اليوم الحار ومابنداريوم الهندسة والمعمار

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 20-09-2018, 11:16 PM الصفحة الرئيسية

منبر اليوم الحار لخريجى كلية الهندسة و المعمار بجامعة الخرطوم
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
19-01-2006, 05:09 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: Ahmed El Gasim)

    يا زول نحن دخلنا الجامعة سنة خمسة وتمانين

    اجمل الدفعات علي مستوي الجامعة

    واجمل البنات

    واكلنا وشربنا علي حساب الشعب السوداني

    وسكنا في عمارات وسط الخرتوم

    المتخرجين ليها شنو

    طه العب في خزان مروي

    كشوهو من السعودية
                   |Articles |News |مقالات |بيانات

19-01-2006, 01:24 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    ومشينا سنة رابعة بنجاح تام ولا ملحق من اتناشر مادة كل المرتبين السابقين استوعبو الدرس
    كمال الشيخ كريم مرتضي حجازي وبقية العقد الفريد.

    لكن ناس دفعتنا اتخرجو وافترقنا وبعيننا المني واربعة عشرة عاما لم نلتقي بعدد كبير منهم.

    لقينا تلاتة من كبار الكيزان مربتين في رابعة حبيب الله بابكر وسامي وعبد الهادي

    حبيب الله اتخرج معانا عبد الهادي مشي الجنوب
    اما سامي لغز سمعنا ان الحكومة بعثته لرحلة تجسس في كينيا ولم يكمل حتي السمستر الاول
    حبيب الله هسع في السودان عندو اربعتاشر سكرتيرة
    عشان تقابل البشير اسهل من ان تقابل حبيب الله.

    انقعد في هذه الفترة موتمر التعليم العالي والذي اوصي بتصفية السكن والاعاشة.

    بدات الشرارة في كليات الطب وتم نزع بعض الداخليات وبدات الاحتجاجات في الجامعة والاعتقالات ومازلت اذكر دكتورة ريلة عواض وهي من بنات بورتسودان وهتافها الشهير

    لا تسويف بالاسكان.
    بدات المعركة وقررو التصفية وذهبنا لمكتب مدير الجامعة مامون حميدة وهتفنا ضده

    خائن خائن يا مدير ما ليك امان

    يا عميل الجبهة الفاشية داير ليك بيت وعربية ونواصل
                   |Articles |News |مقالات |بيانات

19-01-2006, 02:48 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    اسوا قرارات الانقاذ هو تصفية السكن والاعاشة وانشاء الجامعات الجديدة
    ياخي ديل ما خلو صالون سمح في قرية والا عملوهو جامعة.

    مامون حميدة مهندس تصفية السكن والاعاشة بعد اختلافه مع ابراهيم احمد عمر وطرده من ادارة جامعة الخرطوم قال

    ان الجامعات الجديدة تخرج ممرضين والدولة انشات كليات بيطرة باماكن ليس بها ماء

    معركة شرسة خضناها مع السلطة في تلك الايام ولكن هزمنا وقبلنا بالواقع .

    وصار مستوي الاكل ردي خالص وصرف لاي طالب عدد تلاتين تذكرة علي مدار الشهر للفطور والغداء والعشاء.

    تمت خصصة الاكل بالصفرة وتم اسنداهو للمقاولين

    وكان صديقي الهادي يقطع التذكرة ويقف امام الصفرجي ويقول له هاك ادينا ( طبيخ حرقان)
                   |Articles |News |مقالات |بيانات

19-01-2006, 03:44 PM

انتصار محمد صالخ بشير
<aانتصار محمد صالخ بشير
تاريخ التسجيل: 23-02-2005
مجموع المشاركات: 1288

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    الاخ خليل

    الاخوة المتداخلين

    سلامات ذكرياتكم جميلة واصلوا هذا الابداع الجميل

    يا خليل الدكتورة ريلة عواض الطبيبة الجميلة صديقتى هى الان

    ببورتسودان عندها مركز طبى معروف

    معكم واصلوا

    انتصار
                   |Articles |News |مقالات |بيانات

20-01-2006, 03:05 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: انتصار محمد صالخ بشير)

    شكرا يا انتصار واحيي كل اولاد وبنات بورتسودان حاتم بخيت وحسن صيام وحسام نقدالله وناصر سيد احمد وبت طمبل وبت ابو امنة وهدي وهالة الطاهر الحاج وبقية العقد الفريد.

    بدات قرارات تصفية السكن والاعاشة بندوة في قاعة الشارقة بمباركة اتحاد الكيزان برئاسة التجاني المشرف وكان مدير الجامعة بروفسير تنقاري ولابد ان احيي ابنته الرائعة الست وصال.

    ساد الجامعة كثيرا من المظاهرات والاحتجاجات وقد بدات اولي الشرارة بمحاولة نزع داخلية كرار.

    خرجت المظاهرات من الجامعة حتي بلغت ميدان ابوجنزير .
    اقتحم الجامعة واطلق الرصاص فقدنا علي اثره البرلوم الرائع طارق ود كوستي قتلته ايدي الغدر والخيانة بين النشاط والقانون برصاصة اخترقت صهريج الماء الذي كان مختبيا خلفه.

    واعتقل كل الذين كانو في بص العزاء المتوجه الي كوستي

    كما تم فصل حاتم المهدي رئيس الاتحاد واسامة ادريس وعدد كبير من اعضاء اللجنة التنفيذية للاتحاد

    ونواصل
                   |Articles |News |مقالات |بيانات

20-01-2006, 04:59 PM

Ahmed El Gasim
<aAhmed El Gasim
تاريخ التسجيل: 25-10-2005
مجموع المشاركات: 673

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    واسامة ادريس
    اسامة بتاع اسكول مش كدة؟ اسامة احمد ابن ادريس ؟انسان رائع وكنت اعرفه من المتوسط والثانوي لانه دفعة شقيقي الاصغر وطه النور!والتقيته قبل سنين هنا بالامارات وله التحية اينما كان؟
    خليل
    واصل ...لك الشكر فهزه فترة (اعمامك نحن)لم نكن بالسودان
    !!!!!
                   |Articles |News |مقالات |بيانات

20-01-2006, 05:00 PM

انتصار محمد صالخ بشير
<aانتصار محمد صالخ بشير
تاريخ التسجيل: 23-02-2005
مجموع المشاركات: 1288

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    فوق فوق يا شباب الهندسة
                   |Articles |News |مقالات |بيانات

20-01-2006, 05:22 PM

mohammed elsaim

تاريخ التسجيل: 20-08-2003
مجموع المشاركات: 200

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: انتصار محمد صالخ بشير)

    من قلب الأحزان والآهات المتعددة المتجددة، هانحن معكم...
    ياخليل نسيت من بورتسودان مامون النعيم (ود المكي؟) من أحرف من لعب للهندسة لكنه مقل... والمهندس الرائع الشفيف الخفيف كنسمة صيف محمد غزالى.. انا وهو دخلنا قاعة الجى ال تى فى غزوة أحيائية... كان هناك بروفيسور فتحي الربعة؟ سأل: من أنتم وماذا تريدون هنا... همهم بعض الأطباء - ديل ما معانا... خبأتنا الدكتورة الجميلة ريلة فيما تيسر من مقاعد جوارها... ديل معانا يادكتور... وحكى لى المهندس ياسر راشد من الدفعة الورانا فى كهرباء عن معركة انتخابية حامية الوطيس كانت الدكتورة ريلة طرفا فيهاومرشحة لمنصب الرئيس.. انتهت، كالعادة، بانتصار هندسي كاسح على أبناء وبنات الطب الكسيح.. كانت المعركة بخصوص رابطة ابناء بورتسودان بجامعة الخرطوم... وفى هذه السانحة نذكر صديقا عزيزا لمحمد غزالى الدكتور مهندس أمير عون الشريف... تعازينا الحارة فى الفقد الكبير...

    (عدل بواسطة mohammed elsaim on 20-01-2006, 08:57 PM)

                   |Articles |News |مقالات |بيانات

20-01-2006, 05:39 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: mohammed elsaim)

    انسي كيف ود المكي اتلقيته قبل شهر في السودان طبعا يا الصائم انت عارف انو اخوات مامون الاتنين واحدة متزوجها صلاح ادريس والتانية جمال الوالي روساء الهلال والمريخ

    واغني ناس في السودان. ونزار بارتيته شغال معاهو مدير في شركاته

    والود غزالي لما مشي درس الكورس الصيفي في بورتسودان بنات الثانوي العالي بغنو ليهو من عيونك يا غزالي

    وكذلك ايهاب بتاع ميكانيكا وجمال نرنر
                   |Articles |News |مقالات |بيانات

21-01-2006, 01:17 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    طبعا تم ابعاد مدثر التنقاري من منصب مدير الجامعة وتعيين اسوا مدير للجامعة الخرطوم

    المدعو مامون حميدة رجل شرير بعد اختلافه مع ابراهيم احمد عمر وزير التعليم العالي انذاك شتم كل قرارات ثورة التعليم العالي

    وذكر ان الجامعات الجديدة تخرج ممرضين وليس اطباء.

    كان في ذلك الوقت كل اعضاء اتحاد المحايدين مفصولين وقد اصر مامون حميدة علي قيام الامتحانات

    واعضاء الاتحاد مفصولين.

    وقد اصر الطلاب علي الغاء قرار فصل الطلاب وعودتهم للجامعة او مقاطعة الامتحانات.

    لا يفوتني الدور الرائع الذي قام به الراحل بروفسير عون الشريف في عودة الطلاب المفصولين.

    تم تشكيل لجنة تسيير للاتحاد برئاسة الدكتور محمد ابراهيم حارس مرمي فريق الطب لقيادة الاتحاد.

    وفي مسيرة غاضبة ذهبنا للمكتب مامون حميدة لتسليمه مذكرة

    قام بتسليمها محمد ابراهيم.

    تخيلو مامون قابله بالاحضان واستلم المذكرة

    وتاني يوم اصدر قرار بفصله من الجامعة.

