلا...لانو كنت حا اكون فى السطوح ساااااااكت...
انا يا رجوية...مستنى سندريلا...وبعدين نشوف الشبشب...
وعلى قولك..كل يوم بتمر بالزول متغيرات...تخليهو يفكر مرة والتانية... كدا انا عندى رسائل للعروس لسة...اتمنى تصل بالبريد قريبا
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
رسالة أخرى لعروستى الحبيبة...كمهندس كمبيوتر وكدا
I LOVE YOU MORE THAN MY COMPUTER Believe me it is true... You installed the best in me. Your picture is always in my background.
You clicked my heart gently. You drive me crazy when I see you.
Your love reset my life and deleted all the sadness in me.
You restored my kindness after I thought it was corrupted. I'm always connected to you with more than 56 heartbeats per second.
You hacked my brain and registered your name in it.
You are the only one that could navigate my feelings and explore my emotions at the same time.
I feel lost when I try to call you and you are not responding.
I always feel you close to me when I shut down my eyes, or when I open my windows waiting for you to pass. You don't have to search for me, cause we are always linked to each other.
I see your name everywhere, my FrontPage, my homepage and all my software.
I scanned my life and found that I'm only infected by you.
You are the virus I'd never remove, and why should I do?
You formatted my life and added happiness to view. Believe me it is true... I love you more than my CPU !!!!!!!!!!
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
رسالة الى العروسة الحبيبة... أتمنى ان تشاركى فى التبرعات لاهلى فى دارفور... الرجاء إرسال تبرعاتكم المالية عبر تحويل مصرفي إلى:
إسم الحساب: Sudaniyat.Com Appeal for Darfur
رقم الحساب: 50610380
إسم البنك: بنك باركليز Barclays Bank
الرمز التصنيفي للبنك: 17-69-20
عنوان البنك: Portman Square Group 9 Portman Square London W1A 3AL United Kingdom
قريباً جداً يمكنكم إرسال تبرعاتكم للحساب أعلاه بإستعمال بطاقة الإئتمان (فيزا/ماستر كارد) عن طريق الهاتف أو الإنترنت.
= = = = = = = = = = = == = = = == = = = = = = = = = = = = == = = = = = = = = = = =
E N G L I S H
SUDANIYAT.COM APPEAL FOR DARFUR
.It is high time to contribute towards alleviating people’s suffering in Darfur
.Any donation helps in saving children and women’s lives in Darfur
.Give Money. Change Someone’s Life
:Please send your bank transfer to
Account name: Sudaniyat.Com Appeal for Darfur
Account Number: 50610380
Bank Sort Code: 20-69-17
Bank Name: Barclays Bank Plc
Bank Address: Portman Square Group 9 Portman Square London W1A 3AL United Kingdom
Soon you will be able to donate by using your visa/master credit cards over Internet and/or by telephone
SUDANIYAT.COM APPEAL FOR DARFUR
----- لك الحب يا عروستى المنتظرة بفارغ الصبر...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
رسالة ختامية للعروس الحبيبة المنتظرة...
ان لم تقرأى رواية الطيب صالح (موسم الهجرة الى الشمال)...فالرجاء ان تفعلى ذلك الآن...
فقد وجدت ان أقصر الطرق للمجد.... فى مصطفى سعيد....
اعلن فشلى فى الحصول على عروس أون لاين من-عبر سودانيز (أون لاين)...
انتهى...
أنور فتح الرحمن أحمد دفع الله كوريا الجنوبية 6 أغسطس 2004
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
لووول يا أنور ما إتخيلت إنك بتيأس من حاجة أبداً،، كانت نظرتي ليك مختلفة من دون كل الشباب ديل و زمااااان قبل أربعة سنين قلت ليك الكلام ده لو متذكر،، لمن كنت في القاهرة و لمن كان ضعف الأمل أقرب إليك و إلينا كلنا من الزمن النحن فيهو ده،، تجي تخذلني و تيأس؟ و غير يأسك حتي المقدمة الفي أنوركنغ إتغيرت،، فعلاً الزمن جبار ،،و جبار التانية زاتا،،
سوميتا
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
يا ناس... ويييييييييييييييين العروس؟؟؟؟
حاجة غريبة ياخى... ويا اختى برضو ... طيب أمكن العروس قايلانى دمى تقيل...وما بغرف احكى نكتة...
