|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: اليوم الحار ومابنداريوم الهندسة والمعمار (Re: khaleel)
|
سلام
يا كيكي أثني مقترح السوفت وير ده و بشدة
بصراحة محتاجين كتير لبرامج محاكاة جاهزة لتعليم الطلاب تكون حديثة مثلا في الكهرباء:
AUTOCAD, MATLAB , PSPICE, HDL, VHDL, ORCAD
أو أي برامج أخرى مفيدة لمشاريع التخرج كمان
و بالمناسبة المجلات و الدوريات أهم من الكتب حتى لو سنين لوراء
أو في شكل مجلدات لأنها شبه منعدمة
IEEE على سبيل المثال
كلموا الأسطورة حمد حماد و النابغة محمد محي الدين معاكم
و خليكم في انتظار الصور
| |
 
|
|
|
|
|
|
|
|
Re: اليوم الحار ومابنداريوم الهندسة والمعمار (Re: Tahani abdalla Attia)
|
Quote: أو أي برامج أخرى مفيدة لمشاريع التخرج كمان
و بالمناسبة المجلات و الدوريات أهم من الكتب حتى لو سنين لوراء
أو في شكل مجلدات لأنها شبه منعدمة
IEEE على سبيل المثال
كلموا الأسطورة حمد حماد و النابغة محمد محي الدين معاكم
و خليكم في انتظار الصور |
تهاني والشباب
الافضل من هذا
اقترح ان تكون هناك سنة كاملة بعد التخرج للتدريب العملي وتكون كلية الهندسة ستة سنوات
في العراق مثلا لا تستلم الشهادة الا بعد انتهاء سنة التدريب
والتدريب خلال فترة الكلية لا يخرج مهندسا
وكما قال بروفسير عابدين البكالاريوس يوقفك فقط علي باب الهندسة بعد ذلك
اما ان تدخل او تتطلب الله
اتمني مناقشة ناس التعليم العالي
| |
|
|
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
Quote: يا خليل ويا ابراهيم
انتو عارفين عمر الحبر بيمتلك زخيرة كبيرة من الذكريات
تصلح حتى صفحة 35 فارجو استدراجه |
هشام
ياخي الحبر ما شاء الله ما مقصر
شغال مايسترو تسجيلات ، ومتحرك في موضوع الدعم للكلية ..
ومرة مرة بيفك ليكم هجمات مرتدة ..
على أمل الناس تتحرك وتسجل أهداف ..
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
Quote: يا خليل ويا ابراهيم
انتو عارفين عمر الحبر بيمتلك زخيرة كبيرة من الذكريات
تصلح حتى صفحة 35 فارجو استدراجه |
هشام مجذوب
الحبر ليس وحده ايريا اذا جاء حكاي جدا
هشام سفل اذا تفرغ حكاي جدا
عمر حسين حكاي جدا
بس كل هولاء هل يمتلكون ذاكرة زي بتاعة خليل الود الخطير
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
تعرف يا خليل الذاكرة القويه بتخوف الناس من سيدها
لانو فى احتمال تنكت حاجات من الماضى تعمل دربكه فى الميدان
فى ناس بنكتوليك حاجات من الروضه
فحقو الواحد ما يصاحب ناس الذاكرة القويه
او يعمل معاهم ميثاق شرف ما يذكروا حاجات معينة تحت اى نوع من الاستفذاذ
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
Quote: فى ناس بنكتوليك حاجات من الروضه
فحقو الواحد ما يصاحب ناس الذاكرة القويه
او يعمل معاهم ميثاق شرف ما يذكروا حاجات معينة تحت اى نوع من الاستفذاذ |
عارف يا هشام
ايام مقاطعة الامتحانات وبعد نهاية الامتحانات العلاقات بقت متردية بين الناس
واحد قال ( اولاد الاقاليم ديل فتحنا ليهم بيوتنا وجو خزلونا وخشوا الامتحانات
مع العلم ان قائل هذا العبارة لم يقاطع وفي الامتحان الاول اجاب في كراسين
الود كان جاهز للامتحان
وزي ماقال هاني فاروق حينما ضبط وهو بذاكر وكان مدعي المقاطعة
just
in
case
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: عارف يا هشام
ايام مقاطعة الامتحانات وبعد نهاية الامتحانات العلاقات بقت متردية بين الناس
واحد قال ( اولاد الاقاليم ديل فتحنا ليهم بيوتنا وجو خزلونا وخشوا الامتحانات
مع العلم ان قائل هذا العبارة لم يقاطع وفي الامتحان الاول اجاب في كراسين
الود كان جاهز للامتحان
وزي ماقال هاني فاروق حينما ضبط وهو بذاكر وكان مدعي المقاطعة
just
in case
|
دا يا خليل موضوع نزل بصورة كارثيه على الجامعة واصاب العلاقات بين الطلاب فى مقتل
وحصلت مشاكل ومقاطعات ومواقف غبارها لحدى الان ما انقشع عند البعض
اتضرروا منو كتار واستفادو منو كتار
وهو موضوع حساس جدا" لحدى الان
وحصلت فيه كوميديا وتراجيديا
الكان حالف والرجع البلد والدخلوه بالقوة والكان بيقرا فى السراديب
والدخل فى الشوط التانى .... وفى الكسب ضربات الجزاء الترجيحيه
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: وحصلت فيه كوميديا وتراجيديا
الكان حالف والرجع البلد والدخلوه بالقوة والكان بيقرا فى السراديب
والدخل فى الشوط التانى .... وفى الكسب ضربات الجزاء الترجيحيه |
والله يا خليل وهشام
فعلا كانت أيام عصيبة ..
في هندسة كنا محظوظين نوعا ما .. لأنه كان في كليات بدأوا قبلنا ..
وبالتالي اتضحت الرؤيا .. وحصل ما حصل من تخاذل ..
والناس كانت على تواصل لمعرفة القرار الأخير .. حا ندخل ولا لا ..
جهجهة شديدة ..
أذكر نحن في دفعتنا إجتمعنا في مسجد في كوبر لمناقشة الوضع واتخاذ القرار الصائب والعقلاني بناءا على سير الأمور ..
فكان القرار .. دخول الإمتحانات ..
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
إيميل من الأخت سهام الكاروري .. وآسف للتأخير في العرض
Quote: الاخ العزيز ابراهيم محمد الحسن
صباح الخيرات
التحية عبرك لكل المهندسين/ ات
اولاً اشيد بفكرة الاخ ابو سمرة لدعم الكلية وهذا اقل ما يمكن ان نقدمه وعلى استعداد للمشاركة والانضمام لمجوعة الداخل ..
ثانياً التحية لـ (هومي) و (الحبر) على المجهودات العظيمة والذاكرة الحديدية (ما شاء الله) ...