    وما زلت اذكر العبارة التي قالها احد اعضاء لجنة التسيير

    ( قال رسول الله صلي الله عليه وسلم

    شر الناس من اتقي الناس شره)

    وكذلك هو مامون حميدة الذي يقبل الان الطلاب في جامعته الجديدة بالاف الدولارات


    فاصل ونواصل

    ابقوا معنا
                   |Articles |News |مقالات |بيانات

21-01-2006, 02:13 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    ياسلام يا ابو خليل يا زكريات

    اجل السكن والاعاشة كانت معركة جيلنا

    خضناها دفاعا لحقوق الاف الطلاب

    الفقراء الذين كانت مجانية التعليم

    وامتيازات السكن والاعاشة

    هي احد العوامل التي تساعد

    كتيرا في تفريغ اجيال من الذين مروا

    علي قاعات الجامعة المختلفة

    واولهم الكيزان الذين يجعجعون اليوم

    لولا مجانية التعليم لما كان

    مثل الترابي او مامون حميدة

    اوابوعلوة

    ولكن دمرت الجامعة

    من كيزانها الذين يحملون حقدا

    كبير"ا تجاه طلاب هذه الجامعة

    ونذكر اننا كما قلت

    تم توزيع مايسمي

    بالتيكت

    وتم فصل الالاف

    من الطباخين

    والسفرجية والعمال

    الذين كانوا جزء اصيلا

    من نسيج الجامعة

    وياحليلهم وحليل

    الاسبيشل بتاع يوم

    الاثنين الذي كان مغريا

    لدرجة يمكن ان تدك ليهو لكشربحالو

    ولعلك تذكر الرمضان بتاع

    كورس(1)

    في سنة ثانية

    والله ياذي الازانا

    وتتخيل التكيت بتاعتي كانت بتخلص يوم 15

    ولكن حفظ الله اصدقائنا من اولاد الخرطوم

    الذين كانوا لا يسكونون في الداخلية

    فقد كانوا خير عون لنا في الموضوع

    بتاع التكت ده...........
                   |Articles |News |مقالات |بيانات

22-01-2006, 01:07 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    الاخ خليل

    والله زمان وزمان

    شايفك فاتح بوست بتاع عرس ...

    انت يا ابو الشباب الشاكوش بتاع القط ده لسع مدور لحدي حسي ولاشنو؟

    .......................................................................

    اراك في فترة غيابي تحدثت عن ودالمكي

    ذلك الاستاذ

    العجيب ماس عجيب واكوشنات غربية مابتعرف الزول ده بجيبها من وين

    وبحلها بسهولة وحنكة وده كان دكتور يعني دكتور


    وهنا لابد من الوقوف والتحية لكل هولا الدكاترة العظماء في علمهم

    وتعاملهم الراقي وتواضعهم الجم

    اذكر هنا الدكتور اسامة,

    سعد عدنان بتاع البيسك

    وفي ثانية

    دكتور جوزيف,مدحت,

    وشيخ المساحين حاج الباقر احد كبار المساحين علي مستوي العالم

    وكان مرجعا كبير في هذا الشان

    والدكتور التاج(صاحب ناس ) خليل بتاع الرسم الهندسي

    وحسن فاشر والنويري وكمال عبد اللطيف ...وديل يا خليل علماء بتاعين مساحة كبار

    وقرني ومحمد عثمان وعكود والصادق شرفي

    ولكل التيوترات وصبرهم علي ترسنا وشغب المجانيين منا................
                   |Articles |News |مقالات |بيانات

22-01-2006, 01:12 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    كانت الجامعة تفور وتمور والطلاب اعضاء الاتحاد مفصولين واصر مامون حميدة علي قيام الامتحانات في مواعيدها.

    علي ما اذكر كانت اول امتحانات بتاعة ناس اداب ودخل الطلاب قاعة الامتحانات وقامو بتمزيق اوراق الامتحانات وخرجو من القاعات

    وهنا قام مامون حميدة بقرار يهودي حيث قرر افراغ الداخليات من الطلاب بواسطة رجال الامن

    تم اخذ البرالمة بالقوة الي كلية الشرطة لاداء الامتحانات هناك
    بعضهم ذهب بالجلاليب

    وبعضهم ببجامات النوم وبعضهم لم يستطع الاجابة علي ورقة الاسئلة

    وكان هناك ناس من خارج يمتحنون ويقوم التلفزيون بتصويرهم للراي العام

    بان الامتحانات تسير علي ما يرام.

    قرار افراغ الداخليات ومناشدة وتهديد مامون حميدة للاسر عبر التلفاز استطاع ان يكسر عزيمة بعض الطلاب مما سبب فشل مقاطعة الامتحانات لاحقا

    كما سنروي
                   |Articles |News |مقالات |بيانات

23-01-2006, 01:41 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    الوضع في الهندسة كان زي بقية الجامعة

    بعد طرد الطلاب من الداخليات الناس اتجههت نحن مشينا اجتمعنا في جزيرة توتي وقررنا المقاطعة

    لكن بالنسبة لينا نحن لو قاطعنا ما عندنا فرصة تربيت لان كل فرصنا كملناها في سنة تانية

    ابو الدرداء برضو ماكان عندو فرصة فقال في الاجتماع انا ما حاقدر اقاطع فكان شجاعا

    تشاورت مع والدي وذكرت له بان الطلاب حايقاطعو وانا لو قاطعت ما عندي فرصة

    فقال لي خليك مع ما يقرر ابناء دفعتك.

    المهم بدات الامتحانات في سنة تانية هندسة وقد قاطعها معظم الطلاب وكان امتحان الرسم الهندسي

    عملو دكتور التاج الذي رفدنا في سنة تانية وكان زول قلبو مع الطلاب فعمل امتحان صاموتي

    اي طالب دخل سقط

    وقد فطن الكيزان لغتاتة دكتور التاج وتم فصله من الجامعة مع دكتور عادل خضر وسمير ومعتصم

    لانهم تضامنو مع الطلاب ورفضو وضع الامتحانات في هذه الظروف

    نواصل
                   |Articles |News |مقالات |بيانات

24-01-2006, 04:35 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    كانت الجامعة عبارة عن ثكنة عسكرية ناس الامن خارج الجامعة يسمح بدخول الطلاب الممتحنين فقط.

    الامتحانات بدات بناس سنة تانية هندسةقاطعها معظم الطلاب وبعضهم دخل وامتحن

    وفي مجموعة كبيرة من الشرفاء قاطعو وربتو السنة منهم ياسر راشد وصلاح اليون ومعظم ناس خامسة معمار رفضو تسليم مشروع التخرج.

    نحن امتحانتا كانت متاخرة شوية بعد انيهار عزيمة الطلاب وكنا مصريين الا ندخل لاننا بنكون خنا الطلاب الذين قاطعو.

    الحاجة الانا لسع مزعلاني اني انا تركت اصدقاء الكفاح الذين ربتو وفصلو معاي في سنة تانية.

    ومشيت اذاكر مع مجموعة سبعة وتمانين احمد محي الدين شبو تجاني حجازي مبارك عثمان

    صديقي كمال الشيخ زعل مني شديدا واعتبرني اني بعته لاني طوال التلات سنوات ونحن بنذاكر مع بعض.

    ولكن طبعا نحن مطرودين من الداخلية والوضع استسنائي عشان كدة هربنا لمنزل احمد محي الدين.

    كنا ما عارفين نعمل شنو مرة نذاكر ومرة نمشي نجتمع لنقرر المقاطعة جهججه جد.

    المهم صديقي الحنكوش هاني فاروق برضو كان ماسك العصاية من النص مرة اذاكر ومرة اقول حاقاطع الامتحانات.

    قام مجموعة من الطلاب بزيارته في المنزل ووجدته غارقا في المذاكرة وقامو بسواله

    يا هاني ما قلت حاتقاطع بتذاكر مالك فقال لهم

    just in case
                   |Articles |News |مقالات |بيانات

25-01-2006, 02:03 AM

mohammed elsaim

تاريخ التسجيل: 20-08-2003
مجموع المشاركات: 200

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    خليل
    دخلت اللحم الحي...
    اجتمعنا فى معمل الالكترونيات.. اخذ ورد.. بعض الطلاب كان يصر على اتباع رأي الأغلبية، بعض آخر كان يصر على الإجماع بحيث اذا (تخاذل) واحد يسقط القرار... قلت لهم بصريح العبارة انه لن يكون هناك إجماع حتى لو تعلق الأمر بوجود الله... كان حسم النقاش بالنسبة لي ان يرفع المشاركون فى الامتحانات أيديهم، فهم مستعدون للدخول ولو حيل بينهم وبين الامتحانات بالدبابات وقلت اننا نعلم ان هناك كيزان وهم لن يقفوا مع قرار موجه ضدهم... رفع 4 او 5 طلاب أيديهم.. قلت فليرفع المقاطعون أيديهم اذا كانوا سيقاطعون حتى لو انطبقت السماء على الأرض (بهذا اللفظ تحديدا).. رفعنا أيدينا خمسة أو ستة طلاب وطالبة واحدة... بقي الآخرون بين بين... هنا قلت مرتاحا هذه هى النتيجة النهائية... كنت مخطئا ولا ألوم أحدا... لم تنطبق السماء على الأرض لكني قاطعت حتى آخر نفس.... بقيت وحدي حتى النهاية فى خامسة كهرباء... خطبت فيهم ان الموقف واضح تماما فنحن ندافع عن قضية خاسرة بحسابات الكسب ولكنها رابحة بالانحياز للمبدأ.. لم أتعلم لغة الدبلوماسية عن التوازن الدقيق بين المصالح والمبادئ... بقيت تلك المسألة معلقة فى ذهنى حتى قرأت لكيسنجر يلخص كل السياسة والعلاقات الخارجية فى ذلك الصراع بين المبادئ والمصالح.. عرفت ان لدي تجربة أعتز بها.. قد تكون خاطئة.. لكنه صراع فلسفي لم يحسم ولن يحسم ماعاشت البشرية... كان المبدأ بالنسبة لي التضامن مع اخوة رفعهم الطلاب لقيادتهم ولا يجوز ان نتخلى عنهم، وأن تبقى فى السودانيين فئة ولو قليلة تقول للظالم انها لاتخشى وعيده وبطشه... لو راحت تلك الروح منا لبكيت طويلا عليها أكثر مما كدت ابكي على مستقبلي يكاد يفر من بين يدى د. عبدالرحيم العبيد الكوز المتغطرس، لكن تلك قصة أخرى... كانت وقفتى من أجل حاتم المهدي رئيس الاتحاد وصديقى من سادسة ابتدائي وأول من دخل بيتنا من أصدقاء بحري...

