|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: اليوم الحار ومابنداريوم الهندسة والمعمار (Re: Hisham Magzoub)
|
الى كل اهل المنبر الاعزاء ..
الى كل الحاضرين جداً .. والحاضرين .. والغائبين
كل عام وانتم بكل بخير ..
كل عام وانتم تزينون هامات الوطن..
كل عام وانتم تكنزون مآثر الشرف الرفيع..
كل عام وانتم ترفلون في بسط السعادة وفي فرش النعيم
كل عام ونحن نفتخر بعز انتمائنا الى بعضنا.. والى منبرنا
.
.
.
يحفظكم الله
يرعاكم الله
يحسن اوبتكم الله
| |
 
|
|
|
|
|
|
|
|
Re: اليوم الحار ومابنداريوم الهندسة والمعمار (Re: الخطاب مساعد الماحي)
|
ألحقوا يا ناس الكورة..صحي الكلام دة:
| Quote: كان فريق كلية الاقتصاد من أقوى الفرق في الجامعة وأقوى وأجمل وأروع المباريات هي التي تجمع ما بين الاقتصاد والهندسة نسبة للحساسية البالغة بين الكليتين، رغم تجاورهما المكاني، فالاقتصاد كلية حية تعج بالمبدعين في التشجيع، شعرا ونثرا وقصائد، والهندسة طلبتها جلهم من جنسنا لا غوارير بينهم، طبعهم حاد لا يرضون بالهزيمة وهي ملازمتهم دائما في معظم المواجهات، وعندما يفوزوا يلخبطوا الدنيا ويجوسوا خلال الديار - ديار الاقتصاد - قبل أن يصلوا إلى الهندسة، لهم مني التحية والاحترام الوافر |
خواطر وذكريات من جامعة الخرطوم – أيام الدراسة (1986 – 1991)
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: علاء الدين محمد بابكر)
|
Quote: Quote: توفى صباح هذا اليوم 22-9-2009
والد عاطف عبدالرحمن جلى
له المغفره و الرحمه
انا لله وانا اليه راجعون
ولاحول ولا قوة الا بالله |
الحاضرين
الغايبين
ناس اليوم الحار
الحياة بدت تدب في المنبر بعد ما كنت سايق ( ارقو )
ظهر الاحباء ليجتمع ويكتمل الشمل
وعقبال الباقين
الدكتورة لك التحايا من على البعد
ورينا الحاصل شنو
....
علاء الدين معايدة مبتكرة
...
امنة الكلام الجبتيهو جميييل وفيهو روح
....
هشام مجذوب دائما رائد
...
خطاب اسلوبك الادبي راقي ومليان مشاعر
..
ابراهيم اين انت يا .....
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: الخطاب مساعد الماحي)
|
ابراهيم:
مالك مجافي الناس.. عايش براك في (عزلة)
و
يعني نسيتنا خلاص .. مع انك انت الخليتنا
حمد.. هشام.. علاء
الدنيا من غيركم سراب.. والفرحة من غيركم عدم
الغايبين:
بيقولوا الغايب عذرو معاه.. وفي غيابكم ياما نشيل اللوم
و
العيد الجاب الناس لينا ما جابكم
ناس المنبر:
لولا نسيم لذكراكم يروحنا .. لمت محترقاًمن حر انفاسي
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: الخطاب مساعد الماحي)
|
يا جماعة كملوا معاي القصة دي:
جلس حائراً مقطباً جبينه ..تزاحمت حوله الرؤى ..اشتبكت امام ناظريه المرائي .. شرد بخياله عله يسترجع لحظة سلام له مع نفسه في ماضيه البعيد .. انتزعته يد الواقع بقسوة ..اعادته لجلسته البكماء الضاجة بالصخب والهواجس والمعاناة..لم يجسر على المقاومة .. فقد استنفذ كل طاقته ..بدا منهكا متهاوياً وكأنه انقاض روح .. طرقت اذنيه اصوات المارة وطرقعة آنية بائع الماء وهو ينادي كما الاستجداء: (برد ..برد .. برد) وصوت بعض المتسكعين وهم لا يبالون بمن حولهم وكانهم ملاك المنطقة .. وبائعة الشاي وقد تراصت حولها المقاعد في غير انتظام.
