كتب الكاتب الفاتح جبرا المتوفرة بمعرض الدوحة
|
Re: اليوم الحار ومابندار يوم الهندسة والمعمار (Re: طارق الكوتش)
|
يا ليون خلى الجرسة اغلب المجموعات اتنين اتنين ومعاك لللحظة هشام ونتمنى طبعا ظهور قدوره > بعدين 88 دفعة عبارة عن قاره ممكن تكتب فيها من هنا لحدى سنة 3030 و ماتكفيها حقها > ياخ لؤى نمر ده براهو دائر ليهو 10000 صفحة > يلا نحن منتظرين بكره بفارق الصبر
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
والله ياكوتش تتعدد الاسباب والقرف واحد
يعنى مثلا بالنسبة لشخصى
انا زولة ملووولة بطبعى وبكره الروتين
ولذلك حتى الفترة الكنتا فيها موظفة ماكنت مستقرة فى وظيفة واحدة
والمشكلة انو مافى تغييير فى البلد دى
اى شى بتحول لروتين بمجرد ماتبدا تمارسه
وغير انو فى عشوائية فى كل شى
فالواحد بحس انو حياتو ملخبطة على طول الطريق
وانو ماقادر يعمل كنترول عليها
وانو فى جهات اخرى غير مختصة بتتدخل فى تسلسل حياتك وممارساتك لى نشاطاتك اليومية
بالتالى مافى ابداع وكلو بشبه بعضو
والحياة عبارة عن مجموعة من القوالب بتلقى نفسك من يوم ولدوك مصبوب فيها
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: بقول لى ناس اليوم الحار:
نفسى اسجل حضور فعال لكن بتخونى ظروفى المتمثلة فى متلازمة الدبرسة والفلس |
Quote: لمن اكون قرفانة هنالك واحد من حلين فى التلاتة
اذا كنتا مفلسة: اتدمدم وانوم...او ادخل الفيس بوك واترمتل
اذا كنت مقرشة(عربيتى): بعمل بمبدأ فكو وطااار...وبطلع لصحباتى |
طيب اليوم الحار لابشبه الفوس بوك ولا فيهو اصحاب طيب اليوم الحار بالنسبة لسحر شنو ؟
ده طبعا قبل ما ندخل فى اسباب الدبرسة و القرف
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
سحر
Quote: انا زولة ملووولة بطبعى وبكره الروتين
ولذلك حتى الفترة الكنتا فيها موظفة ماكنت مستقرة فى وظيفة واحدة
والمشكلة انو مافى تغييير فى البلد دى
اى شى بتحول لروتين بمجرد ماتبدا تمارسه |
الروتين موجود فى الوظيفة اينما كانت > امريكا ، السعودية ، السودان ، .... الخ
وراجعين
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
سحر
Quote: فالواحد بحس انو حياتو ملخبطة على طول الطريق
وانو ماقادر يعمل كنترول عليها
وانو فى جهات اخرى غير مختصة بتتدخل فى تسلسل حياتك وممارساتك لى نشاطاتك اليومية
بالتالى مافى ابداع وكلو بشبه بعضو
والحياة عبارة عن مجموعة من القوالب بتلقى نفسك من يوم ولدوك مصبوب فيها |
بس الناس مفروض تحاول و ما تستسلم رغم الصعوبة لانو احيانا توجد بعض المشاوير التى لابد منها وده بكون على حساب حاجات تانية > ربنا يعينكم
على فكرة علاء الدين فاتح ليهو بوست جميل هنا ده وفيهو جزء من حالات دبرستك ده وممكن ترجعى ليهو تصدقى قرأت المداخلات كلها وكونت فكره كويسه وكنت برضو بناقشها مع حمد محمد احمد فى التلفون > بس ظهور برنامج الاشراف و الدعم الوجستى شغلنى شويه رغم انو الكتابه فى اى بوست آخر يعتبر جزء من الاشراف او الدعم الوجستى
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
Quote: طيب اليوم الحار لابشبه الفوس بوك ولا فيهو اصحاب طيب اليوم الحار بالنسبة لسحر شنو ؟ |
العفوو ياكوتش مش القصد
الحاصل انو انا لى سنة اسى فى الفيس بوك
وكونتا صداقات اعتز بيها جدا...فالبتالى الفيس بوك يختلف عن المنبر من ناحية الاقدمية ليس الا
اضف الى ذلك انو كان عندى مشكلة فى التعامل مع المنبر
لانو المنبر تقييل فى الكونكشن وزى مالاحظتو اسى مداخلاتى بتجى متأخرة
| |
|
|
|
|
|
|
Re: اليوم الحار ومابندار يوم الهندسة والمعمار (Re: Sahar Tageldeen Elsheikh)
|
