|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: اليوم الحار ومابنداريوم الهندسة والمعمار (Re: sara Eltayeb suliman)
|
إبراهيم سلامات,,,
Quote: شنو يا سارة ،،
طيب ما تقولي كده ،،
ولا شغالة بنظرية (إستعينوا على قضاء حوائجكم بالكتمان ،،)
عموماً ،،
ربنا يوفقك .... |
ما حكاية كتمان ولا حاجة...
بس كنت عايزة أقول ليكم بعد ما أروق شوية..
لاني كنت جايطة بسلم شغلي القديم
وبستلم في الجديد وحالة صعبة..
الحمد لله حمدا طيبا مباركا فيه...
ربنا يوفقكم كلكم يا ناس هندسة...
| |
 
|
|
|
|
|
|
|
|
Re: اليوم الحار ومابنداريوم الهندسة والمعمار (Re: sara Eltayeb suliman)
|
سارة،،
اول شئ حمدلله على السلامة ...
Quote: شايفاك عرفتي آمنة شبيكة طوالي...
ناس 93 ديل ناسك... عرفة شدييدة.. |
كيف ياخ... بعدين امنة دي غير 93
كمان بت ام در ...
واسمها امنة...
ومعمار ....
تاني فاضل شنو عشان اعرفها... ؟؟
Quote: عمر موسى عايز باسويرد...
إتولي الموضوع دا بالله...
أنا بقيت برة الشبكة.. |
ما عندو مشكلة...
بس هو رسل ايميل لي بكري...؟؟
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: صلاح ليون)
|
ابراهيم،،
Quote: عمر موسى شخصياً ؟؟؟
هي قضية اليوم الحار وصلت جامعة الدول العربية ؟ |
اول حاجة خليك مركز
بتاعين جامعة الدول العربية ديك اتنين عمر و موسى
ودا عمر موسى واحد بس
بعدين ما قالو ليك خليك (جاد) ياخي
عامل لي فارك البضحك اليوم كلو دا
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
سلامات ياهندسه
ابراهيم
حمد
اليون
ودمختار
بندق
ساره و عائلتها الكريمه
آمنه
| Quote: تاني فاضل شنو عشان اعرفها... ؟؟ |
شنو ؟
الحبر ... اظهر وكفايه كده
مرسى الشوق كميات وتلفونك ما بجمع معاى ... صلاح مختار اتأكد منو ؟
يسعولا القله يافشنك برجع ليك بهناك
ساره : مبروك الزظيفه الجديده
وين د. تهانى ياناس واخبار دعم المكتبه شنو _ حركوا الموضوع شويه ياشباب
افقدوا الفاتح عبدالله - وديدى - ياناس السودان - التلفونات ما بتجى معانا خصوصا شبكة زين
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
أين أنتم يا هولاء :
- أبو سمرة
- محمد عبد الرحمن
- هشام سيفل
- معاوية داؤود
- محمد الصائم
- أمير عون الشريف
- عمر السيد
- منتصر عباس
- حامد الصاوي
- حاتم الجد
- غباشي
- محمد إسماعيل
- محمد البشرى الخضر
- شيخ الدين إسماعيل
- ياسر علي الشيخ (العوض)
- عمر الحبر
- محمد الخاتم
- فوزي عبد الفتاح
- الفاتح وديدي
| |
|
|
|
|
|
|
|
|
|
RE:???? (Re: khaleel)
|
فعلا الغياب زاد عن حده
المنبر ده دخلت فيه math lectures?
الناس دى متعودة اى حاجة مافيها attendance بتجليها
نحن ماصدقنا المنبر تشرف بالدماء الجديدة
لكن يبدو انه مشوار الحصول على الباسورد
كان مرهق استنفذ كل الطاقات
لكن كدة الراية الرفعها خليل وصحبه لسنوات
لرفعة شأن الهندسة فى طريقها للانتكاس
وعليه ياابراهيم سريع تصرف للبرالمة ديل
Timed task اى واحد/ة يحرر صفحة كاملة من
بكرة والبداية تكون باخر القادمين للبورد
سلامى للجميع
_____________________
ابراهيم انا فى اجازة مرضية
ماتجى تفقدنى يااخى
| |
|
|
|
|
|
|
|
|
|
Re: RE:???? (Re: احمد التجانى احمد)
|
أحمد التجاني ،،
Quote: ابراهيم انا فى اجازة مرضية
ماتجى تفقدنى يااخى |
ألف لا بأس عليك ،،
وحمدا لله على السلامة ،،
الأخ أحمد التجاني أجرى عملية جراحية بسيطة ،،
والحمد لله هو بخير الآن ..
| |
|
|
|
|
|
|
|
|
|
Re: RE:???? (Re: ابراهيم محمد الحسن)
|
مساء الخير على كل الناس المافي...