نحكى ليك دى... قالوا فى واحد سوداني كسلان شديد...وزوجتو أمرأة عاملة... الراجل دا ومعاهو ولدو...بيحبوا الكورة شديد... يعنى هلال مريخ دى..ممكن ينوم ليها يومين عشان يكون مصصح تمام...
المهم مرتو يوم كان عندهم أوفر تايم فى الشغل ولازم تقضيهو عشان الختّة بتاعة الصندوق قرربت...
جات البيت وصوت التلفزيون بررررررررررررره... النقر..يمرر لى بريش.. سامى عز الدين يمرر لى تنقو... والكورة فاول...فاول يا حكم... انت اعمى؟؟؟ الللللللللللللله...والكورة تتطلع أوت... يا خى والله لعيبة فاقدة مشاعر ياخى...
التحكيم فاشل ...التحكيم فاشل...التحكيم فاشل....
المهم الوقت دا كلو المرة..قاعدا تدق فى الباب... الابو: يا ولد قوم افتح لى امك الباب... الولد: يا ابوى قوم افتح لى مرتك الباب... (من شابه اباه فما ظلم)...
الابو متثأباً وكمان جابت ليها كوراك: خلاص...
يا احسان...انت طالق..امشى بيت ابوك...
والتحكيم فاشل ...التحكيم فاشل...التحكيم فاشل....
عندى نكات كتيرة على (اشاعة) كسل السودانيين
يا عروستى قالوا الصحفيين السودانيين من شدة ما نشيطين...كتبوا عن حرب الخليج التانية فى سنة 2000....
وانا متوقع يكتبوا عن دارفور...سنة 20010 كدا...
وعن عرسنا...بكرة دى...بس عليك الله أظهرى...
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: Nada Amin)
|
قادر الله والصلاة على النبى... والله يا ندى طالما دخلت البوست انتى...فالعروس حا تغير شدييييييييييد...وحا تقول النحصل الولد دا... دا ولد مجرم... بيحب الجمال...
شكراً على مرورك الاروع من الروعة... طيب يا ندى...انا موكلك انتى وكل الشباب والشابات هنا...
شوفوا لى...وترشيحاتكم من أسع دى... الدوائر مقفولة ليها... يعنى 99.9% الواحد من عشرة دا حا نكلم المخابرات تشوفوا دا من منو من عملاء القلب الجريح...
تسلمى وبالله ما تنقطعى...الزولة دى انا عارفة بتغير
أنور
| |
|
|
|
|
|
|
Re: موضوع العرس مرّة أخرى: تعديل مواصفات العروس (Re: Soumeta)
|
عزّة فى هواك... الواحد فينا ممكن يعرس كم؟؟؟؟ القسمة بتاعتك ويين؟؟؟ العرس حيكون وين؟؟؟
والله لو عارف اجابة على الاسئلة دى... بجاوب ليك على ديل برضو:
Quote: و مستعد تقبل شروطها يا أنور؟ واحد من شروطها بتقاطع مع واحد من شروطك،، ممكن التقاضي؟ و إتنين من شروطك ما متوفرات عندها ولا ديل إلزامي ما إختياري؟
|
انا من شدة ما نبحت بى موضوع العرس هنا...لحدى ما جاكم الاحساس دا...انا داير عروس والسلام...
يا ربى صعبة؟!؟ عروس والسلام دى؟؟؟
قريت مرة يا عزة... انو ريحة الجسم...التى تفرزها الغدد فى الجسم ... عاملة زى الريد...تجمع وتفرق... يعنى ممكن شمة واحدة من العروس...تخليها تهرب... أو شمة واحدة منك...تخليك تهربى..
الموضوع يا ربى عروس والسلام؟!؟ فكرى معاى...
عزّة فى هواك...
أنور
| |
|
|
|
|
|
|
|