|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
ده ايميل من الاخ ياسر بطلب العضويه لليوم الحار من بكرى ابوبكر
Quote: الأخ المهندس بكرى أبوبكر لك التحيه أتمنى أن تتكرم علينا وتمنحنا باسورد حتى نتمكن من التواصل عبر هذا المكان الجميل أنا ياسر الخضر حسن ملقب بياسر الجعلى دفعة 90 خريج 1996 فى كلية الهندسة قسم المساحة مغترب الآن بدولة الأمارات العربية المتحدة فهلا تكرمت علينا أخى بالولوج لدارك العامرة لك كل الود ياسر |
اها يا ناس اليوم الحار همتكم معانا خصوصا المنبر يحتاج لمزيد من الاعضاء > للاستمرار و التواصل و التوثيق و التجديد
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
ننعى ببالغ الحزن و الاسى والد اخونا و صديقنا والذى يقيم معنا هنا فى الامارات محمد وقيع الله 87 كيميائيه والتى حدثت عصرا هذا اليوم
وتوجه قبل قليل عن طريق الخطوط الجويه العربيه محمد وقيع الله للسودان وده تلفون اخوه احمد فى السودان : 00249912963324
ربنا يرحمه و يغفر له ذنوبه ويطرح البركه فى اولاده وانا لله وانا اليه راجعون
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
مساء الخير على كل الهندسة،،،
اها أنا جيت وخلوني اشوف الحصل شنو بي وراي
اولاً
Quote: ننعى ببالغ الحزن و الاسى والد اخونا و صديقنا والذى يقيم معنا هنا فى الامارات محمد وقيع الله 87 كيميائيه والتى حدثت عصرا هذا اليوم |
ربنا يرحم والد الاخ محمد ويسكنه فسيح جناته وربنا يلهمهم الصبر وحسن العزاء
| |
|
|
|
|
|
|
Re: اليوم الحار ومابنداريوم الهندسة والمعمار (Re: Amna Mohamed Arh)
|
Quote: وتستمر قناة الكوتش فى البث المباشر طوال هذا اليوم خليكم قراااااب |
الكوششششششششششششت والله مرحباً بعودتك التي انتظرناها بلهفة.... عوداً حميداً يا صديق
Quote: ياخي ما تطووا الصفحة دي ،،،
كرهتونا ،،،
هومي المضرب ،،، |
هومي الغايب الحاضر وكيف لها ان تطوى بدونك
شفت كيف اول ما جيت اديت المنبر روح وحيوية....(وش بحنس تلاتة مرات)
هالة ،،، مبروووووووووووووووووووووك وعقبال الجامعة
Quote: ده ايميل من الاخ ياسر بطلب العضويه لليوم الحار من بكرى ابوبكر |
ندعم وبشدة المهندس ياسر لنيل العضوية ويا بكري الباسورد سريييييييييييييييييييييع
هشام أين أنت يا هندسة؟؟؟؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
آمنة ،،
Quote: يا جماعة خطر لي سؤال هسة نفسي اعرف كيف كل واحد فيكم اتعرف على اليوم الحار .... |
تعرفي ،، أنا مرة زماااان ،،، دخلت سودانيز أون لاين .. وسجلت فيه بكل سهولة ،، ده لما كانت العضوية ساااهلة ... والتسجيل يتم من خلال المنبر نفسه .. يعني لا كان في إرسال طلبات ،، ولا recommendations ...
وقتها ما كانت عندي أي فكرة عن( اليوم الحار) ،،
ثم ،، إنقطعت فترة ،، لغاية ما نسيت الباسويرد زاتها ،،
ومرة بالصدفة دخلت كمتصفح بس ،، لفت نظري في الصفحة الأولى ،، عنوان (بوست) اليوم الحار ما بندار .....
طبعا سبت الفي يدي .. وجلست القرفصاء .. وبديت أقرأ وأتابع ،،
يتبع ،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
البوست كان وقتها يا دوب في صفحة 8 أو 9 ...