وفجأة وبدون مقدمات هب قافزاً من مجلسه .. وقفزت عيناه من محجرهما .. واتسعت حدقتاه من فرط ما صفع اذنيه...هل؟؟؟
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: حمد محمد احمد)
|
مساء الخير،،
شباب وشابات
مهندسين ومهندسات
غايبين وغايبات
سلااااااااام وشوق كميات
حمد،،،
Quote: وكمان لو سمحتو اي واحد/ة عندو قصيدة عاجباهو يكتبه
لاحياء روح القراءة التي كادت ان تنطفئ |
والله أنا كنت عاوزة افتح بوست اسميه
(قصاصات)وكل زول ينزل لينا فيه حاجة عجبته
عشان نتشارك متعة القراءة....
| |
|
|
|
|
|
|
|
|
|
العزيز/ إبراهيم لك التحيه و التقدير (Re: khaleel)
|
الغالي جدا إبراهيم محمد الحسن ... كالعادة مميزا فى كل شئ .. منذ فتره طويله ابحث عن وسيلة اتصال بك .. كل عام و انت بخير و تحياتي لكل ناس الهندسة و اصحابهم . اما انت فلك الشوق و التجله و لي معك لقاء اخر.
محمد هاشم
| |
|
|
|
|
|
|
|
|
|
Re: العزيز/ إبراهيم لك التحيه و التقدير (Re: صلاح مختار)
|
الخطاب...
Quote: وفجأة وبدون مقدمات هب قافزاً من مجلسه .. وقفزت عيناه من محجرهما .. واتسعت حدقتاه من
فرط ما صفع اذنيه |
"كيفك يا جمال ادريس" هكذا خاطبه احد الحضور
"انت بتعرفني "جاء الرد المتلعثم
"كيف ياخي في واحد ما بيعرف رئيس نادي الهليخ"
هل هو الوحيد الذي لا يعرف نفسه ؟
و لم هذا الهم الذي يعيشه ما دام هو كذلك ؟
إنتبه قليلا فوجد الجميع ينظرون اليه
حاول تفسير هذا الوضع
بدأ في إسترجاع شريط حياته
تذكر اخيرا يوم ان دخل في هذا النفق المظلم
إبتسم
"بالله انا كده و مركب مكنة واحد مسكين و مكتئب"
ساعدوه في نفض الغبار و زفوه الي داره
..
.
جاءه احد الصحفيين يسأله عن تفاصيل ذلك اليوم
من اسئلة الصحفي تذكر الموضوع
هب واقفا
جري.....
الي ان وصل محل تقوقعه القديم
و جاءه الصوت مجددا "برد....برد"
ضحك
همهم
"احسن كده,البشوف مصيبتو تهون عليهو مصيبتو" !!
| |
|
|
|
|
|
|
|
|
|
Re: العزيز/ إبراهيم لك التحيه و التقدير (Re: صلاح مختار)
|
Quote: جري.....
الي ان وصل محل تقوقعه القديم
و جاءه الصوت مجددا "برد....برد"
ضحك
همهم
"احسن كده,البشوف مصيبتو تهون عليهو مصيبتو" !! |
وفي خضم هذه الانفعالات ارتد صدى صوت الموذن
مكبرا للصلاة .. فشهق واخرج زفيرا عميقا .. مرددا كلمة يا رب
وغاصت الشمس مائلة نحو الغروب .. وظل يتابعها وبداخله شريط
طويل من الذكريات ، من أين بدأ وإلى أين إنتهى وماذا ولماذا
كان .. ونام ملء عينيه منتظرا صبحا قد لا يأتي .. وتململ وتقلب
في سريره الذي كان يحسه كإبر في ظهره .. وبدأت أحلامه التي كانت
كوابيس ..
كوابيس ..
كوابيس ..
_____________________________________________
صلاح مختار إزيك وكيفك ياخي
طارق .. حمدلله على سلامة الحاجة
وتحياتي
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
سلام شدييييييييييييييد لكل الناس
من على البعد برسل سلاماً يحكي شوقي
من برجايا تايمز سكوير ده شكلو اللقاء الأخير
لأنه خلاص قرب موعد العودة إلى أرض الوطن
الرحمة و المغفرة لوالد الزميل عاطف جلي
بيري العزيز أين أنت يا مان ما شايف السؤال الكثير عنك
أظهر و بان المنبر غطس
طارق أحمد خالد: ألف سلامة للوالدة العزيزة و بتمنى تكون بلغت الصحة و العافية
أبو مهاد: تحياتي
هشام مجذوب و علاء الدين بندق ما قصرتو
العريس الليون: تحياتنا لك و للمدام
و للبقية ألف تحية
و نواصل إن تبقى في العمر بقية بعد العودة بإذن الله
كوالالمبور
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
ولغاية ما أجلس القرفصاء ،،
وأكسر الفاتني كلو ،،
وأشوف ال cutting الحاصل بوراي ،،
على الطاير كده ،،
يا ليون ،،
Quote: وبالتالي اكيد يوم 4/10 حنشوف واحد فيهم
يا ابراهيم شامتا .. يا الكوتش ظافراً |
ليه كده بس ،،
أها أنا جيت يوم 3/10
_________________
تخريمة،،
تعرفو أنا بعد ما نزلت الشغل ،،
إكتشفت إنه إجازتي باقي ليها يوم ،،
يعني فعلا مفروض أنزل يوم 4/10
غايتو ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
نورت المنبر يا ابراهيم
وتقبل تحيات وسلام ناس العرضة الخلاص بقو ناس الدوحة
الحمدلله استلمنا في تاني يوم في العيد وارتحنا من الكهربا والتلفونات
وعيدك مبارك وإن شاء الله الاجازة كانت سعيدة
برضو منتظرين شوية صور منك..