Quote: على فكرة علاء الدين فاتح ليهو بوست جميل هنا ده وفيهو جزء من حالات دبرستك ده وممكن ترجعى ليهو تصدقى قرأت المداخلات كلها وكونت فكره كويسه وكنت برضو بناقشها مع حمد محمد احمد فى التلفون > بس ظهور برنامج الاشراف و الدعم الوجستى شغلنى شويه رغم انو الكتابه فى اى بوست آخر يعتبر جزء من الاشراف او الدعم الوجستى |
اى قريت الموضوع
لكن ماتبعتا المداخلات..ان شالله بتابعها
| |
|
|
|
|
|
|
Re: اليوم الحار ومابندار يوم الهندسة والمعمار (Re: Sahar Tageldeen Elsheikh)
|
أجمل (احساس فى الكون) اختبرته اليوم
Monday, October 26, 2009 at 5:02pm
منذ اعتزالى (للحقل الوظيفى) وانضمامى (للقطاع الخاص) فى مطلع العام 2007 وانا أجاهد فى سوق العمل الخاص وأبنى علاقات عمل لتثبيت وضعى المهنى والمادى
لمن تكن البدايات سهلة , خضت كل الصعاب المتوقعة والغير متوقعة ولكن كنت مستمتعة بالتجربة الى حد بعيد, واجهت انتقادات عدة حتى على نطاق الاسرة وذلك اعتراضا على تحول نمط حياتى الى عملى بحت حتى فى المنزل كنت أقضى معظم الوقت فى (اللاب توب) اباشر اعمالى ولم أشعر بالضيق بل على العكس كنت مستمتعة بالتجربة كما أسلفت من قبل
بحمد الله كان التوفيق حليفى فى مشوارى رغم الصعوبات المضاعفة..تنقلت من وضع الى وضع أفضل..لم يكن وضعى المالى مستقر ولكن بالتأكيد كان أفضل بكثير من وضعى أيام الوظيفة
لم أكن أعلم أن هنالك اناس استحلوا تعب وعرق الناس وأكل الأموال بالباطل الا بعد تعرضى لعدة تجارب كانت كفيلة بتيقنى من أن السوق (ماحق أولاد ناس) أو (حق ماأولاد ناس) ...
المهم لم تثنينى كل هذه العقبات عن مواصلة المسيرة...الى أن جمعتنى الصدفة بعد قرابة الستة أشهر _منذ بدايتى للعمل الخاص_ باحدى صديقات وزميلات الدراسة الجامعية ..كانت مشاغل الحياة قد فرقتنا وصرنا لا نلتقى الا فى مناسبات الدفعة..كانت البداية عندما قمت بالاتصال بها ذات صباح نسبة لأن رئيسى السابق فى العمل كان قد طلب منى أن أشتغل معه (جوب) مدفوعة الأجر على حسب مانتفق عليه, لم تكن ظروفى تسمح بالتفرغ لهذه المهمة نسبة لاقتراب موعد زواج أعز صديقاتى وتزامنه مع يوم التسليم النهائى, أضف الى ذلك انشغالى بعدة أعمال اخرى... المهم طلب منى ترشيح شخص بديل ذو كفاءة لانجاز هذه المهمة فقمت بالاتصال بها وأنا أعلم أنها أيضا قد تركت مجال الوظيفة وبدأت بتأسيس مكتب استشارى مع شريكين...تبادلنا التحايا والأشواق وسالتنى عن أخبارى وعملى فأخبرتها باعتزالى الوظيفة وانخراطى فى مجال العمل الخاص وقمت بسرد بعض انجازاتى التى حققتها خلال تلك الفترة..ثم اخبرتها بترشيحى لها للقيام بالمهمة بدلا عنى فوافقت وقالت لى: سيكون لنا لقاء بعد التسليم للتفاكر فى بعض الأمور بخصوص العمل....وقد كان..دعتنى لزيارتها فى مكتبها الكائن باأمدرمان وأخبرتنى بانفصالها عن شركائها ورغبتها فى المواصلة مع شخصى ان ارتضيت...كانت الفكرة مغرية ومرهبة فى نفس الوقت..لم أكن أخطط لانشاء مكتب خاص وتسجيل اسم عمل ومايترتب على ذلك من التزامات مادية قد لا اتمكن من الايفاء بها, فى نفس الوقت كانت الفكرة مغرية بكل المقاييس وكان احتمال نجاحها يداعب مخيلتى ويمنى النفس بمرحلة جديدة فى مشوارى المهنى قد تحمل نجاحات لم تكن فى الحسبان...طلبت منها مهلة للتفكير...لم أتردد كثيرا فى اتخاز القرار بالقبول ...كانت ضريبة هذه الموافقة هى التضحية بكل مدخراتى التى قمت بجمعها طوال الستة أشهر السابقة والتى كنت أمنى النفس بشراء عربة أحلامى وانهاء معاناتى مع المواصلات بجميع أشكالها...كانت هى تمتلك سيارة وقامت باقناعى بتركيز جهودنا فى الفترة الأولى لتحقيق حلمى باسرع وقت ممكن...