    خطأ المحايدين القاتل كان فى الانجرار لمؤامرات الكيزان وفى قصم ظهر الطلاب بقرار كبير حاولوا تحميلهم مسؤوليته باستفتاء هزيل وماكان هناك من داع لامتحان الطلاب بالتضحية والنتيجة معلومة سلفا فلن ترجع المقاطعة طالبا مفصولا وهناك وسائل أجدى لتحريك الرأى العام...

    كل ما تحدثني نفسي بأنني ضيعت عاما فى لاشئ أتعزى بمن فقدوا وظائفهم من البروفسرات - أين أنا من د. معتصم محمد عبدالله فى الكهرباء ود. عادل خضر فى المدنية؟ كلاهما من الجمهوريين وكانا من أنقى من مشى على أرض جامعة الخرطوم.. وأين أنا من بروفيسر سمير جرجس ذلك القبطي الذي أحب السودان كما لم يحبه أحد وتجرد فى صوفية نادرة لعلمه وكان يعشق التائية لكثير عزة.. وأين أنا من د. عبدالجليل كرار، الذى طردنى يوما فى البرليم لما ظنه سوء سلوكي ثم أبدى أسفه، رحمه الله رحمة واسعة.. أين أنا من د. التاج، الصديق اللدود لخليل، وهو يخسر وظيفته فى مقتبل حياته المهنية؟ اولئك ابائي فجئنى بمثلهم اذا جمعتنا ياجرير المجامع...

    مازلت أسائل نفسي ان كان قراري وحدي صائبا أم خاطئا.. انا موقن منذ أول يوم ان قرار المقاطعة بقيادة المحايدين قرار خاطئ تماما... لكنني لم أندم لحظة على مقاطعتى لكل المواد.. لو تذكر كنا أفرادا يعدون على اليد الواحدة اولئك الذين قاطعوا كل المواد فى السمستر الثاني من طلاب السنة الخامسة.. قاطعت ونادر كوبر وربما أخرون لا أذكرهم..مامون حميدة كان يصرح بأن من أبى الامتحانات فقد أبى الجامعة... طبعا هناك كثرة فى رابعة وماتحتها وهناك كثرة ممن قاطعوا مادة ومادتين.. لكن فى خامسة... خامسة غير.... نجحت كل السمستر الأول بدون ملحق.. وأمامي والتخرج اسبوعان... حقيقة لم أغضب من أحد بسبب المقاطعة وكانت توقعاتي فى محلها تماما وكنت سعيدا بكل من قرر التضحية ولو جزئيا... اصدقائي فى الجبهة الديمقراطية قاطعوا مادة او مادتين، بقيادة الفردة عماد عيدروس. وتفهمت دواعي من لم يقاطع من أصدقائي الكيزان والآخرين... تقديرى الخاص واحترامي لدكتور عاصم صغيرون وهو يحاول معى المستحيل ليقنعني بانقاذ مايمكن انقاذه... وسلامي واحترامي لدكتور الرشيد وهو يقف معي فى وجه الصلف والفرعنة الكيزانية ممثلا بدكتور عبدالرحيم العبيد..
                   |Articles |News |مقالات |بيانات

25-01-2006, 09:24 AM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: mohammed elsaim)

    خليل والصايم

    والله زمان

    المقاطعة كانت من اكبر الاخطاء التي ارتبكها المحاديين

    ووضعنا بين مطرقة التضحية وسندان المستقبل

    نحن بالمساحة ...

    حسمنا الامر بالتصويت...

    في اجتماع شهير بمنزل صديقنا (طارق عمر خالد مضوي)...(طارق فصمة)

    .......

    ولكن كان الامر مربوط بمتابعة نسبة دخول الطلاب

    للامتحانات....


    اجل لم نقاطع..

    ليس لموقف سياسي...

    او تمرد علي قرارت الاتحاد

    ولكن...تعلمنا منذها ان لا نضع كل البيض في سلة واحدة............
                   |Articles |News |مقالات |بيانات

25-01-2006, 01:14 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    ونحن ما زلنا مترددين نقاطع ولا ندخل الامتحان الشباب كانو بمشو الاجتماع

    وانا بذاكر في منزل احمد محي الدين والقلب بين مهابة ورجاء.

    الدكتور محي الدين احمد الفكي الراحل المقيم والد صديقي احمد (ابو اليل)

    كان ينصحنا ونحن في منزله بان هذه معركة خاسرة ضد سلطة قابضة وقاهرة فيجب علينا ان ندخل الامتحانات لان مقاطعتنا للامتحانات لن تسقط الحكومة.

    المهم قررنا ان نمتحن وعمر الحبر عندو مقولة ظريفة حيث قال

    ( والله دي انفناسة دي)

    هناك مجموعة ظلت صامدة حتي اخر لحظة هم هشام جادالله وضاح محمد عبد الحي عبيد عبد الرحمن العبيد ووجدان الخير حمور
    وليد كريم الوحيد الذي قاطع وامتحن مادة واحدة وربت.

    وضاح قاطع مادة واحدة واحضر شهادة طبية.

    هشام وعبيد دخلو القاعة وهم يبكون وشعرو بالهزيمة ولكن شوف عيني ملو كراسين من كراسات الاجابة.

    ظلت العلاقات متوترة بيننا وبين هذه المجموعة حتي نهاية فترتنا الدراسية.

    وعندما ذهبنا للكورس المساحة في جبل اولياء فرزو عيشتهم وقد اسميتهم الليكود واطلقت اسم
    غولدا مايير علي الزميلة وجدان الخير لها تحياتي الحارة.

    اول امتحان كان في قاعة الدراسات الاسلامية قرب مسجد الجامعة ونحن ماشين مهزومين علي القاعة.

    كانت الكيزان من دفعتنا يخرجون لنا السنتهم وكان صديقي الكوز الكبير ابراهيم جرايد

    يشاغلني خليل خليل ما قلت ما حا تمتحن وانا فعلا كنت عامل فيها مانديلا ونواصل
                   |Articles |News |مقالات |بيانات

25-01-2006, 01:46 PM

elsawi
<aelsawi
تاريخ التسجيل: 13-06-2003
مجموع المشاركات: 4233

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    الأخوان عبدالكريم وخليل
    لقد قمت بلفت نظر شقيقي حامد الصاوي عضو البورد الكسول لهذا البوست الرائع، ووعد بمساهمة دسمة بعد إصلاح جهازالكمبيوتر الخاص به.
    وربما عدت انا ايضا لان هذا البوست بدأ يلمس جوانب تهم كل الجامعة وليس فقط الهندسة والمعمار مثل مجانية التعليم وشهادة لندن والمحايدين. وبالمناسبة المحايدين أول ظهورهم كان عندنا في الإقتصاد عام 86 بقيادة عادل عبدالجليل (جاليلو) ورحاب عبدون وطارق ابوشوك وغيرهم ثم إمتد وجودهم للكليات الأخرى ثم للإتحاد

    الصاوي

    (عدل بواسطة elsawi on 25-01-2006, 03:01 PM)

                   |Articles |News |مقالات |بيانات

25-01-2006, 02:05 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: elsawi)

    تحياتي للصاوي

    والزميل العزيز حامد الصاوي وكل ناس المورده الحلويين

    وسلام خاص لعادل عبدالجليل بامريكا وطارق ابوشوك وكل كافتريا اقتصاد

    ودكتور بشير عمر ذاتو
                   |Articles |News |مقالات |بيانات

25-01-2006, 02:14 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    الصاوي اخوان

    سلام للجدعان ...ووين حامد ده

    انكتوا لينا عليك الله... لانو افادته مطلوبة بحكم انه من كبار الديناصورات في الهندسة.........

    وفعلا الامر هنا اصبح يحتاج لافادات كل الناس الذين عاصروا تلك الفترة............
                   |Articles |News |مقالات |بيانات

26-01-2006, 05:53 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    فاتني ان اذكر راجل كوز لكنه كويس جدا والكيزان ليس كلهم اشرار علي سبيل المثال انا بحب مهدي ابراهيم خالص.

    زميلنا الشهيد علي عبد الفتاح صاحب عبارة الدبابين واول من اطلق هذا الاسم

    لاقناهو في سنة تالتة وكان عندنا امتحان مع دكتور زروق وبعد الانتهاء من الامتحان ونحن راجعين

    القي ركن نقاش حار وشخص صوته عالي جدا ويقول تالله وبالله

    فوجئت بانه علي عبد الفتاح وسالته يا علوب مالك ما جيت الامتحان

    قال لي الامتحان ملحوق .

    كلام غريب وانا خفت من قناعات زي دي

    الله يرحمه ويرحم ود مدني الرائع ابوعبيدة الخواض وخباب وعمر فلاشا
                   |Articles |News |مقالات |بيانات

27-01-2006, 03:56 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    فوق ...........

    عشان ...روح شهداء الحركة الطلابية.......

    عشان سليم

    بشير...

    التاية......طارق

    وكل الذين اعتقلوا وعذبوا في بيوت الاشباح...

    وخرجوا وهم اكثر تماسكا....وصلابة


    عبد الفتاح الحبيب

    حاتم الريس

    واسامة............وفوق
                   |Articles |News |مقالات |بيانات

27-01-2006, 04:58 PM

انتصار محمد صالخ بشير
<aانتصار محمد صالخ بشير
تاريخ التسجيل: 23-02-2005
مجموع المشاركات: 1288

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    الاخوة الكرام

    السلام عليكم ورحمة الله تعالى وبركاته

    ذكريات جميلة وتوثيق لفترة هامة وحرجة من مراحل حياتنا

    عاوزة اقول ليكم طبعا فى تلك الفترة ونحن طلبة درسنا خارج السودان

    عدنا من الجامعات العراقية بعد تقديم استقالتنا جماعيا لاسباب سياسية

    تم استيعابنا بالجامعات الليبية وكنا مترددين للدراسة بليبيا

    قابلنا احد الاستاذة بجامعة الخرطوم وهو يكمل اجراءاته للسفر الى ليبيا

    ونصحنا بالسفر لان كثير من زملاءه فى طريقهم الى ليبيا وفعلا فى جامعة

    واحدة متخصصة التى درست بها وجدت 35 استاذ جامعى اذكر منهم

    البروفسور يوسف قرشى وبروفسور ابراهيم سعيد ودكتور محمد خير ودكتور

    جادالله الحسن وفعلا استفادت ليبيا منهم وكانوا مصدر فخر لناان نتخرج

    ونحن نحمل علم من اهل العلم.بعد ان شردوا من اوطانهم

    واصلوا هذه الزكريات


    انتصار
                   |Articles |News |مقالات |بيانات

28-01-2006, 01:46 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: انتصار محمد صالخ بشير)

    الاخت انتصار شكرا علي المداخلة...

