نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
بالنسبة للسودانيين البيمثلونا في الخارج ،،
أي نعم هم أنموذج للسودانيين عموما ،، وهم الواجهة البتعكس وجه السودان للعالم الخارجي ،،
بس،،
لو الواحد ما بدأ بالتصحيح من الداخل ،، وغير سلوكياته قبل ما يطلع بره ،،
فما أظن حا يغيرها بس لمجرد انه في الخارج ،،
ده سلوك ينشأ ويتربى عليه الشخص ،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
علاء الدين لا بد ان نعترف ان معظمنا لديهم مشكله في مسألتي النظام و الإنضباط وتقريبا كل ما ذكر من ممارسات خاطئه لا يخرج عنهما. من الجانب الآخر لدينا غير قليل من الطيبه و الإيثار الذي جعل غيرنا يستغلهما بفهمه لهما علي إنهما عبط منا و يمكن للمغتربين إيراد نماذج من المضايقات و التنافس الوظيفي مع ما يصاحبها من ممارسات دنيئه يعف عنها اغلب السودانيين بطبعهم. مع ضحكنا علي الآخرين و رأينا الواضح فيما يفعلون من بخل و دناءه و تكسب بإي طريقه و إستهجاننا و إستغرابنا له نجحوا في المقابل في رسم صورة السوداني ككسول عبيط و لايبالي. نعم لدينا مشكلة إنضباط و نظام و لكن اري ان الادهي ان لدينا مشكلة إعلام متجذره إبتداء من المواطن العادي مرورا بالمؤسسات الرسميه. نحن احرص علي الآخرين من انفسنا و هذا جيد لكن يجب ان نميز من يستحق كثير من حققوقنا تضيع بسبب الخجل الآخرون لا يفهمون ذلك لديهم حساب الربح و الخساره و نحن اغلبنا لديهم حسابات و اولويات اخري احيانا 1+1 لا يساوي 2 عندنا هم لا يفهمون اننا نعطي كل ما نملك عن رضاء تام و نقتل بسبب الإستكرات في تعريفه. لدينا كثير من الصفات الجميله و يكفي اننا نفهم بعضنا و لدينا كثير من الصفات السيئه لكن يا اخواننا بي صفاتنا الكعبه دي لو خيروكم تبقوا ما سودانيين بتوافقوا؟ يعني تكون مغترب و مقرطا علي روحك و اهلك تشتري ستاير شقتك في الرياض علي مقاس شبابيك بيتك في امبده عشان تستعملها لما تجي نهائي تقفل باب بيتك عليك و الناس جعانين لا زيارة مستشفيات لا فواتح لا شلهته من خال لي عم لي جد تحاكم اخوك عشان قروش,القروش تطير آآآآآآآآآخ يا اخواننا نحن ما نتبسط إلا لما نبسط الناس الحولنا بالله منو العندو نفسه نمره واحد؟
تاني والله عندنا صفات جميله و اخري تكرهك
لا لعدم النظام لا لعدم الإنضباط لا لإستسهال المواضيع و عدم حساب ابعاد تصرفاتنا لا للبهدله في اللبس
الواحد شاعر انو ما مركز معليش لو طلعت من الموضوع
صنن
| |
|
|
|
|
|
|
Re: اليوم الحار ومابندار يوم الهندسة والمعمار (Re: صلاح مختار)
|
معذرة للتكرار لكن عشان الموضوع يكون في ذات الصفحة:
Quote: بعيدا عن الكورة:
غصبا عن عين الكتب الموضوع ده نحنا سودانيين، وفي كتير من الفوضي عاجبانا، لكن برضو في كتير من المكتوب هنا محتاج الناس تغييرو، بالإضافة لأنو في كتير من الجاليات غيرنا عندهم صفات ازفت مننا بكتير..لا يعني اني بقيت ما سوداني معناهو حا ابقي كويس..لأن الكواسة نسبية.. يلا يا خوانا الغلط نصلحو..والعاجبنا وبيميزنا نخليهو.. ممكن واحد يصنف الصفات دي، ونصوت علي الواجب التغيير، ونبدأ بأنفسنا:
تخيل كيف يكون الحال لو ما كنت سوداني
كنت ح تلتزم بالمواعيد - كنت ح تدفع فاتورة المحامي او الطبيب قريبك - كنت قاضيت المهندس اللي خرب ليك بيتك - كنت عملت مشروعك بنفسك دون محاكاة - كنت بدأت دوامك في الموعد المحدد - كنت حتنطق حرف ال (ق ) و ال ( غ ) كما ينبغي وما كنت حا تقول للتسعة تزعة - كنت بطلت تسف ساعوط - كنت صرت متخصص وعالم في مجالك - كنت حتلبس شيك جدا عند خروجك أمام التلفاز وأجهزة الاعلام - كنت تتحدث بطلاقة وإنسيابية بدون أ أ أ أ أ أ ولو ما كنت سودانى كنت عرفت ان باللدقيقة 60 ثانية وبالساعة 60 دقيقة وباليوم 24 ساعة وفي اليوم ممكن تعمل كذا وتنجز كذا وكنت خططت لحياتك ومستقبلك و كنت اخترت المساق التعليمي بنفسك ودرست الجامعة بالكلية اللي تناسب مقدراتك ومواهبك ورغباتك المستقبلية مش عشان ود جيرانكم اختار الكلية دى بالذات يعنى اخنق فطس .. كنت ح تتصل بالتلفون قبل زيارة أحد في منزله بدري شويه , مش و أنت في خشم الباب ده طبعا لو اتصلت وما جيت داخل زي قدر الله بدون حتي ماتدق الباب وتدقو ليه ؟؟ مش في سلك تجرو وتدخل !! بدون مراعاة لحرمة البيت ولو ما كنت سوداني...كنت انتظرت دورك في الصف وخلصت معاملتك بنظام بدل الململة البتعملوها وكنت ح تنهر أولادك لما يبهدلوا ليهم بيت زول ويعيثوا فيهو فسادا وحضرتك قاعد تضحك ومتعوجب لي اولادك ورافع لي ناس البيت الضغط والسكري.... كنت حا تتوقع بحصل شنو لما ترقد طفلك الصغير بدون بامبرز في سرير في بيت ناس!! واولادك الاكبر شوية بعملو شنو في نباتات وازهار الناس التعبانين عليها وزارعنها وراوينها بي دم قلبهم .. والطامة الكبري لو كان عندهم حوض سمك و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...كنت ح تتردد في إعطاء رقم تلفون أو عنوان شخص ما.. دون إذنه او حتي سؤاله اذا كان عندو رغبة يتواصل مع الناس ديل أو مفهمم انو ما عندوا تلفون من اصلو بدل تورطو وتحرجو كدة!!! وكنت امتنعت عن السماح بجلوس طفلك الرضيع في المقعد الأمامي على حجر والده او والدته ولمن يحصل حادث الحبيب ياكلها لا لذنب جناهو سوي انو اهلو سودانين!!...كنت ح تترد في زيارة شخص ما.. أنصاص الليالي و صابح تاني يوم مدارس و عمل وتساهر بالناس وتطلع روحهم تشرب العصير والشاي ويعملو ليك العشاء على امل انك تمشي وتخليهم ينومو وانت برضو قاعد تبرا فيهم وما تحس الإ قبل آذان الفجر بشوية وتقوم تنكشح بعد ما الديك قرب يعوعي ولو ما كنت سوداني ...كنت ح تخلي الصغار في البيت عندما تكون المناسبة مناسبة كبار.. كنت اتونست بصوت معقول, خصوصا' عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...كنت امتنعت عن التدخين في منزل شخص اخر , او على الاقل استأذنت قبل ما تولع...