الف الف مبروك للباشمهندس عمر فلاشا
ومزيد من السقوط للبقية ..
تحياتي
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
Quote: الغالي جدا إبراهيم محمد الحسن ... كالعادة مميزا فى كل شئ .. منذ فتره طويله ابحث عن وسيلة اتصال بك ..
كل عام و انت بخير و تحياتي لكل ناس الهندسة و اصحابهم . اما انت فلك الشوق و التجله و لي معك لقاء اخر.
محمد هاشم |
يا الله ،،
عزيزي محمد هاشم ،،
تحياتي لك والأسرة الكريمة ،،
مبروك الباسورد ،،
أكيد حا تكون إضافة حقيقية لسودانيزأونلاين ،،
ودي أحلى مفاجأة بعد العودة ...
نتمنى يستمر التواصل ،،
رغم إني متابع ،،
و بسأل عن أخبارك بأستمرار ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
ليون العريس ،،
Quote: وتقبل تحيات وسلام ناس العرضة الخلاص بقو ناس الدوحة
الحمدلله استلمنا في تاني يوم في العيد وارتحنا من الكهربا والتلفونات |
كل سنة وانتو طيبيبن ،،
وتحياتنا للمدام ،،
ومبروك لم الشمل ،،
قلت لي ارتحت من الكهرباء والتلفونات؟
عُشرة مافي؟
نسيت أهلك يعني؟
(وش حقاني ،،)
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
ياسلام؟؟؟
دة منبر اليوم الحار..ولا منبر ابراهيم المولع نااار..
يالا يا الشباب..والفوق الشباب والتحت الشباب..اجمعو هنا قبل ابراهيم
ما يغتس تاني..
حمد.
خطاب.
امنة.
بيرتو.
سارة(عرس اخوك ما انتهي؟)
سارة التانية
هالة الزمان.
اللهم انصر المنبر بالصلاحين..
وكل الناس..
غنوة حلوة للناسينا..وجانا من تاني..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
حاج علاء ،،
Quote: الواطة بالليل شديد.
قطع شك التحت الشباب نامو بدري..
والفوق الشباب السهر بيضرهم..يعني برضو نامو
طيب الصاحين ديل منووووو؟ |
غايتو يوجد ممثل لكل فئة في الوقت المتأخر ده ،،
حاج علاء ------------ ممثل لفئة فوق الشباب
الخطاب -------------- لفئة الشباب زاتوووووو
وهومي --------------- لفئة تحت الشباب ،،،
(في زول عندو مانع ،،،)
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
جينا بالنهار عشان خاطر هومي ( السمتو هناية )
ولفحو ( السمتو هناية برضو )
عن اليمين صوت طلمبة الموية ( شغالة بالبنزبن)
بالشمال صوت الخلاط وجنريتر للحام الصاج
وفوق راسي النجارين والشواكيش ( مش الشواكيش اياها حمانا الله واياكم )
وبعد ده كلو قلت اجازف واكتب كلمتين
عشان خاطر عيون حلوبن ( البلابل )
.......
امنة فاقدنك ومعاك صاحباتك
....
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
حمد ،،
Quote: بالشمال صوت الخلاط وجنريتر للحام الصاج
وفوق راسي النجارين والشواكيش ( مش الشواكيش اياها حمانا الله واياكم )
وبعد ده كلو قلت اجازف واكتب كلمتين |
أحيي فيك حرصك على التواجد بإستمرار ،،
رغم كل الظروف ،،
تعرف ،،
وصفك أعلاه
يعتبر صورة حية للمشهد ،،
خلت الواحد يعيش معاك اللحظة ،،
ويستشعر الشواكيش تنهال على رأسك ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
سلااااااااااااااام لكل الشباب والتحت الشباب والفوق الشباب
وسلام خااااااااص ل:
ابو مهاد صاحب الردود الراقية
| Quote: امنة فاقدنك ومعاك صاحباتك |
تسلم يا هندسة غلى السؤال
لفحو
بالجد المنبر كان فاقدك
صلاح
استاذ صلاح
د. تهاني
حاج علاء
و
الخطاب
منوريييييين المنبر
ط ا خ ،،
ألف سلامة للوالدة وربنا يديم عليها الصحة والعافية
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
يا حاج علاء انت قلت "انصر المنبر (باحد) الصلاحين" واللا قلت بالصلاحين ساي
يا صلاح مختار ؟؟؟؟؟؟؟؟
الكوتش..