    وحتما ستداعي الذكريات لتخلد اجمل الزكريات


    وعفوا سادتي ...وعكة طارئة المت بسيد الناس وسيد البوست

    وانشاء الله يخف ويجيكم ..بذكرياته الرائعة...

    خليل..طلب مني ان احي الاخوان


    حسن خضر واشرف شمت وعبدالعزيز سيد الناس..........لهم التحية والتجلة وين ما هم قاعدين
                   |Articles |News |مقالات |بيانات

30-01-2006, 05:31 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    نعود لمعهد الدراسات الاسيوية وكانت به قاعات امتحاناتنا والكيزان شمتاتين علي انكسارنا

    وناس الامن بره عضلات تبش ورشاشات وبالقرب من باب القاعة الواحد جاتو فكرة اقاطع ولكن الناس جاية كلها مذاكرة وجاهزة للامتحانات

    ويبدو ان الذين قاطعو راحو في( طهور بت الكاشف)

    ونحن مترددين لسع واحد من بتاع ناس الامن هرشنا ليك

    هوي يا صعاليق اما تخشو الامتحان اما تتخارجو من هنا

    فشعرنا بالهزيمة ودخلنا قاعة الامتحان ونسينا النضال

    اول امتحان كان امتحان طرق وكان بدرس المادة دكتور ابراهيم محمد الطيب وهو محسوب علي الاسلامين

    وكان امتحانو ساهل جدا من غير عادته

    وعندما خرجنا من قاعة الامتحانات سالنا الزميل مصطفي بوب

    كيف كان الامتحان فاجاب

    بانه امتحان سياسي ونواصل
                   |Articles |News |مقالات |بيانات

31-01-2006, 05:24 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    مرت امتحانات المقاطعة وبعض الطلاب مات علي دينه وقرر المقاطعة حتي النهاية وربتو

    وبعضهم تحايل علي القانون بان احضر شهادة طبية وامتحن ملاحق المهم انتصرت السلطة علي الطلاب في معركة غير متكافئة

    اليلة عندي اتنين اخوان اشقاء اصدقاء لدرجة الجنون عظيكا وكلوب من اولاد مدني

    كلوب عندو لغة خاصة جدا جابة من وين ما عارف كمصلح انت ثعلب هوائي ويا وز ويا هو

    كلوب يدرس بالكهرباء وفي مشروع التخرج بتاع السنة النهائية قام خالد حماد الذي يدرس مدنية بعمل مشروع التخرج لكلوب

    وكان ببرنامج كمبيوتر صعب جدا وكلوب مسطح وفي المناقشة ما عرف اجاوب حاجة

    دكتور عاصم صغيرون اكتشف الراجل ما اشتغل المشروع وقام بتربيته وهنا حصلت اجمل شكلة بين دكتور عاصم من جهة وكلوب وعظيكا من جهة

    امشي يا دكتور يا حكنوش

    دكتور عاصم يا اولاد ما تقلو ادبكم انا ود امدرمان انا مولود في ابوروف ونواصل
                   |Articles |News |مقالات |بيانات

02-02-2006, 04:19 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    عدنا والعود احمد بعد الوعكة الصحية

    تكلمنا عن كلوب واليوم اتكلم عن شقيقه عظيكا.

    ونحن في قاعة الامتحان وفي بداية الامتحان اخرج عظيكا بخرة ووضعها في نصف كراس الاجابة

    ولكن دكتور وليم كان مراقبه جيدا وقبضه متلبس واستلم البخرة واستدعي الكنترول هاج عظيكا وماج

    وقال لدكتور وليم

    بس يا دكتور ثبت لي حقي اني ما استفدت من البخرة

    تم فصل عظيكا لمدة عام للغش التجاري وعاد السنة القادمة ونواصل
                   |Articles |News |مقالات |بيانات

02-02-2006, 05:30 AM

Hamid Elsawi
<aHamid Elsawi
تاريخ التسجيل: 22-09-2005
مجموع المشاركات: 2095

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    Hi All
    I will be back soon
    Hamid
                   |Articles |News |مقالات |بيانات

02-02-2006, 06:09 AM

Hamid Elsawi
<aHamid Elsawi
تاريخ التسجيل: 22-09-2005
مجموع المشاركات: 2095

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: Hamid Elsawi)

    كم سعدت بهذا البوست الرائع
    و يا الصاوي مافي داعي للفضايح الكمبيوتر ما فيه مشكله
    المشكله الوقت (الوكت) حلوه دي مش كده
    الأماني الجميلة لكل المتداخلين و الذين يستمتعون بالمتابعه (و قد كنت
    منهم)و بهذه المناسبة في صيف 1998 كنا متلمين في الرياض (السعودية)
    أنا و طارق صن(SUN) و غازي و ياسر محمد أحمد (أبو صلعة)
    و في الونسه عرفنا ان دكتور التاج في الرياض فقال غازي أحسن ما نتلاقي
    تاني لأنو دكتور التاج لو عرف ح يجي يدينا ملحق.
    لدكتور التاج كل التحيه أينما كان و لكم الود
                   |Articles |News |مقالات |بيانات

02-02-2006, 07:16 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: Hamid Elsawi)

    مرحبا حامد الصاوي

    يا جراب الحاوي

    واظنك خير من تحدثنا عن السياسة

    في جامعة الخرطوم

    زي ما عارف نحن كورة وكوتشينة وجكس بس
                   |Articles |News |مقالات |بيانات

02-02-2006, 03:34 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    انتهت امتحانات المقاطعة وبعدها مشينا جبل اولياء كما ذكرت سابقا لكورس المساحة

    وناس مجموعة اليكود فرزو عيشتهم وضاح محمد عبد الحي وعبيد عبد الرحمن العبيد وهشام جادالله ووجدان الخير

    ووصفونا بالخونة لدخولنا الامتحانات مع العلم بانهم دخلو ونحجو بدون ملاحق.

    في اجازة امتحانات المقاطعة بدات اخطر مرحلة في حياة خليل.

    كنت اذهب في الاجازة لصييدلية قريبي وهو دفعتي واتخرج قبالي طبعا

    وهناك وجدت معه حسناء ساسميها بعد الان الشول عرفت انها تم فبولها بجامعة الخرطوم بعد درست سنة في الفرع.وكانو برالمة بيطرة في سنة اولي علوم

    اتعرفت عليها وهناتها بانضماها لجامعة الخرطوم وذكرت لها لما تفتح الجامعة انا حاقابلها هناك.

    بعد تلات اسابيع او شهر فتحت الجامعة واستقبلت البرالمة الجدد وكان من ضمنهم الشول

    وانا في كلية الهندسة قابلني الصديق كرار وقال لي يا خليل امشي المين الرود سريع قريبك معاهو برلومتين شرط.

    ذهبت للمين رود ووجدت قريبي والشول وبت بلون البنفسج اسميتها بعد ذلك بالقطة

    سلمت علي الشول وقريبي وعرفوني بالقطة طوالي قلبي دق

    ومشينا شربنا ليمون في بزنس واتونسنا

    الشول قالت لي خلاص يا خليل بكرة عازمنك فطور


    وابتدا المشوار ونواصل

    (عدل بواسطة khaleel on 09-03-2006, 05:56 AM)

                   |Articles |News |مقالات |بيانات

03-02-2006, 02:57 AM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    Quote: و في الونسه عرفنا ان دكتور التاج في الرياض فقال غازي أحسن ما نتلاقي
    تاني لأنو دكتور التاج لو عرف ح يجي يدينا ملحق



    وينك يا الصاوي يالذيذ والحمد الله ما مشيتو لانو انا واخوي الكاشف (خليل)

    قاعدين في قطر كان راس السوط وصلنا هنا..ويقوم يعملها ملاحق علي مستوي الخليج....

    عموما مرحب بيك وفرحانيين بشوفتك ....

    وما تشتغل بكلام السكرتيرات ديل لانو كمبيوترك انا متاكد انو بكون كومبيتر مخضرم....

    اخوك كيكي
                   |Articles |News |مقالات |بيانات

03-02-2006, 10:53 AM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    Quote: وعرفوني بالقطة طوالي قلبي دق


    خليل موجوع يا جدعان...والموضوع ح يحلو............اوي
                   |Articles |News |مقالات |بيانات

03-02-2006, 10:58 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    يا اخوانا الزمن ده كلو بنكتب عن المربتين والمملحقين اسمحو لي ان اذكر ليكم الشطار من دفعات تلات وتمانين حتي تمانية وتمانين

    ولو نسيت زول شاطر ما ازعل

    ايهاب ايوب وخالد حماد مدنية 83

    ظافر عبده ونجوي قدح الدم 83ميكانيكا
    محمد عبد الجليل 83 كهرباء

    نادر حسنين واسعد يحي مدنية 84

    حمد حماد والدسوقي واشرف عبد الحافظ وريمون وبول ديل دفعتي مع عثمان يوسف مشي كلية العلوم 85

    محمد المنتصر 86

    محمد القرني و منتصر محجوب واحمد شبو 87

    وائل ووليد ابوبكر عبد الوهاب زياد وسعيد 88 وبالمناسبة ناس 88 ديل شطار كلهم

    اسمحو لي برضو المهندسن الذين تزوجو مهندسات

    طه وتبارك

    معاوية وامنة

    موتمن وايمان

    الجيلاني ومني

    وعايز اسلم علي عمر عائس

    ومرتضي حسن وعمار ابوشوك وعلي شرشحة وهشام مجذوب ومحمد الخاتم وايهاب فريد ومحمد كرار وصلاح اليون
    وطارق الكوتش ومدثر الرشيد وعثمان صديق وخالد المبروك ومامون جواري ومحمد عجيب وبكري اسماعيل

    ورائد عباس وطارق حمادة وحسن صيام وطارق خيري ومحمد بهاء وبشري الفاضل
                   |Articles |News |مقالات |بيانات

03-02-2006, 04:05 PM

انتصار محمد صالخ بشير
<aانتصار محمد صالخ بشير
تاريخ التسجيل: 23-02-2005
مجموع المشاركات: 1288

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    واصلوا نحن بالانتظار

    انتصار
                   |Articles |News |مقالات |بيانات

04-02-2006, 05:15 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: انتصار محمد صالخ بشير)

    شكرا انتصار

    نعود لعزومة الشول والقطة للوجيه خليل وهو الان في سنة خامسة هندسة سابعة جامعة مع برلومتين شرط حلا وحمار

    تاخرت في النوم حتي العاشرة صباحا واخدت حمام تاريخي مع عطر باريسيي وقميص اصفراني وبنطلون جنز .

