نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
أبو الكديسة ،،
Quote: الجماعه بيسالو اها الخرفان بيكم...معاهم حلفاوي قاعد مطمئن سألوا ،، يا زول مالك ما بتشارك؟قال ليهم الحمد لله السنه دي خروفي هديه من نسيبي!!! قام واحد مولاناقطع ليهو فوق راسو:قال ليهو لايجوز التضيحه بالهديه!!! صاحبك زعل....قال ليهو امال سيدنا ابراهيم كان اشتري الاضحيه بتاعو من حله كوكو؟؟ |
| |
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه جعلي فتح محل غاز فجر اربع اسطوانات دعاية للمحل
صعيدي شرب الدواء قبل موعده سألوه ليه ؟؟ قال «عاوز افاجئ الجراثيم»... اتنين مساطيل سايقين ليهم تكسي واحد راكب ورا والتاني سايق الورا سطل سطلة شديدة جو ماشين في شارع النيل السايق شاف الشجرة مضروبة بهية بيضاء وقف قايلة بوليس حركه ..... لمن شافه شجرة ضحك وطلع فاتت... بعد مسافه الورة سالو قاليهو التافه ده قال ليك شنو
- مسطول خش عنبر مرضى السكرى قال ليهم ازيكم ياحلوين مسطول بيعمل تجربه فى ضبانه مسكا وقال ليها طيرى طارت .قطع ليها جناحينا قال ليها طيرى ما طارت كتب ؟؟واثبتت التجارب ان الذبابه لمن تقطع جناحيها تفقد السمع مسطول شديد مشى سلاح المظلات... قال ليهم داير أعمل مظلة للمرحوم الوالد و كده
مسطول وزنه زاد .. مشى للدكتور .. الدكتور نصحه يمشي كل يوم 3 كيلو .. بعد إسبوع ضرب للدكتور قاليهو أنا في كاب الجداد أواصل ولا أرجع ... · رباطــــــــــــابي دخل المستشفى سألوه: زيارة؟ رد: لا عمره. *مسطول قال لى صاحبو : حقّو نبقى فنانين ؛ انت فنَّان تشكيلى .. وانا فنَّان أشكيلك ..!! واحد مسطول مشي الصيدلية قال للدكتور : 'عايز لبن اطفال'. الدكتور: 'اسمو شنو؟' المسطول رد : 'اسمو اشرف'
مسطول سمع دقة في باب البيت فتح الباب مالقي زول قال دي (مس دور) ولاشنو؟
مسطول قالوا ليه اكتب لينا امتحان انشاء من 10 صفحات كتب في الصفحة الاولى ركب الرجل الحصان وفي الصفحة الاخيرة كتب نزل الرجل من الحصان وبين الصفحات كتب كبجك كبجك كبجك كبجك.
مسطول زار اثنين من اهلوا في المستشفى لقى واحد عنده حمى شديدة برجف والتاني مركبين ليهو درب، رجع البيت سألوه: الجماعة لقيتم كيف؟ قال ليهم واحد شغال هزاز والثاني في الشحن حنكوشه بتحب زميلها في الجامعه من اهل العوض في عيد الحب اهدتو ببغاء تاني يوم سالتو : بالله رايك شنو في الببغاء ؟ قال ليها : طعمو جداد جداد. مسطول جنو مظاهرات مشا الحج لقا الناس برمو في الجمرات حرق لستك - مسطول بصلى العصر واحد اتصل عليهو فى جوالو قال ليهو انت وين ؟ المسطول قال ليهو أنا فى التشهد
مسطول صلي بالناس جماعه في الجمعه
بعد الصلاه قابل صحبو قال ليهم عليك الله الخطبه كيف ؟
صحبو قال ليهو الخطبه كويسه بس عندك غلطات ..
1/ ياخي المنبر ده عندو سلم التليب لزومو شنو 2/شنو موضوع السجاره بين الخطبيتين 3/متين في صحابي اسمو فتحي 4/ ابوجهل آي كافر وأي حاجه لكن كلمة ابن الكلب دي ماكان في داعي ليها 5/ وبعدين منو القال ليك انو الترابي شارك في غزوة احد ..وانو الخندق اتحفر بي تركتر..
