|
كتب الكاتب الفاتح جبرا المتوفرة بمعرض الدوحة
|
|
 Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
والله يا ليون دى اكبر صورة ممكن ارسلها انشاء الله تكون واضحة
لكن يا اخوى المشكلة ما فى الصورة المشكلة انت نسيتها كلو كلو
غريبة انك تنساها وما فات عليها غير سنين معدودات
الصورة فى سنة اولى ابتدائى سنة...... تحديدا في الشهر التانى
من دخولنا المدرسة
طبعا انا كنت متخيل البحث عن فضولى ما حايكون صعب لانو فيهو حاجة مميزة
لكن بعد ما فضولى ذاتو ما عرف الصورة كلها حقو نرصد جائزة للبتعرف على
فضولى رغم انى انا تقريبا قلت 80% من الحل
المشكلة ما فى فضولي المشكلة فينى انا ما اظن زول يقدر يعرف صورتي
انا زاتى لو ما حافظ محلى من زمان ما كان عرفت
| |
 
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: فوزى عبد الفتاح)
|
| Quote: الصورة فى سنة اولى ابتدائى سنة |
أولى ابتدائي يافوزي .. ياخي حرام عليك
لا انا في دي حاغالطك وحيفصل بينا عبدالله عبدالرحمن
لانو قال الصورة دي تقريبا عندو في البيت .. وهو
حيضرب ليك من الامارات ..
يافوزي الصورة دي اتذكر إنها في السنين الاخيرة
ياخامسة يا رابعة يا سادسة .. وكان ما اخاف
الكضب كمان اقول ليك إنو استاذ صلاح بشير هو
الكان مسئول عن تلقيط القروش مننا وكانت 40 قرش
وحتى الما كان بيجيب القروش ما بياخد نسخة من الصورة
غايتو نشوف عبدالله بيقول شنو .. لكن كده الصورة وضحت
وانا هسه قاعد افتش في نفسي زاتها خليها انت وللا عبدالله
| |
|
|
|
|
|
|
|
|
 Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
ليون العريس سلامات.
زمان كان اي إطراء لناس هندسة نقابله فى إقتصاد بالنكران والاستهجان والرفض القاطع . لكن فى كل يوم احشر نفسي بيناتكم فى منبركم الحار ده ويومكم الحار بتاع زمان تلاقوني اقول هندسة عسل وزيادة كمان.
ليون اتمني ان اشاركك فى عرسك لاني نازل إجازة فى منتصف رمضان وإلي ما بعد العيد.ودعواتي مقدماً بعرس مبروك وميمون.
واحب أذكرك اني قاعد منتظر أشوفك حتفضفض عن جولاتك فى إقتصاد ولا حتتجاوزها ..
تحياتي ليكم كلكم يا ناس يارايعيين.
| |
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: Amna Mohamed Arh)
|
| Quote: يعني كانت غالية ولا معقولة |
والله حسب مكالمتي مع واحد من اصحابي وهو موجود
بالصورة المبلغ بيكون غالي جدا.. واحتمال يكون
الرقم بالقيمة دي ما صحيح .. لانو زكرني
بإنو الوقت داك كانت العملات كالتالي:
ريال = 10 قروش .. ودي كانت بتصرف البيت يوم يومين
شلن = 5 قروش .. ودي بتجيب كيلو لحمة
فريني = قرشين .. ودي مصاريف اليد كانت
تعريفة = نص قرش .. الحلاوة والايسكريم والذي منو
يا حليييلكم
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: Hisham Magzoub)
|
السلام عليكم ،، صباح الخير
طبعا كنت مشغول بالتجهيز للسفر عشان كده
ما قدرته اواصل واجيب باقي الزكريات ..
لكن تبقى في الأجندة :
1/ سنة تالتة المقاطعة
2/ سنة رابعة وخامسة التخريج مع بعض
3/ الخدمة الالزامية
4/ الشغل في سوداتل 3 سنوات
5/ الإغــــــتراب
6/ سؤال الكوتش عن بعض من الاصحاب بالأسماء الواردة
وده كلو إنشاء الله بعد العودة ..
اليوم إنشاء الله سفري للسودان قيام الساعة 4 ووصول 8 مساء
إنشاء الله سيكون العقد بمسجد أبوبكر الصديق (بحري)
أو مسجد النيلين (الخرطوم) يوم الاثنين 17/8
حسب ظروف معينة كده إنشاء الله سأكد المكان بكره
بعدها الكل مدعو لتناول العشاء بدار الأطباء
| |
|
|
|
|
|
|
| |
ابراهيم محمد الحسن
فوزى عبد الفتاح
صلاح ليون
إسماعيل حسن
Hisham Magzoub
Amna Mohamed Arh
طارق عجبنا
علاء الدين محمد بابكر
sara Eltayeb suliman
فيس بوك
تويتر
انستقرام
يوتيوب
بنتيريست