| |
|
|
|
|
|
|
Re: اليوم الحار ومابندار يوم الهندسة والمعمار (Re: Sahar Tageldeen Elsheikh)
|
بدأنا المشوار ...كانت أيام جميلة وكانت أحلامنا عريضة...اتفقنا على صرف مدخراتنا على تأهيل المكتب وتجديده وعلى اجراءات التسجيل...كنا نريد أن تكون البداية قوية ومشرفة...قضينا قرابة الشهر فى التجهيزات والتسجيل الى أن اكتملت كل الاستعدادات ايذانا ببداية الانطلاق...قمنا بدعوة أصدقائنا المقربين لزيارة مكتبنا المتواضع بعد تجديده وكان يوم جميل قضيناه فى المكتب وانتهى بتمنيات الجميع لنا بالتوفيق ومباركتهم لنا هذه الخطوة الجريئة....واكتملت فرحتنا بعد ذلك باستلام أوراق الشركة فى رمضان من العام 2007...لا أستطيع أن أصف شعورى فى تلك اللحظة كانت لحظة مميزة بمعنى الكلمة..اسمى واسمها يتجاوران فى (عقد شراكة) ممهور بالتعب والسهر انتظارا لتلك اللحظة...وبدأت الانطلاقة
لا أريد أن اخوض فى التفاصيل نسبة لضيق ومحدودية النوتة...شئ اخر يمنعنى هو تفاصيل حياة استمرت لعام ونصف ليس من السهل سردها فى سطور...اختبرنا كل التحديات كل المشاعر وكل العواطف المتوقعة والغير متوقعة...ضحكنا وحزنا وفى أحيان أخرى بكينا...صادفنا أصنافا من البشر بكل أخلاقهم السيئة منها والجيدة..واجهنا صعوبات وتحديات زادت من قوة عزيمتنا واصرارنا...كنت أستمد منها القوة وكانت تستمد منى طولة البال..كانت علاقتنا أقرب لعلاقة زواج وكانت الشركة ككيان هى بذرة هذا الزواج...اختلفنا واتفقنا تخاصمنا وتصالحنا...لم نكن ننظر للجانب الربحى من الموضوع كان الدخل فقط يغطى منصرفات والتزامات المكتب ومايفيض عنه كنا نقوم باقتسامه ....
وحيث أن الحياة تجارب وكل تجربة لا نستطيع تقييم نجاحها أو فشلها الا بعد مرور عام على الأقل فقد كانت لنا جلسات عدة انا وهى لتقييم الوضع...كانت الشركة تواجه التزامات مادية متزايدة يوما عن الاخر.وكانت قوانا تخور فى مجابهة هذه الالتزامات...كنت أنا أواجه مشكلة أخرى على الصعيد الشخصى وهى تباعدى يوما بعد يوم عن حلمى الأساسى...هو فى الحقيقة كان احتياج وحلم باقتناء سيارة ولكن ليست أى سيارة(فقر وعن(.........)ة) ...كان ابتعادى عن حلمى عامل اخر ولد فى داخلى كراهية لهذا الكيان المشترك...كان احساسا غريبا اذ كيف أكره( بعضى)؟ كان الالم يزداد يوميا وكانت معاناتى المتمثلة فى حضورى الى مكتبى (بالمواصلات تولد لدى رغبة بالانفجار ونبذ هذا الوضع غير السوى فى نظرى....بعد صراع عنيف مع الذات غذته خلافات مع شريكتى بسبب ابتعادها المتكرر عن المكتب _بسبب سفرها الى خارج البلاد لفترات طويلة_ ونحن مازلنا فى سنوات التأسيس _اتخذت القرار بعدم جدوى هذه الشراكة وحتمية فضها درءا للمزيد من الخسائر النفسية قبل المادية...كان قرارى مفاجئ بالنسبة لها لم تتقبله فى البداية وهاجت وماجت...اتهمتنى بهدم أحلامها بسبب قرارى الغير مسؤول...حاولت أن أشرح لها أنى لم أعد أحتمل هذا الوضع ومن الأفضل أن نقوم بفض هذه الشراكة حتى نحافظ على صداقتنا...أخبرتها اننى لم أجدها بجانبى فى أحلك الأوقات وعندما كنت فى أمس الحاجة لوجود طرف اخر يتحمل معى المسؤولية...