لفت نظري إسم (خليل) !!!! ياربي خليل ده منو ؟ وكيكي ،، ورباح الصادق ،، محمد الصائم ،، حامد الصاوي ،، وأسماء أخرى لزوار ما بأعرفهم ،،،
المهم ،، بصراحة ،، التسعة صفحات في جلسة واااحدة ،،، وأنا وين ؟؟ في المكتب ،،
شئ بحلقة ،، وطيير عيون ،، وشئ بسمات ،، ومرات ضحك بأعلى صوت ،،
لما الناس المكتب إستغربوا ،، إبراهيم ده الليلة ماله ؟؟
وطبعا مهما شرحت ليهم ،، ما حا يستوعبوا ،، يعني شنو تلقى نفسك فجأة في نص كافتريا هندسة ،، مع ناس أعزاء شدييييد ،، إنقطعت عنهم لسنوات ،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
لميت في تلفون كيكي ،، اللي أصلا أنا ما كنت عارفو مستقر وين ...
وشديت ليه سلك ،، وهاك يا سلامات وونسات .. وكلمته عن مصادفتي للبوست ،، وإني عندي حصيلة كبيرة من الذكريات والصور ،، ممكن أشارك بيها ،،
كيكي وراني الطريق ،، وطلب مني إرسال إيميل لبكري لطلب العضوية ،، وهو وخليل عملو لي ال recommendation
وتاني يوم كنت عضو مشارك في اليوم الحار ...
وبس ،، من ديك وعيييك ،،،،،
هشام ،، ياتو (ديك) ده ؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
هومي المضرب،،،
صباح الخير
ياخي عليك الله تاني ما تغيب من البوست بالصباح ،،،،
الزول لو ما لقى اسمك منوووووووور ما بحس بالراحة
بعدين انا حنستك تلاتة مرات (واحدة مني واتنين من البلبلتين الغايبات)
وهسة بحنسك بواحدة رابعة من العضو المختفي عمر موسى...(نحاول نستفيد من الباسورد بتاعته اللسة ما جابت حقها دي)
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
مؤشرات مقاطعة إبراهيم :
Quote: إذا في ناس مشغولين ،،
وإذا في ناس مندهجين ،،
إذا في ناس ساكة المعائش ،،
إذا في ناس مزرزرة ،،
إذا في ناس برة الشبكة ،،
إذا في ناس عاملة الكهرباء القاطعة في شارع العرضة سبب ،،
إذا في ناس عاملة فيها نلسون مانديلا ،، وحاتلين في المنبر العام ،،
أها تاني شنو ،،
ايوة ،،
إذا في ناس سكوا الباسويرد ،،، لما أخدوها .. قاموا قشروا بيها في السيركل ،،
وإذا في ناس بيكرهوا باريس ،، |
ضع (الإسم/الأسماء) المناسب أمام ما يقابله من المؤشرات أعلاه ؟؟؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: إذا في ناس مشغولين ،، |
ديل كتاااااااااااار سارة مثالاً
Quote: وإذا في ناس مندهجين ،، |
ديل برضو كتاااااااار سارة مثالاً
Quote: إذا في ناس ساكة المعائش ،، |
ايييييييييييك كلنا ساكين المعايش(سارة مثالاً)
Quote: إذا في ناس مزرزرة ،، |
سارة
Quote: إذا في ناس برة الشبكة ،، |
سارة
Quote: إذا في ناس عاملة الكهرباء القاطعة في شارع العرضة سبب ،، |
الليووووووون
Quote: إذا في ناس عاملة فيها نلسون مانديلا ،، وحاتلين في المنبر العام ،، |
صلاح الل
Quote: إذا في ناس سكوا الباسويرد ،،، لما أخدوها .. قاموا قشروا بيها في السيركل ،، |
سحر،،عمر موسى... والدكتورة(وش فتااااااااااااان)
Quote: وإذا في ناس بيكرهوا باريس ،، |
الحاج ....