كنت ترددت في ارسال حاجات وزنها خمسة كيلو وما فوق مع كل من تسمع بأنه ماشي السودان... كنت رجعت القروش اللي استلفتها في وقتها, أو في الحقيقة رجعتها و بس.. كنت امتنعت عن زيارة احدهم في مكتبه , للونسه او مناقشة امور لا صله لها بالعمل كنت خجلت من عدد المسكولات التي تعملها, مش كمان تقول 'شنو يا فر دة, خمسه مسكولات ما ترد عليها؟ و الله الفيك اتعرفت'..... كنت حا تقعد فى صالون الناس بدل تلوص فى البيت كلو.. كنت حا تبطل التحشر فى خصوصيات الناس وتعمل الحالة واحدة وتدى نفسك الحق تسأل اى سؤال يخطر فى مخك( لو كان فى يعنى) .. كنت ما حا تمشي مستشفى الولادة وتقعد تحقن النسوان الفي العنبر كلهم واللللللللللله عيب كبير يا سودانيين اصلا ما شفت غيركم بتحاوم فى عنابر الولادة وكمان معاها هرجلة وإزعاج .. اصلا انتو البوديكم شنو مستشفي الولادة؟؟ عشا ن تودو نسوانكم اوكي آمنا بالله طيب اقعدوا في الاستقبال لزومو شنو الحوامة في العنابر يعني حبكت تباركو للام استنو لمن تطلع في البيت أما لو كانت اختك او زوجة اخوك ياريت الزيارة تكون من طرف الأوضة وتتوكل علي الله ... ولو ما كنت سوداني كنت بطلت تطلع بالعراقي والسروال والسفنجة وراسك مكشوف وصوتك يجيب الطاش.. لو ما كنت سودانى ما كنت اكلت ميراث اخوانك الصغار واستوليت على بيت ابوك لي يوم يبعثون عشان بس انت الكبير!! ولو ما كنت سوداني كنت إبتكرت فى خريطة بيتك بدل تشف حقت صاحبك بالكربون وكنت استثمرت فى حاجة غير الركشة !! ومحلات الاتصالات !! لو ما كنت سوداااااااااااني ما كنت أخدت معاك كتيبة وانت ماشي المطار وما كنت عملت الضوضاء والغوغاء العجيبة البتعملوها فى المطارات ولابسين الجلاليب والبراطيش وراسكم كاشف وفي احسن الاحوال لابسين طاقية ويوم تحبو تقشرو تلبسو مركوب نمر يقزز .. ونسوانكم معنكشين بي دهب البيت كلو ولابسين الاحمر والاخضر والترتر وزفة الوان ما شفناها حتى في أعتى صحن سلطة ده غير شباشب الظار البرتقالي والليموني وهلمجرا ، وشفعكم يكوركو ويتساككو ، ده غير التحنيس والدناءة عشان يمشو ليك الوزن !!! ولو ما كنتو سودانين كنت قعدتو محترمين فى الطيارة وما قرفتو المضيفات بي الطلبات والاصوات والمشية والجية والهمجية وبكاء الشفع والشنط والكراتين والصفايح الداخلين بيها الطيارة والاصوات العالية والجلاليب الشربانة وما كان نسوانكم غيرو التياب فى الطيارة وما كنتو فكيتو الاحزمة ووقفتو قبل الطيارة تنزل.. لو ما كنت سوداني ما كان ممكن تدخل فى زول شمال وتقول ليهو راتبك كم؟؟؟؟ ولو ما كنت سوداني ما كان ممكن تفكر انك تمشي عرس بتاع ناس وتقيف بكل بجاحة تصور العروس بى موبايلك وانت ما بتقرب للعروس ولا حتى بى حواء وآدم بدون ما تسأل نفسك منو الأداك الحق ده في إختراق خصوصيات الناس ومنو السمح ليك تدخل وتتعشى وتصور !!!! .. ولو ما كنت سوداني ما كنت طلعت من شغللك ولمدة تلاتة ايام وسبت المراجعين يتبهدلو عشان حبوبة جار جاركم ماتت عن عمر يناهز المية وشوية والبكا جاي خبر من الشمالية.. والمراجعين برضو لو ما كانو سودانيين ما كان سكتو عن حقهم وكل يوم يمشو ويجو المؤسسة عشان موضوع تافه ما بياخد اكتر من عشرة دقايق!!! لو ما كنت سوداني كنت إستفدت من غربتك وأمنت مستقبل اولادك وقدمت استقالتك ورجعت بلدك بي كرعينك مش بالصندوق.. لو ما كنت سوداني ما كان كل يوم جاييك تلفون رسل وجيب وحول عشان هم يقعدوا ياكلو فى حقك لا شغل لا مشغلة ويشتغلو ليه ؟؟ كفاية عندهم سوداني مغفل زيهم يرسل بدون تفكير .. ولو ما كنت سوداني مستحيييييييييييييييل تدي اخوك يبني ليك بيتك وترجع بعد خمسة سنين تلقاو لسة ما حفر الساس ولو سألتو عن القروش الحولتها طول السنين دي يزعل منك ويخاصمك ويعملها حكاية طويلة وعريضة ولو ما كانو اهلك زااااتهم سودانييين ما كان غلطوك وطلعوك انت الكعب!! وجبروك تسكت عن حقك وطلعت من الموضوع بي ازمة نفسية!! صدقنى لو ما كنت سوداني كانت حياتك مشت بى أريحية ونظام ورااااااااحة كانت مجاملاتك حتكون حلوة وفى حدود المعقول بدل كل يوم جاري ولاهث من بيت لي بيت في الفارغة والمليانة!!.. كنت نمت لما تحب وتصحى لمن تحب.. كنت انت القررت مشروع زواجك بمن تحب بدل القبيلة كلها تقرر معاك.. ويجزمو بأغلظ الإيمان انو فلانة هي البتناسبك !!! عرفو احتياجاتك كيف؟؟ ميولك كيف؟؟ طلبك كيف؟؟ انا ما عارف!!!! كنت سميت اولادك الاسماء البتحبها مش البختاروها ليك عمك وجدك ونسيبك وتقوم الدنيا وما تقعد لو ما سميت ليهم الاسم الدايرنو ويسلبوك ويسلبو الام ابسط الحقوق انها تسمي الكائن الكانت شايلاو تسعة شهور وتعبانة فيهو ده!!! كنت استمتعت باجازتك وبي وقتك وحياتك بدل كل واحد يديك الفتوى الفي دماغو .. لو ما كنت سوداني كنت حتكون سييييييييييد نفسك وكنت... |
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
صلاح مختار،،
تستاهل الصفقة،،
صف قيام، صفقوا لزميلكم صلاح،،،،،،، جلوس،،،،
و الحالة ما مركز،،،
هو إنت ما بتجيش ليه؟؟؟؟؟
و تانى نقول معاك،،،
Quote: تاني والله عندنا صفات جميله و اخري تكرهك
لا لعدم النظام لا لعدم الإنضباط لا لإستسهال المواضيع و عدم حساب ابعاد تصرفاتنا لا للبهدله في اللبس |
هشان مجذوب، إذن أعلن عن الفائز،
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
Quote: وصلتني الرسالة التالية من الأخ طلال خليل:
Quote: إن شاء الله سوف تقام جلسة مساء الخميس القادم بالأسكلا في حضور الأحباب شبو ، حمد خوجلي ، طارق حمزة ، جمال حسن ..
أييييك ،، والله لكن جنس لمة هي ..
ما تنسو كابتن بهاء الدين يا طلال ..
والقرود يمكن يجيكم من المطار ،، |
طبعا مينز كالعادة،،،،،
قلتوا لى اللمة الساعة كم؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
Quote: لكن اري ان الادهي ان لدينا مشكلة إعلام متجذره إبتداء من المواطن العادي مرورا بالمؤسسات الرسميه |
صلاح مختار..يسلم (كي بوردك)..
نحنا ما بندي نفسنا مكانتها البتستحقها.. بنتخيل انو التحدث عن مقدراتك نوع من (التكبر) ودة علي مستوي علماءنا..