قالت لى: لماذا لم تتحدثى؟ لما تركتى الأمور تتراكم حتى وصلت الى مرحلة الانفجار؟...
رددت عليها: ولما أتحدث فى أمور هى من البديهيات؟
ألم أصارحك منذ البداية بأن فكرة انشاء شركة فى هذا التوقيت من حياتى ليس من أولوياتى؟
ألم أخبرك باحلامى المتواضعة باقتناء عربة لانهاء معاناتى؟
ألم نتفق على تحقيق هذا الحلم سوية ؟
ألم اتنزال عن حلمى لفترة مؤقتة حتى أحقق معك حلمك؟
اذن لما خزلتنى وتجاهلتى أحلامى؟...
.الم نتفق على أن نكون سوية على الحلوة والمرة؟....
أين كنتى قرابة الخمسة اشهر خلال سنتنا الأولى للتأسيس؟؟
كنتى تتنقلين من دولة الى أخرى وتتركينى هنا وحدى أتحمل( وزر) هذه العلاقة...
هل قمتى باستشارتى قبل سفرك؟
اذن لا تطالبينى بالالتزام بما فشلتى قبلى فى الالتزام به....
تركتنى ومضت....أحسست بغصة فى حلقى وخنقتنى العبرات...مر بخاطرى شريط الذكريات والبدايات الجميلة...كنت فى حال سئ ..
.لم تهن العشرة ولكن ماعدت أحتمل....وصلت حد الانفجار...أخطأت لا أنكر هى لم تجبرنى على هذه العلاقة ولكن كانت هنالك التزمات ووعود مشتركة...
اسوأ احساس قد يمر عليك هو أحساسك بالخزلان فى شخص ما..شخص عزيز عليك...تحس كأن قوالك خارت وهبطت فى بئر بعمق سبعين مترا..
تحس بالسقوووط السقووووط.....ذلك النوع من السقوط الذى يراودنا فى الاحلام ثم نستيقظ قبل اكتماله
| |
|
|
|
|
|
|
Re: اليوم الحار ومابندار يوم الهندسة والمعمار (Re: Sahar Tageldeen Elsheikh)
|
انتهت فترة الحداد والتقينا مرة اخرى فى المكتب لتصفية الحسابات....كان لقاءا باردا كليلة شتوية ....جلسنا سوية هى(فى كرسى المدير) وأنا فى كرسى (الضيوف)...
أمتدت الجلسة لاكثر من ساعة قمنا فيها برصد الحسابات السابقة خاصة فى فترة تغيبها...صارحتنى برغبتها فى المواصلة وطلبت منى أن اساعدها بترك بعض الاثاثات المهمة لمزاولة نشاط المكتب..
.لم أعترض بل وافقت عن طيب خاطر ..كنت أتمنى لها النجاح وكنت على يقين أنها بالمثل تتمنى لى التوفيق فى مسيرتى الجديدة...
بعد فراغنا من التسويةغادرت المكتب وأنا أودعه فى صمت.....
حضرت مرة أخرى مع والدى (بعد فترة) لأخذ متعلقاتى ونصيبى من الاثاثات كانت أول مرة يقوم فيها والدى بزيارة المكتب...أبدى اعجابه بتناسق الألوان وبساطة المكان وجماله...لم يخفى عنى أسفه لزوال هذا الكيان...أخفيت حسرتى وأحسست كأننى عنكبوت نقضت غزلها ...
كانت آخر مرة زرت فيها المكتب....
أجمل احساس فى الكون اختبرته الليلة ===================
عودة الى عنوان النوتة الذى يبدو غريبا بعض الشئ بالنسبة للمحتوى...مادعانى لكتابة هذه المدونة هو احساس جميل اختبرته اليوم....