والتحية لصاحب فكرة البوست (خليل)
والتحية والاشواق لـ (بهاء الدين)
الله لي الله لي انا يا ليلى من بهاء الدين انا يا ليلى
الخرف حاصل لكن المشكلة انو خرف ما مبكر
كل الود
سهام كاروري
ابراهومة لو سمحت ايميل بهاء الدين وزينب محمد سليمان
وتلفونات د. تهاني عبد الله والحبر |
مشكورة الأخت سهام على التواصل ومنتظرين المزيد ..
تم إرسال المعلومات المطلوبة عبر الإيميل ..
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
يا جماعه، سلامو عليكم، أنا جيييييت....
شكرا لكل من دعمنى (تهانى و إبراهيم)
و الشكر أجزله للمهندس الحبر، و بكرى (سيد الحوش) على الإستجابة السريعة...
و يا خليل سلام،،،
و بقية المهندسين و العقد الكريم، لكم منى أجمل تحية....
و مداخلةسريعة كدة على الماشى...
والله يا خليل وهشام
فعلا كانت أيام عصيبة ..
في هندسة كنا محظوظين نوعا ما .. لأنه كان في كليات بدأوا قبلنا ..
وبالتالي اتضحت الرؤيا .. وحصل ما حصل من تخاذل ..
والناس كانت على تواصل لمعرفة القرار الأخير .. حا ندخل ولا لا ..
المشكة يا إبراهيم ، ما التخاذل من عامة الطلبة و المتضامنين، بل التخاذل الأكبر كان من المجموعة المبادرة و المشجعة على المقاطعة، و هم أول من باع القضية و دخل الإمتحانات....
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
بعد مقاطعة الامتحانات حصل انهيار كامل للروابط الاكاديمية والاقليميه وبالذات الاقليمية
لانو بكون داخل اللجنة التنفيذيه للرابطة طلاب من كليات مختلفة بعضهم قاطع ومنهم من ربت ومنهم من خس الجماعة
ولانو الامتحانات بدات بكليات اداب واقتصاد وعلوم فكان عليهم ان يقوموا بانجاح هذه العملية
وكان ان تم اقتلاعهم من اسرتهم بواسطة الامن والاحتياطى وبالتهديد للحضور للامتحانات
ولعب الاعلام دور كبير فى افشال هذا الامر
فكنا نسمع فى الجامعة ان 88% من طلاب السنة الثانية اداب قاطعوا الامتحانات
ويرجع الطلاب وهم مطمئنون ولكن فى اخبار التاسعةوفى تقرير من مامون حميدة(المدير حينها) يسمع الاهل ان 98% قد دخلوا الامتحانات وهنا يتاكد الاهل بان ابنهم ضمن ال 2% وتحصل الضغوط ويبدا سلاح ماعافليك وتظهر الامراض المزمنة عليهم فيضطر الطالب ان يكذب عليهم او يدخل الامتحان مطاطئ الراس وبدون ان يكون قد جهز نفسه للامتحان
واذكر دفعة 87 هندسة مدنية فقد قاطع جزء منهم (حوالى 7 او 8) وبعد الامتحانات ولمدة سنوات طويلة كانوا فى حالة مقاطعة للدفعة لا سلام ولاكلام ولا ادنى تعامل بينهم ( لا ادرى الى اين وصلت العلاقة الان لكننى ارى الان بعض الامثلة لواحدمقاطع شغال مع واحد ما مقاطع والحمد لله)
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
يا جماعه، سلامو عليكم، أنا جيييييت....
شكرا لكل من دعمنى (تهانى و إبراهيم)
و الشكر أجزله للمهندس الحبر، و بكرى (سيد الحوش) على الإستجابة السريعة...
و يا خليل سلام،،،
و بقية المهندسين و العقد الكريم، لكم منى أجمل تحية....
و مداخلةسريعة كدة على الماشى...
والله يا خليل وهشام
فعلا كانت أيام عصيبة ..
في هندسة كنا محظوظين نوعا ما .. لأنه كان في كليات بدأوا قبلنا ..
وبالتالي اتضحت الرؤيا .. وحصل ما حصل من تخاذل ..
والناس كانت على تواصل لمعرفة القرار الأخير .. حا ندخل ولا لا ..
المشكة يا إبراهيم ، ما التخاذل من عامة الطلبة و المتضامنين، بل التخاذل الأكبر كان من المجموعة المبادرة و المشجعة على المقاطعة، و هم أول من باع القضية و دخل الإمتحانات....
تخريمة:
لسه ناس جديدة و كدة يعنى...
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: Hala Hassan)
|
أهلا ومرحبا
هالــــــة كــــــزن
انت برضو عملتي ذي تهاني وجيتي داخلة توووووش
كان تدينا ألو قبلها عشان الترويج والإستقبالات ..
عموما مرحب بيك إضافة من الأخوات المهندسات .. وعقبال المزيد ..
ومشكور الأخ بكري ابوبكر على دعمه الدائم لليوم الحار بأقلام وناس نعتز بمعرفتهم ..
صلاح مختار ياخي خذلتنا
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: يا جماعه، سلامو عليكم، أنا جيييييت....
شكرا لكل من دعمنى (تهانى و إبراهيم)
و الشكر أجزله للمهندس الحبر، و بكرى (سيد الحوش) على الإستجابة السريعة...
و يا خليل سلام،،،
و بقية المهندسين و العقد الكريم، لكم منى أجمل تحية....
|
أهــــــــــــــــــلا و ألف مـــــــــــــرحب بالغالية هالــــــــة
و بإذن الله تكوني إضافة نشطة للبوست
و دي و الله مجهودات عمر الحبر الرجل النشط
و أهم حاجة في الموضوع علشان الحبر يشيل الحجر الختاهو المرة الفاتت
يللا
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام يا شباب
في موجة من النشاط حاصلة، و في عدد كبير من المهندسين -حتى حديثي التخرج- متحفزين جدا إنو يقدوا
دعم للكلية أيا كان ، لازم نستثمروا عشان ما يضيع سدى زي مشاريع كتيرة جدا ماتت في مهدها .
مثال بسيط جدا : إيميل بدأ من أخونا بكري إسماعيل قبل يومين : حاليا وصل لأكتر من 600 مهندس
و إترسل لأكتر من 30 قروب في القوقل و ال(أم اس ان) و الفيس بوك ، و الردود و الفورودات ما تديك الدرب
Quote: Dear All,
There is an initiative by some of our fellow graduates of the Faculty of Engineering & Architecture, U of K to provide support in different ways for the faculty. Already some of those in Khartoum have contacted the faculty staff and requested them to list their requirements in terms of books, lab instruments/apparatus, etc. When the list is ready it will be published to all and whatever people can provide will definitely help. For a start people shall collect reference books, periodicals, scientific papers, etc. which are surplus to our requirement and send it to the faculty. In every country there will be a focal point to be contacted. At some stage financial support might be required to facilitate the logistics of this project.