    كان من المفترض ان اذهب للفطور الساعة تسعة لكن مشيت الساعة عشرة

    وجدت القطة والشول في انتظاري واعتذرت عن التاخير وسالت القطة ماذا لو اتاخرت اكتر من كدة

    اجابتني بكل غرور كنا حنمشي ونسيبك والله طوالي كسرني الغرور دها واستدعيت كابلي

    مغرور بحبك بقلب مسحور بحبك

    تناولنا الساندوتشات والليمون ومشينا المين الرود.

    عرفت ان القطة اهلها بسلطنة عمان وهي خلطة عجيبة امها رومانية وشايقية من ناحية ابيها

    لونها كلون هيفاء وهبي طويلة ضعيفة عيونها جميلة نظراتها ساحرة

    شوية مستبدة.

    تونسنا حتي الساعة واحدة ظهرا وعرفت كيف تفكر البرلومة

    كنت في المنتصف بين الشول والقطة في ذلك اليوم كهارون الرشيد ونواصل

    (عدل بواسطة khaleel on 09-03-2006, 05:52 AM)

                   |Articles |News |مقالات |بيانات

05-02-2006, 05:06 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    معليش نبهني المهندس عاطف جلال اني نسيت عدد من المهندسين الذين تزوجو مهندسات

    عاطف جلال صفاء الفاضل

    محمد عبد الجليل سلمي السعيد

    سعيد ووصال

    مي ابو العزايم

    وليد حسن عمر امل شيخ الدين

    وناس كتار

    معليش ساعود للموضوع الحب مرة اخري
                   |Articles |News |مقالات |بيانات

05-02-2006, 01:54 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    الشول برلومة مركبة مكمنة سناير بت لذيذة جعفرية افكارها كانت سابقة سنها كانت بتقول لي

    عارف يا خليل الجكس دها كلو ممكن اقدم تنازلات بس عايز شريعية .

    البت كانت مفتحة وانا كنت بقول ليها والله انتي مرضعك الشيطان.

    استمرت الايام جميلة بيني وبين الشول والقطة.

    القطة شوية صعبة وكانت بتتعامل معاي بقسوة شديدة جدا لانها جميلة خالص وانا بستحمل كل التهزي والاضطهاد عشان انا وصلت سنة خامسة ولازم اطلع بعروس من الجامعة

    وكنت دائما اتذكر قول الفنان ابين في مواقف استبسل وعن رويا الحبيب حالا ابين في مواقف اتوسل

    ظلت القطة موضوعي الشاغل كيف استطيع ان ادخل قلبها مرات تصدقو بنقعد مع بعض من الصباح حتي المغرب

    نتكلم في اي شي عدا الحب.

    مرات احس انو البت جات في القاطر ومرات احس انها بعيدة جدا

    صدقو مرة كان معاها من سبعة صباحا حتي سبعة مساء ولما جات ماشة قالت اليلة ما استفدت اي شي


    شوفو البرلومة دي بتعمل في خليل ابو سبعة سنين جامعة شنو ونواصل
                   |Articles |News |مقالات |بيانات

05-02-2006, 01:58 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    واصل.......يا ابو الخل...واماني ماوقع راجل

    وعافي منك يا القطة..........

    Quote: القطة شوية صعبة وكانت بتتعامل معاي بقسوة شديدة جدا لانها جميلة خالص وانا بستحمل كل التهزي والاضطهاد عشان انا وصلت سنة خامسة ولازم اطلع بعروس من الجامعة
                   |Articles |News |مقالات |بيانات

06-02-2006, 05:10 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    يا اخوانا نسيت اكتب عن سنة رابعة

    اخطر سنين الهندسة فقد بها الصديق عمر الحبر اربعة سنوات

    وجلس بها ياسر شندي وحبيب الله وثلة من الاوليين وقليلا من الاخرين

    طبعا كل سنوات هندسة عدد مواد السمسترين اتناشر مادة

    صديقي هشام فتح الرحمن اتعود ياخد كل سمستر مادتين ملاحق

    ليصير عدد المواد اربعة وهي اقصي عدد من الملاحق بعدها ربيت طوالي

    عمل الحركة دي في تانية وتالتة ونجحت

    لكن فشلت في رابعة لان عدد المواد اربعتاشر

    وتم تربيته

    وجاء في القاطر

    بعدين في تيمان لم خالد وهشام لم يفترقو

    منذ اولي ابتدائي

    استطاع دكتورهجو تفريهم بعد ان ربت احد التيمان

    وكانت المقولة الشهيرة

    انا هجو تاني تجو
                   |Articles |News |مقالات |بيانات

06-02-2006, 01:19 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    يا سلام علي القطة وهي تسجل زيارة لخليل في كلية الهندسة يا سلام علي الطول الاضافي واللون الابيض

    والناقة بتاعة بنات الشهادة العربية.

    كل كلية الهندسة تفغر فاها من الدهشة حامد اتناي يريل الحارث يتراشق عمر حسين مزهول شبو مندهش

    وناس اجو اسلم عليك من غير سبب عشان يحظو بالسلام علي القطة.

    نمشي المين الرود وكافتريا اقتصاد وانا متبختر ومستحمي ونضيف صديقاتي القديمات يشعرن بالغيرة

    وانا مع البرلومة الحلوة .

    يا سلام علي القطة وهي تجيب لي موية بالكوب الذي اسمه المك.

    دسيت الكورة من الاصدقاء ما عرفتها باي زول من اصحابي ما عدا الهادي الاصم ومرات مرات احمد محي الدين

    لكن البقية يعرفونها بجمالها فقط

    ودسيتها من عيون الناس عشان عزول ما اطولو.

    الشول صديقة للقطة ولكن عملت عالمها الخاص وبرضو انا بخلطها واديها الفيها النصيب

    لكن يبدو برغم انهم اصحاب البينهم ما عامرة تحت تحت كما سيرد لاحقا.
                   |Articles |News |مقالات |بيانات

07-02-2006, 05:05 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    في سنة خامسة في حاجة اسمها مشروع التخرج ولازم اي اتنين مع بعض اعملو مشروع

    وكان معاي في المشروع المهندس ابوبكر حجازي وهو تحت عنوان برك معالجة مخلفات المجاري واعادة استعمالها.

    والمشروع يقع بالقرب من الحزام الاخضر وقامت اليابان بتنفيذه في السودان

    ونحن ندرس مدي فاعلية هذه البرك في معالجة مياه مجاري الخرطوم.

    وكان الدكتور المشرف علينا هو بروفسير خدام.

    كما استمتعنا ببروفسير دفع الله الترابي العالم العلامة عدو الانجليزي وكان يدرس بالعربي

    في مادة التصميم حاجة تسمي اللدونة.

    وله عبارات شهيرة حيث كان يقول

    نخرج الان من حدة المرونة الي سعة اللدونة

    وعبارة اخري

    ان هذه العارضة لو تعرضت لوزن كجناح باعوضة لسقطت


    نواصل
                   |Articles |News |مقالات |بيانات

07-02-2006, 03:20 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    عاد المهندس حامد عجبان من السودان

    بعد ان استمتع بزواج هشام حسن المحايد الكبير

    وزواج اسامة سيد الرايحة زميل في الجامعة لمدة سبعة سنين

    وقابل محمد الطيب ايريا المربت الكبير

    وهو يعمل الان في ابراج السنط

    وايريا عمل راوية كبيرة

    اسمها مسارات السراب

    وقام بطبعها

    وعندما حاول توزيعها

    القي الوالي المتعافي
    الاكشاك بالعاصمة

    وايريا قال انو الحكومة قاصداهو
                   |Articles |News |مقالات |بيانات

07-02-2006, 04:32 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    خليل .........

    مسارات السراب حتما ستكون راوية رائعة...ومتفرده..ومحمد الطيب سليم زول مرهف

    ومساح كبير..وكان لعاب كورة..وعزال في الخلط..ونكتتو جاهزة 24 ساعة

    وفعلا الحكومة بتكون قاصداه...من زمن حكايتو مع حاج نور
                   |Articles |News |مقالات |بيانات

08-02-2006, 05:35 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    صديقي دكتور مصطفي سنادة راجل حلو واحرف من لعب الكرة في وسط الملعب وهو اساسي

    في منتخب جامعة الخرطوم.

    خبراتو في الونسة مع الجكس ضعيفة جدا مرة كان خالط الحلوة ايمان بت علوم وكان مكسر فيها.

    فقلت ليهم يا ربي مصطفي دها بونس في البت دي بقول ليها في شنو.

    ذهبت خلفهم وكاتلني الفضول.

    فسمعت مصطفي بقول ليها صدقي شت كورتين الاتنين دقن في العارضة.


    مرة عايز اصارح ايمان بحبه لها فجلس معها في كافتريا علوم وقال ليها

    يا ايمان ما لقيت البت البتفش عليها شريكة حياة.