منذ اغلاق المكتب وعودتى للعمل من منازلهم وأنا فى وضع مالى متقلب..تمر على أشهر أكون فيها فى ذروة الانتعاش المادى...تعقبها فترات الهبوط الازمات المادية...ولكن أحمد الله ,اكن من الشاكرين لفضله على ,اذا انه لم تضيق الى فرجت (بجوب) تزيل عنى عناء الأزمات لادخل فى مرحلة انتعاش جديدة تنتهى بهبوط وأزمة أخرى وهكذا...
.مع كل هذا التقلب فى الوضع المادى الا أننى أحس براحة نفسية ولا اشعر بالرغبة للعودة للسلك الوظيفى..اختبرت الحرية الزمنية والمادية التى أفتقرت لها يوم أن كنت موظفة....(ماعندى بقعد فى بيتنا ماكلة شاربة نايمة , عندى بصرف مافى الجيب واستمتع وأمتع ناس البيت على حسب الاستطاعة انتظارا لما فى الغيب)....
المهم بعد عودتى من سفرتى الآخيرة الى القاهرة _التى تكفلت بكل منصرفاتها من مدخراتى_ واجهت تلك الأزمة المالية التى تنتابنى برهة بعد برهة ولكن بحمد الله كان أن ساق لى الله (جوب) عن طريق احدى الصديقات أعادت لى بعض التوازن ....ظللت اقتات على مانلته من هذه العملية حتى نهاية رمضان وبدايات شوال , ثم عاود منحنى الدخل الهبوط حتى وصل الى مستويات غاية فى التدنى الأسبوع السابق....
تلقيت عدة (مهام وأشغال) كانت كفيلة باعادة التوازن ولكن للأسف كانت مجرد وعود كعادة أهل هذه البلد(التسويف والمماطلة والشغل النى) المهم لم أيأس من رحمة الله فعزمت على الاتصال باحدى صديقاتى ..كنت أودع لديها مبلغا من المال ليس كبيرا ولكن كفيل بتجاوزى للأزمة حتى استطيع تحصيل مستحقاتى من بعض الأعمال الحالية بعد اكتمالها
كنت أشعر بالحرج لأن الوقت آخر شهر والازمة المالية تطال الجميع....من حسن الحظ قامت هى بالاتصال على لتسأل عن حالى فوجدت الفرصة مواتية وكاشفتها بوضعى المالى المتأزم... وعدتنى بمحاولة تدبر المبلغ فى غضون يومين ظللت على هذا الأمل حتى قامت بالاتصال بى لتخبرنى بأسفها وعجزها عن تدبر المبلغ لأنها ايضا تودع مايعادله لدى صديقة لها وتلك الاخرى لا تستطيع تدبر المبلغ حاليا...ابديت لها تقبلى للموقف لازيل عنها الحرج وأخبرتها الا تهتم ولنؤجل الموضوع حتى بداية الشهر..شكرتنى وانتهت المكالمة وأنا أحس بحيرة و(شطبة راس)
وعاد يراودنى نفس السؤال:ماذا أنا فاعلة حتى بداية الشهر؟
هل أعتكف فى المنزل؟؟ هل أستلف من احدى الصديقات؟؟
لا لا بدت لى الفكرة الثانية مرفوضة (الدنيا آخر شهر والهالة سأبة)المهم
خرجت ليلة البارحة مع صديقة عزيزة لى حضرت الى السودان فى اجازة لها....كنا اتفقنا على الخروج وتقضية الامسية باحدى الكافيهات فى الخرطوم...
هى أصرت على ان تقوم هى بتكاليف العزومة ,وأنا(اتجوعلتا) وقلت ليها: حرم أنا العازماك...كان من المخطط أن نلتقى فى منزلها ثم نتحرك بعربتها الى (الكافىه) وبالتالى انخفضت تكاليف الأمسية الى العزومة فقط...بعد صلاة المغرب مباشرة قمت بالتوجه الى منزلها ووجدتها على اهبة الاستعداد ثم ندهت على (السواق) ليقوم بايصالنا ..
.ولأن الرياح تأتى بما لا تشتهى السفن فقد اخبرنا (السواق )باستحالة ايصالنا الى الخرطوم نسبة لأن العربة بها خلل وقال لينا:خلاس نشوف ليكم أمجاد!!!أخخخ أمجااد؟
هذا مالم يكن فى الحسبان...
المهم قمنا بايقاف الامجاد واتفقنا معه على ايصالنا ...كنت سعيدة بهذه الامسية ولكن عقلى كان يضرب أخماس فى أسداس ..كيف لى بتدبر ثمن الأمجاد والعزومة؟؟ لم تكن هذه الأمجاد اللعينة فى الحسبان!!!!!