ما بنعرف نعرض نفسنا بصورة يعرفك بيها الغير.. عشان كدة مساؤنا بتنتشر أكتر من محاسنا.. المصريين ممكن يصنعو من الفاشل (نجم!!!).. . . سؤال لكل الأخوة المغتربين في كل دول العالم.. فيكم واحد يقدر يتكلم عن نجاحو ومقدراتو ومكانتو الفعلية الهو فيها في دول العالم المتقدم؟؟؟
علما بأنو طرحو لنجاحو (كما هو من دون زيادات) يمكن يكون دافع لغيرو بالإصرار علي النجاح!! سؤال تاني مغايير لللأخرين:
لو لقيت واحد سوداني ناجح بيحكي عن نجاحاتو هل بتتعامل معاهو بفخر ولا بأستخفاف؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: لو لقيت واحد سوداني ناجح بيحكي عن نجاحاتو هل بتتعامل معاهو بفخر ولا بأستخفاف؟؟ |
ما ياهو ده الجايبنا ورا يحكي دي نحنا بنكون شايفنها وما محتاجين للحكي يمشي طوالي يطلع للعالمية وبعد داك نحنا بنفتخر بيهو وافتكر هو لانو مستخف من نفسو اولاً عشان كده بيحكي لينا نحنا
-------------------------- شنو ياجماعة دي صفحة الجدية شايف كلامكم كلو اعتقد واجزم وين فرنب وسحلب وجقلب
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: اعتقد الموقف الهو بيحكي فيه عن نجاحاتو ،، بيلعب دور في حكمنا عليه ،، |
ابراهيم..الفرضية الأنا افترضتها انو الواحد بيتكلم عن نفسو في المكان الصاح..هل بتقبل كلامو عن نفسو؟؟؟ او سؤال تاني..لو طلبنا من الناس (يعررفوا) نفسهم.. هل تعريفك عن نفسك حا تشملوا مقدراتك العلمية؟؟؟ هل حا تقول مثلا: انا قريت هندسة جامعة الخرطوم وهي افضل جامعة في زمانها.. وانا دخلتها لأني كنت من افضل الناس في الفصل.. وحاليا موقعي في العمل..كدة.. وانا باعتبر نفسي من افضل المهندسين في المؤسسة بتاعتنا.. وانا بعرف اعمل كدة وكدة وانا الوحيد البعرف الموضوع دة عشان عشان كدة بيعتمدو علي..... يعني تتكلم عن امكانياتك الحقيقية بصوت عالي.. لو واحد قدامك اتكلم عن نفسو كدة، هل حا تحترمو؟؟ ولو ادوك فرصة تتكلم عن نفسك..حا تبحث عن مقدراتك ومميزاتك وتتطرحها بنفس الوضوح؟ ولا حا تحجل وتتكبر علي الوضع؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
يا علاء الدين،،
كلامك صاح فى إنو، لو فى زول فعد يتكلم عن نفسو بفخر، إحنا بنستخف بيه،،
لأننا جبلنا على التواضع،
و دى فى حد زاتها (فى رأيى) عادة قميئة،،
لدرجة إنو ما فى زول حسه بيتكلم عن نفسو فى السودان إلا الناس المتدعين،،
و للاسف ديل هم البيلقوا التقدير و الإستحسان من المدراء (مثلا)، و بالذات لو أجانب،،
يبقى التواضع دة بيضيعنا، و يا ريت لو نتعلم نتكلم (بالحق) عن نفسنا شوية،،
المشكلة بتكون يا...: 1. التوقيت غلط،، 2. صيغة الكلام ما مقبولة،،،
الحل؟؟؟؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
علاء الدين ،،
Quote: انا قريت هندسة جامعة الخرطوم وهي افضل جامعة في زمانها.. وانا دخلتها لأني كنت من افضل الناس في الفصل.. وحاليا موقعي في العمل..كدة.. وانا باعتبر نفسي من افضل المهندسين في المؤسسة بتاعتنا.. وانا بعرف اعمل كدة وكدة وانا الوحيد البعرف الموضوع دة عشان عشان كدة بيعتمدو علي..... يعني تتكلم عن امكانياتك الحقيقية بصوت عالي.. |
هنا اعتقد ذي ما قالت هالة :
Quote: 2. صيغة الكلام ما مقبولة،،، |
وده البيجيب الإستخفاف ،، وممكن التعبير يكون بأسلوب مختلف لتوصيل إمكانياتك الحقيقية ،،
Quote: لو واحد قدامك اتكلم عن نفسو كدة، هل حا تحترمو؟؟ |
لا لا ،،
Quote: ولو ادوك فرصة تتكلم عن نفسك..حا تبحث عن مقدراتك ومميزاتك وتتطرحها بنفس الوضوح؟ ولا حا تحجل وتتكبر علي الوضع؟؟؟ |
في أحسن الظروف ،، حا أطرح مقدراتي ،، بس،، بصيغة فيها شئ من التواضع ،، (التواضع المضيعنا ،،) ..