    فاجابت ايمان ومن هي سعيدة الحظ دي

    فاجابها انتي يا ايمان فاصابها الزهول

    ودها اسوا انواع الحب من طرف واحد يولد مقتولا ويموت مقتولا
                   |Articles |News |مقالات |بيانات

08-02-2006, 01:25 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    علاقاتي بالقطة تسير بين مدي وجزر ساعة احس اني ملكت قلبها وساعة احس انها بعيدة مني بعد كوكب

    المريخ.

    كانت تتعامل مع الناس بصلف لكن مغرور بحبك.

    مرة احد البرالمة قال ليها يا قطة عندنا رحلة فرايك شنو معانا مع مجموعة من البرالمة والبرلومات

    فاجابت بكل عنجهية انا ما فاضية ليكم

    فانتض البرلوم وقال لها

    ما فاضية لينا انتي عارفة يا بت ناس الجامعة عملو ليك قنبور لكن انا بقطعو ليك

    البرلوم عجبني ونحج فيما فشل فيه خليل ابو سبعة سنين

    ولان خليل وقف بين بين بكي مرتين

    لكن خليل بستعمل حكمة الامام الشافعي

    وفي القلب صبر للحبيب وان جفا

    ساد الحسد بين القطة والشول ويبدو ان تورتين في الدكة ما بفقعدو

    الشول اوشت بكلام سخيف للهدي صاحبة القطة بانهم ذهبو لمدينة الرياض

    وهناك في شاب اخذ القطة في زقاق ضيق ومظلم واحضرها بعد نصف ساعة.

    اوشت هدي للصديقتها القطة بكلام صديقتها الشول عنها

    وهذه المعلومات عرفتها من القطة لاحقا

    كما سيرد.

    في هذه الاجواء كان حب خليل بين صدره

    لم يخرجه يكتفي بالونسة مع القط

    وزي ما قال العندليب

    ما قادر اصارحك بحبي الكبير


    ونواصل

    (عدل بواسطة khaleel on 20-03-2006, 03:53 PM)

                   |Articles |News |مقالات |بيانات

08-02-2006, 01:31 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    يا سلام ........يا ابوالخل.......... يا الوناس الكبير..........

    وعليك الله قووووووووول....
                   |Articles |News |مقالات |بيانات

08-02-2006, 01:40 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    القطة عندها عيون جميلة جدا

    بعدين اتخيلو انا لو في اول المين الرود والقطة في اخره وتشوفني بترسل اشارة من عيونها

    انا اجي اقدم فروض الولاء والطاعة

    بعدين عندها حركة بترفع حاجب وتنزل حاجب

    طوالي بتجي في خاطري اغنية كابلي

    ياخي ما ما تلاعب حواجبك

    يا السهاد عيني عاجبك

    واحلفك ياخي بمجونك

    ما تغرود لي عيونك

    امكن اشفي من جنونك

    لو تصدق مستحيل

    ادمنت القطة

    وانا في سنة خامسة

    نسيت المحاضرات

    ونسيت الناس

    وابيت خلاني

    خاصمت الكل علشان حباني
                   |Articles |News |مقالات |بيانات

08-02-2006, 01:44 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    انت يا خليل الكباري دي ..

    بعملوها ناس مدنية ولا كهربا...(كع)
                   |Articles |News |مقالات |بيانات

09-02-2006, 04:06 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    فاتني ان احيي استاذة الكلية وناس مدنية بالذات

    دكتور هجو

    دكتور زروق

    دكتور عبدالنبي علي احمد

    دكتور ابراهيم محمد الطيب

    دكتور الصادق شرفي

    دكتور عكود

    دكتور جمال عبده

    دكتور علي زروق

    دكتور محجوب عثمان

    دكتور النعمة

    دكتور النعمة

    بروفسير خدام

    بروفسير المرحوم الجاك

    دكتور المرحوم دفع الله

    بروفسير دفع الله الترابي

    دكتور ابوبكر عبد الوهاب

    دكتور عبدالله ابراهيم

    دكتور برسي

    دكتور عادل خضر


    ديل علماء السودان وصانعي المدنية الحديثة

    لهم التحية والتجلة

    ومن علمني حرفا صرت له عبدا
                   |Articles |News |مقالات |بيانات

09-02-2006, 03:00 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    اسبوع تمام والقطة مسجلة غياب ما شايفها في الجامعة

    ويوم ماشين علي داخلية البنات مع صديقي الهادي الاصم قابلتنا رحاب صاحبة القطة بالقرب من بوابة

    الداخلية اتونسنا معاها شوية وسالتها عن القطة وين ما ظاهرة.

    فاجابت بانها موجودة.

    المهم اتحركنا من الداخلية ومن هناك اطلت القطة زي هلال رمضان

    وجاتني فاطمة الحاج الفنانة و غنت في داخلي

    لاقيتو باسم زهر المواسم

    لاقيتو باسم وانشرح صدري

    لاقيتو باسم زي ليلة القدر


    تبادلنا السلام والكلام وبليت الشوق

    وقالت لي يا خليل يوم الخميس حاجوني ضيوف من جامعة الفرع

    فاحجيك في هندسة عشان تتونس معاهم ونكرمهم

    قلت ليها حاضرين

    اطلبي عيني وعمري وروحي ليك

    خلصت المحاضرات بدري يوم الخميس ومفروض امشي البيت لعطلة نهاية الاسبوع

    وظللت منتظر القطة وضيوفها حتي الساعة الرابعة والكلية بقت فاضية

    المهم لما ما جات اخدت بعضي وتوجهت للامدرمان
                   |Articles |News |مقالات |بيانات

09-02-2006, 03:40 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    Quote: المهم لما ما جات اخدت بعضي وتوجهت للامدرمان


    والله عافي منك يا قط.........

    ماقلتواولاد جعل
                   |Articles |News |مقالات |بيانات

09-02-2006, 03:58 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    الهادي

    وجلي
    والحسين
    وطه النور
    وعبدالفتاح الحبيب

    ومجاهد

    النور جابر

    وغازي

    وخالد خضر

    ديل كلهم مظاليم الهوي

    بس ما اجو اضاربونا

    معاهم لوي نمر

    وعزالدين نبق

    وعباس ياسين

    وحسن محمود

    وخالد كاهن
    وعزالدين الخير

    واحمد شبو

    ونادر حنكورة


    ديل كلهم مظاليم الهوي

    اصلي مجروح مرتين

    امكن القي الزي فيكم

    ضاق عذاب الحب واتعذب سنين
                   |Articles |News |مقالات |بيانات

11-02-2006, 04:58 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    عدت صباح السبت للكلية وحضرت محاضراتي في امانة الله وفطرت في الكافتريا

    وصبرت نفسي بالام شرة الخميس الشهيرة

    وبقولو الغايب غزرو معه وفي غيابك ياما نشيل اللوم

    توجهت للبركس وبالقرب من النادي الجغرافي وفي مسطبته اشوف من بعيد القط خالط

    الله الله دها القط الشراني

    توجهت اليهم اجد القط مع ولد ابيض وجيه احرق الدم حتي شعره سبيبي

    شعرت بقصة في حلقي وقلت يا ابوالخل ( game is over)

    الولد من خارج الجامعة درس بالمجر كما عرفت اجهزة مخابراتي لاحقا

    شقيقه خالة القطة.

    المهم قامت القطة وسلمت علي بحرارة شديدة جدا وكانها شعرت بالذنب لان ردار المراة

    الداخلي يجيد التقاط الرجل الذي يحبها

    عرفتني بالود الروش المعاها واسمه علي سلمت عليه وقلت ليه شرفتنابالجامعه

    باقي نحن الزول المابقرا جامعة الخرطوم عندنا فيهو راي

    اصرت القطة ان اجلس معهم

    لكني اعتذرت

    وسالتها لماذا لم تحضر يوم الخميس

    فاجابت بكل تجاهل

    هو يوم الخميس كان في شنو

    تركهم واقفين

    وقلت للود الحلو المعاها

    علي عن اذنك

    (عدل بواسطة khaleel on 09-03-2006, 06:02 AM)

                   |Articles |News |مقالات |بيانات

11-02-2006, 01:39 PM

mohammed elsaim

تاريخ التسجيل: 20-08-2003
مجموع المشاركات: 200

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    عافي منك ياخليل.. الصاع صاعين.. ما تخذلني وأسمع انك بعت تاني...

    تحياتي لكثير من الأصدقاء الذين يتابعون من على البعد...

    هناك كثيرون وعدوا بأن يدلوا بدلوهم فى نهر الذكريات الرقراق من هنا... كبيرهم عاطف مرسي وهو موسوعة فى الشخصيات والمواقف الهندسية الرائعة.. عاطف وعد بتحريك نصر الدين دروب وطارق صن ومزمل عبدالكريم الشهير بمزمل ضيق.. كان مضيقها شديد لكنه من أوسع الناس روحاومرحا...

    عاطف يخص بالذكر العزيز عثمان كمال الدين الشهير بنيوتن وله معه حكاوي وحكاوي.. طبعا طارق صن هو شقيق الفردة، دكتور(to be) محمد محيي الدين الذي كان فردتي فى معظم اللابات... ومحمد محيي الدين اذا ذكر لابد من ذكر الدكتور تو بي الآخر نجم الدين فضيل.. كلا الدكتورين، ان شاء الله، فى مراحلهم الأخيرة لتشطيب أبحاثهم.. وأظن محمد محيي الدين او البروف كما كانت تسميه شلة مزمل ضيق وهشام مجذوب، قد فرغ سلفا من الدكتوراة...

    على ذكر الدكاترة المهندسين، هنالك الدكتور المعماري ياسر عبدالله عبدالرازق، أولنا من بحري الحكومية وثاني الشهادة السودانية فى 86... كبرنا كبر، كان ذلك قبل عشرين عاما عندما فازت مصر بالبطولة فى القاهرة واليوم التاريخ يعيد نفسه... في ذلك التاريخ جاءت الدورة مع امتحانات الشهادة وكانت الدورة تقام فى مارس بدلا من فبراير وقد جهجهتنا فى المذاكرة...

    ومن الدكاترة من دفعتنا دكتور مهندس أمير عون الشريف ودكتور مهندس أسامة أحمد محمد من أولاد بحري، حلة حمد... ثلاثتهم يحاضرون حاليا فى الجامعات الأمريكية.. وهنالك الدكتور المهندس بول سلامة من الكهرباء أيضا دفعة 85 يدرس فى انديانا... وكان هناك دكتور مهندس محمد المنتصر وقد فضل العودة الى السودان..