أحمد التجاني،،،
Quote: الأخ أحمد التجاني أجرى عملية جراحية بسيطة ،،
والحمد لله هو بخير الآن .. |
ألف سلامة عليك
وان شاء الله اجر وعافية...
ويا هندسة أنا وابراهيم مسجلين اتندس يومي...
بس هو بجي الصباح وأنا بجي المساء....
ورغم كدا هاك صفحة الليلة الخاصة بي (اخر الاعضاء دخولاً)
حاونس روحي لحدي الناس ما تجمع(وش خايف يقولو جنا)
| |
|
|
|
|
|
|
|
|
|
Re: RE:???? (Re: Amna Mohamed Arh)
|
مساءكم يا ناس هندسة،،،
اها دي اول الونسة ...
يا جماعة وبما انكم مسجلين غياب،،،
بسبب المعايش وخلافه،،
وبما انو ما ممكن اتونس وارد على روحي،،،
قلت احاول اخمن كل زول غايب ليه؟؟؟
اولاً ابراهيم (أنشط الاعضاء واكثرهم حضوراً)،،،
حضر هومي وكعادته باكراً الي الكلية...
وكما هي العادة كان اول مكان يقصده هو كافتريا هندسة...
جاب الكافتريا شمالاً وجنوباً غير أنه لم يجد ولا حتى البرلومة سارة...
فقرر بعدها الذهاب under tower حيث مكث بضع دقائق...
بعدها ومروراً بالسيركل الي خارج الكلية...
وجاياكم للباقين....
خليكم بعااااااااااااد لحدي ما انتهي(وش ما عارف يسوي شنو؟؟)
واصبحت هذه عادته كل صباح طيلة فترة الاجازة...
ـــــــــــــــــــــــــــــــــــــــــــــــــــــــــــــــــــــــــــــــــــــ
** الكافتيريا... بوست اليوم الحار
** Under tower بوست دعم المكتبة
** السيركل بوست الكوشت حيث كل الشمارات تتجمع
| |
|
|
|
|
|
|
|
|
|
Re: RE:???? (Re: Amna Mohamed Arh)
|
مساء النور يا هندسة...
والله الإختفاء ما باليد...
آمنة، أحي فيك روح سمع الكلام...
برلومة فاهمة ورااااااااقية...
والله الناس بسألوا منك إنتي وسحر سؤال شديد...
ما تحرجوني أنا واثقة منكم...
سنا مضوي سلامات وواصلي كدة.. ما تختفي..
إبراهيم ما تزعل وما تفقد الإدمان...
دكتورة تهاني ليك وحشة شدييييدة..
هالة إمتحانات الاولاد دي حدها متين؟؟
حمد الابتوب دا قصتو شنو يعني!!!
حاج علاء وهشام واصلوا التعرف والتحاور...
البقية وينكم مختفين...
| |
|
|
|
|
|
|
|
|
|
Re: RE:???? (Re: sara Eltayeb suliman)
|
آمنة,,,
Quote: ** الكافتيريا... بوست اليوم الحار
** Under tower بوست دعم المكتبة
** السيركل بوست الكوشت حيث كل الشمارات تتجمع |
لكن لقيتك أساسية في الاكواد...
حلوة شديد...
looooooooooooool
فلت ارد عليك عشان ما يكون شكلك....!!!
| |
|
|
|
|
|
|
|
|
|
Re: RE:???? (Re: sara Eltayeb suliman)
|
سلامات،،،
شوهدت البرلومة سارة تتحاوم في الكافتريا ليلا
وتسأل عن الناس،،،
يا سارة عليك بالسيركل فالكل يظهر هناك ويختفي
حمد ابوعنقريب،وسنا مضوي (مثالاً)...
| |
|
|
|
|
|
|
|
|
|
Re: RE:???? (Re: Amna Mohamed Arh)
|
نواصل اسباب غياب الاعضاء ....