The idea has already spread all around the world and the response is encouraging, so, I thought you might be interested to hear about it. For more update, and to find nearest focal point to you, you can visit the discussion thread on Sudaneseonline: اليوم الحار ومابنداريوم الهندسة والمعمار
Regards,
Bakri Ismail
|
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: wadismail)
|
شكرا محمد أسماعيل
والشكر من قبل للأخ بكري إسماعيل على المجهود .. شكلك كده حا نديك جائزة باسورد قريب
وأستأذنك أخي محمد إسماعيل لنشر إيميل الأخ / ياسر البنا الذي جاء تعقيبا على موضوع الدعم :
Quote: Dear all
We have done similar activity during our study in USA , but unfortunately we knew that the 2 container which is full of Engineering books is laying in the port and no one came from U oF K to pick it in spite of all the letters send..\
So I believe we can look at door to door activity , to make sure things are delivered
Best regards
Yassr Elbana
|
أعتقد مقترح الأخ ياسر البنا لازم يؤخذ في الإعتبار لضمان وصول الأشياء للكلية ..
وين عمر الحبر؟
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام
بالنسبة لقسم الكهرباء المشكلة عندنا أكتر في المقررات الجديدة
و ما لاقين كتب حديثة ليها
يعني لو تتلقي مراجع Latest تتخت في المكتبة يكون أحس ،
ومن المقررات الجديدة على سبيل المثال هي:
Digital Signal Processing
Microelectronics Technology
Automatic Control
High Voltage Engineering and Protection
Performance Engineering
Dispersed Generation
Computer Security and Disaster Recovery
Artificial Intelligence
Java Technology
Fault Tolerance Computing
Neural Network and Fuzzy Logic
Distributed Computing
Computer Graphics and Vision
Embedded Systems
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
عارف يا إبراهيم
إيميل ياسر دا أنا إتجاوزتو و ما نشرتو عشان محبط جدا - بالذات و نحنا في بداياتنا- و قلتا
نتجاوزوا عشان نبدا بداية جادة بدون تراكم إحباطات سابقة - لكن فتحتا الجرح !!!
عليك الله ما حاجة مخجلة : المراجع تقطع مئات الآلاف من الكيلموترات و ألف بحر و محيط -من أمريكا
للسودن- وما تصل من بورتسودان للخرطوم !!!!
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: Tahani abdalla Attia)
|
Quote: إيميل ياسر دا أنا إتجاوزتو و ما نشرتو عشان محبط جدا - بالذات و نحنا في بداياتنا- و قلتا
نتجاوزوا عشان نبدا بداية جادة بدون تراكم إحباطات سابقة - لكن فتحتا الجرح !!! |
بالعكس يا محمد
نحن لازم نستفيد من التجارب والدروس القدامنا
عشان ذي ما قلت نبدأ بداية جادة وما نقع في نفس المطب
سلام
انا طالع
وأبقوا عشرة
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
شكرا يا إبراهيم و تهانى على الترحيييب الحـــــــــــــــار، و ياها المحرينها فيكم...
و ربنا يطمنا على إسراء يا تهانى، و نسمع عنها سمع الخير...
أما بالنسبة لموضوع دعم الكليه، فقدرسلت لمجموعة كبيرة (ما شاء الله) من دفعة 88، و ألحقتها بأخرى إلى دفعات جديدة(2003-2004)، و هم إنشاءالله سوف يقومون بالواجب و ينشروها....
و أنا واثقة من نجاح مهمتنا(بإذنه تعالى...) هذه المرة يا شباب.
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
الاخوه الاعزاء الحبر،خليل،ابراهيم،منتصر،هشام
د.تهاني،بهاء..............
اتمني ان نوفق جميعا في الجهود الراميه
لتطوير العمل الهندسي من خلال المقترحين المقدمين في مجال المعينات(المكتبه و المعامل)و التدريب.
اثني فكرة الاخ خليل لإفراد بوست و اتمني ان يكون عن ترقية وتطوير المهنه التي تبدأ من الكليه.
تحياتي للجميع مرة اخري
و علي استعداد للمشاركه في اي من المحاور المطروحه.
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
السلام عليكم واسف للانقطاع والتحية لكم على المداخلات الرائعة
واهلا ومرحبا بهالة حسن(كزن) وشقيقة الدفعة العزيز ياسر حسن
وخلاص حا نشيل الطوبة يا دكتورة تهانى.
Quote: سلام يا مهندسين
يا أخواننا أقترح أنو يكون في بوست منفصل للمشروعات و المقترحات الجادة ، لأنو
البوست دا بصفحاتو الكم و عشرين ديل بدا يبقى صعب التصفح ، و الأصعب إنو الواحد يقرأ المداخلات
كلها -بالتسلسل طبعا- عشان يقدر يتابع المقترحات و المشاريع المطروحة ، فحكاية بوست
منفصل بقت ضرورة . |
والله يا ود اسماعيل انا كنت الصباح بتناقش مع هشام مجذوب فى هذا الموضوع
وانا كنت برى انو البوست المنفصل بيضمن تسلسل الافكار فى الموضوع وتواصلها
لكن خفنا من ان البوست يقع فى صفحات بعيدة ومافى زول اشوفو وايضا ممكن
فى قراء من الزملاء ما يتشجعو لقراءة البوست وانا اقتنعت براى هشام بان وجود الموضوع
فى بوست اليوم الحار بيضمن كمان انو عدد القراء يكون كبير ودة عامل مهم جدا
للدعم
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الشهيد مختار سليمان ، المرحوم فتحي صديق ( مدنية 85) ، المحامي الطيب رئيس الرابطة
عبد الله عجيب المساح المخضرم ، الطيب عبد اللطيف ، وديدي ، عباس ، عباس ، عمر حسين،
عثمان صديق ، سيف اسكلاتشي ، عفاف و انتصار عثمان حسين ،عواطف عيدروس ،
حنان من الله ، أماني بدوي ، إيهاب محمد صالح ، إقبال محمد عبد الرحيم ، حنان محمود ،...
بالمناسبة سيف اسكلاتشي لسه في الصحافة و بقابلوا في المدرسة ، أصلوا أولادنا بيقروا في مدرسة واحدة
طبعا إبراهيم محمد الحسن (هومي السمتو عواطف) كان بيري في المشروع يعني إبراهيم البير
(دي علي وزن أمين البير زي ما بقول صديق أبو اللكس)، |
والله يا دكتورة تهانى ديل كلهم من اصدقاءنا الاعزاء وهم من الاخيار والتحية لهم جميعا
ونسال الله المغفرة للاموات والمرحوم فتحى صديق مدنية 84
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: بخصوص دعم المكتبة
عندي مقترح إنه الدعم ما يكون بس من ناحية الكتب المطلوبة
وإنما يشمل المكتبة نفسها .. وخصوصا ال extension
من ناحية المبنى والطاولات والكراسي إذا كانت محتاجة مراجعة ..
