|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: اليوم الحار ومابندار يوم الهندسة والمعمار (Re: حمد محمد احمد)
|
مشيت اديتا لفة وجيت
Quote: البوست بتاع ضياع المال والعيال
الفكرة العامة بتاعتو شنو ؟؟
عاوزين اوت لاينس
وبعدين نديك راينا |
البوست تحليل ل؛
(سيكولوجية الإنسان المقهور)..
لكني في لفتي دي عرفت الشيطان وقمت لعنتو، لكن ما عارفو صدقني ولا قايلني بضيع في وقتي معاهو..
| |
 
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
هلا يا شباب
شفتا يا بندق الهضربة البتنجليزي دي يا مرسي
قلت لي سيكلوجية الإنسان المقهور؟؟ لسه متذكر الكتاب إياهو؟
...
آمنة ليك علي نعوضك تعويض.... الجايات أكتر من الرايحات
بكرة ما تتحاومي كتير لحدي ما المباراة تنتهي والجكتعة ديل يغادرونا
....
حمد.. والله ضياغ الزمن معاك مكسب.. يا فارغ يا ماعند موضوع.. يا باشمهندس
طاخ
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق الكوتش)
|
Quote: Dear Tarig
Alsalamu alaykom,I am a chemical engineering fresh graduate (class 04) from University of Khartoum, and a consistent reader for Sudaneseonline and Alyoum Alhar Forum. First of all I would like to thank you and all our older brothers from the faculty of Engineering and architecture who taught us to honor, love and always keep WASIVA in our minds and hearts, and I really appreciate your contribution in improving the faculty and communicating with graduates all over the world.
As you are know the situation here in Sudan has declined to a devistating level in all areas including the economic and industrial sectors, which forced many of us to head towards other countries to seek employment, rather than sit and face the growing ghost of unemployment and watching the college's finest graduates from previous years unable to find work as well although our field of chemical engineering is known worldwide as one of the most profitable majors.
Reading your post at the link وظائف شاغره + طلب توظيف + التحضير لمختلف الدرجات العلميه encouraged me to mail you about this in the hope you or any of the Sudaneseonline Alyom Alhar board members is active in the field of chemical engineering or relevant fields especially in UAE where i will be traveling in the next few days to look for any possible job opportunities.
Best regards
Wael.A.Jabir
Umdorman |
شكرا وائل ونتمنى دوما التواصل
والترابط والاستمرار بين جميع الاجيال
وربنا يصلح حال السودان الحبيب و شعبه الطيب
وربنا يقدرنا من خلال الضحك و اللعب و الجد ان نقدم اشياء
مفيده و مسليه لخريج كلية الهندسه الرائع وروعته تتمثل فى موهبته
التى لم تولد صدفه بل كانت معه منذ الصغر وتم ثقلها بوجوده بين بقية زملائه بالكليه
ومن خلال السكن و العشره و الدراسه .... ولكن لكل قاعده شواذ ، ومعليش لو اخدتك لنقطه
خارج موضوع الرساله ... لكنها شوية دبرسه اكيد لن تستمر كثيرا وبرضو اتمنى منك الاتصال و التواصل
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
7533
طيييييييييييييييييييييييييييييييييييييييييييييييييع
اييييييييييييييييييييييييييييييييييييييييييييييييييع
رييييييييييييييييييييييييييييييييييييييييييييييييييييع
قييييييييييييييييييييييييييييييييييييييييييييييييييييييع
صيييييييييييييييييييييييييييييييييييييييييييييييييييييييع
نيييييييييييييييييييييييييييييييييييييييييييييييييييييييييع
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
Quote: حالة دبرسه
التعديل لسحب جمله كامله لا تشبه منبر اليوم الحار
وسوف اعود حينما تستقر الحاله النفسيه
اعتذاراتى |
طارق يا كوتش
هون عليك
الموضوغ رغما عن تفاصيله المقرفة لا يساوي لحظة دبرسة من أي شخص منا.. تذكر أن منبر الفارغة هذا هو من جمع شملنا وهو الذي جعلنا نجتمع كلما نورتم بلادكم وهو الذي جعلكم تجمعون من حر مالكم ما تساهمون به في ترميم ما هدمه الزمن الأغبر من صرح كليتنا الجميلة..