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
تحت تحت سمعت انو ابراهيم والكوشت هم (ملح) البورد!!
كيفن يعني ما فهمت.. .. س س ..سادمبا.. .. ش ش..شكلتي.. ..
تعرفو لو ماكنا سودانيين.. ما كنا خلينا الأجانب يجو يغلبو لينا.... يا حليل.. سانتو وبشارة وقاقرين والدحيش وسبت دودو ..وكل السودانيين الكانو بيلعبو لينا..
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
السلام عليكم ابراهيم وخليل وهالة ..
Quote: : الجماعة ياتهم؟؟
سؤال المسابقة حقت الليلة،،، |
الجماعة ناس س و س وكيكي وميمي وبطوط وسيد الشي زاتو معاهم ناس المسميين بابو : ابو سمرة ابو هريرة ابو جلمبو .. ناس الخطاب ( الفاتحين لينا ) ناس طارق ..... .. والشيوخ شيخ عمر الحبر .. والدكاترة و عيييييك
...
يلا الجايزة سريع سريع
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
Quote: حمد،، و كسبت الجايزة،،، |
Quote: إبراهيم،، فليتم تسليم الجائزة فى إحتفال رسمى،،،، |
طوالي ،،
والجائزة أي (5) حاجات يختارها حمد ،، مثلا:
1- 5 جدادات مشوية - شرط يعزم معاه 5 من الشباب/ات عشان يشاركو معاه في الزعمطة ،،
2- 5 خرفان (من عينة خروف هالة الحنكوش داك ،،) يربيهم من هسع للضحية القادمة - عشان ما يتعرض لنفس المحنة من تاني ،،
3- 5 تذاكر سفر الخرطوم - جدة - الخرطوم لأداء العمرة ،،
4- 5 سنين عاشهم الحب ،،،،
تاني شنووووو؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
إبراهيم،،
Quote: ناس قطرهم بختهم ،، الليلة اليوم الوطني وبكرة الجمعة ،، وبعده السبت ،،،
ناس السودان ضاع عليهم ،، راس السنة الهجرية طلع بكرة الجمعة ،،
ناس السعودية ،، لا هذا ولا ذاك ،، (وش ولا حاسد ولا حاجة ،،) نحن ذاتنا بنقدس العمل ،، |
ناس السودان،، راس السنة الهجرية 18/12 جمعة الكريسماس 25/12 جمعة عيد الإستقلال 01/01 جمعة
نغسى أعرف مين اللى فئعنا الاراية،،، (بالعربى كدة أدانا عين فى إجازاتنا)،،،،
وش حاسد و زعلان و أى حاجة،،،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
سلامات هندساب
اولا اشكر كل الذين اتصلوا بى بخصوص مداخلات هلال مريخ فى هذا المنبر وانا عن نفسى اعدكم تماما بالبعد عن اى مداخلات بهذا الخصوص فى هذا المنبر
ثانيا تم تعديل كل المداخلات الخاصه بالكره بواسطتى فى هذه الصفحه
ثالثا اعتذار للاخوان الذين تداخلوا معى ( ابراهيم ، ليون ، ... ) فى مداخلات الكره لان بعد التعديل اصبحت بعض مداخلاتهم غير مفهومه او شئ من هذا القبيل
رابعا كل الذين يرغبون فى مداخلات هلال مريخ والتى كانت تمثل اكثر من 80 فى المئه من ونسات بعض الطلاب فى كافتريا هندسه و انا واحد من هؤلاء > ربما لو الظروف ساعدت سوف تكون لها بوستات اخرى
خامسا و اخيرا اكرر اعتذاراتى للجميع و السلام