بالمناسبة دي .. هو ال extension لسة موجود ؟
[/QUOTE
مقترحك جميل جدا يا ابراهيم بس لازم نمشى خطوة خطوة عشان ضمان النجاح
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
على ذكر ونسونا دى يا خليل.... هاك دى:
من المواقف المحرجة جدا فى أوانه، و المضحكةجدا بعد ذلك: كنت فى سنة تالتة(كهرباء) عندى مشكة، كل يوم الليكشر الاول (7-9) فايتنى لانو سعادتى بوصل الكلية حوالى الساعة 8. حقيقة، كنت يتصرف دايما(أو بحاول)، بس كانت المشكلة معاى يوم الثلاثاء، يوم الـBoolean Algebra.كان بديها لينا أستاذ من إسكول، أفتكر كان إسمه: عبد الحليم(التصحيح يا تهانى). الزول دة كان بالإضافة للأتنتدنس، مصر كل إسبوع أو كدة يعملsurprise Test . و طبعا الزول دة(مع كامل إحترامى) كان معروف عنه إنه ما بيتفاهم و عمره مافى زول عرف يتكلم معاه أو حتى يفتح معاه موضوع.
المهم فى مرة زعلت جدا، و قلت لازم أدخل (جاية متأخرة طبعا كالعادة)، مشيت بحماسة شديدة لغاية ما وصلت قدام باب القاعة،تراءت لى المهانةو المذلة، طبعاً أترددت جدا. بس جا طالع واحد من القاعة الجنبنا(عمرى ما شفتو قبل كدة و لا بعد كدة)، قمت وقفتو و طلبت منه إنه يخبط على باب القاعة و يطلب يقابل أى واحد من الطلبة، أنا أشوف منظر الدكتور كيف و بعدين أقررإذا كنت ح أدخل أم لا،
طبعاً صاحبك ما كضب، خبط الباب و فتح ليه الدكتو رو أتصرف من عنده، بمعنى عليك الله دخلها،،، و كانت تلك أول (و أخر) مرة ناس الهندسة يشوفوا الدكتور دة بيضحك (لدرجة أنوا ماقدريواصل الليكشر إلا بعد ربع ساعة، و طبعاً ناس الدفعة، عينك ما تشوف إلا النور من المشاغلات......
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: Quote: يا رجب.....
سنتا أبونيه ... سصبر أبونيه سلى عناب ساس نوار سمريكا أبونيه ...
سلينى خرطوش سشوف أبونيه السواحى نوار السانونية قرقور ... سشان عناب شكلة مرمر ..... ساشوف حمام السباب شرشور ....
سليتك خرطوش سعافية بربور ......
Quote: سمام ترتار سس بربور سا مرمر ستاخر ترتار سشان عناب سلنا كمون سمشى نوار سع مرمر سعض بربور
محمد شمس الدين والحبر ..
نستعين بكيكي يعني عشان يفك لينا الشفرة ولا شنو ؟
حصلنا يا كيكي .. |
انا افك ليك الشفرة يا سيدى رغم انى مفروض استاذن محمد عبدالرحمن باعتبارو اول من نطق
بهذه اللغة فى البوست لكن البينى وبينو عامرة , هذه اللغة يا سيدى كانت سائدة فى الجامعة
فى النصف الاول من الثمانينات , وطريقتها سهلة جدا وهى انك تستبدل الحرف الاول لاى كلمة
بالحرف س وتاتى بعدها بكلمةلتوضيح الحرف الاول الحقيقى ولكن الكلمة الثانية متفق عليها
فمثلا ابونى للحرف ا وبربور للحرف با وترتار للحرف تا وكمون للكاف وهكذا
فمثلا لو عايز تقول تمام تقول سمام ترتار عايز تقول لى زول كيفك تقول سيفك كمون وهكذا
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: بعدين سامي عبد اللطيف افرضوا عليه ادفع خمسين مليون جنيه
حبيب الله بابكر مائة مليون
عشان ديل الغنوا بس في دفعتنا |
عندك يا ابوالقوق بدوى التجانى 84 وبعدين الباشمهندس محمد صالح
(سودان بايل) من خريجى الخرطوم القدامى وقريب على كدام ديل ممكن
مساهماتهم تكون كبيرة
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
بعد اضافات ابراهيم محمد الحسن وبكرى ابوبكر ودكتورة تهانى عبدالله وأبوبكر عثمان
تصبح لستة (المتزوجـــون):
د. صليب يسي 73 (كهرباء) و د. نجاة بنجامين نخلة 74 (كهرباء)
احمد ابراهيم عباس ( ) و جميلة ( )
عبد القادر الامام 80 (مساحة) و حباب محجوب 84 ( )
الشيخ ادريس مصطفى الامين81 (كيميائية) و أميمة دفع الله الحاج يوسف 82 ( )
عمر مختار81 (كيميائية) وعفاف محمد على 84 (كيميائية)
هشام أيوب 82 ( ) و أمانى نصر الدين 84 (مدنية)
ياسر العبد 82 ( ) و أمانى بدوى 87 (زراعية)
محمد أمير 83 (ميكانيكا) و تهانى عباس 83 (مدنية)
محمد أبو عاقلة 83 ( ) و سهير عبد القيوم 85 ( )
محمد عبدالجليل 83 (كهرباء) و سلمى السعيد 87 (كيميائية)
عماد عوض 83 (مدنية) و فاطمة النور 86 (مدنية)
محمد السراج 83 (كهرباء) و ابتسام محمود 87 (كهرباء)
عصام عبد الله خميس 83 (مدنية) و مها سراج 84 (كهرباء)
الأمين مصطفى الأمين 84 (مدنية) وهالة التجانى 86 (كيميائية)
مؤتمن ميرغنى 84 (كهرباء) و ايمان صلاح 84 (كيميائية)
طه محمود صالح 84 (مدنية) و تبارك موسى عوض 84 (مدنية)
ياسر شندى 84 (مدنية) و كاملة عبد الباقى 85 ( )
على رباح 84 (كيميائية) و سمية عبد المنعم 88 (كيميائية)
عماد عيدروس 84 (كهرباء) وتوسل 95 (كهرباء)
الطاهر عبداللطيف 90(كهرباء) وحنان محمود 85 (كهرباء)
نادر عباس "كوبر" 85 (مدنية) و عايدة عبد الله 90 ( )
معاوية ميرغنى 86 (مدنية) و آمنة الطيب عريبى 86 (كهرباء)
هاشم دهب 86 (ميكانيكا) وسلمى كرم الله 86 (مدنية)
عاطف جلال 86 (مدنية) و صفاء الفاضل 87 (معمار)
معتز صالح "عريس" 86 (زراعية) و رباب إبراهيم 92 (مدنية)
طارق حمادة 87 (كهرباء) و آن عبد المنعم 88 (كهرباء)
عبد الرحمن بابكر87 (كهرباء) و سلمى بريدو 87 (كهرباء)