افقت من حيرتى على اقترابنا من (الكافى) وصوت صديقتى وهى تقول لى:أنا الحاأدفع حق الأمجاد...آآآآه كم هى (راغية) هذه الصديقة..
أحيانا نحتاج فى مسيرة حياتنا لأشخاص متفهمين وحساسين للمواقف..لا يتطلب (تفهمهم) الحديث والاستفاضة فى الشرح ..فقط هم (متفهمون وحساسون) ويستطيعون قراءة مايجول بخاطرك دون أن تنبث ببنت شفة....
كانت الامسية جميلة بكل معنى الكلمة تبادلنا الأخبار والشمرات...كان يوما مميزا...قمت بدفع الفاتورة (الحمد لله كانت على أقل بقليل مما كنت أمتلك من نقدية) عدنا الى منازلنا وقامت هى بدفع اجرة الأمجاد ذهابا وايابا وودعتنى وافترقنا
عدت الى المنزل وأنا لا زلت أحمل حيرتى وهواجس الغد الذى لا أدرى ماذا يخبئ لى...كابووس هذا المدعو (الفلس) يجلعك تشعر كاأنك داخل (برطمانية) لا تستطيع أن تتحرك يمنة ولا يسرة
نمت واستيقظت مع اذان الفجر وأنا أحس بثقل فى قلبى لا أستطيع وصفه..توضأت وصليت الفجر ثم عدت الى الفراش ومازالت حيرتى تلازمنى عما تحمل لى الأيام المتبقية من هذا الشهر
قبل أن أغط مرة أخرى فى النوم كنت أحدث نفسى بأحاديث شتى: ماذا يفعل الفقراء فى هذه البلد التعيسة؟؟ كيف يتدبرون أمور معيشتهم فى بلد صار تدبر المعيشة فيه يتطلب على أحسن الفروض أن تكون (حاويا) حتى تغطى منصرفاتك ومنصرفات أسرتك...حتما هو الله من يتكفل بالجميع ويرزق من فضله بغير حساب....ثم غرقت فى النوم
استيقظت فى تمام العاشرة والنصف صباح اليوم ...جلست برهة فى الفراش وأنا افكر لماذا استيقظت؟ لست بخارجة اليوم..رصيدى فى الموبايل لا يكفى سوى (للمسكول) خدمة الانترنت مقطوعة نسبة لعدم مقدرتى على الشحن؟؟؟
المهم قمت من الفراش متوجهة الى باب الغرفة ...وعند اقترابى من الباب, لفتت نظرى (محفظة جلدية ) كنت أمتلكها ولكن استبدلتها بأخرى قبل مايقارب الثلاثة أشهر , تساءلت : من الذى قام باحراجها من مخبئها؟!...
تناولتها وقمت بفتحها , وجدت فيها بطاقة قديمة وبعد الأوراق والكروت باسماء محلات وأشخاص....فتحت (سوستة) الجيب الرئيسى وكم كانت المفاجأة عظيمة!!!
بعض ورقات مالية من فئة (الخمسون جنيها) تتراص فوق بعضها البعض...لم اصدق مارأيت !!هل أنا أحلم؟؟
أخرجت الوريقات النقدية وبدأت فى عدها..ياالله لا أصدق هذا نفس المبلغ الذى كنت أنتظره من صديقتى والتى عجزت عن تسديده نسبة للظروف....
لا أستطيع أن أصور مدى فرحتى وامتنانى وشكرى لله...صحى ربنا كريم....
وجالت بخاطرى المقولة: قام من نومو لقى كومو......
كان هذا( بالنسبة لى) أجمل احساس اختبرته اليوم ....