ما أجمل الفارغة وال wasting time التي جعلتنا نعمر مكتبة الهندسة بما جمعناه جميعنا من مراجع ودوريات دون من أو أذي أو تطاول على خلق الله..
هذا المنير يا طارق (أقصد الكوتش طبعا) جمع أفذاذ الكلية المعطائين دون تطاول أجوف..
هون عليك... هل صدقت أننا نضيع زمننا الغالي؟ هل صدقت بأنها الحقيقة المرة كما قيل؟
إن كان ما فعلناه من عمل جاد و لو كنا نزينه بالإبتسامة والهزل مضيعة للوقت فليكن.. ,إن كان ما جدنا به من مال ولو قليل مضيعة لل money فليضيع المال...
وليبقى المنبر ولتدم عرى الصداقة والذكريات التي لم تضل طريقها وسط الهيييع والبيييع..
من لا يعجبه فليذهب حيث بشاء ولو كان الجحيم..
مرة أخرى هون عليك..
مع تحياتي..
طاخ
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق أحمد خالد)
|
هشام ارجوان اكون عند حسن ظنكم و اشكرك لفتح بورد للتعريف بى
هالة مافي مشاكل لوجابت ليها ديجانقو
صلاح اظنك نسيت المعني البعيد لكلمة اليون Lion للتذكيرانها تطلق علي الشخص الذي ينط فى موضوع بصورة شرسة و دون سابق معرفة مما ينتج عنة موقف كوميدى
لتقريب المعني لكم هذة القصة القديمة
ونحن فى السنة الثانية او الثالثة
اتي شخص بخبران فلانة حامل وفلا نة هذة كانت زميلتنا ومتزوجة
فنط شخص من فصيلة صلاح اقصد اليون وبدهشة !!! فقال اهلها عارفين
اها يا صلاح نطك فينى دي مانطة ليون
Quote: مالو ما بيسكت وهو شايفكم بترجمو في طارق صن
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Abdelgadir Abbas)
|
السلام عليكم
قدورة مبروك الكيبورد العربي
ومرحب بيك وسط عشيرة الهندسة من اجل الجد والجد المخلوط بالابتسامة
وانا متاكد انك ستكون اضافة حقيقية للمنبر وللكلية وللبلد
...
الكوتش
صباح الخير
ان شاء الله اصبحت احسن
الرد بتاع ط ا خ ما محتاج لى زيادة
ونحن في المنر ده ربطتنا المحبة والهدف الواحد قبل ما نتقابل
وبعد ما اتقابلنا لم يكن هناك احساس بالغربة او عدم المعرفة
بل وكما قلت في اوائل مداخلاتي ( التي اصابها داء الهكر )
ان لو التقيت بك في الكلية لصادقتك , والحمد لله ما فات شئ
النفسيات دي ما حقتنا .. انتم في الغربة محتاجين للابتسامة الحلوة من الناس البتحبوهم ويحبوكم
ونحن هنا في الضغط بتاع العمل محتاجين للنفس الحلو البنلقاهو هنا في المنبر
...
باقي لينا شوية ( 25 صفحة ) ونصل الميل 100
ابراهيم في المقدمة دائما
...
الكوتش مبتكر الهيييع الجديد
نعتمد ابتكارك
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
ابراهيم ياخي لللوووووووووووووويييييي
بتاعتك دي طويلة والواحد لحدي ما يقراها (وقتو وفلوسو) بتضيع..
صغرها لينا شوية عشان التوفير وكدة يعني...
بالمناسبة البلد الليلة مؤجزة بمناسبة الكورة ..شفتو كيف
وبرضو بنأجز بمناسبة المطر..
وبرضو بنأجز لمن يكون في مؤتمر..
وبرضو بنأجز لمن ما نلقي سبب للإجازة..
وهكذا..
حكمة ربنا السياسيين بيقولو لمن الناس تأجز بتوفر!!!
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
| Quote: والله انا بعد ما لبست قمت اكتشفت انو البلد مقفلة قمت ركلست |
شوف بالله ضياع الزمن دا... أنها الحقيقة المرة (وش جادي جدا)
البلد بتقفل الساعة واحدة يا معلم .. يعني ضيعت ليك يجي كدا 5 ساعات غالية وكباية كابتشينو تعدل الدماغ...
كان تجي تتفرج في الصفافير والأعلام..