هشام مجذوب 87 (كهرباء) و سوسن محمد الحسن 87 (مدنية)
عادل التجانى 87 (كهرباء) و أمل بيومى 87 (كهرباء)
عمر حسين 87 (ميكانيكا) و رحاب 90
منتصر محجوب عباس87 (مدنية) وعفراء 88 ( )
ابراهيم مأمون 88 (كيميائية) و سارة ابقرجة87 (كهرباء)
عبد القادر احمد عباس 88 ( ) وهناء على 87 (معمار)
وائل ابوبكر الصديق 88 (مدنية) وهبة حسن 90 (كهرباء)
صديق جيلانى 88 (زراعية) و منى خميس 88 (مدنية)
علاء الدين حسنين 88 (مدنية) و آلاء عزالدين 96 (كهرباء)
سعيد محمد سعيد 88 (مدنية) و وصال 88 ( )
حسام عربى 89 (معمار) وسمر بكرى مكى 89 (معمار)
منصور على المنصور 90 ( ) و هنادى أحمدون91 ( )
خالد مبارك 90 ( ) و سوزان عثمان 90 ( )
ابراهيم البنا 90 ( ) و نورس احمد محمود 92 ( )
سامي عبد الله 91 ( ) و رحاب باجابر 92 ( )
عمار عثمان مصطفى 91 ( ) وأشواق عبد الله ( )
محمد الخاتم حمادة 95 (ميكانيكا) و سيزا عبد الله 98 (كهرباء)
عبدالله جعفر ميرغنى 96 (كهرباء) و صفاء البوشى 98 (كهرباء)
يوسف عزالدين كامل 97 (كهرباء) و ضحى حسنين 98 ( )
احمد فؤاد عكاشة97 (مساحة)وعفراء عبدالمحسن97(كهرباء)
محمد مصطفى ابراهيم97 (كهرباء)وسحر حمزة مبارك97(مدنية)
الصديق عبدالرحمن 98 (ميكانيكا) و لبنى الرفاعي 98 (مدنية)
حسام أحمد إبراهيم (97 كهرباء) - هالة وداعة (97 كهرباء)
محمد إسماعيل محمد أحمد (97 كهرباء) - رانية نعيم (97 كهرباء)
محمد الهادي إبراهيم (97 كهرباء) - نورا علي حافظ (99 مكانيكا)
أمجد عبدالرحيم (97 مدنية)- سلمى خالد (97 كهرباء)
مازن فضل الطيب (97 مدنية) - سماح عمر (97 مدنية)
أسامة أبوالقاسم الخضر (97 كهرباء)- ندى ضرار (99 معمار)
عبد الله تاج الدين عبد الله (كهرباء 93) نسرين ياسين يوسف (كهرباء 93)
محمد نور عبد الله (كهرباء 90) عبير مكي (كهرباء)
أمير سيد عبدالعزيز (كهرباء 90) بدرية محمد النور (كهرباء 90)
عماد الدين الطيب (كهرباء 94) غادة بدر الدين (كيميائية 95)
تمت الاضافة الاخيرة لابراهيم ود.تهان و ود اسماعيل
00249122027690
[email protected]
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
نعود لايام المقاطعة
عمر الحبر قال والله دي (انفناسة دي)
نحن طبعا امتحنا هناك في قاعة بالقرب من مسجد الجامعة وانا كنت عامل فيها
مانديلا وحانقاطع وكدة
ونحن ماشين علي القاعة الكيزان شامتين فينا
صديقي ابراهيم جرايد شافني وقال لي( قسمالباري قسم الباري ما قلت بتقاطع)
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: يا اخوانا
ما نعمل بوست تاني لموضوع دعم الكلية
ودها نخليهو بتاع سربعة وكدة |
شايف ود اسماعيل برضو اقترح كدة اذا ما فى ضمان لرفع البوست
حقو ما اتعمل لكن خلى الناس تناقش الموضوع بجدية واكبر عدد
من الناس بقول رائيو عشان نصل لى شى مثالى
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الهدف الاول : تفهم لدور البوست وتبرع د. كمال عبد اللطيف بكتب قيمه لقسم المساحه سوف تحضر للخرطوم بصحبة عثمان صديق غدا بالاماراتيه من دبى ووعد بالمزيد والاتصال بدكتور عبد العظيم النويرى ( ابوظبي ) ود. محمد يعقوب بجامعة الامارات ( قسم نظم المعلومات الجغرافيه ) بهذا الشأن.... نرجو من تهانى عبدالله وعمر الحبر توثيق لحظات تسليم الكتب بصور وانزالها فى البوست ...
مداخله 7 : تهانى عبدالله ارجو توصيل ايميلى لد.كمال رمضان وهو :
[email protected]
ولك كل التقدير والاحترام
مداخله 8 : فى انتظار كلمة السر
مداخله 9 : تحياتى الى كابتن بهاءالدين
مداخله10 : انتظروا شريط ذكريات من عيون كلية الهندسه وداخلياتها ولم يتم نشره بعد فى البوست ويتكون من الف لفه ولفه والكلام ده ليك ياالمنطط عينيك والمقصود هنا طبعا عمر حسين – عمر الحبر – عاطف جلى – فصمه – بيكو- عوعو- ايريا- حمد خوجلى- الخزرج- اشرف منير – كبيده- جكس- المرررررررررررر وشبو والقرود و.....- . احمد غازى انت كيف نحن جاهزين للشريط بس يدونا كلمة سر . امسكو الزول ده مايهرب
مداخله 11 : اشراقه الجزولى انت وين ولسع يااخوانا تلفونها ذى نمرة عربتها
مداخله 12 : انتو بمناسبة خروج ايطاليا والبابا وكده ياالحبر اخونا ايريا راح فى امريكا ولاشنو ولا الحاصل شنو
حبيبكم طارق الكوتش |
دة ايميل من العزيز الكوتش الغيور على الكية العريقة وابشر بالنسبة للباس ويرد
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: عزيزي الحبر
هذا الإيميل وصلني من زملائي في العمل وهم حالياً في ماليزيا ويمكنك أن ترى الحماس لفكرة المشروع. المهم الآن إنو الناس ديل قاعدين هناك لفترة وراجعين السودان وبالتالي ممكن يقدموا الكثير إذا عرفنا الإحتياجات بسرعة. أفتكر ماليزيا دي فرصة كويسة ولا شنو.
برضو إتصل بي امبارح الأخ طارق خالد (أبو السباع) من دبي وكان الحماس شديد للفكرة وهو متشوق لبداية الخطوات العملية، وأبدى إستعداده للتنسيق مع الأخوان في الإمارات في كل ما يلزم .
أرجو من تهاني أن تنقل هذا الحماس للأساتذة في الكلية علشان هم كمان يهموا شوية ويدونا الإحتياجات بتاعتهم.