| |
|
|
|
|
|
|
Re: اليوم الحار ومابندار يوم الهندسة والمعمار (Re: Tahani abdalla Attia)
|
تهاني ،، البير الأصلي ،،
Quote: ده شنو يا إبراهيم (ما يا بير) غيرت بيرك كمان |
تعرفي،، أنا برضو لما سحر قالت ليك:
Quote: بيرتى دكتورة تهانى |
قلت دي شنو السلبطة دي ،،
بس،،
إنت فايتك الكتير ،،
وفي تشكيلات عملها كابتن الكوشت ،،
لقيادة أيام البوست ،،
وبس،،
بعدين ،، هالة ما غريبة ،،
أهو مننا وفينا ،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
تهانى ازيك
Quote: Quote: : هالة البير ،،
دحين هو اليوم الأحد ولا الأربعاء ؟![/QUOTE]إممممممممممممممممممممممممممممممممممممممممممممم
ده شنو يا إبراهيم (ما يا بير)
غيرت بيرك كمان |
اشمعنا المداخله ده الشفتيها من غير باقى المداخلات بعدين ابراهيم ده جوكر يعنى بير كل الجواكر ومعاهن عم رجب كمان
اقول ليك حاجة > انا فى السوق ومعلم الله من الجواكر > تعالى نتجوكر
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
دي أكيد أفكارك يا كوتش
أنا لا أمانع طبعاً بل و أكون سعيدة جدا جدا إنو تكون بيرتي
سحورة العسولة
بس ما تفرق البيرات القدامى كمان
أضف علي الموجود و الأزلي
ما مشكلة قلتوا يومنا متين؟؟؟
الإثنين
موافقة
بس من الأسبوع القادم إن تبقى في العمر بقية
بإذن الله
| |
|
|
|
|
|
|
Re: اليوم الحار ومابندار يوم الهندسة والمعمار (Re: Tahani abdalla Attia)
|
تهانى
Quote: ما مشكلة قلتوا يومنا متين؟؟؟
الإثنين
موافقة
بس من الأسبوع القادم إن تبقى في العمر بقية
بإذن الله |
فعلا وجودك مهم جدا ياتهانى وعلى الاقل الدايرك فى اى موضوع يقوم يجيك يوم الاتنين ....
ومنتظرنك الاتنين الجاى مع باقى المجموعة و بفارق الصبر يا بير سحروز و طارق احمد خالد الغائب
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
Quote: دي أكيد أفكارك يا كوتش
أنا لا أمانع طبعاً بل و أكون سعيدة جدا جدا إنو تكون بيرتي
سحورة العسولة
بس ما تفرق البيرات القدامى كمان
أضف علي الموجود و الأزلي
ما مشكلة قلتوا يومنا متين؟؟؟
الإثنين
موافقة
بس من الأسبوع القادم إن تبقى في العمر بقية
بإذن الله |
والله انا لى الشرف يادكتورة
ونعم البيرة
لكن كمان مابنزاحم السابقون
خلاص الاثنين الجاى وردية بدرى
ياجماعة فتكم بى عافية
عندى مشوااار خارج الحدود
بجيكم بالمهلة بعدين
كان الله هون
| |
|
|
|
|
|
|
Re: اليوم الحار ومابندار يوم الهندسة والمعمار (Re: Tahani abdalla Attia)
|
صغرى ابعاد الصورة باستخدام ال Paint
وبعداك احفظيها بال JPEG
واذهبى الى اضافة رد ومن داخل الصفحة الانت بتكبى فيها الرد و قبل الضغط على اضف رد
توجد كلمة تحميل صورة بعد كلمة اضف صورة
اضغطى على كلمة تحميل صورة ثم من خلال هذه الصفحة
اضغطى كلمة BROWSE لاضافة الصورة التى حفظتيها فى الكمبيوتر ثم تحميل ثم طباعة الكود كامل ونسخه فى المداخلة قبل الضغط على كلمة اضف رد وممكن تشاهدى قبل النشر
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
السلام عليكم بالعصر
Quote: يعنى خلاص المشكلة اتحلت ولا ننتظر الاتنين القادم > بس عشان عم رجب يفهم .... نجيبوا ليكم ؟ |
مرحب بعم رجب .. ( هو منو عم رجب ) ..
والله المذاكرة صعبه شديد نفسي قام بتاعت هشام مجذوب الليلة انا عرفتها .. دكتورة تهاني منوورة .. هالة الموضوع سمح شديد وبيساعد الناس على الفهم بتاع الحياه وتعقيداتها .. سحر مرحب بيك وما احتجتي للشيرنق وكمان الكوتش والمستلفح اللفحي ما قصرو .. القصة الكتبتيها جميلة واسلوبها بسيط ومعبر وواقعي وايضافيها حكمه ..
كسرة
بتحبي ود الامين صاح ؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
ياسحر الفلس كعب الواحد لمن يكون مفلس حتى مشيهو في الارض دي ما بكون عديل وكلامو ببقى اشتر ودي هدية عشان الفلس الامام الشافعي قال يا لـهف نفسي علـى مـال أفرقـه على المقلين من أهـل المـروات إن اعتذاري إلى من جاء يسألـنـي ما ليس عندي لمن إحدى المصيبات
وقال
إذا أصبحت عندي قوت يومي فخل الهم عنـي يـا سعيـد ولا تخطر هـموم غـدٍ ببالـي فـإن غـداً لـه رزق جديـد اسـلـم إن أراد الله أمــراً فاترك ما أريـد لمـا يريـد
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
Quote: أخرجت الوريقات النقدية وبدأت فى عدها..ياالله لا أصدق هذا نفس المبلغ الذى كنت أنتظره من صديقتى والتى عجزت عن تسديده نسبة للظروف....