دكتورة تهاني،،،
عندما تحضر الدكتورة للكلية فهي حتماً تتجه لل under tower مباشرةً
ولكن لامانع من التوقف عند السيركل عندما تكون الشمارات مدورة...
نحيك ونقدر مجهوداتك يا دكتورة ... وفعلاً هناك انجاز في مشروع المكتبة
بس عليك الله اغشي الكافتريا عازمنك بارد معانا...
ــــــــــــــــــــــــــــــــــــــــــ
* د.تهاني سارة وعدتني تصحبني في زيارة لك
اتمنى تفضي اليومين دي عشان نلاقيك ونبارك
الخطوة العمليةالمقدرة في مشروع المكتبة
| |
|
|
|
|
|
|
|
|
|
Re: RE:???? (Re: Amna Mohamed Arh)
|
امنة,,,
Quote: د.تهاني سارة وعدتني تصحبني في زيارة لك
اتمنى تفضي اليومين دي عشان نلاقيك ونبارك
الخطوة العمليةالمقدرة في مشروع المكتبة |
إنشاء الله قريب... ربنا يسهل...
لاني انا نفسي الاقي الدكتورة...
| |
|
|
|
|
|
|
|
|
|
Re: RE:???? (Re: Amna Mohamed Arh)
|
الكوتش,,,
| Quote: ساره : مبروك الزظيفه الجديده |
شكرا جزيلا ليك... والله يبارك فيك...
بس الدعوات بالتوفيق مهمة ما تنسوا يا ناس هندسة....
| |
|
|
|
|
|
|
|
|
|
Re (Re: khaleel)
|
الاخت امنة
مساء الخير
Quote: ألف سلامة عليك
وان شاء الله اجر وعافية...
|
الله يسلمك ويعافيك
الف شكر
مجهودك مقدر فى اثراء البوست وتشكرى عليه
لكن نتوقع اكثر منك ومن المنضمين حديثا
الى المنبر
ابراهيم دعواتنا معاكم
| |
|
|
|
|
|
|
|
|
|
Re: Re (Re: احمد التجانى احمد)
|
سلام ،، يا هندسة ..
المرة دي مافي صباح الخير ...
أحمد التجاني ،،
| Quote: ابراهيم دعواتنا معاكم |
أي بالله كتروا من الدعوات ...
| |
|
|
|
|
|
|
|
|
|
Re: Re (Re: ابراهيم محمد الحسن)
|
آمنة ،،،
شكرا لتسجيل الحضور ..
برغم اليرود الحاصل من الجميع ...
Quote: اولاً ابراهيم (أنشط الاعضاء واكثرهم حضوراً)،،،
حضر هومي وكعادته باكراً الي الكلية...
وكما هي العادة كان اول مكان يقصده هو كافتريا هندسة...
جاب الكافتريا شمالاً وجنوباً غير أنه لم يجد ولا حتى البرلومة سارة...
فقرر بعدها الذهاب under tower حيث مكث بضع دقائق...
بعدها ومروراً بالسيركل الي خارج الكلية... |
الكلمك منو ،،
ده فعلا الحاصل ؟
بس ،،
في حاجات تانية ... حاميااااني ..