تحياتي للجميع و لطارق الكوتش شوق كتير
بكري إسماعيل |
دة ايميل من الرائع بكرى اسماعيل له التحية والتجلى
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
| Quote: نعود لايام المقاطعة |
الفترة ديك الناس كانت مخترقه
فى دفع يقوموا يتفقوا يجتمعوا وقت الامتحان فى حته معينه عشان ما يحصل بيع ويكونوا شايفين بعضهم والزول الما بجى يعتبر فى عداد البايعين
مره ناس خامسة علوم بوتانى ( حوالى 25 طالب) قرروا وقت الامتحان يجتمعوا فى طيبة الذكر جنينة الحيوانات(وللاجيال الجديدة برج الفاتح الان) جابوليهم كومر شالوهم وداهم لمركز الامتحان
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الأخ العزيز باشمهندس الحبر
التحية لك ولجميع الإخوة وتحية خاصة للزملاء الأعزاء في دفعة 87
أتابع باهتمام كل هذه الذكريات المفعمة وسعدت بالمقترحات الموفقة من أجل الوفاء والعرفان للكلية فنعلن دعمنا لكم وحضورنا معكم ونفتح لكم شاشة قناة الشروق للتبشير بالفكرة وحشد الدعم لها متى ما رأيتم ذلك مناسبا
ولك التقدير |
دة ايميل من الرجل الخلوق محمد خير فتح الرحمن له التحية وحتما سيكون دوره فعال فى هذا المجال
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: عزيزي الحبر
إتصال آخر من الباشمهندس جهاد إسماعيل (سد مروي). عنده مجموعة قيمة جداً من مراجع الكهرباء وهو جاي الخرطوم أول الشهر ومستعد لتسليمها فوراً. وهو بيسأل عن مكان التسليم وطريقة الإتصال. نرجو الإفادة
بكري |
دة كمان من بكرى اسماعيل ايضا وخلى جهاد اضرب لى لمن يجى واعتقد انو نمرتى عندو
00249122027690
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: سلام كبييييييييير للناس الزينين
الزول الكلو صلعه و فقه دا وقت ما بدى الباسوير ما بدين يالحبر
البوست جد حار و كتير من الشباب متابعين و ما قادرين يعملوا مداخلة بسبب الباسوير
و كمان فى لستة المتزوجين دخلنا و مرقنا شغلة الشقق دى الظاهر خشوا فيها سماسرة يا ابراهيم السمتو عواطف
اكستنشن المكتبة راح ياابراهيم لكن السوق الشعبى صامد لحدى قبل سنة و عمك الحبر للوقت داك دفتر الجرورة بتاعو فاتح
بالنسبة لمشروع دعم الكلية نحن حاضرين بكل الوسائل و بنقترح انو برضو الناس تفكر فى تاهيل المعامل و توفير برامج الكمبيوتر الاصلية
و دعمنا ممكن يكون فعال اكتر باضافة مكتبة الكترونية
E - Liberary
و سلام عريييييييييييض لاكبر كيس نايلون فى الشرق الاوسط الكوتش
و لكيكى الرباح
و الناس الملاح
ابو السعود |
دة ايميل من سعد ابراهيم لك التحية والراجل ابصلعة دة يبدو انو
مشغول شوية لكن ما حا يقصر معانا
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: شكلى كدة يا هشام مجذوب حا اكون انفصالى بالنسبة لى دعم الكلية
لانو الموضوع عايز تركيز شديد وبرضو عايزين نحكى من ذكرياتنا الما بتخلص |
ياعمربالنسبة للموضوع بتاع فصل البوست نكون مع راى الجماعه ونجرب اذا شعرنا بانو فى تهميش للموضوع نرجع نطرحو تانى هنا
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: يا طلبة مدنية والخريجين عليكم بالتركيز علي التصميم الانشائي والمهندس بدون تصميم
فورمان مثقف |
يا ابو القوق زنقوك فى حاجه ؟
بعدالعمر دا بنقدر نواكب ؟
وهل اذا بقيت بتاع construction
باحتاج اجيدال structure
افتكر دا مجال ودا مجال والتخصص هو من خصائص المجتمعات المتطورة نحن بنعرف جزء من ال structure يكفى لحفظ ماء الوجه
قدام العميل والاستشارى واذا قعدت فى محاضرة او سمنار يكون موضوعه ال structure ما بنسطح
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
Quote: يا ابو القوق زنقوك فى حاجه ؟
بعدالعمر دا بنقدر نواكب ؟
وهل اذا بقيت بتاع construction
باحتاج اجيدال structure
افتكر دا مجال ودا مجال والتخصص هو من خصائص المجتمعات المتطورة نحن بنعرف جزء من ال structure يكفى لحفظ ماء الوجه
قدام العميل والاستشارى واذا قعدت فى محاضرة او سمنار يكون موضوعه ال structure ما بنسطح |
لا يا هشام خالك بقي خطير في التصميم وفي تمانية فوائد
لكن كورس التصميم في الكلية الناس ما قاعدة تهتم بيهو وبتعمتد علي الترس
وبرة الزول بكون (useless)
زي ما قال الصادق شرفي
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: لا يا هشام خالك بقي خطير في التصميم وفي تمانية فوائد
لكن كورس التصميم في الكلية الناس ما قاعدة تهتم بيهو وبتعمتد علي الترس |
انت عارف يا ابوالقوق الواحد بكتسب معارف كتيره بعد التخرج وشكلك انت مارست التصميم بتركيز
وبمناسبة الترس مرات بجيك شعور بان قصة الترس دى شبه مقننه لانو مرات بكون عندك ستة كورسات فى السمستر وكل كورس عندو لاب او ديزاين مفروض يتسلم وتكون الامتحانات داخله والمحاضرات شغاله كلها وما كانت فى امكانيات بتاعة كمبيوتر ترسم بيه القرافات ولا هناك سوفت وير تدخل فيه الداتابجاى تطلع الريزلت بهناك
وكان بتتذكر تحت مكتب العميدفى غرفة فيها طربيزه قزاز فيها لمبه سهلتلينا ترس الكنتور الكان من زمن حاج الباقر عليه رحمة الله
وبتذكر الناس الاشتغلو بمجهودهم الخاص وبدون ترس جابو نمر متدنيه
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
Quote: انت عارف يا ابوالقوق الواحد بكتسب معارف كتيره بعد التخرج وشكلك انت مارست التصميم بتركيز
وبمناسبة الترس مرات بجيك شعور بان قصة الترس دى شبه مقننه لانو مرات بكون عندك ستة كورسات فى السمستر وكل كورس عندو لاب او ديزاين مفروض يتسلم وتكون الامتحانات داخله والمحاضرات شغاله كلها وما كانت فى امكانيات بتاعة كمبيوتر ترسم بيه القرافات ولا هناك سوفت وير تدخل فيه الداتابجاى تطلع الريزلت بهناك
وكان بتتذكر تحت مكتب العميدفى غرفة فيها طربيزه قزاز فيها لمبه سهلتلينا ترس الكنتور الكان من زمن حاج الباقر عليه رحمة الله
وبتذكر الناس الاشتغلو بمجهودهم الخاص وبدون ترس جابو نمر متدنيه |
هشام
غير حاج الباقر والكنتور
في انت تصميم كبري وبدرسوا ابوبكر عبد الوهاب في خامسة
الترس شغال فيهو من سنة واحد وتمانين ولحدي اليوم اظن
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: سلام
بالنسبة لقسم الكهرباء المشكلة عندنا أكتر في المقررات الجديدة
و ما لاقين كتب حديثة ليها
يعني لو تتلقي مراجع Latest تتخت في المكتبة يكون أحس ،
ومن المقررات الجديدة على سبيل المثال هي:
Digital Signal Processing
Microelectronics Technology
Automatic Control
High Voltage Engineering and Protection
Performance Engineering
Dispersed Generation
Computer Security and Disaster Recovery
Artificial Intelligence
Java Technology
Fault Tolerance Computing
Neural Network and Fuzzy Logic
Distributed Computing
Computer Graphics and Vision
Embedded Systems |
الأخت تهانى
لو فى إمكانية نحدد أكثر لل text book المستخدم لكل مادة ... و مرجعين أخرين
أنا ممكن أشير للمراجع فى -إذا لم يكن عندكم تحديد
Vhdl, Verilog (و لا أدرى ماذا تدرسون -أى لغة)
DSP
Neural Network
CA
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: بكرى ابوبكر)
|
سلام يا شباب
وسعيد جدا بالمداخلات والمشاركات .. مريت عليها سريع .. بس حا أرجع ليها واحد واحد بروااقة للتعليق ..