طارق الكوتش
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
ابراهيم
Quote: بس ده ما معناه انك تزعل وتقاطع ،، وجودك ضروري ،، |
انا زعلااااااااان يلا تعالوا حنسونى بس مقاطع ده تشوفوها فى امترتر
_______
سحر حمد الله على السلامه و اليوم الحار نور ومنتظرين حضورك الدائم
_________
اين خطاب ... ابو هريره ... ساره .... د تهانى
_________
علاء الدين موضوعك سمح بس شكلو وسط ونسات هذا البوست حيروح شمار فى مرقه ياريت لو فتحت ليهو بوست لحاله ... بحاول اذاكر و ارجع
طقطق
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
حاج علاء لو لم تكن سودانياً.. بنا ما بنا من النقائص كغيرنا..(وان كان ما يغفر لنا اكثر مما يغفر لغيرنا) اوضاع خاطئة .. نسعى لتصحيحها.. ولكن بدون ان يسخر منا احد.. جُبل على اكثرهاجيل قبلنا نعتز به.. لهم زمان ليس كزماننا.. ولا نرضى لاركانه زعزعة.. فطرة البساطة غلبت عليهم.. فتمازجت ارواحهم.. وبالتالي تلاشت الماديات في سمائهم.. فاخترق سهم نقائهم وبساطتهم جسد هذا الواقع المادي القاسي.. فاستنكرته احشاءه ولفظته (قد تنكر العين ضوء الشمس من رمدٍ .. وينكر الفم طعم الماء من سقمِ) كائنا من كان كاتب تلك السطور.. فلا يملك حق السخرية من اهله البسطاء .. اخيه الكادح .. ابيه الراسخ كالنخلة .. جده الوقور .. امه الصبورة وان كانت انتقاداته حرصا على الاخرين الذين يساء اليهم بالدخول غير اذن.. والزيارة الى ما بعد الليل.. والحوامة في العنابر و و فهو اولى بالانتقاد حين يمس معنى نقياً في دواخل هؤلاء بكل بجاحة وسخرية.. اجل علينا ان نراعي احترام الجيل بكل مستلزماته: مواعيد..هندام .. وعي عام .. احترام الخصوصيات وعلينا ان نكسو طيبتنا بكساء وقور وعلم ثر ولكن قبل كل هذا فحين ننتقد يجب ان ننتقد باسلوب راقٍ كرقي المكانة التي نسمو اليها .. وحين ننتقد يجب ان نراعي مشاعر من ننتقدهم .. لاننا ان لم نفعل فنحن من نحتاج التبصير.. حين امر رب العزة، خير الخلق الى تغيير مفاهيم الناس قال:(ادع الى سبيل ربك بالحكمة والموعظة الحسنة) فما بالنا بما دون ذلك في كل الاطراف
ورغما عما كتب:
Quote: بلادي أنا بلاد ناساً تكرم الضيف وحتى الطير يجيها جيعان ومن أطراف تقيها شبع ،، بلادي الصفقة والطنبور ،، وبنوتاً تحاكي الخيل ،يشابن زيي جدي الريل، وشبالن مكندل في طريفو ودع ،، بلادي بلاد من التاريخ من ترهاقا لعند ميسنا حتى الجاي خيل ودروع بلادي أمان ،،بلادي حنان،، وناسها حنان ،يكفكفوا دمعة المفجوع ، يبدوا الغير علي ذاتهم ، يقسموا اللقمة بيناتهم ، ويدوا الزاد ،حتى إن كان مصيرهم جوع ، يحبوا الدار ، يموتوا عشان حقوق الجار ، ويخوضوا النار عشان فد دمعة ،، وكيف الحال كان شافوها سايلة دموع ؟؟