بت بلدياتنا خطيبها رسل ليها خطاب عاطفي وبين كل فقرة والثانية كتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟ بلدياتنا شين راكب حمار شاف بت رباطابية حلوة شديد قال ليها: أول مرة اشوف رباطابية حلوة كده.. قالت ليهو: اول مرة اشوف حمار طابقين واحد من أهل العوض اشترى ليهو ساعة سألوه: الساعة كم قال: أها خلاص دايرين تكملوا الحجر. واحد خيالي سألوهو اذا خروف عرس نملة بيولدوا شنو؟.. قال يا خروف منمل يا نملة مخرفه. مسطول شناته مرة .. عايز يعرس مشى لابو البت قال ليهو : انا يا عمي بلا فخر عملت نفسي بنفسي عمك قال ليهو : انا برضو قلت استحالة تكون دي خلقة ربنا واحد مرتو شينة جدا جيرانهم عزابة , قالت ليهو لازم تعلى الحيطة دى من العزابة , قال ليها شافوووك قالت ليهو لالا قال ليها خلاص لما يشوفوك براااااااااااااااااااااااااااهم بيعلوها
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
اثنين مساطيل مارين جنب الجامعة , شافو طالب هندسة شايل ليهو مسطرة طويلة جداً ( تي سكوير ) قام المسطول سأل التاني لا حولا دي مسطرة شنو الطويلة دي؟ رد التاني : أكيد دي يكون سيف الجامعة البيقولوه دا
واحد مسطول مشى لصاحب الدكان قال ليه ادينى سيجارة وعلبة امواس صاحبنا بتاع الدكان اضانو تقيلة مشى جاب ليه قلم وكراس وقال ليه اديك بالباقى شنو المسطول عاين ليه وقال ليه ادينى بيه إملاء...
مسطول دقش ليهو واحدة سمينة جدا في الشارع قالت ليهو ماشايفني قال ليها والله شايفك لكن وين ما متذكر.
مسطول يوم عرسو ساطل سطله شديد، بعد الناس مشت دخل البيت جوه لقى العروس قاعدة، قال انا كنت عارف مع جوطتهم دى حينسو ليهم زول
مسطول عضاه دبيب.. قعد يضحك ... سألوه ليه بتضحك قال ليهم الدبيب راح فيها أصلى إنا عندي .. ايدز
*مسطول حاقد على احوص الاحوص بعمل لقيمات جلس المسطول جنب الأحول يرمى القيمات برا الزيت والمسطول يقول تشششش
مسطول بحب الكتشينة جاء ساطل سطلة ليها ضل دخل البيت امو قالت ليهو يا عثمان غطي البت دي قال ليها بعرج يا حاجة
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
اها هاكم ديل كمان
واحد بعلم في الناس الصلاة.. اصلو ما اتعلموا ليهو .. قال ليهم خلاص انا بصلي بيكم واي حاجة انا اعملها اعملوها وراي صلى بيهم تمااام لما جاء في التشهد قال : السلام عليكم الجماعة كلهم: اهلاااااان شيخ حسن
جماعة ساطلين سطلة شديدة وقاعدين في البيت رسلوا واحد منهم قالو ليهو جيب لينا طحنية.. والدكان قريب تلف اللفة الاولى والتانية بتلقاهو طلع من باب الغرفة لفة يمين في يمين وجاهم بالشباك قال ليهم يا جماعة في طحنية؟ قالو ليهو والله رسلنا ليها هسة
واحد لقوهوا مخلوع وجاري جري شديد.سالوه مالك يازول؟ قال ليهم : كنت ماشي في الكلب عفصت لي شارع في جلابيتو مسكني من ضنبي
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
ابو هريرة حمد الله على السلامة الطيارة وجيت بيها.. اها لقيت الرئيس؟؟
سحر وانتي بخير والجميع بخير بس ما تخلي ظهورك في المناسبات بس
الكوتش عودة قوية.. لكن زي ماقال ليك ابراهيم كنت ساطل وين قصدو حاتل وين
ابراهيم انت زرايبك البتجيب منها الخرفان دي ورينا ليها
هالة الخروف طلع ياهو زاتو واللا شبه
حاج علاء والله ضحكتني ضحك في زولك الجرو منو الواطة دة
هشام مفروض ترد على ابراهيم دة
حاج حمد.. الحق الصفحة قربت تخلص
البقية.. كل عام وانتم بخير
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
خطاب
Quote: مساء الخير
اين انتم يا هؤلاء الناس؟؟ |