انا اثق في نتيجة اعتكافك في صالح الهلال
هيييي.. اسي الجاب سيرة البحر منو؟؟
غايتو .. لكن للمنبر عليك حق
(س) و (س)
عايزين حضور قوي..فعال .. يليق بحضرتكم
ط ا خ
كيف اخبار الوالدة .. ان شاء الله بلغت الصحة
عمر موسى
عييييييييييييييك .. انت مافي يجي؟؟ .. نحن في انتظار .. تيقا
(طبعا الود كان في الهند وكدة)
لكل غايب
غيب وتعال .. تلقانا نحن يانا نحن
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
رسالة عاجلة من زعيط إلى معيط:
تحيات من أب 5 إلى أب 7 (ما تغش في الوزن وتعملا 3...ويل للمطففين... ثمح؟)
قف..
أنتم السابقون ونحن اللاحقون
قف...
حاولنا الإتصال هاتفيا ردا على هاتفكم المبمون ولم نجدكم
..
الكلام ليك يا أبراهيم الشرااااد
نحن ما بنشرد لحدي ما يحنسونا.. ةأظهر وبان وعليك الأمان و واك واك واك
بناكلا في حنانا وبنجي
طاخ
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: طارق أحمد خالد)
|
ابراهيم مبروك ليكم الثأر
و الانتصار من مازمبى على الهلال
وللناس الما متابعين و للتوثيق نحكى :
المريخ شارك فى نفس هذه البطوله
وفى نفس العام ولاول مره يصل
دور الثمانيه والاقدار وضعته
مع الهلال فى مجموعه واحده
بجانب زيسكو الزامبى و كانو
النيجرى وكانت المحصله كالآتى :
المباريات للهلال و المريخ مع
العلم الفريق الذى يكتب اولا
الكره فى ملعبه :
مريخ - هلال > صفر - صفر
مريخ - زيسكو > 2 - 3
مريخ - كانو > 1 - 1
زيسكو - مريخ > صفر - صفر
كانو - مريخ > 3 - 1
هلال - مريخ > 3 - 1
هلال - كانو > 2 - صفر
هلال - زيسكو > 1 - صفر
كانو - هلال > 2 - 1
زيسكو - هلال > 3 - صفر
والمحصله النهائيه :
الهلال 10 نقاط الى المربع الذهبى
و المريخ طيش المجموعتين بجداره
وتحلل نتائج المريخ فى هذه البطوله كالآتى :
A - الفريق الوحيد فى افريقيا منذ تكوين
الاتحاد الافريقى يفشل فى تحقيق اى انتصار
فى مرحلة المجموعات لدور الثمانيه وهو
المصنف على رأس مجموعته
B - اما الـ 5 التى يحكى هنا ابراهيم فهى ايضا
نكته جميله مختومه فى المريخ هنا :
1- ثلاثة هزائم
2- ثلاثة اقوان فى اى هزيمه
3- ثلاثة تعادلات
4- ثلاثة نقاط
5- ثلاثة كروت حمر لسوء الاخلاق
تخريمه
تأخر التوثيق لهروب المريخاب
من هذا المنبر .............
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
يا كوشت ،،
Quote: مريخ - هلال > صفر - صفر
مريخ - زيسكو > 2 - 3
مريخ - كانو > 1 - 1
زيسكو - مريخ > صفر - صفر
كانو - مريخ > 3 - 1
هلال - مريخ > 3 - 1
هلال - كانو > 2 - صفر
هلال - زيسكو > 1 - صفر
كانو - هلال > 2 - 1
زيسكو - هلال > 3 - صفر |
لاحظت المرحلة دي كلها ما فيها ولا 5 ؟
هاك المربع الذهبي ده ،،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
آمنة ،،
Quote: يا جماعة خلاص غلبنا واتغلبنا
3 و 5 ... ولا حتى مية
الموضوع دا اقفلو على كدا
عشان الناس بدت ترجع فما تطفشهم علينا |
لا بالله ،،
بالبساطة دي ،،
والله كان يرجعو ،،
وكان يطفشوا ،،
بعدبن نحن احترمنا وجهة نظركم ،،
وفتحنا بوست خاص للعزاء ،،
بس هم براهم بيجو يكتبوا هنا ،،
فنحن لازم نرد ،،
ثمح ،،
| |
|
|
|
|
|
|
| |
Hisham Magzoub
علاء الدين محمد بابكر
الخطاب مساعد الماحي
حمد محمد احمد
صلاح ليون
Amna Mohamed Arh
طارق أحمد خالد
Tahani abdalla Attia
ابراهيم محمد الحسن
فيس بوك
تويتر
انستقرام
يوتيوب
بنتيريست