ويا ريت الناس تواصل بنفس الحماس وما تكسل ..
يعني رغم المشاركات الكثيرة .. بس برضو البوست نزل الصفحة الثانية .. وكان ماشي ..
لكن حصلناه ..
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
موضوع مقترح البوست المنفصل لدعم الكلية والمقترحات الجادة .. جاء فيه ما يلي :
كتب محمد إسماعيل:
Quote: يا أخواننا أقترح أنو يكون في بوست منفصل للمشروعات و المقترحات الجادة ، لأنو البوست دا بصفحاتو الكم و عشرين ديل بدا يبقى صعب التصفح ، و الأصعب إنو الواحد يقرأ المداخلات كلها -بالتسلسل طبعا- عشان يقدر يتابع المقترحات و المشاريع المطروحة ، فحكاية بوست منفصل بقت ضرورة .
بعدين عشان تخلوا خليل يواصل لينا ذكرياتو في البوست دا !! |
فرد إبراهيم:
Quote: هلا ود إسماعيل
بخصوص مقترحك .. تعرف حكاية بوست منفصل دي أعتقد صعبة شوية ياخي الواحد ده انت ملاحظ موضوع متابعته ورفعه من الأعضاء فيها صعوبة والناس بتنشغل أحيانا .. فما بالك لما يكونو إثنين !! |
خليل قال:
| Quote: اخوانا .. ما نعمل بوست تاني لموضوع دعم الكلية .. ودها نخليهو بتاع سربعة وكدة |
ظهر الحبر وعقب:
Quote: والله يا ود اسماعيل انا كنت الصباح بتناقش مع هشام مجذوب فى هذا الموضوع ..وانا كنت برى انو البوست المنفصل بيضمن تسلسل الافكار فى الموضوع وتواصلها ..
لكن خفنا من ان البوست يقع فى صفحات بعيدة ومافى زول اشوفو وايضا ممكن فى قراء من الزملاء ما يتشجعو لقراءة البوست وانا اقتنعت براى هشام بان وجود الموضوع فى بوست اليوم الحار بيضمن كمان انو عدد القراء يكون كبير ودة عامل مهم جدا للدعم |
| Quote: اذا ما فى ضمان لرفع البوست حقو ما اتعمل لكن خلى الناس تناقش الموضوع بجدية واكبر عدد من الناس بقول رائيو عشان نصل لى شى مثالى |
وختمها هشام مجذوب:
Quote: ياعمربالنسبة للموضوع بتاع فصل البوست نكون مع راى الجماعه ونجرب اذا شعرنا بانو فى تهميش للموضوع نرجع نطرحو تانى هنا
|
انا برضو رغم التحفظ .. فمع راي الجماعة .. البتوصلو ليه .. معاكم
وطبعا ممكن يكون في مقترح تاني بإنشاء موقع (web site) خاص بخريجي كلية الهندسة عشان تتنوع المواضيع من مقترحات جادة .. وكمان ناس خليل يلقوا راحتهم في الونسة والحكي ..
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
| Quote: تفهم لدور البوست وتبرع د. كمال عبد اللطيف بكتب قيمه لقسم المساحه سوف تحضر للخرطوم بصحبة عثمان صديق غدا بالاماراتيه من دبى ووعد بالمزيد والاتصال بدكتور عبد العظيم النويرى ( ابوظبي ) ود. محمد يعقوب بجامعة الامارات ( قسم نظم المعلومات الجغرافيه ) بهذا الشأن.... نرجو من تهانى عبدالله وعمر الحبر توثيق لحظات تسليم الكتب بصور وانزالها فى البوست ... |
التحايا للعزيز طارق الكوتش .. ومجهوداتكم مقدرة ..
بس بخصوص التسليم .. أرجو إنه ما يكون individual .. يعني أي دعم تم إستلامه يرسل لل Focal Point في السودان .. والناس تنتظر إلى أن يكتمل مشروع الدعم وينظم التسليم بصورة مكتملة ..
- نتضامن معاك بخصوص الإسراع بالباسورد .. وفي إنتظار شريط الذكريات ..
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
| Quote: و كمان فى لستة المتزوجين دخلنا و مرقنا شغلة الشقق دى الظاهر خشوا فيها سماسرة يا ابراهيم السمتو عواطف |
معقولة يا سعد ..الموضوع بس سقط سهوا .. ولا يهمك الشقة محفوظة
| Quote: سعد ابراهيم ادريس 87 (مدنية) ولمياء موسى 94 (معمار) |
الحبر تنسى سعد كده ؟
| Quote: اكستنشن المكتبة راح ياابراهيم لكن السوق الشعبى صامد لحدى قبل سنة و عمك الحبر للوقت داك دفتر الجرورة بتاعو فاتح |
والله جد الواحد نفسو في بوش كده كاارب في السوق الشعبي ..
تهاني تعزيمنا لما نجي السودان؟ ولا كان زمان
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
| Quote: مداخله 12 : انتو بمناسبة خروج ايطاليا والبابا وكده ياالحبر اخونا ايريا راح فى امريكا ولاشنو ولا الحاصل شنو |
الكوتش .ز إيريا بخير وده كلام منو :
Quote: تحية مليئة بعد ذلك بالمحبة.. إكتمل اليوم المؤتمر بسانتا باربرا وغدا في طريقي إلي لوس أنجلوس والشكر أجزله لكل الذين إتصلوا وسهلوا علي الرحلة , جمال حسن, عبدالناصر خورمي, عمار صديق شقيق المهندس عثمان صديق وأمريكا ضكرنة شديدة .. ونسال الله ان يقلب كل شر خيرا ويسهل علينا سفرنا
تحية أخري
محمد الطيب سليم |
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: يا سعد وليد القروت ده مابيدوهو سر
تحايا وشوق كتير جدا للغالين الكوتش,صلاح مختار, هاله,سعد وجميع المتداخلين.