لا أستطيع أن أصور مدى فرحتى وامتنانى وشكرى لله...صحى ربنا كريم....
وجالت بخاطرى المقولة: قام من نومو لقى كومو......
كان هذا( بالنسبة لى) أجمل احساس اختبرته اليوم .... |
أجود بموجودٍ ولو بت طاويـاً على الجوع كشحاً والحشا يتألم وأظهر أسباب الغنى بين رفـقتي لمخافهم حالي وإنـي لمعـدم وبيني وبين الله أشكو فاقـتـي حقيقاً فـإن الله بالحـال أعلـم
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
يا صحاب اين انتم > مشتاكووووون ياناس الليل و آخره > وروروووووك ناس يوم الليلة انتو وين والباقين ناس هشام علاء خطاب علينا جاى
___________
ياليون وهشام ( اين قدورة ؟ ) ماذا اعدتم ليوم غدا 88 الدروب اشرف اوشى ابراهيم خديوى حمد النيل انصار السنه يوسف متوكل سامى عبد الرحمن بتاع الجيتار الخير بتاع عقد الجلاد منى خميس نازك صديق جيلانى الرشيد بانقا عماد حسين نمر عثمان آدم باشتيل مرتضى حسن الفحل ايهاب فريد محمد كرار زهير آدم نيوتن احمد مالك لؤى نمر حقيقى مجموعة رائعة و تشرفت بان اكون معاهم فى رحلة جبل اولياء ( ناس مدنية : واول ايام الجبل عندما > بكره بكره بكره > خليكم قراااااب > شمار بالكوم
__________
وشكرا حمد على التواصل و الدعم
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
Quote: كابووس هذا المدعو (الفلس) يجلعك تشعر كاأنك داخل (برطمانية) لا تستطيع أن تتحرك يمنة ولا يسرة |
برطمانية الواسعة دي؟؟
ازيكم كلكم
ابراهيم:
Quote: إهداء لسارة بمناسبة الخطوبة ،، |
انت عمر موسي الفي صورتك دي مالو حادر للزول الواقف جنب البصور؟
حمد:
Quote: علاء الدين ( الحاج ) صورة البروفايل عجيبة مرة مرة !! |
شكلو فطسني بتاع قندران كدة (زي توم وجيري لمن يتفطسو)
القندران القاعد برة قاعد لي أنا للمضرة. ترن ترلنم..
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
علاء وين انت > بشوفك مره ، مره ( فى الحضور )
يلا القلم معاك > انا الليله فترت عديل كده من اليوم الحار
وماشى اتعشى فول و انوم >
عشان اصحى ليكم بدرى بدرى لانو بكرة يوم من ايام اعياد ميلادى العددها 9 وكنت دائما احتفل بيهو مع ايهاب فريد و لؤى نمر > كااااك
تخريمة : عمكم رجب جاييكم هسع يا حمد > لحن ختام > استعدوا
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
كان عندي تلاتة مشاوير مشيت الاول وجيت .. لقيت سارة خطبها عمر مشيت التاني وجيت .. لقيت اييييييك: سحر جات(حمد الله الف على الياااااااااك المستمرة) د. تهاني جات .. والكوتش استلم اليوم على حسابو وناس هالة من قالوا ليهم يا نسوان مشوا (الكلام دة حا يثبت فيني وش الشمارات)
وما عارف لو مشيت المشوار الثالث حا اجي القى الحاصل شنو ممكن القى شنو يا صلاح مختار؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
الكوتش
Quote: اجيب ليكم عم رجب ؟ |
افوووووو قايلنا بنخاف؟ انا الاسد الحرس غابتو الضرية انا الساعة الكتال بختف حدية انا الداوك عدوي طابق لو كية انا الزايرني ما بجيب لي هدية هيييييع
وبعد انتهاء فورة الحماس: عايزين زول يقول الجملة الجاية دي 3 مرات متتالية بصورة صحيحة والجايزة طرف الكوتش: ضنب جمل عم رجب جِرب، مشيت اكلم عمي رجب بجَرَب ضنب جملو ؛ لقيت ضنب جملي جِرب ( بنعتمد على الامانة في الاجابة)
| |
|
|
|
|
|
|
| |