،،،، ديل أهلى.. البقيف في الداره وسط الداره وأتنبر وأقول للدنيا ديل أهلي عرب ممزوجة بي دم الزنوج الحارة.. ديل أهلي ديل قبيلتي ، لما أدور أفصل للبدور فصلي.. أسياد قلبي والإحساس وسافر في بحار شوقم زمان عقلي أقول بعضى.. ألاقيهم تسربوا فى مسارب الروح بقو كلي محل قبلت ألقاهم معايا، معايا زي ضلى لو ما جيت من زي ديل.. كان ،أسفاي.. وآمأساتي.. وآذلي.. تصور كيف يكون الحال لو ما كنت سوداني وأهل الحارة ما أهلي تصور كيف يكون الحال لو ما كنت سوداني واهل الحاره مااهلي؟
|
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
Quote: مبارك عليكم حلول العام الجديد. ونسأله تعالى أن يجعله عام ملئ بالخيرات والأعمال الصالحة ومع وداع العام 1430 نسأله تعالى أن يرزقنا حسن ختامها بتوبة نصوح، وذنب مغفور، وعمل صالح مقبول. .أعتذر لقلوب أحببتها، وواصلتها لا أعلم أهي راضية عني أم ساخطة، لفعل جهلته، أو تقصير تماديت به |
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
صباح الخير ويوم جديد الخطاب سلام .. شايف لياقتك اتصلحت امس بالليل الكوتش .. ماكان في داعي للمسسح ده كلو ومادام الأسسف واتنين سين في كل المداخلة عشانك انت وبسس
علاء نقل مداخلات لو ماكنت سوداني في بوست جديد بنجيك بهناك إن شاء الله وندلي بدلونا
هشام مجذوب .. حلوة حكاية بعبر عن فرحو بانتصار فريقو
ياسسر التجاني .. معقولة لكن
صن وقدورة .. لعب وكورة
وبقية الأعضاء الحاضرين والغائبين سلام وتحايا
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
قدر ما فتشت على شاكوشك والمسمار اصلو ما لقيتم كنت عايز اجيبهم ليك اتنين يا ابراهيم .. لكن ربك ستر وخلاص المناسسبة عدت..
--------------------------- نطالب بمصطفى جلال حبه كهرباء 88 ومقيم في كندا واصلو ما جادي لكن زول توثيقي درجة اولى الليلة بكلمو وإن شاء الله نشوفو قريب معانا بالمنبر
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
سلام يا جماعة،،
و تحية خاصة لكل القاعدين،،،،،،،
و الواقفين،،،،،،،،،،،،،،،،،،،،،،،،،،،،،،،،،،،،،،
________________________________ مسابقة اليوم،،
Quote: وطبعا طالما هناك طارق حمادة ،، لازم يكون في منوووو ؟؟؟ (سؤال مسابقة اليوم ،،،) |
إبراهيم،، عارفاك داير تغشنى،،،،
الجايزة أول، بوريك الجواب،،،،،،،،،،،،،،،،،،،،،،،،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
الليون العريس اللياقة في لكن ما كان في فرقة بس الكنبة دي حارة خلاص
ـــــــــــــــــــــــــ
ابراهيم وهالة يا جماعة جيبوا لينا مسابقات نقدر نشارك فيها
واللا انا اسي بقول ليكم محمد الطاهر ابو الرجال لما اتلموا في ستيرز كان معاهو منو
ـــــــــــــــــــــــ سحلبة: انا اول مرة اسمع بمحمد طاهر ابو الرجال دة
| |
|
|
|
|
|
|
|