غايتو ربنا بعدي اليوم دا على خير
طااااااااااخ
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق أحمد خالد)
|
7557
عندما حلت الأرقام المميزة محل الإحصاءات الدقيقة
برضو هيييييييييع
.....
و تاني هيييييييييييع
.......
أبراهيم: خمسات وسبعات عشان لا تعايرني ولا أعايرك (حلوة دي)
شايفك إنت والكوتش تاني قمتو تجيبوا سيرة البحر بعد ما قفلنا الموضوع دا
الكوتش أين أنت يا رجل... الليل كلو نحنس فيك.. أصحى با بريش: الهندسة دايرة cooler تاني
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: Amna Mohamed Arh)
|
المشاركة الأولى للرائع ط ا خ،،،،
Quote: Quote: الأخ بكري أبو بكر
تحية طيبة
أطلع بإستمرار على الموقع الثري.
أنا من خريجي بحري الحكومية 82 و هندسة الخرطوم 87. يعني 100% إلتقينا كما أن
لي صلة حميمة بالحلفايا (أيمن تابر هو إبن خالي) أثارت شجوني المواضيع الخاصة
بكلية الهندسة و بحري الحكومية مثلما أفزعتني مواضيع سارة عيسى.
أنا لست عضوا في المنتدي و لكني أرغب في رفع رسالتي هذه عن طريقكم لبوست اليوم
الحار ما بندار يوم الهندسة و المعمار و لكم الشكر و التقدير
الموضوع:
إخوتي المهندسين الإعزاء
تحية عطرة
إعدتم لذاكرتي أياماً عطرات.
أنا طارق أحمد خالد (الشهير وقتها بطارق بيمبو). خريج 87 و تشرفت بتدريس بعض
الذين يعطرون هذا البورد بأقلامهم الندية (في لاب ال Power) ولمدة عامين أي سنة
تالتة و رابعة كهرباء. و أذكر بالخير الكثيرين من الذين رسخوا في ذاكرتي مثل
الطالب الشاطر حمد حماد و الشقي الظريف صديق أبواللكس و الهادئ أشرف عبد الحافظ
و أصدقائي الشاعر طارق حاج التوم (الآن بأستراليا) و بكري اللبش (نسيب
اليابانيين) و أنور تاج السر الصديق العزيز الذي أداوم على الإتصال به و هو
الآن في الإمارات و قد إتصلت به تلفونياً أثنا حفل مرسيل خليفة لأسمعه جانباً
من الحفل و لأغيظه أيضاً. كما أذكر بالخير رباح الصادق التي أتابع كتاباتها
الآن و أتذكر الهندي بهارات كرشنا و تماضر التي إتلقيتها بالصدفة قبل فترة. أما
أبوبكر عثمان فهو الآن زميلي في العمل ببنك السودان.
عاطر التحايا لعمار يس الذي رافقته في رحلة طريفة لسطنة عمان أعتز من خلالها
بمعرفته.
من هذا المنبر أبعث بعاطر التحايا لأساتذتنا الأجلاء بروفسورسمير غبريال و
الرائع د. معتصم عبدالله الذي تشرفت بتحضير الماجستير تحت إشرافه و لازالت على
صلة حميمة به و أتحسر على فقدان الجامعة لمثل هؤلاء العباقرة الذين قلما يجود
الزمان بمثلهم.
تحية عطرة لأبناء دفعتي:
رشيد محمد خير
وليد مصطفى
علاء محمد بابكر (بندق)
علاء عثمان (ميكي)
طارق سيد أحمد (بحه)
عاصم محمد الأمين
علي مدثر رجب (اب زج)
الأخوان كمال و فاروق
و آخرون... كثر
تحية لخريجي بحري الحكومية الذين أنتمي إليهم و تحية خاصة لإبن دفعتي الدكتور
هيثم يوسف عثمان الذي لأعرف أين هو الآن و عاطر التحايا و التجلة للأستاذ و
الصديق السر الإمام. و إنحناءة تجلة و إكبار للرائع هشام المجمر الذي لا أعتقد
أنه يذكرني (إلتقيته عدة مرات مع محمد شريف الخبير كما دخلت منزلهم بالمزاد من
قبل).
نضر الله و جوهكم. أنعشتم الذاكرة و أثرتم الشجون. داوموا على التوثيق الذي
نفتقده في هذا البلد المنكوب.