    وعلى ذكر البطولة الأفريقية او كأس العالم، كنت أذهب من الداخلية للمبيت مع الفردة المهندس أحمد محمدالأمين ومن هناك متابعة المباريات فى الحلفايا او الازيرقاب.. وكنا نفضل بعد انتهاء المباريات فى الازيرقاب الذهاب الى الحلفايا حيث الشلة معاوية ميرغنى وياسر عوض من اقتصاد وأمين العبد من بيطرة والنقيب معاش فيصل العبد والذي أحاله الكيزان الى المعاش فى ريعان شبابه.. ثم نعود حوالي الثانية صباحا قافلين من الحلفايا الى الازيرقاب.. فى الحدود بينهما هناك لاسلكي الحلفايا المشهور وبعده خور عمقة متران أو أكثر.. ود الأمين كان يضحك بأنه أرجل راجل ماقاعد يقطع الخور معه فى مثل تلك الساعات ويسألني ان كنت خائفا.. أجاريه وأقول له: انت والناس عارفين جنونك، أنا ذنبي شنو سايب الداخلية وفي أنصاص الليالي حايم بين الخيران.. ثم يخوفني أكثر كما يظن: قبل يومين عفصت لي دابي بجاي أعمل حسابك من الحفر دي.. أتقافز من الحفر والشقوق والعشر هنا وهناك وأنا أسب وألعن متابعتي له، وكما يقال البباري الجداد بوديه الكوشة... فى يوم ضرب فينا نور بكسي، والساعة اثنين صباحا، والمنطقة مشهورة بالسكاري، ودالأمين طلب أن نجري حتى لا تقبضنا دورية حظر التجول وجرى.. وبقيت أنا فى سيري المعتاد.. وجدته مختبئا داخل الخور وهو يحتج بأنني سأكون سببا فى جلب المشاكل له.. ضحكت على خوفه ونصحته بان يبكر فى النوم بدل الحوامة والمساككة...

    (عدل بواسطة mohammed elsaim on 11-02-2006, 01:41 PM)

                   |Articles |News |مقالات |بيانات

11-02-2006, 01:52 PM

omdurmani

تاريخ التسجيل: 22-06-2002
مجموع المشاركات: 1245

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    up
                   |Articles |News |مقالات |بيانات

11-02-2006, 02:26 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: omdurmani)

    التهنئة الحارة للمهندس بهاء الدين ثيردباك الهندسة الشهير

    والرجل الخلوق في قدوم الامورة الجديدة...وجعلها الله من المهندسات الخطرات

    مثل ابيها........
                   |Articles |News |مقالات |بيانات

12-02-2006, 05:24 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    عدت للبركس

    مهزوم الوجدان حزين وانا اري احلامي تتسرب من بين اصابعي لكن كان لابد من عمل الدعامات النفسية

    وقلت يا ود خليل الود الحنكوش انت بتاكلو خبرة ساكت وربع عمره انا قضيتو في الجامعة اجي اخر الزمن اقالعك في جكساية

    المهم مر الليل رتيبا وكان اطول ليل وشريط ذكريات الصباح يمر وعثمان مصطفي يغني داخلي

    كنت دائما بعذرك

    راضي بحرمان شبابي

    كنت راضي تدللك براي

    بتحمل صعابي

    لا ما برضي التجاهل

    لشعوري ولشبابي

    فلقد كان قمة التجاهل ولكن في القلب صبر للقطيط وان جفا

    تناولت فطور الصباح في كافتريا هندسة

    حضرت الشول صديقتنا المشتركة عزمتها فطور وجلسنا تحت اشجار بالقرب من مكتبة هندسة

    وهذه الحتة تعرف بحتة القبطة والمسلمين العبطاء

    فاجاتني الشول باكبر مفاجاة في حياتي وقالت لي


    اصبر يا خليل البوديك للقطة في داخلية البنات شنو

    فاجابتها ذهبت صدفة مع الهادي الاصم ولم اكن انوي الذهاب للقطة

    وبعدين شفت يا خليل القطة قالت شنو

    فقلت ليها قالت شنو تاني


    فاجابت الشول

    القطة قالت خليل لقاني قاعدة مع علويا ( اسم الدلع بتاع الود الحنكوش)


    وشي زعلان وما ماخد الموضوع عادي


    هنا بدات رحلة خليل مع الجنون
                   |Articles |News |مقالات |بيانات

12-02-2006, 01:47 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    دارت الارض ومارت حولي

    يوم الخميش شرة

    وغريب في بيتي يوم السبت

    وبعزقة كرامة

    دي مش ما بتحبني

    دي اعتبرتني عبارة عن برطوش

    انا زعلان من علويا وما ماخد الموضوع عادي

    البت كلامها صاح لكن اي زول عندو كرامة

    والقطة اراقت ماء وجهي

    لكن الشول مافي داعي

    تنقل كلام صديقتها لي

    اصبت بالزهول ماذا افعل

    اقول للقط فعلا كلامك صاح

    وانا بحبك

    والود دها شنو

    اما احفظ ما تبقي من ماء وجهي

    وانسحب انسحاب تكتيكي

    كما انسحبت المقاومة في الفلوجة


    يا ناس اجيبوني عن سوالي
                   |Articles |News |مقالات |بيانات

13-02-2006, 05:19 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    هاتفني اليوم من السعودية الصديق الخلوق المهندس احمد التجاني وهو من كبار مهندسي

    تويوتا بالسعودية واثني ثناء شديدا علي البوست الذي دغدغ زكرياته

    كما نبهني علي اذكر ابناء الجاليات العربية الذين درسو معنا

    وذكرني بالفلسطيني عمر الذي كان يجلب الدجاج طازجا من الكويت

    وكذلك ماجد الفلسطيني الذي علمته لغة القرية

    وكنت بقول ليه والله يا ماجد اديك بنية الحق غنم زهراء

    وعلمته كلمة المشلعيب وكلب السرة وكان ينطقها بصورة مضحكة

    وكذلك الفلسطيني المودب ايمن والان اظنه من قياديي حماس
                   |Articles |News |مقالات |بيانات

13-02-2006, 07:18 AM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    خليل

    بوست جمييييييييييييييييييييييييل

    تابع في انتظارك
                   |Articles |News |مقالات |بيانات

13-02-2006, 11:10 AM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: انعام عبد الحفيظ)

    Quote: هاتفني اليوم من السعودية الصديق الخلوق المهندس احمد التجاني وهو من كبار مهندسي

    تويوتا بالسعودية


    يا سلام علي احمد تجاني الزول الراقي..والاصيل وهو من اولاد دفعتنا الاصلية..

    وزول نكتته في طرف لسانه وساخر كبير..

    تحياتي يا ابوحميد...ولكل الاهل..وخاصة قريبك الكان بجينا طوالي داك(معتصم)

    وانشاء الله انسترت مع (الصلعة)....مع العولمةدي
                   |Articles |News |مقالات |بيانات

14-02-2006, 05:07 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    الشول لعبت مباراة كبيرة بعد ما وصلت لي شمار القطة تانية يوم جابتها لي الكلية

    شربنا الليمون مع بعض وانا اغلي من الداخل

    انتحيت بالقطة جانبا وبانفعال الثائر لكرامته

    وقلت ليها ايه الكلام الفارغ البتقولي فيهو دها

    انا منتظرك وشريتني وحتي عاملة فيها ما متذكرة

    وبعدين علويا شنو البعزل منو انا دها

    والله دها ما يهز شعرة من صوف راسي

    ومتين انا قلت ليك بحبك

    عشان تقولي انا ما ماخد الموضوع عادي


    انتقمت لكرامتي

    لكن شعرت اني انا غلطت وما كان افتح الموضوع

    والبت برلومة وانا صاحب خيرة طويلة
                   |Articles |News |مقالات |بيانات

14-02-2006, 01:56 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    يا اخوانا هل تصدقو

    انو من اولاد دفعتنا صارو مليارديرات

    سامي عبداللطيف ممكن اكون رصيدو عشرة مليار سوداني

    والله الزول ما وارث ولا كوز

    بس اجتهد في اعمال مباني الحديد

    بعدين مامون ابراهيم

    لكن دها مناسب صلاح ادريس وجمال الوالي

    بعدين قالو الكوز حبيب الله صاحبي

    عندو عشرة سكرتيرات

    بعدين ناس نادر كوبر وعارف علي صالح

    ومعظم من قابلتهم في السودان

    بقولو ما تجو راجعين
                   |Articles |News |مقالات |بيانات

14-02-2006, 03:59 PM

mohammed elsaim

تاريخ التسجيل: 20-08-2003
مجموع المشاركات: 200

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    إياني يانيل ليك راجع
    منك أشرب واطفي ناري

    جيت أوادعك يالقماري
    ما خلاص شديت رحالي

    اوكما غنى مجذوب أونسة
                   |Articles |News |مقالات |بيانات

15-02-2006, 05:25 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: mohammed elsaim)

    يبدو اني انفعلت اكثر من اللازم وكان ردي فعلي عنيفا حول شالو الكلام جابو الكلام

    زادهو حبة جابوهو ليك والشول ما كانت حاضرة الاحداث وكلامها صحيح لكن عتابي كان

    حادا للقطة لدرجة اني رايت الدموع في عينيها.

    تازمت لكن تتدخل المدرب الكبير الهادي الاصم لراب الصدع بين حماس والسلطة

    وعملت خارطة الطريق.

    ذهب الهادي لكلية العلوم وادار حوارا هاديا مع القطة وقال ليها صاحبتك هي الغلطانة

    ما كان في داعي توصل الكلام لخليل .

    المهم اثني علي وشكرني شكر جد.

    اقتنعت القطة بان تعود لتواصل مع خليل.

    لكن ماذا يفعل خليل هل يكتفي بالصداقة زي ما قالت انعام عبدالحفيظ.

    ام يصارحها بانه فعلا يحبها والانفعال الفات كان فلتان اعصاب.