وفي ناس يا هومي حاااااااااااتلة في الوش كتاب بهناك سحر و....ط اخ
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
آمنة ،،
معنى كده سارة هي العامل المشترك في مسببات المقاطعة ،،
بس ،،
Quote: إذا في ناس مندهجين ،، |
دي مقصود بيها زووول معين ،،،
Quote: إذا في ناس عاملة فيها نلسون مانديلا ،، وحاتلين في المنبر العام ،، |
هنا برضو الإجابة ما صاح ،، الليون متخصص كهرباء و سد مروي بس .. لكن المقصود مانديلا بتاع كمبو الري ،،، وحواء مغارز ،،
Quote: إذا في ناس سكوا الباسويرد ،،، لما أخدوها .. قاموا قشروا بيها في السيركل ،، |
سحر،،عمر موسى... ممكن ،، لكن الدكتورة ،، لا لا .. كفاية بيرها سادي خدمة ،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
Quote: معجزة إلهية سنشاهدها اعتبارا من 27/8/2009 ولمدة شهرين فقط
يقول علماء ناسا إن القمر في يمين الصورة والمريخ سيظهران متقاربين وبنفس الحجم تقريباً في 27 أغسطس 2009م الموافق 6 رمضان 1430هـ ولمدة شهرين.
وسيكون بإمكاننا رؤية المريخ بالعين المجردة بحجم القمر تماما ، ويقول العلماء إن آخر من رأى المريخ بهذا الحجم هم الفراعنة ومن عاش خلال تلك الفترة من البشر قبل خمسة آلاف سنة ...
ولن يقترب المريخ مرة أخرى بهذا الشكل إلا للبشر الذين سيعيشون على الارض بعد ستين ألف سنة ...
سيبدأ ظهور المريخ اعتبارا الأول من شهر أغسطس 2009م ثم يكبر يوميا كلما اقترب إلى أن يصبح بحجم القمــر في 27 أغسطس 2009م حيث سيصبح على بعد 34.649.589 ميل أي 55.439.342 كلم من الأرض
|
سبحان الله ،،، المريخ ،، الأول من أغسطس ،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
كما توقعنا صعد سيد البلد لدورى المجموعات لبطولته المحببه وبهدوء كامل و بدون ضوضاء كما فعل الآخرون المستجدون نقول مبروك لشعب جمهورية الهلال عامه
ولاعضاء اليوم الحار الهلالاب الروعه : طاخ ابوسمره الحبر فوزى هاله هشام ليون خاتم آمنه وبقية العقد الفريد ولخريجى هندسة الخرطوم بصفه اكثر خصوصيه كهؤلاء الدرر > شبو عمر حسين المر النور جابر محجوب جكس مدثر الرشيد احمد هاشم اشرف منير عثمان صديق ابراهيم عبد العزيز عماد حسين مرتضى حسن كبيده و كل الخريجين عدا القلة الضالة من امثال ....
تخريمه شكرا لامنياتك الصادقه اخى و صديقى حمد محمد احمد
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
مبروووك مبروووك وهلالنا فووووق فووووق
Quote: مبروك لشعب جمهورية الهلال عامه
ولاعضاء اليوم الحار الهلالاب الروعه : طاخ ابوسمره الحبر فوزى هاله هشام ليون خاتم آمنه وبقية العقد الفريد ولخريجى هندسة الخرطوم بصفه اكثر خصوصيه كهؤلاء الدرر > شبو عمر حسين المر النور جابر محجوب جكس مدثر الرشيد احمد هاشم اشرف منير عثمان صديق ابراهيم عبد العزيز عماد حسين مرتضى حسن كبيده و كل الخريجين عدا القلة الضالة من امثال .... |
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
إييييييييييييييييييييييك ،، بالله هو إنتو أنفاسكم كانت محبوسة للدرجة دي ؟؟؟
شايف المداخلات مولعة ،، رغم إنه في ناس كده كانوا عاملين ذي (حمد لبد) ،،،
ما فقدتوا الأمل ،، وقلتوا ماشين مع الكبار ناس الكونفيدرالية !!!!!
بختكم ،، ولا ما بختكم ما عارف ،، جيتوا مع الكبار الجد جد ...
