|
|
 الى روح الشهدية سهام ... الشعار الجديد للخطوط الجوية السودانية..لا تفوتك الرحلة
|
دخل الخال الى صالة المطار بعد شحن العفش ودفع المعلوم
وفي كاونتر الخطوط الجوية السودانية
الموظف : طيب يا خال إنت عاوز مقعد إستواء ولا نص إستواء ؟؟
الخال : مش فاهم !
الموظف : لا يعنى أنا بقصد إنت عاوز مقعدك قريب من أبواب النجاة
ولا بعيد منها؟؟؟
الخال : أكيد قريب منها.. ولا أقول ليك - مافى حاجه أحسن؟
ما عندي مشكلة ممكن أدفع زيادة .
الموظف : والله إلا نحجز ليك (مقعد الكابتن)
|
|
 
|
|
|
|
|
|
|
 Re: الى روح الشهدية سهام ... الشعار الجديد للخطوط الجوية السودانية..لا تفوتك الرحلة (Re: معتز القريش)
|
بعد أن قام موظف الحجز بتسليم (سليمان) التذاكر اشار عليه بالذهاب إلى (كاونتر) أخر مكتوب عليه (السلامة الشخصيه) ، طلب الموظف من (سليمان) التذكرة التى فضاها أمامه ثم خاطبه قائلاً
- شوف يا حاج كل مسافر على خطوطنا دى أنحنا لازم نتأكد من سلامتو
- والله دى الخطوط وإلا بلاش
- عشان كده لازم كل راكب يشيل (أنبوب) الرغوة بتاعتو معاهو
- ومالو يابنى نشيل
- تشيل ساااكت لكن إنت عارف الأنبوبه بتاعة الرغوة دى بى كم
- يعنى ما مع التذكرة يعنى بى قروش؟
- أكيد بى قروش يا حاج هو نحنا مسئولين من سفرك وإلا من سلامتك قالو ليك
- كيف يعنى؟
- أفهمك يا حاج .. الطيارة دى مش ممكن تقع فى البحر؟
- ممكن
- أها يعنى نصرف لى كل راكب (قارب نجاة)
- طبعن لا
- أها والطيارة دى مش ممكن تتعرض لى عمليه (قرصنة) أو إرهاب أو عصابه تختفا
- ممكن
- أها يعنى نصرف لى كل راكب مسدس وسكين
- طبعن لا
- والطيارة دى مش ممكن تنزل أضطرارى فى الإسكيمو
- ممكن
- يعنى نصرف لى كل راكب بالطو وبطانيه
- طبعن لا
- والطيارة دى مش ممكن تتعرض فى الجو لى ضغط عالى والشباك بتاعا ينشق
- ممكن
- أها يعنى نصرف لى كل راكب (مكنت لحام)
- طبعن لا
- الحاجات دى يا حاج مش كلها ممكن تحصل ؟
- أها يا إبنى يعنى عشان سلامتى أنا هسه أشترى منكم شنو ؟ إنبوبة رغوة ولا قارب نجاة ولا بالطو وبطانيه ولا مكنت لحام ولا مسدس وسكين ؟
- والله يا حاج لو عاوز تضمن وصولك سالما غانما تشترى (الباقه) دى كلها
وح نعمل ليك عليها تخفيض و نديك ليها بى سعر معقول
- أقول ليك حاجه يا بنى ؟ ما عندكم (باراشوتات) ؟
- الباراشوتات فى يا حاج لكن المشكلة إنك بعدين تطلع بى وين؟
أقتنع الحاج بكلام موظف مبيعات أدوات السلامة الشخصيه حيث عدل عن (الباراشوت) وقام بإقتناء أنبوبة (رغوة ضد الحريق )
| |
|
|
|
|
|
|
|
|
|
Re: الى روح الشهدية سهام ... الشعار الجديد للخطوط الجوية السودانية..لا تفوتك الرحلة (Re: معتز القريش)
|
وبعد أن قام الحاج بحمل الأنبوبه
أشار عليه الموظف بالمرور على كاونتر (وصايا المسافرين)
حيث قابله الموظف مبتسما وهو يسأله :
- يا حاج وصيتك دى عاوز ناس البيت يستلموها بالسريع ولا عادى ولا بالنت ؟
- والفرق بيناتم شنو؟
- بالسريع يعنى ح يستلموها قبل ما تبقى (فحمة) يعنى قبل ناس المطافئ ما يطفو النار (بالمويه) وعادى يعنى عادى بعد ما تمشى المشرحة ويتم التعرف عليك والشغلانيه تطول
- طيب ده كلو عرفناهو قصة (بالنت) دى شنو؟
- أيوااا بالنت دى يعنى إنت بس تدينا الوصيه والإيميل بتاع ناس البيت ومع (الوقعه) طوااالى نرسلا ليهم بالإيميل
- والله يا ولدى (تكنولوجيا الكوارث) ما عندكم !
- وبعدين يا حاج فى حاجه مهمة لازم توضحا فى الوصيه بتاعتك دى؟
- اللى هيا أيه يا إبنى
- اللى هيا يا خال إنك لازم تكون (عارف) منو الح (يستلم) التعويض من (أحفاد أحفادك) ! إنت قايل يعنى سمونا (عارف) كده ساااكت ؟
| |
|
|
|
|
|
|
|
|
|
Re: الى روح الشهدية سهام ... الشعار الجديد للخطوط الجوية السودانية..لا تفوتك الرحلة (Re: معتز القريش)
|
على سهام رحمة الله وواسع مغفرته
إنّا لله وإنّا إليه راجعون
اللهم أرحم سهام وأسكنها فسيح جنّاتك
اللهم باعد بين سهام وبين خطاياه كما باعدت بين المشرق والمغرب
اللهم نقّ سهام من الخطايا والذّنوب كما يُنَقّىَ الثّوب الأبيض من الدّنس
اللهم أغسل سهام بالثلج والماء والبرد
اللهم أبدل سهام داراً خيراً من دارها وأهلاً خيراً من أهلها
اللهم أجمعنا وسهام في مستقرّ رحمتك
اللهم إنّا نسألك بإسمك الأعظم أن توسّع مدخل سهام
اللهم آنس في القبر وحشة سهام
اللهم ثبّت سهام عند السُّؤال
اللهم لقّن سهام حجّتها
اللهم باعد القبر عن جنبات سهام
اللهم أكف سهام فتنة القبر
اللهم أكف سهام ضمّة القبر
اللهم أجعل قبر سهام روضةً من رياض الجّنّة ولا تجعله حفرة من حفر النار
اللهم إن كانت سهام محسنة فزد في إحسانها ، وإن كان مسيئة فتجاوز عن سيّئاتها
اللهم ألحق سهام بالشُّهداء والصادقين
اللهم أفتح على سهام نافذة من الجّنّة وأجعل قبرها روضةً من رياضها
اللهم ان امتك سهام بين يديك اللهم فالطف بها يالطيف
اللهم ان امتك سهام اخذتها فلا تفتننا بعدها
اللهم ان سهام تركت خلفها الولد فاحفظه يارب
الهي هذا حالنا لايخفي عليك وهذا ضعفنا ظاهر بين يديك
فعاملنا بالاحسان اذا الفضل منك واليك
واخر دعوانا ان الحمد لله رب العالمين
وصلي الله وسلم علي نبينا وحبيبنا محمد صلي الله عليه وسلم
التعازي للجميع
| |
|
|
|
|
|
|
| |
معتز القريش
فيس بوك
تويتر
انستقرام
يوتيوب
بنتيريست