نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
ابراهيم
صباح الخير
اها صحينا قبلك وبعدك
....
ايميل من ابو هريرة
للريس بكري
ويطلب الدعم منكم يا هندسة
Quote: لاخ الفاضل بكري كل الود وانبل التحايا السلا م عليكم ورحمه الله وبركاته الموضوع:طلب تسجيل الرجاء كريم موافقتكم علي طلب تسجيلي في منبر اليوم الحار بياناتي الشخصيه: ابوهريره احمد ابراهيم هندسه زراعيه_دفعه88 ولكم مودتي
|
معا لدعم ابوهريرة ( لتجديد الدماء ودفع المنبر للامام )
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
مساء جديد وتحيه ورديه ونأسف للانقطاعات المتواصله
اولا نرحب بالعضو الجديد الاخ عصام الفذ
ثانيا اى عضو فقد كلمة مروره عليه ارسال ايميل للاخ بكرى مع ذكر اسم المستخدم فى الايميل
ثالثا حدثنى من امريكا الاخ والصديق و ابن الدفعه الحبيبه بروف ( اى نعم بروف ) جمال حسن سيد احمد وهو بينقل سلامه لكل متابعى اليوم الحار اعضاء و زوار وهو على وصول للسودان فى الفتره القادمه
رابعا طاخ و حمد وعلاء > منتظرين و جاهزين
راجعين
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
اتخيلو الواحد يفتح ايميلو من الصباح يلقى الرسالة دي:
Quote: اصبحنا وأصبح الملك لله .. قالها عم بدوى وهو ينهض من سريره متثاقلاً ويفرك عينيه متجها نحو باب الشارع بعد سماعه لطرقات عليه ، فتح عم بدوى الباب وهو ينهر (كلبته) الذى دفعها حب الإستطلاع لمعرفة الطارق وما أن فتح عم بدوى الباب حتى وجد أمامه شاباً يحمل على كتفه شنطه جلدية سوداء: - السلام عليكم يا حاج - وعليكم السلام ورحمة الله تعالى وبركاته - معليش يا حاج بس عاوزين قروش النفايات أدخل عم بدوى يده داخل (العراقى البلدى) الذى كان يرتديه وأخرج عدداً من الجنيهات سلمها للشاب والذى قبل أن يقوم بتسليم الإيصال نظر إلى (كلبت) عم بدوى ملياً ثم نظر إليه وقال: - يا حاج (الكلبه) بتاعتكم دى باين عليها عندها مبادئ سعر.. - (مندهشاً) : سعر شنو؟ الكلبه دى من البيت ما بتطلع.. - كل الدلائل يا حاج بتقول إنها مصابه بفيروس السعر الإسمو Virus Lyssa - يا ولدى الكلبه دى أنا متاكد إنها سليمة .. - يا حاج ده شغلنا !! ذهل عم بدوى بعد أن إستمع للعبارة الأخيرة التى أطلقها الشاب (أيه صلة النفايات بالسعر) إلا أن ذهوله قد تلاشى تماما بعد أن أخبره الشاب بانه (فى الأصل) طبيب بيطرى إلا أنه لم يجد وظيفه فى مجال تخصصه فإشتغل (محصلاً) فى شركة النفايات. وهو يقوم بقفل الباب عائداً إلى داخل المنزل كان عم بدوى يردد عبارة - لا حول ولا قوة إلا بالله- الشئ الذى جعل زوجته الحاجه (محاسن) أن تسأله عن سر ترديده لتلك العبارة وعندما أخبرها رددت عليه قائلة : - ويعنى شنو؟ هسه (هاشم) ود نفيسه أختى ده ما عندو (دكتوراه فى القانون) وشغال طباخ مناسبات ! إرتدى عم بدوى ملابسه وخرج من المنزل قاصداً محطة المواصلات إذ كان عليه أن يذهب لإستلام معاشة الشهرى وعند وصوله إلى المحطة لم يجد حافلة واحده ذاهبة إلى الخرطوم ففكر أن يقوم بشراء صحيفة من كشك الجرائد ويشرب (فنجان قهوة) عند إحدى بائعات الشاى ريثما تأتى إحدى الحافلات وما أن جلس على بنبر البلاستيك أمام احدى ستات الشاى حتى وجدها تدير معركة (كلامية) حامية ا########س مع إحدى زميلاتها متهمة أياها بتصيد الزبائن : - أمشى كده يا بكالريوس محاسبه ، هو ذاتو الدنيا لو ما بت كلب أنا وأنتى نقعد فى حته واحده! - بكالريوس المحاسبه مالو؟ عاجبنى ماجستيرك بتاع (التكاليف) ده ! (ثم تنظر إلى ا ل أسطى عبدو) بتاع الأورنيش متوجهه له بالحديث : - عليك الله يا (باشمهندس) عوضيه دى ما حقارة؟ من الصباح تشيل فى زباينى وأنا ساكته ليها ! - (يجيبها وهو منهمكاً يمسح فى حذاء أحد الزبائن) : والله الأيام دى عوضيه دى بقى لسانا طويل بالحيل أمبارح القريبه دى عامله ليها (شمطيبه) مع دكتور (عثمان) الببيع الأكياس، قالت ليهو عامل لينا زحمة أمشى بيع بعيد من الحته دى ! ? مواصلاً- هو ذاتو دكتور عثمان يستاهل عشان ما بسمع الكلام قلنا ليهو إختار ليك شغلانية قريبه من (الجراحه) تخصصك يعنى بيع ليكا (أم فتفت .. كوارع) حاجه ذى دى ، قال أيه : الأكياس بتدخل ليهو كويس ! - مواصلاً- ماهو نحنا هسه عشان (مهندسين) إشتغلنا (هندسة أحذيه) ! فى هذه اللحظة دخلت أحدى الحافلات إلى الموقف فقام عم بدوى بطى الجريده ووضعها فى جيب الجلابيه وناول ست الشاى (حق القهوة) متوجها إلى الحافلة التى كانت تقف بينما الركاب يتوافدون إليها تباعاً ، جلس عم بدوى على أحد الكراسى الأماميه إلى جانب السائق الذى ما أن دخل إلى الراكبه آخر راكب حتى قام بقفل الأبواب ثم أمسك بمايكرفون معلق على الطابلون : - السادة الركاب مرحباً ب كم على متن (الفرده) رقم 13 المتجهة إلى الخرطوم ، هذا سائق الحافلة (كابتن صابر) يحييكم ويتمنى لكم رحلة سعيدة ، سوف نسير بسرعة 60 كيلو فى الساعة ، تبلغ درجة الحرارة الخارجيّة الآن حوالي الأربعين درجة مئوية بينما تبلغ الداخلية خمس وأربعين ومن المتوقع وصولنا إلى (الإستاد) بعد نصف ساعة من الآن إن لم تواجهنا أى مطبات مرورية !! قبل أن يقوم (السائق) بالإقلاع إلتفت إلى عم بدوى الذى إمتلأت قسمات وجهه بعلامات الدهشة والإستغراب وخاطبه قائلاً : - ما تندهش يا حاج أن أصلو طيار أيربص ( A330) لكن قلنا بدل الواحد ما يقعد عاطل أحسن يمشى أمورو !! |
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: الفقيد الطالب: أحمد عبد المنعم محمد الحسين |
للفقيد الرحمة والمغفرة
انا لله وانا اليه راجعون
.....
امنة قصتك دي واقعية صاح ؟؟
الواقع هسع كدة
سواق الركشة شنو كده
وسواق الامجاد عندو شهادات بتاعت شنو كده
وهكذا
الخلل وين في الجامعات الكتيرة ( بدون دراسة لحوجة البلد )
ولا عدم توفر فرص العمل ؟
ولا احتكار الوظائف لفئات محددة ؟
ولا عدم وجود طموح لدي الشباب ؟
ولا ولا ولا ؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
حمد،، بخصوص موضوع ابوهريرة أنا رسلت ايميل لي بكري وطلب منو يرسل ايميل تاني ...
دا الايميل الرسلتو أنا
Quote: From: amnamohmed abdalrahim To: بكري هندسة Sent: Wednesday, October 28, 2009 1:32 AM
لاخ الفاضل بكري كل الود وانبل التحايا السلا م عليكم ورحمه الله وبركاته الموضوع:طلب تسجيل الرجاء كريم موافقتكم علي طلب تسجيلي في منبر اليوم الحار بياناتي الشخصيه: ابوهريره احمد ابراهيم هندسه زراعيه_دفعه88 ولكم مودتي
-------------------------------------------------------------------------------- ،،،بكري صباح الخير
الكلام الفوق دا محتوي ايميل من الباشمهندس ابوهريرة يطلب الباسورد
رجاءاً التكرم بمنحها ليتمكن من التواصل مع منبر اليوم الحار
طبعاً يا هندسة أنا بعمل حصر لي عدد ناس اليوم الحراة الاخدو الباسورد بعد تعب...ولحدي هسة العدد واحد (أنا طبعاً)وبصراحة ما دايرة اللستة تزيد اتفقنا
وتشكر جداً يا هندسة |
ودا رد بكري،،، Re
| |
|
|
|
|
|
|
الليلة ناس الزقازيق حا يبقو منبر
وهم ماشين فور ويل درايف
ونحنا بقينا زي عجلة بهلوان
لستك واحد
ومرات لستكين
| |
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
ابراهيم
انت ما قاااااعد
ما بتعمل مداخلة مالك
حردان نجي نرضيك ( ما عندك اي مشكلة نقطع تذكرة ونجيك لحدي عندك )
كسلان نجي ننشطك ( ما عندك اي مشكلة نقطع تذكرة ونجيك لحدي عندك )
زهجان نجي نفك زهجتك (ما عندك اي مشكلة نقطع تذكرة ونجيك لحدي عندك )
عندك اسباب اخري وضح ابن افصح
انت الريس بتاع المنبر زي بكري في الموقع
| |
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
هشو ،،
Quote: انت الحبر دا كان كنت بترد عليه وكت كان بضربليك بعد تلاتة الهلال كان عرفتو حيرجع متين |
لا وإنت الصادق ،، وقت ثلاثة الهلال شيخ الحبر كان يا دوبو وصل .. ومعتكف ،، يعني ما قرر الرجعة ،،
بس،، بعد خمسة (ما)ذنبي ،، هو البقى ما بيرد علي ،، وعشان كده سافر من غير ما يقول ..