| |
|
|
|
|
|
|
|
|
|
اليوم الحار وما بندار (Re: khaleel)
|
رغم كل الحاصل
الواحد يحاول يواكب
امنة دي شغالة كويس
ارجو ان تمثلي الاضافة التي في بالنا
كفارة لاخونا احمد
وكفارة للاخ الحبر
فهو متوعك قليلا
الحق يا حاج
الحق يا ط ا خ
امنة صاحبة سارة صاحبة سحر بتونس في روحها
| |
|
|
|
|
|
|
|
|
|
Re (Re: khaleel)
|
الاخ حمد
كفاك الله كل شر
لك شكرى
الحبيب عمر الحبر
الف سلامة عليك
ونسأل الله ان يلبسك ثوب العافية
وكما نتعشم ان تعود لنا فى اليوم الحار
فقد افتقدناك كثيرا
ابراهيم اين انت ؟
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: sara Eltayeb suliman)
|
سلام يا ناس يا حلوين
والشوق كميات
| Quote: الناس دي جايطة بس صدقني بتشغلوا وبجوا راجعين... |
فعلا ياساره انا الاسبوع الفات كنت مشغول شدييييييييييد
ورشة عمل خاصه بال GIS من فتاح ياعليم لنص الليل .... بس الحمد لله
______
احمد التجانى الف سلامه ليك ونتمنى ان تكون بخير
ومنتظرين ظهورك على احر من الجمر من جديد و بالجديد
_________
اتصل بى الاسبوع الفات عملاق اليوم الحار ابراهيم محمد الحسن
وعلمت منه انو حيكون مشغول شويه الايام الجايه .. بس ياريت ما تطول
على معجبى ابراهيم فى اليوم الحار ومنتظرنك بفارق الصبر ايها الرائع الجميل
_____
اتصل بى ايضا الاسبوع الفات محمد عوض - 88 ميكانيكا
وهو من اشد المعجبين باليوم الحار وهو مقيم الآن
بالسعوديه تارك امريكا الى حين وبتمنى انو الشباب
يتصلوا به على التلفون : 00966540637585
__________
البرلومات > اداء ضعيف
_________
ارسل لى وديدى رساله تفيد بوصوله للامارات غدا السبت
الف مرحب ونتمنى لك رحله حلوه انشاءالله
| |
|
|
|
|
|
|
|
|
 Re: اليوم الحار ومابنداريوم الهندسة والمعمار (Re: طارق الكوتش)
|
رساله من عماد محمد احمد 91 مساحه
Quote: سلامات يا كوتش، معقولة نجيكم في البلد دي ولا تلاقونا لا نقلاقيكم لا نتلاقا لا نتلم؟!! كيفك والدنيا الما معروف بقت جميلة واللا لا.
دا تلفوني ويا ريت تقدم لي ترشيح واللا دعوة واللا شنو ما عارف في منتدى اليوم الحار عشان بالجد مشتاق الاقي الشباب دفعة 87 بالرغم عن انهم ما دفعتي لكن بهم من يكفى لأن أقول أننى قد عرفت ناس من الزمن الجميل
بالمناسبة ياسر أخوي رزق بولد وسماهو محمد
|
الف مرحب بيك والف مبروك لاخونا و صديقنا العزيز جدا ياسر المولود
عمده انا اتصلت عليك كتير و انت ما بترد عموما ده تلفونى 0504853878
ومنتظرك .... وبخصوص الباصويرد بس ياريت ترسل لبكرى ابوبكر ايميل
ورسلو لى انا برضو فى نفس الوقت وبرضو من هنا بناشد الاخوان اعضاء اليوم الحار عشان
يدونا شوية دعم للاخ عماد محمد احمد كسلا المربعات اسكوير
عماد نرجو المواصله و منتظر تلفونك
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: تصل بى ايضا الاسبوع الفات محمد عوض - 88 ميكانيكا
وهو من اشد المعجبين باليوم الحار وهو مقيم الآن
بالسعوديه تارك امريكا الى حين وبتمنى انو الشباب
يتصلوا به على التلفون : 00966540637585 |
ألف مرحب بالباشمهندس محمد عوض
بيننا ومعنا ..
ونتمنى يكون إضافة لنا للمواصلة والتواصل ..
حا أتصل به ،،،
بس ،،
(إلى حين) دي إنشاء الله تكون ذي بتاعت ط أ خ ،،،،
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
| Quote: رساله من عماد محمد احمد 91 مساحه |
ألف مرحب بالأخ عماد محمد أحمد ،،
وبخصوص الباسويرد ،،
ذي ما قال ليك الكوشت ،،
رسل لبكري إيميل ...
ونحن ندعمك ...
| Quote: الف مرحب بيك والف مبروك لاخونا و صديقنا العزيز جدا ياسر المولود |
مولود ياسر ده الهنيناه عليه قبل شهرين كده ،،
ولا واحد جديد؟ ...
| |
|
|
|
|
|
|
|
|
|
RE:???? (Re: khaleel)
|
Quote: احمد التجانى الف سلامه ليك ونتمنى ان تكون بخير
ومنتظرين ظهورك على احر من الجمر من جديد و بالجديد
|
طارق الكوتش الله يسلمك يااخى ويعافيك
اليومين الفاتو خليتو الدار خلا
Quote: أحمد التجاني ،،
شكرا على السؤال والمتابعة ...
بس ،،
لسة ..