طارق أحمد خالد
Tarig A. Khalid, PMP
Assistant Director, Banking Technology Directorate
Central Bank of Sudam |
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: Amna Mohamed Arh)
|
المشاركة الاولى للفنننننننننننننننان هومي،،،
Quote: الأخ (خليل) ... سلامي وتحياتي ..
الرجاء نشر هذه المداخلة عبر البوست الرائع..
_______________________________________________-
(خليل) الأخ ..
الأخ كيكي ..
الأخ أبوبكر عثمان ..
وجميع الأخوة المشاركين بمداخلاتهم ..
حقيقة أعدتونا إلى تلكم الحقبة الرائعة .. وإلى تلكم الأيام الخالدة .. أيام كلية الهندسة .. وما أدراك ما كلية الهندسة ..
ربما مشاغل الحياة ومتاهاتها لهت الواحد عن تلك الأيام .. لكن تبقى ذكراها محفورة في الوجدان ..
فبالجد السرد جميل وشيق .. وحلق بالواحد حوالى (20) عاماً !!!!!!!! للوراء .. تصوروا !!
عموما أتمنى أن يدوم التواصل بين الناس وأن يجتمع الشتات بعد طول فراق وضنى ..
بالمناسبة أنا مقيم في السعودية _ جدة .. ومعاي عدد من الباشمهندسين هنا .. حمد خوجلي وسامي عبد الكريم وبدر الدين أحمد الفكي وعبد الرحيم عمر ..
وللبسألو عن الباشمهندس صديق أبواللكس .. هو هنا في السعودية في ينبع .. ت: (00966502684854) ..
ويا كيكي بالله ادينا رقم تلفونك أو ايميلك ..
ودمتم
إبراهيم محمد الحسن
هندسة كهرباء |
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
أول مشاركة للدكتورة الرائعة جداً تهاني،،،
Quote: المشاركة التالية من الدكتورة تهاني عبد الله :
Quote: بسم الله الرحمن الرحيم
السلام عليكم يا ناس كلية الهندسة جامعة الخرطوم زمان
و الجديد في الأمر إنو مازالت الكلية بخير و مازال القسم بعافية
فقد أعلن برنامج الأمم المتحدة الانمائي UNDP نتيجة التقييم لبعض أقسام الهندسة بكليات الهندسة لبعض الجامعات العربية تحت شعار " تطوير الاداء النوعي و رفع كفاءة التخطيط المؤسسي في الجامعات العربية" و منحت قسم الهندسة الكهربائية و الإلكترونية جامعة الخرطوم تقدير "جيد" و هو أعلى تقدير من ثلاثة تقديرات تمنح و هي: غير مرضي و مرضي و جيد. و قد تشكلت لجنة التحكيم من خمسة خبراء من بريطانيا و الولايات المتحدة و ألمانيا و مصر و اليمن. لقد سعد الجميع بهذا التقييم لأنه جاء وفق معايير و أسس عالمية .
ماهو رأيكم؟
تهاني عبد الله |
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
روى البخاري رحمه الله عن ابن عباس رضي الله عنهما أن النبي صلى الله عليه وسلم قال :
(ما من أيام العمل الصالح فيها أحب إلى الله من هذه الأيام – يعني أيام العشر - قالوا : يا رسول الله ولا الجهاد في سبيل الله ؟
قال ولا الجهاد في سبيل الله إلا رجل خرج بنفسه وماله ثم لم يرجع من ذلك بشيء .. )
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
أول مشاركة للراقي الليون،،،
Quote: قام بارسالها المهندس صلاح الليون مع هذا الايميل
السلام عليكم
التحية لكم وأنتم تشجونا بحكايات الزمن الهندسي الجميل
والجميل فيكم أنكم عاصرتم أجيال جميلة في العصر الثمانيني
أنا بحكي ليك حكاية عاصرتها أنا وزميلي .... في دفعة 88 مدنية
طبعاً النقاط دي في النهاية عشان أشوفك متذكر الزول ده أم الزمن جار بيك
كنا بنتقابل في سلم داخلية جبل مرة الساعة 12 ظهر وجايين مسخنيين والمعاي بيكون قلع زرايرو وجارين بس نحصل لينا جلابية ونجي نازلين تاني للصفرة وبتلاقينا انت في السلم يادوب جاي نازل وفرشة الأسنان في خشمك يا ماشي تفتش ليك حمام أو ماشي الكشك تحت تشوف ليك سجارة الصباح وتقوم تقول للزول بتاع سيفل المعاي ده يا ... الود ده جا وقصدك د.جمال الامريكي اليادوبو جديد يقوم يقول ليك أيوه ، تقول ليهو : عمل أتندس ، يقول ليك لا عمل كويز ، تقوم بصوتك الجهور داك تقول : ياسلاااااااااااااااااااااااااااام والله اتلومنا معاهو
وفي يوم آخر و عن دكتور كبير تسأل الزول ده جا يقول ليك أيوه وعمل أتندس يقول ليك لا : ياسلاااااااااااام ياخي ده ما حمام ساكت
وطبعاً الحكاية دي بتتكرر يومياً وكل دكتور عندك ليهو لقب |
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
ودي المداخلة الاولي للساخر جداً(بندق)،،،
Quote: بسم الله الرحمن الرحيم
أنا (بندق)..