ولما سألته ،، قال لي سافرت فجأة ،،
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
السلام عليكم ناس اليوم الحااااااار
اليوم كان ملئ بالنشاط
اولا الافطار مع علاء الدين بابكر
وتكلمنا....
اتصال تلفوني مع الريس ابراهيم
وتكلمنا .....
اتصال تلفوني لطارق الكوتش لم يرد
ولم نتكلم ....
اتصال تلفوني بالبير امنة
وتكلمنا ...
اتصال هاتفي مع العضو الجديد ابو هريرة
وتكلمنا ...
,,,,,,,,,
خلاصة الكلام كلو كالاتي
اولا تنشيط المنبر
وضع ضوابط لفتح البوستات الجديدة لعدم تشتت المجهود
والعاوز يفتح بوست يشاور الناس ويشوف رايهم شنو
عمل علاقات مع المنابر والبوستات التانية مثلا
ناس الشعبية
ناس الزقازيق
والدعوة للتواصل والتداخل
ومنتظرين مقترحاتكم
....
مرحب قدورة
ونتمناك معنا دوما
.....
نسيت اقول
كان هناك اتصال مع شيخ الحبر
وهو بخير ويبلغ الناس التحايا
| |
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
Quote: سلام ياناس البيت العالي سلام الأخ حمد تحياتي لكم وجميع أعضاء المنبر الحار( منبر اليوم الحار ) وده رد لزيارتك لحوش ناس الزقازيق أجدع ناس عشان نوريكم الجدعنة يلا في انتظار التواصل ونحنا بقينا جيران زي ما قالت زوبة أفيدونا بتجربتكم |
اهلا اهلا بضيوفنا ناس الزقازيق
| |
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: انت اصلو وكت زول فراخ مشوى
لزومو شنو صحن الفته المباريك دا |
والله يا هشام (صحن الفتة) دة صحن (سياسي.. صورة لو فكرت ليها، فيها (مختلف ألوان بشرة اليدين) وبرمز بيها للقبائل المختلفة للسودان.. كل الألوان دي بتاكل سوا من (صحن) واحد من دون خلافات لونية أو عرقية أو دينية.. عشان كدة مسميها (السودان الصحن الواحد).. لكن بعد ما (الصحن) بقي (صحنين)، والله يستر ما يبقي (طقم سفرة).. حا اقوم أغيرها..
| |
|
|
|
|
|
|
Re: اليوم الحار ومابندار يوم الهندسة والمعمار (Re: صلاح مختار)
|
صلاح
Quote: لم يرد عرفناها ليه ما إتكلمتوا؟ |
و
Quote: صحنك دا فيهو واحد بياكل بي يدينو الإتنين.
|
هشام
Quote: ماتستنى منو رد بعد كبوة الجواد الاصيل |
حاج حمد
Quote: جهزي شنطة الحديد
وما تنسي الكركار عشان البلد ديك ما فيها !!
وانا يا زولة العكاز والسديري والطاقية |
حاج علاء
Quote: ما دقيت بالماوس علي الmdsl ثلاتة مرات..لمن ما في واحد فتح لي، قلت أكيد الجماعة ديل يا مشو من غير ما يكلموني.. يا يكونو رقدو نامو.. قمت رجعت.. |
يا اخوانا هو في شنو؟؟؟؟؟؟
| |
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
المتواجدون حاليا: في ناس كتيرين ليهم زمن ما دخلوا المنبر حتى كادوا ان يسقطوا من ذاكرة الكثيرين انا بقترح انو كل واحد يدخل يكتب كل الناس الفي ذاكرتو من ناس المنبر من غير ما يرجع لفوق او للخلف كل واحد بلقى اسمو مكتوب يعرف انو الناس ما ناسينو ويجي يدخل ان شاء الله يسلم واي زول سقط اسمو من ذاكرة جميع الناس البكتبو حتى لو كلنوا اتنين بس عليهو انو يراجع حساباتو ويعود للمنبر عودا سريعا حتى يحتفظ بمقعد في منبر عز مقامه واللا رايكم شنو
| |
|
|
|
|
|
|