غايتو ،، مبروك (على وزن إيلووووم) ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
يا ابراهيم صباح الخيرQuote: ما فقدتوا الأمل ،، وقلتوا ماشين مع الكبار ناس الكونفيدرالية !!!!! |
لا ياخي ما كانت مسالة أمل .. نحن دوري المجموعات ده متعودين عليهو .. ولو بي كراع واحدة بنخشو نحن بس كان عندنا فكرة إننا نكون مع الاهلي والكبار دييك.. لكن لما شفناكم طولتو لسانكم طوالي قبلنا عليكم وجينا نوريكم دور المجموعات عشان زاتو تاخدو مننا نقلات من خبرتنا فيهو..
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
أستاذ هشام ،،
Quote: يا ابراهيم ما تشوف فصاحة ناس ليون وكوتش كلنا كنا بنعاين بطرف عينا للكره وكانت فى شوية رجفه لكن والحمدلله دربنا مرق |
ياخي ما غلطان (الإبن) رغيم لما قال ليك (أستاذ) هاشم ..... ده الكلام الصاح ،،
________________ لكن رغيم غلطان في (أستاذ) صلاح
| |
|
|
|
|
|
|
Re: اليوم الحار ومابنداريوم الهندسة والمعمار (Re: Amna Mohamed Arh)
|
آمنة ،،
Quote: إبراهيم الحسادة العليك شنو ما تخلي الناس تفرح،،، |
والله ما حسادة ولا حاجة ،،، بس (بيني وبينِك) ،، دي جرجرة شكل ومكاواة ساكت للهلالاب ديل (الكلام ده ما يشوفوه ناس الكوشت والأستاذين) ،،،
Quote: وبعدين ياخوي انت ما شايف روحك برااااااااااك المحمرة هنا....؟؟؟ |
عشان كده ،، في التسجيل القادم ،، نطالب بفحص فصيلة الدم للمتقدم ،، ولازم تكون فصيلته/ها حمراء ....
تخريمة : من هما الأستاذان المذكوران أعلاه ؟؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
رسالة طويييلة ،،، من أحمد شبو ،،،
Quote: أريا ،أمريكا والمساحيين وأشياء أخرى
سعادة الدكتور بوب أو على الأصح سعادتنا بالدكتور بوب "وهو يشد الرحال مقتربا منا في الاتجاه الى افضل بقاع الارض، طيبة التي طابت بساكنها عليه أفضل الصلاة والسلام" .... وبعد،، سعدت ايما سعادة "بالخبرية" أعلاه كما يقول الزلم كفانا الله شرهم فالأزلام رجس من عمل الشيطان كما تعلمون شأنهم شأن أختهم الخمر، فالحمد لله الذي ابدل بوب بطاح طيبة مستقرا في بلد البركة والهيبة.. بدلا من ضهاري بلد اليانكي والتي امضى فيها العقد الأخير لاهثا و جاكي...
ونرجوا اخي بوب وبغرض اكتمال سعادتنا الافادة بميقاتك الزماني قدوما لارض الحرمين، وبما انني انوي اداء عمرة في القريب من الايام أتمنى ان يسهل الله لنا اداءها أولا ومن ثم نشهد منافع اخر من ضمنها مقابلتكم بعد زمن طويل تواصلا للمودة وتفاديا لأراقة أي الوان حمراء ،
وكما تعلم أخى بوب فنحن السودانيون (والسودانيون مرفوعة على الاختصاص كما قال بروف عبدالله الطيب رحمه الله) جبلنا وجلبنا على كراهية الحمار (بفتح الحاء ويجوز بكسرها بجامع المريخ في كل)، وأستدل بالمقولة التاريخية (الحمرة الاباها المهدي) هذه الحمرة التي اجمع كثير من مؤرخي تاريخ السودان في حقبة المهدية أن المهدي ما قصد بها الا .......فنايل المريخ..