أنا الفــزدق...
أنا السكر المدقق..
وأنا العسل البنقـط طق طق طق..
وأنا الجيتكم أدقـدق بورديكم دق..دقـدق..دق درق دق دق..
وسلام علي كل من قضي نحبه من الأحياء والحيات من ديناصورات وسحالي ودبابيب الشرقي فاتحين (إييلووم) مرورا ب(كوم تراب) مارين بالنشاط ثم الي حصن الهندسة العصي..المحمي بالغربي (بالع) الأسرار والسريات..سلاما علي خليل في الأولين والتابعين..وألف سلام علي بكرى أبوبكر الذي قد جمع الأضداد عندما عصي علي وهم الحدود أن يجمعهم.....
شكرا لبرلومنا شيخ( الحبر) الذي قد دحرجني دحرجة، فتلقفني صديقي (بمبو) (جادعا) في طريقي (قشرة موز) الي أن إنكفأت علي وجه (سودانيز أون لاين) ....
فمرحبا بهم داخلي .. ومرحبا بي بينكم...........
علاء الدين محمد بابكر
هندسة ميكانيكية جامعة الخرطوم 82-87
هندسة كهربائية جامعة السودان 92 – 94 |
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
قبييل قريت لي مداخلة لقدورة ،،
وعاوز أعلق عليها ..
Quote: لتقريب المعني لكم هذة القصة القديمة
ونحن فى السنة الثانية او الثالثة
اتي شخص بخبران فلانة حامل وفلا نة هذة كانت زميلتنا ومتزوجة
فنط شخص من فصيلة صلاح اقصد اليون وبدهشة !!! فقال اهلها عارفين |
حمد خوجلي برضو حكى لينا موقف مشابه ،،
مرة وهم قاعدين في الكافتيريا ..
جات واحدة زميلة مارة ..
عمر حسين قال ليهم : تعرفو ، فلانة دي (هاف كاست) ..
قام نطة واحد من الدفعة ،،
وبجدية قال ليهم : لا ياخ
والله فلانة دي بنت ناس ،، وبتصلي كمان ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
يا هومى
Quote: يا جماعة ،،،
طمنونا ،،
الأوضاع شنو ،،،،، |
كميه كبيره جدا" من العسكر فى الشوارع
ربك يستر الليله
الناس دى وخصوصا" الجزائرين تقول جايين يفتحو امدرمان
كمية الاعلام الحائمه تكسى شفع السودان كلهم للعيد
كميه من السودانيين شايلين اعلام الجزائر تقول هوارى بومدين كان عما" ليهم
نحن غايتو يبدو اننا محايدين
كبارى امدرمان وزعوها واحدللجزائر وواحد لمصر وبقت اتجاه واحد
شارع المورده بقى شارع مصر
وشارع الاربعين بقى بودى الجزائر اقصد بودى الجزائرين
بتاعين الامجاد والهايسات حق خروف العيد مرقو من امبارح
| |
|
|
|
|
|
|
| |
Amna Mohamed Arh
علاء الدين محمد بابكر
حمد محمد احمد
طارق أحمد خالد
Hisham Magzoub
الخطاب مساعد الماحي
ابراهيم محمد الحسن
.gif)
فيس بوك
تويتر
انستقرام
يوتيوب
بنتيريست