د.تهاني قلوبنا معاك وانشاء الله بنتك من المتفوقات دوما.
بهاء الدين |
دة ايميل من العملاق بهاء الدين واسف للتاخير
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: كنت بانتظار الباسورد لكن الظاهر الموضوع دا طويل ويمكن محتاج دمغة جريح ولا حاجه
على العموم لقيت فاتني كتير لانو الايقاع سريع اكتر من اللازم
لنبدا من النهاية أي موضوع مقاطعة الامتحانات ثم نعود للوراء واحده واحده
الايام دي المنقه نضجت فى هندسه وبالتالي العام الدراسي انتهى
ما عارف اذا عندكم فكرة عن مقاطعة الامتحانات الكانت في الشهر دا ولا لا ؟
السبب انو حوالى 900 طالب من الجامعة منهم 14 من هندسه ( قبول خاص ) لم يتمكنوا
من سداد الرسوم وحرموا من الامتحان
بدات المقاطعه في كلية الزراعه وقاطع الجميع باستثناء طالب واحد قام الطلاب بضربه ومن ثم
اغلقت الكليه ابوابها
ثم تمت مقاطعة الامتحانات في كلية التربية مما ادى الى قفل الكلية
ثم جاء دور طلاب اداب (قراية القاب ) الذين قاطعوا المحاضرات لكن تحت التهديد
دخلوا الامتحانات فيما بعد
وبعدها مباشرة دخلت امتحانات سمستر تو في هندسة لتبدا بمادة الدروينج سنه تانيه
ورغم التهديد والوعيد لم يدخل ناس تانيه الامتحان
اليوم التالى كان للسنه الثالثه مادة الرياضيات لود المكي فواصلوا الاعتصام حتى
لا يخذلوااخوانهم ناس تانيه
الاستاذ ود المكي كان مفتكر انهم ما عايزين يمتحنوا مادته تحديدا والموضوع
شخصي فحزن لذلك لكن لما شرحوا له السبب تفهم الموقف
ثم جاء دور ناس رابعه الذين لم يحضروا اصلا من منازلهم
اما ناس خامسه فدخلوا الامتحان بدعوى ان جميع دفعة خامسه تم تسجيلها
وانهم غير متضررين
تمت المقاطعه طوال الاسبوع الاول من الامتحانات
عبدالله خوجلي ( العميد ) اجتمع بالطلاب وعالج الموضوع بتكوين لجنه
للنظر في امر الطلاب غير القادرين على دفع الرسوم على ان ينزل الطلاب
لامتحانات الاسبوع الثاني في ميعادها وبعدها امتحانات الاسبوع الاول
كلية التربيه فتحت ابوابها بعد حل المشكله بينما لا تزال كلية الزراعه مقفوله
أيمن عباس 92 |
دة ايميل من ايمن عباس وبالنسبة للباس ويرد انت ال اتاخرت فى ارسال الايميل , رسل لى تلفونك فى الايميل
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
[السلام عليكم يا سادة يا كرام انا الان فى شركة الوتين فى نمرة 2 مع مرتضى حسن وعمار ابشوك
ومحمد الخاتم ومعانا اظرف ظرفاء كلية الهندسة واحد عمالقة كلية الهندسة ومن عباقرة النكتة
فى الكلية وهو السيد عمر حسين ودالحاكم وانا اصريت ان يحكى لنابعض الحكاوى الحلوة لننقلها
لكم على الهواء مباشرة خليكم معنا
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
[السلام عليكم يا سادة يا كرام انا الان فى شركة الوتين فى نمرة 2 مع مرتضى حسن وعمار ابشوك
ومحمد الخاتم ومعانا اظرف ظرفاء كلية الهندسة واحد عمالقة كلية الهندسة ومن عباقرة النكتة
فى الكلية وهو السيد عمر حسين ودالحاكم وانا اصريت ان يحكى لنابعض الحكاوى الحلوة لننقلها
لكم على الهواء مباشرة خليكم معنا
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
| Quote: ومعانا اظرف ظرفاء كلية الهندسة واحد عمالقة كلية الهندسة ومن عباقرة النكتة فى الكلية وهو السيد عمر حسين ودالحاكم |
بالغت عدييل كده يا عمر حسين
ياخي طيب رد اتصال التلفون وقول مسافر ..
ولا خايفني أشيلك شنطة ؟
على العموم وقعت في شرك عمر الحبر والبوست حا تدخلو حا تدخلو .. والباسورد جاياك جاياك ..
نتمنى لك إقامة طيبة وسط الأهل ..
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
الان المايكرفون مع ودالحاكم
الكلام الان لعمر حسين
من النصايح التى تلقيتها فى البرليم من احد السناير المخضرمين(السيد حسن مدنى82) عن مفهوم الصب
ان لا انظر للصب على انه فشل بل انظر اليه من ناحية انسانية لان هناك كمية كبيرة من الموظفين
والعاملين على طباعة الامتحانات والمراقبين ومساعدى التدريس وكذلك الذين يقدمون الماء للممتحنين
وايضا العاملين بالكافتريا و.......... و.......... وكل هؤلاء يحصلون على اجر اضافى وحوافز تساعدهم على
الانفاق على اسرهم وهناك جانب اخر وهو ان قيام امتحانات الصب يساعد على الحفاظ على الكاليندر
الموضوع من قبل ادارة الجامعة ويحافظ على استقرار العام الدراسى وعليك ان تتخيل حجم الخسائر
التى ستحدث فى حالة عدم وجود امتحان صب كما ان الصب حق من حقوقك يجب ان تحافظ عليه
| |
|
|
|
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: مداخله 13: بسلم على كل الناس وبقول ليهم مشتاقين
مداخله 14 : حأبدأ معاكم بمسابقه بسيطه واتلقى الردود على
[email protected]
السؤال الأول :-
من القائل ( أو المقصود ) و أكمل عند الضرورة
1 - انا جبل ال.... المابنطلع
2- أمين تعال حمد امش
3-...... انا عايزه لولى ببا
4- ياانسان
5- ياسر محمد احمد كسلا المربعات
6- اسمك مبعثر فى كلمة اشر صابونتك فيها حلاة منظر
7- بثرى ارح اثكول
8 – عندو ترترين واحد شايلو ساى والتانى بلعب بيهو
9- بت الصحافه حلاته بالنضاره
10 - سعد غنى
مواصلين امسكو الخشب ودعوه للمشاركه فى وضع السؤال
طارق الكوتش |
ايميل من طارق الكوتش
| |
|
|
|
|
|
|
|
| |
ابراهيم محمد الحسن
Tahani abdalla Attia
khaleel
Hisham Magzoub
Elawad
hisham civil
Mohamad Shamseldin
بكرى ابوبكر
فيس بوك
تويتر
انستقرام
يوتيوب
بنتيريست