العُمرة ما جابت نتيجة ..
|
ابراهيم
ساعدوا العمرة بجكة (ماحقت مصطفى عثمان)
| |
|
|
|
|
|
|
|
|
|
Re: RE:???? (Re: احمد التجانى احمد)
|
احمد التجانى سلامات يارجل
Quote: طارق الكوتش الله يسلمك يااخى ويعافيك
اليومين الفاتو خليتو الدار خلا |
بس ياريت يديك معانا عشان دار اليوم الحار
ماتبقى خلا ... ونقدر سويا نعمل حاجه للمنبر
كامل الود و التقدير
________
الحبر الف سلامه ليك و حاولت اتصل بيك كتير لكن فشلت
وانشاء الله تكون بخير و شوقنا ليك لا يوصف و منتظرنك
| |
|
|
|
|
|
|
|
|
|
Re: RE:???? (Re: طارق الكوتش)
|
صباح الخير يا هندسة ،،
كوشت ،،
Quote: الحبر الف سلامه ليك و حاولت اتصل بيك كتير لكن فشلت
وانشاء الله تكون بخير و شوقنا ليك لا يوصف و منتظرنك |
أمس كنت بأتكلم مع الحبر ،،
الحمد لله بلغ الصحة بعد وعكة .. وشوية إرهاق حسب قولو ...
وكالعادة ،،
وعد إنه إنشاء الله حا يفضى شوية خلال الأسبوعين القادمين ..
وحا يتابع ..
| |
|
|
|
|
|
|
|
|
|
Re: RE:???? (Re: ابراهيم محمد الحسن)
|
إتصلت برضو بالأخ محمد عوض ،،
مُرحِبا به في مقامه الجديد بالسعودية ،، (الخُبر)
سعدت جداً بمتابعته واهتمامه بالمنبر ،،
وقد تناقشنا في كثير من الأمور ،،
ومنها مشروع الدعم ..
والأفكار الممكن تتنفذ لتتخطى مرحلة المكتبة ...
محمد عوض عنده مقترحات حا يرسلها قريبا ..
ونتمنى نراها على أرض الواقع ،،،
| |
|
|
|
|
|
|
|
|
|
مبروك (Re: khaleel)
|
مبروك للمهندس الغزالى
وعقبال البكارى
ابراهيم صفحة 43 دى مالها زى يوم السبت
اليوم الحار ادوه عين والله
حليل لما صفحاته كانت بتقلب
زى دفتر الجرورة
ابراهيم
مافى جديد؟
| |
|
|
|
|
|
|
|
|
|
Re: مبروك (Re: احمد التجانى احمد)
|
سلامات يا ناس يا عسل ... طارق الكوتش وصل
____
مليون مبروك اخونا الغزالى
___
احمد التجانى
واحيانا عربية الباصطه
هاله مع امتحانات الاساس
اليون فى دنيا الخيال
وديدى فى الامارات صايع من شجره لشجره وانا لسه ما لاقيتو _ اسوى شنو ؟
الباقين مع المعايش
طيب الباقين الماعندهم معايش > وين ؟
| |
|
|
|
|
|
|
|
|
|
Re: مبروك (Re: طارق الكوتش)
|
أحمد التجاني ،،
الكوشت ،،
Quote: ابراهيم صفحة 43 دى مالها زى يوم السبت
اليوم الحار ادوه عين والله
حليل لما صفحاته كانت بتقلب
زى دفتر الجرورة |
طبعا توسع المواضيع والبوستات ليه أثر كبير ...