وردية المساء دي كنت ماسكاها انا ... وفي بعض الروايات حاج علاء اها النت بتاعي قطع التوقيع : هؤلاء الناس (وش مستهبل)
حمد،،،
Quote: الحاج علاء الدين منتظرين سايكلوجية الانسان المقهور |
البوست دا لو اتفتح قبل ما ارجع النت بتاعي بحصل شغب زي شغب الجزائريين والمصريين في السودان
حمد،،،
Quote: امنة اصحي يا بريشة |
أنا برضو ..؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
هالة لحدي ما تجيبي ملفك وتجي
واحد قفل المفتاح جوة العربية.. جوهو فتحوها ليهو بسلك عمل نسخة من السلك
كاظم الساهر ..عمل حفلة في السودان بغني نزلت للبحر .. نزلت للبحر وخفض المايك للجمهور عشان يغنوا معاهو واحد بلدياتنا استلم المايك وقال: الاسم بلة جار النبي .. الاجابة ( السفينة)
مسطول راكب جنب شباك الحافلة جات واحدة عايزة تركب سالتو: وين قاليها قاعدييييين انتو الما ظاهرين
مسطول سايق تاكسي .. وواقف جاتو واحدة قالت ليهو يا عمو ماشين اركويت قاليها امشو لكن اوعى تتاخروا
صعيدي اشترى تاكسي جديدوماش بيهو واحد اشر ليهو قال تاكس قال ليهو امال ايه
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
صباح الخير ( بالنهار )
والله منورين
بعد خرصانة امبارح لحدي الساعة 9.5 مساء والصداع والارهاق الواحد يجي بالصباح ويلقى هذه الروائع يبتسم ويضحك وترتاح نفسه ويبدأ بنفسيات جديدة وجميلة ومتفائلة بعدين بجي وان شاء اتذكر لي نكتة للمشاركة ( لو كانت بايخة برضو اضحكو جاملوني )
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
خطاب
حارد على السيد ابراهيم
ابراهومه
بالله ما دايرين فتنه
السنه فيها عيدين فما تقوم تركز على الخروف وتنسى الكعك
ونسبه للحساسيه الحايمه فى السودان اليومين ديل
وخوفا" من ان تتصل سحر بقناة النيل للدراما (الحأأأونى انا بتهان ويالهوى وباخراشى) ارجوالمزيد من التحفظ
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
كل ما الزول يلقي فرصة يخش
ويقرا ويلقى دائما الجديد
الدكتورة كل سنة وانت بالف خير
وكل ناس اليوم الحار
...
تكلمت مع امنة المفيدة وقلنا كلام مفيد سنفيدكم به لتعم الفائدة الكلام عن الموقع الذي سيكون مفيدا لنا وللمهندسين عامة التفاصيل لاحقا لانو الشواكيش مدورة ...
| |
|
|
|
|
|
|
Re: اليوم الحار ومابندار يوم الهندسة والمعمار (Re: طارق أحمد خالد)
|
و جا العيد، و سامعين صوت (الخراف)، (سامعين بس، ما قلنا اشترينا، و إحتمال سوف نظل نسمع)،،، و بدينا نسن فى السكاكين (لقينا لينا واحدة كدة غايتو بعد ما الجزائريين كملوهم)،، بس لسه ما أشترينا الشواية الجديدة،،، (غايتو الشواية دى خلوها على أنا)،،،،
أما بعد،
فـيا أهل اليوم الحار، كل عام و أنتم بخير، و القابلة كدة فى الحج أجمعين، قولوا امين،، (و هناك كل زول يدعى للدايرو))،،،،
طاخ و هشام مجذوب، سيبوا الارقام القياسية، جبتوا الخروف؟؟؟
امنة، السنة دة ح تقشرى الكبدة و لا لسه؟؟؟
الخطاب، قالوا حتى العزابة عليهم ضحية،،،
الكلام دة ليكم كلكم يا المنططين عينيكم،،،،
حمد، الله معاك،،،،
حاج علاء، بجيك راجعة،،،
تهانى و إبراهيم،، وصيتكم بالمهلة،،،،
كل سنة و أنتم طيبون سعيدون ضابحون،،،،،،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: Abdelgadir Abbas)
|
قدورة..كل سنة وانت طيب ياخ..ودي فترة جميلة انك تبدا مداخلاتك في الأيام دي
نبدأ الكلام الجادي:
Quote: و حفظ كل غائب و بعيد |
وفقا لنسبية المكان، يعني نحنا البعيدين منك في كندا..صح؟
Quote: حتى يعود سالماً إلينا |
نحنا جاهزين نعود ليكم في كندا.. نقعد زاتو معاكم أصلو الغربة هنا كتلتنا.. بس سريع سريع التأشيرات وكدة..
| |
|
|
|
|
|
|
|