عموما احمد الله أنني لا اتحيز الى فريق كروي بعينه لا الهلال سيد الكورة ولا كمان المريخ "لا مؤاخذة". وفي النهاية الكسبان هو الخليج العربي الذي استطاع ان يكسب في تسجيلات هذا الصيف المهندس الثاني من ال بوب (بالإشارة الى احتراف عمر بوب من فترة طويلة بقطر).
أما فيما يتعلق بالود اللذيذ المدعو اريا والملقب بمحمد الطيب سليم فالحديث عنه أو اليه ذو شجون ومتشعب، أولا نسأل الله له السلامة والأمان في حله وترحاله أينما كان في بلاد الامريكان، ونقول لي حاجة أمنه في أركويت رسلي ليهو عفوك ينجيه من غدر الزمان. ونتمنى له التوفيق والهدايـا في دراسته للنظم الجغرافية ، أو فنون سرد الروايا ، باعتبار أن للمساحة رجالها ( ورجالها دي في محلها بالظبط يعني ماتقدر تقول للكيميائية رجالها !! مع الاعتذار عن الخطأ التاريخي الذي حدث في لجنة القبول وكان نتاجه دخول ياسر المر وحامد عجبان (سهوا) الى هذا القسم الراقي بدلا من موقعهم الطبيعي في قسم المساحة ) ، وبمناسبة المساحة انحنا حتى زمن قريب كنا قايلين إغـلاق المساحة حصريا على الجنس الخشن بسبب طبيعة الدراسة.. لا الدارسين وهو السبب الحقيقي كما تعرفون جميعا وجيدا ..طارق الكوتش ، البعيو ، كيكي ، غازي م احمد ، الخزرج واخرين كثر (يعف لساني عن ذكرهم في هذا المقام )، وبطبيعة الحال يوجد نوع تاني منهم أيضا دخلوا (غوانتانمو) المساحة بنفس الخطأ التاريخي أعلاه للجنة القبول وعلى سبيل المثال الراقي وليد عريبي، ابراهيم عبدالعزيز، عثمان صديق، وشيخ العزابة (على اخر عهدي به) وود الصحافة أحمد بشير وذلك رغما عن علاقته الأسرية بالحارث مصطفى والتي لا يلام عليها كون الأمر خارج عن إرادته واختياره.
أخي بوب كل من لم يجد أسمه من اخواني المساسيح (على وزن التماسيح) في احد المجموعتين أعلاه (زي ناس وديـدي مثلا)، فهو بلا شك في المجموعة الأولى (جماعة الكوتش) بناءا على القاعدة القانونية الشهيرة المساح مدان حتى تثبت براءته أو" الشك لا يفسر في صالح المساح" ويمكن تعضيد هذا الرأي بكثير من أقوال سديدي الرأي من أهل الحل والعقد في الادارة الاهلية (كأبو سن في البطانة مثلا ) ، ورحم الله حاج الباقر فقد كان بعيد النظر في هذا الامر..
أخيرا وليس أخرا نسأل الله لك الخير والبركة في رزقك ومالك وعيالك ويبارك لك في تواجدك في طيبة الرسول الامين ولا تنسونا من صالح الدعاء
ملحوظة: سوف أقوم بعمل سكان لهذه الرسالة وإرسالها في شكل أميج (صورة) وذلك حتي نمكن اخواننا في المهجر من قراءاتها كون جزء كبير منهم اصبحو من "الكاتبين بغيرها" ولم يقم بل جيتس بتوفير الارابيك سبورت في السوفت وير بتاعهم ...كونهم في ارض طيرها (وكيبوردها) عجمي...
وأخيرا الود والعتبى لأخوتي المساسيح والمريخاب (لا مؤاخذة) ونسأل الله لهم الهدايا وأخص بالذكر منهم من زاد الطين بله وجمع بين الصفتين (ضاربا عرض الحائط وطوله بتقاليد وأعراف المجتمع السوداني المحافظ) .. نسأل الله لهم الهدايا والعفو الاني ....وإلا لمن ابى منهم .. فلا حل عدا ...." الصمغ الإيراني.". .( الله يجازي محنك يا اريا) وللحديث بقية .... مناوا – دبي مايو 2009 |
(عدل بواسطة ابراهيم محمد الحسن on 05-05-2009, 06:53 AM)
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
وديدي ،،، أحد الصفوة بكلية الهندسة ،، يرد على شبو ...