زمان كانت كل المداخلات والمواضيع كلها في اليوم الحار ،،
عشان كده كانت صفحاته ماشه 4weel drive
(الله يجازي الأدانا عين ،،،)
وطبعاً غياب الناس برضو مؤثر شديد ،،،
| |
|
|
|
|
|
|
|
|
|
Re: مبروك (Re: ابراهيم محمد الحسن)
|
كوشت ،،
| Quote: وديدى فى الامارات صايع من شجره لشجره وانا لسه ما لاقيتو _ اسوى شنو ؟ |
شرِك ليه تحت شجرة ،،
وااااااااااااااااااك واااااااااك
| |
|
|
|
|
|
|
|
|
|
Re: مبروك (Re: ابراهيم محمد الحسن)
|
ابراهيم
| Quote: شرِك ليه تحت شجرة ،، |
كده نحدد شكلو كيف عشان نحدد نوع الشرك >
- لو كان ودابرك نفتش على عشوشه
- لو كان حمامه نجيب صلاح اليون
وااااااااااك
انتظروا احدث صوره لوديدى على بوست الكوتش التعريفى فى مساء هذا اليوم - بالالوان
| |
|
|
|
|
|
|
|
|
|
Re: مبروك (Re: طارق الكوتش)
|
| Quote: - لو كان حمامه نجيب صلاح اليون |
يا كوشت ،،
الليون ده الأيام دي خفوا عليه شوية ،،
الرقابة الأمنية مشددة عليه ،،
وهو لسة في مراحل أولية ،،،،
| |
|
|
|
|
|
|
|
|
|
Re: مبروك (Re: ابراهيم محمد الحسن)
|
كنت بأتكلم مع هالة ،،
أخيرا خلصت الإمتحانات ،،
والضغط العصبي والبدني ،،
إنشاء الله من المتفوقين يا هالة ،،،،
وعشان صعب ترجع تقرأ كل الفاتها ،،
طلبت ملخص سريع لمجريات المنبر ،،
وآخر الأخبار ...
والشمارات ...
في إنتظار ظهورك يا هالة ،،،
| |
|
|
|
|
|
|
|
|
|
Re: مبروك (Re: طارق أحمد خالد)
|
الأخ ط ا خ
| Quote: وهذه القرية ...... تقع على حدود السودان مع أثيوبيا وأرتريا.. ا |
انت متأكد انو ده (ايريا)..ما حاج الباقر؟؟؟
| |
|
|
|
|
|
|
|
|
|
Re: مبروك (Re: علاء الدين محمد بابكر)
|
مبرووووووووك
ابراهيم محمد الحسن
رئيس جمهورية اليوم الحار بأمر قناة الكوتش الفضائيه
رزق بمولود بنت ... صباح هذا اليوم
وياناس اليوم الحار تعالوا نختار الاسم ( اليون ما معانا )
بسم الله نبدأ المزاد
طارق الكوتش بيرشح > رشا
| |
|
|
|
|
|
|
|
|
|
Re: مبروك (Re: طارق الكوتش)
|
Quote:
مليون مبروك اخونا الغزالى
|
مبروك كمان لأخونا أحمد الغزالي و ربنا يسعدكما
ملاحظين الأفراح جات مع جية أحمد التجاني
يلا بالله أظهروا يا عشاق المنبر الهندسي الرائع
و خلوه دائما فوق
| |
|
|
|
|
|
|
|
|
|
الجميع (Re: khaleel)
|
سلام للجميع القدام والجداد والعائدين
والله ياخوانا القطعة صعبة خلاص - انا لي ساعات بقرا
فى المداخلات ومتاكد انو فى حاجات كتيرة فاتتنا- لكن
الظروف كانت اقوى
كدى نبدا من الاخر من العمدة ونقول ليهو مبروك البنية
| |
|
|
|
|
|
|
|
|
|
Re: الجميع (Re: فوزى عبد الفتاح)
|
تحياتي للجميع ،،،
أحمد التجاني ،،
الكوشت ،،
تهاني ،،
فوزي،،
الليون ،،
صلاح مختار ،،
هشام مجذوب
هالة ،،
اليسع ،،
ط ا خ
وكل من كتب ،،
أو إتصل ،،
أو أرسل مسج ،،
شكرا لكم جميعا ،،،
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
سلام للجميع
والف سلامه ليك اخى حمد
وانشاءالله الآن تكون فى اتم الصحه
ومنتظرنك على الدوام لنشر الفرح و السرور فى دواخلنا
_________
فوزى عبد الفتاح حمد لله لسلامتك
وياريت تانى ما تطول الغيبه
ولسه منتظرين ذكرياتك على صفحات اليوم الحار وكمان جديدك
___
يااخوانا وديدى فى الخليج سمكه >
من دوله لدوله وصل البحرين
قادما من الامارات عن طريق قطر
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: طارق الكوتش)
|
ايميل من هيثم عبدالله الحاج
Quote: السلام ليكم جميع ناس اليوم الحار
اخيرا انتهيت من قراءة بوست اليوم الحار و بعد داك اخدت لي زي اسبوع كده نائم
اولا
سحر وملحقاتها
(صاحبة امنة صاحبة سارة)
تعظيم سلام
د تهاني بت 87
دفعة 87 دي لو ما الكوتش كانت تكون اعظم دفعة في تاريخ الكلية
شكرا علي المجهود المقدر في تنسيق دعم المكتبة
ابراهيم مبروك البنية
ليون مبروك الخطوبة لكن ياخي بعد الطرح داك كلو ما قايل بتطلع ايدك فاضية
فيتالو او فوزي عبد الفتاح مشتاقين والله
بندق وصلاح مختار او حمد والديبة حــــــاجة عجيبة
هالة زيك زي د تهاني
حابريز او شيخنا الاشواق من هنا لا عندك
ولو الحلقة الثاثة بتاعة الوداعية ضاعت بفعل الهكر يا ريت تعيدها تاني
كوتش اظنك كبرت عماد محمد احمد دفعة 90
هشام
وديدي
حمد
طاخ
لكم التحية
اخيرا
خليل
سنغني لك يا وطني مثلما غني الخليل
ااي كده لعبتا
و
عرقك كابي ينزف ممزوج بالغبار وانت تموج وتهتف
اااي ده الشغل ده الشغل
رواية ركوب الحبر لي بوكس الامن دي نحنا سمعنا انو الركب هو وليد القرود لانو كنت قايل الشباب الفي البوكس ماشين عزا
هيثم عبدالله الحاج91 معمار ومتزوج من امل الطاهر 96 معمار
الولايات المتحدة
ايوا سيتي
|
نشكرك ايها الهيثم الرائع
ونتمنى ان تواصل معانا على الدوام
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: طارق الكوتش)
|
شكرا كثيرا الباشمهندس هيثم ،،
وسعدنا جدا بمتابعتك الدقيقة للمنبر ..
وتفاصيله ...
بس ،،
Quote: سحر وملحقاتها
(صاحبة امنة صاحبة سارة) |
مفروض تقول سارة وملحقاتها ،،
(وش حقاني،،)
| Quote: ليون مبروك الخطوبة لكن ياخي بعد الطرح داك كلو ما قايل بتطلع ايدك فاضية |
وين وين؟ ،،
قلت شنو ؟؟؟
(وش بتاع مشاكل،،)
| Quote: بندق وصلاح مختار او حمد والديبة حـــاجة عجيبة |
(وش مكشر سنونو ،،)
والكوشت عارف ليه ...
| Quote: هيثم عبدالله الحاج91 معمار ومتزوج من امل الطاهر 96 معمار |
دي تذكير بموضوع الشقة ؟
إعتمدناكم يا هندسة ...
بس منتظرين آمنة تخلص الخرط ...
ونبدأ التوزيع ...
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
السلام عليكم
ابراهيم
احييك وانت دائما في المقدمة
الناس مشغولين شوية
واحدين بيقرو بس
دعوة للجميع اي واحد يقرا يعمل مداخلة
ما يقرا وبس
محتاجين للناس
كان من المفترض تخش سارة وامنة صاحبتها اصحاب سحر
ويتكلمو كلام خارم بارم
لكن يظهر انشغلو
يلا يا سارة وين انتو
تحياتي لام احمد
الدكتورة
صلاح مختار و هشام مجذوب وين انتو
طاخ الحاج علاء الدين عاذرنكم لكن مش اوي
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: Amna Mohamed Arh)
|
سلام,,,
Quote: دعوة للجميع اي واحد يقرا يعمل مداخلة ،،
ما يقرا وبس ،،
محتاجين للناس ،، |
قرينا وعملنا مداخلة....
مبرووووووووووك البت يا إبراهيم وربنا يخليها ليكم ويخليكم ليها....
حمد حمد لله على السلامة... وكفارة انشاء الله....
تهاني... والله مشتاقييييييييييييييين.....
هالة وينك...... فاقدنك...
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: Hisham Magzoub)
|
صباح الخير ،،
يا هندسة ....
ذي ما قالت آمنة ،،
ورغم انه المنبر كترت فيه المباركات ..
برضو تتوالى الكفارات لأعضاء المنبر ..
فبعد أحمد التجاني وعمر الحبر وحمد ،،
برضو كيكي اللعين أصابته العين ..