Quote: اخي العزيز مناوا.. شكرا جميلا لهذا العطاء الذى لا يشبهك .. و لا يمت للهلالاب بصلة.. والعزاء .. انك تكتب .. لرائع الحروف ..دكتور مصطفي بوب.. ولولا ذلك لكان الرد ..بقدر قامة كاتب المقال .. كم وددت ان ارسم بعض التعليقات على ما ورد في حق المدعو ( اريا) .. وسيىء الذكر احمد بشير .. وبقية العقد الفريد.. ولكن الغريب في الامر.. وانا اقرا رسالتك .. وارى ما تكتبه عن صفوة الكورة في الساحة السودانية .. وهم في تجمع متصل وقوفا خلف جريح الكرة السودانية .. لنخرجه من محنته .. وبعد جهد كبير ومقدر.. ينتزع بطاقة التأهل.. والحمد لله .. الذي حفظ لك ولامثالك ممن انحسر منهم الحياء .. ماء الوجه في هذا الزمن الصعب.. وبقدر فرحنا بان نجد من يشاركنا التاهل .. لكى ناتي عبرهم بكاس البطولة .. بقدرما ما حزنت لامثالك .. وهم يضربون اليد التى امتد لهم .. وانقذتهم من وحل الهزيمة وكانت القلعة الحمراء .. احد الشهود.. ارجو ان يتفرغ ممن يدعى الفهم من الهلالاب لنصح صلاح ادريس للاستفادة من الوالى..وممن يفهم في كرة القدم .. بنصح طاقمكم الفني.. ان يعرف كيف يختار افراد فريقه من ابراهيم واخوته.. وكذلك .. السادة المشجعين امثالكم .. حرى بهم ان يتجهوا الى المساطب الغربية .. لكى تتغير لهجتهم التى لا تعدو ان تكون من بعض مرتادي المساطب الشعبية .. لاحول ولا قوة لهم .. ولا فهم في الكورة يساعدهم بالمتعة .. نصيحتي ان تحضروا تمارين المريخ ولو بالخفاء .. ولو تدعو للناس انكم ماشين تكشفوا الخطة.. يا عالم .. يا وهم .. فوقو من وهدتكم .. وارجعوا عن ضلالكم القديم..
عذرا اخي المصطفي بن بوب .. ان اقحمت فيما لم تقاه وان كنت اعلم انك من الضالين في بهو المستديرة والباحثين عن ملجأ في كنف القعة الحمراء.. بكل الود.. اليك بوب .. وفي انتظار وجودك عبر هذه الكوكبة برفقة الرائع ايريا .. ولبقية جمع المساحين الرائع .. حق الرد .. والرد الجميل .. للسيد مناوا.
بكل الود وديدي |
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: سعادتنا بالدكتور بوب "وهو يشد الرحال مقتربا منا في الاتجاه الى افضل بقاع الارض، طيبة التي طابت بساكنها عليه أفضل الصلاة والسلام |
ونحن سعادتنا أكبر بإنضمام الدكتور مصطفى بوب إلينا في المملكة ،، ليكون إضافة حقيقية لنا ..
حللت أهلا دكتور مصطفى ،،
وذي ما قال ليك شبو ،، يا ريت تفيدنا بمواعيد قدومك ،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
ناس ساكة المعايش والكراس ديل طبعا كتااار ،، ومنهم ناس (ساس) ..
وناس ضاربة الأناناس ذي منو ؟؟ أفصح وأزل الإلتباس ..
وناس من ور الكهرباء جاهم وجع راس ديل طبعا معروفين لكل الناس ..
وناس رحلاتهم بين باريس ومكناس أين أنتم ،،، يا هولاء الناس ..
| |
|
|
|
|
|
|
|