Quote: مساء الأمس ومع الأمطار الغزيرة التي هطلت على الدوحة
خرج المدعو عبد الكريم الأمين من المنزل متوجها الى الصراف الآلي
وعند باب المنزل طار المسكين في الهواء متزحلقا وساقطا على الأرض
مما تسبب له في شق في رجله توجه على إثره الى المستشفى
هو الآن بخير ولكنه طريح الفراش
كي كي اللعين كفارة يا أخي وأجر وعافية
|
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
كيكي اللعين ،،
رغم إنك مقاطعنا من مدة ،،
ولا بتجي تقول مبروك (لليون) ،،،
ولا كفارة للعيانين ...
بس ،،
نحن بنقول ليك كفارة وسلامتك ،،
وذي ما قالو ليك الجماعة ،،
أوكامبو كرامتك ...
_______________
تخريمة ،،
ما هو سر تزامن زحلقة كيكي في موية المطرة
مع وصول الرئيس البشير إلى الدوحة ..
| |
|
|
|
|
|
|
|
|
 Re: اليوم الحار وما بندار يوم الهندسة والمعمار (Re: ابراهيم محمد الحسن)
|
Quote: ما هو سر تزامن زحلقة كيكي في موية المطرة
مع وصول الرئيس البشير إلى الدوحة .. |
كل منهما يعشق الطيران بطريقته الخاصه
_______
كيكى رغم انى متأكد انك لا تمر عبر هذا الممر الفسيح ...
بنقول ليك عبر مشاهدى اليوم الحار ... سلامتك
والمطره كرامتك
تاخريمه سمعنا تحت تحت > اليسع اتزحلق
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: طارق الكوتش)
|
يا كوشت ،،
| Quote: تخريمه : سمعنا تحت تحت > اليسع اتزحلق |
طبعا دي زحلقة منك ،،
عشان يجي واحد يقول ليك : كيكي زحلقتو موية المطرة ،،
طيب اليسع الزحلقو شنووووو ؟؟؟
فإنت تقول ليه زحلقتو ..............................
هييييييي ،،
أنا ما قلت حاجة ....
ده الكوشت ...
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: حمد محمد احمد)
|
سلام يا هندسة....
التحية للجميع...
كنت في بتكلم مع آمنة في التلفون...
بترسل التحايا للجميع...
وقالت الاسبوع الجاي بتظهر...
وكمان كنت بتكلم مع سحر بس ادعوا ليها بالتوفيق...
مزرزرة مع الامتحانات زرزرة شديدة...
وبتسلم عليكم كلكم...
وقالت ليكم ما تستخسروا فيها ال Password ... :)
وبرضو حا تظهر الاسبوع الجاي بعد الامتحانات...
وحا تعوض الفات...
يعني اعذروا سحر صاحبة آمنة صاحبة سارة...
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: صلاح مختار)
|
طيب قرينا وهذه المداخلة
كيكي كفرنا ليهو بالتلفون وتاني كفارة..
يا ابراهيم:| Quote: ليون مبروك الخطوبة لكن ياخي بعد الطرح داك كلو ما قايل بتطلع ايدك فاضية |
هيثم منو (عدم المتابعة وكده)
لكن باين عليهو مش متابع هنا وبدقة
لا ده كان متابع كمان زمان وكمان كان شغال (طرحه)
والطرحة للبرالمة وتذكيراً للسناير هي:
توصيل البنات للداخلية قبل الليتبيرمشن (كان 12 ومع السمستر بيجروهو لي الساعة 1 وبعد الانقاذ عملوه 11)
والمصطلح جاي تشبيهاً للتاكسي الطرحة (حليلك يالرقشات)
صلاح مختار:
انت قلته حمد وكيكي .. حمد مالك في شنو (برضو عدم المتابعة)
وكفارة على كل حال
وجع الكوتش رجع
وتاني شنو وتاني شنو ..
البرلومات .. عاذرنكم وبيجي الخريف ..
رجعته تاني قريت مداخلة حمد ..
ياخي كفارة تاني والف حمدلله بالسلامة..
| |
|
|
|
|
|
|
| |
ابراهيم محمد الحسن
صلاح ليون
Amna Mohamed Arh
sara Eltayeb suliman
khaleel
احمد التجانى احمد
Hisham Magzoub
حمد محمد احمد
طارق أحمد خالد
علاء الدين محمد بابكر
Tahani abdalla Attia
فوزى عبد الفتاح
فيس بوك
تويتر
انستقرام
يوتيوب
بنتيريست