    واذا صارحها ماذا سيجني وهو لسع طالب وغريمه خطر وحلو وغنيان وابوهو مدير بنك وكوز

    (عدل بواسطة khaleel on 09-03-2006, 06:07 AM)

                   |Articles |News |مقالات |بيانات

15-02-2006, 10:33 AM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    والله يا جماعة انا شهادتي في خليل مجروحة...

    لكن خليل ده حكاي عديل كده...العن ابو ده شاكوس ده
                   |Articles |News |مقالات |بيانات

15-02-2006, 11:13 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    بعد مبادرة الهادي الاصم المعروفة بخارطة الطريق ذهبنا مع مجموعة دكتور نادر عباس وطارق وامجد علي رجب ومحمد المرضي واشرف عبد الكريم وياسر ابراهيم وعبدالسلام الامين وديل اصحابي من كلية الطب والصيدلة.

    ذهبنا الخرطوم اتنين لتناول الدجاج المشوي الحلو داك مع الخريجين ديل.

    كل مواضيعي كانت عن القط حتي افسدت بهجة الغداء علي الشباب ماذا افعل ازوق ولا اواصل

    المهم ونحن تناول الغداء قريبي دكتور طارق شعر انو خليل دها لو استمر في الحال دها ما حاتخرج من الجامعة.

    وبينما انا اهضرب في الغداء قام طارق لي انت عارف برضو الشول العاملة صاحبتك دي قاعدة تتونس

    بيك مع بنات العودة في امدرمان وشايلة حسك.

    غضبت غضبا شديدا الشول بجهة والقطة من جهة البرلومات ديل احقرو بيك يا خليل


    وخليل قد تبول الثعلبان براسه وقد هان من تبولت عليه البرالم
                   |Articles |News |مقالات |بيانات

16-02-2006, 11:46 AM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    يا خليل شايفك...من السيرة جابت ليها قط وشاكوس عملت نايم..

    ونسيت الهندسة والجامعة وبقيت مباري لي في سيرة البرلومة الجابت خبرك...

    ودقت اخر مسمار في نعشك المتهالك في الجامعة...


                   |Articles |News |مقالات |بيانات

16-02-2006, 12:28 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    والله ايام يا زمان ببكي واتحسر عليك

    وما بقول العشنا كان وارمي حبة لومي فيك

    كريم كيف انسي الجامعة وسنة خامسة لكن زي ما عارف محطة القط دي كانت محطة هامة في حياة خليل

    ولها ما بعدها وقد طالب بها الجمهور من كندا وامريكا ولندن والسعودية ودبي فكان لابد من المرور

    عليها لكي ندغدغ الذاكرة.

    في سنة خامسة كان بدرسنا دكتور عبدالله ابراهيم وبسال اسئلة صعبة ومافي زول بعرف اجاوب

    فيبدا فاصل من السخرية ويقول

    انتو عايزين تبقو مهندسين بعد شهور والله انا ماشي لجنة الاختيار وحاعمل ليكم المعاينة انا

    واي زول ما حااجاوب ما بشتغل عايزين تاكلو السحت مش.

    ويطلب من بعض الشباب بان يذهب للسبورة لكي يرسم حاجة اسمها مخطط العزوم والواحد بقوم ارسم

    ومفروضة الرسمة تكون باليمين والشمال ففي واحد رسم باليمين فقط فقام دكتور عبدالله ابراهيم قال ليهو

    الفي الشمال دي ما هاملة مطلوقة ما عندها عزوم

    فتضج القاعة بالضحك
                   |Articles |News |مقالات |بيانات

17-02-2006, 02:41 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    حزين خليل البرلومات اتخذوهو هزوا

    القطة تصده وترده والشول تتونس به ماذا يفعل خليل لقلبه وماذا يفعل لكرامته.

    تاه خليل والسمستر الاول في خامسة علي الابواب ولم اذكر حرفا.

    يمر علي ابراهيم اللحو في مخيلته.

    تواه انا كل الدروب جربتها والسنين العشتها

    لو وصلت ليك لا الرجعة تاني عرفتها.

    خليل المرح صارا باهتا جافا كل مواضيعه القطة والشول.

    الحارث مصطفي سماني ابو هريرة .

    اصدقائي يقولون انا صرت مملا كلعبة الاتاري.

    في كل هذه المشاعر المتناقضة زارتني القطة ويبدو ان مبادرة الهادي الاصم جابت نتيجة.

    اتنبذنا مكانا شرقيا مع القطة وهي تشكي من الشول لانها لم تحفظ اسرارها وطلعت عنها كلام سخيف

    لدرجة القذف في الشرف.

    وانا منفعل وبجنون شديد وسقوط مدوي لخليل ولاني زعلان من الشول

    قلت للقطة ياخي طبعا انتي ما عارفة الشول دي منحرفة اخلاقيا

    زهلت القطة وكانها كانت منتظرة هذه المعلومة لتضرب بها الشول.

    افترقنا علي ذلك.

    شعرت بالخوف وانا اقول هذا الكلام الخطير عن الشول وهي التي عرفتني علي القطة.

    ساررت صديقي الاصم بانني قلت كلام خطير للقطة عن الشول واتمني ان تحفظه القطة في قلبها ولا تبوح به لاحد.

    نواصل
                   |Articles |News |مقالات |بيانات

17-02-2006, 02:47 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    والله ولعت يا خليل...والدراما وصلت حتة

    عجيبة............ياود يا اسامة النور عكاشة ...والله يستر...من الموضوع ده
                   |Articles |News |مقالات |بيانات

18-02-2006, 02:00 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    اختفت القطة لمدة عشرة ايام لم اراها واتعبني الارق والسهر

    كنت انام مع الهادي الاصم واساهر به حتي الصباح ولما ازهج يقول لي خليل عندك عشرة ثواني هل من

    استفسار .

    الهادي للمرة التانية قام بخارطة الطريق واجتمع مع القطة في ميدان اداب وناقشها في الذي دار بيننا
    ونصحها بان الكلام الذي قالو خليل لا يطلع.

    وذكر لها لابد ان نشهد علاقة في اطار الود وذكر لها بالحرف انتي يا قطة دنية خليل.

    سمع طارق بهذا السيناريو وقال تعرف يا خليل الهادي اظهرك بمظهر الشحاد الشايل عرقة وبقول

    ادونا حب حب.

    المهم الهادي اخد مواعيد لي من القطة بكرة الساعة سبعة مساء.

    لملمت كل قوتي وكانت ام كلثوم وغدا القاك.

    بكرة حابوح بحبي لها بعد ان كابرت كثيرا والكوتش الهادي قال لي الاحساس الجميل الزول ما اعاندو.

    تعطرت وقشرت وتوكلت علي الحي الذي لا يموت وسبعة الا ربع مشيت للمواعيد


    هل تصدقو برضو القطة شرتني وما جات وهربت من اللقاء
                   |Articles |News |مقالات |بيانات

18-02-2006, 02:21 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    Quote: سمع طارق بهذا السيناريو وقال تعرف يا خليل الهادي اظهرك بمظهر الشحاد الشايل عرقة وبقول

    ادونا حب حب.


    دي علي وزن قريبك...القال انا ماشيطان...انا خلف الله ادوني كاس...ولا شنو
                   |Articles |News |مقالات |بيانات

18-02-2006, 02:39 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    فعلا القطة انطبق عليها كلام الحلنقي

    وحاتك لسع ما بتقدر تقاسم قلبي ودقاتو
                   |Articles |News |مقالات |بيانات

19-02-2006, 05:20 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    زميلي والصديق خالد شيخة

    ودفعتي لزم

    شايف جاتك هبايب وكتاحة

    دافع عن نفسك

    واوعي اكون خالد شيخة ودالابيض النقي

    قد مات واصيب بانفصام الشخصية

    واطل خالد شيخة جديد من عبدة المال واكل اموال الناس بالباطل

    ستبدي لك الايام ما كنت جاهل

    وياتيك بالاخبار من لم تزود
                   |Articles |News |مقالات |بيانات

19-02-2006, 06:57 AM

Omar Bob
<aOmar Bob
تاريخ التسجيل: 02-02-2005
مجموع المشاركات: 2543

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    الاخ خليل
    والمتداخلين

    ما هذا التداعي الجميل
    ماهذه الزكريات
    الزكريات
    وكانهاالزكريات
    سوف اتيكم باسم الطرف
    الوح بزكرياتي عما قليل

    الي ذلك الحين
    اعلنها حربا لا هواده فيها
    عليك يا عبد الكريم
    لانك لم تنبها الي هكذا بوست


    ولكم الود
                   |Articles |News |مقالات |بيانات

19-02-2006, 01:53 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: Omar Bob)

    المهندس عمر يوب

    الدوحة صغيرة لكن بتبلع

    تحياتي لك

    ولشقيقك الانيق دكتور مصطفي بوب

    واحيي عبرك مصطفي بابكر وعبد الماجد الكج

    ودكتور عبد الحميد وناس دنقلا

    ودكتور جمال عبده

    وفي انتظارك


    خالد شيخة


    وما انا بالمصدق فيك قولا

    ولكني شقيت بحسن ظني

    اظهر عليك الامان

    وورينا انت سارة عيسي دي

    اديتها شاكوش ولا شنو
                   |Articles |News |مقالات |بيانات

19-02-2006, 02:15 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    مرحب..بالبوس عمر بوب...

    والبوست نور...

    وانا بس ما لاقيتك يابشمهندس..فترة طويلة..الا في جلسة البورداب وعلي عجالة...

    ومرحب بيك يا مساح يا عظيم
                   |Articles |News |مقالات |بيانات

19-02-2006, 04:25 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    Quote: خالد شيخة


    وما انا بالمصدق فيك قولا

    ولكني شقيت بحسن ظني

    اظهر عليك الامان

    وورينا انت سارة عيسي دي

    اديتها شاكوش ولا شنو


    ممكن كان بشرح ليهو ماسمتك..ساكت
                   |Articles |News |مقالات |بيانات

20-02-2006, 05:28 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    الصائم ما زلنا في انتظار زكريات الاخوان بامريكا

    حجازي احمد عبدالعظيم خالد محمد عمر حسين علي حسين

    وملهم وظافر والشوية واشرف شمت وكل الشباب

    بعدين ما تنسي تكلم ناس كندا مصطفي جلال واشرف اوشي وايهاب فريد
                   |Articles |News |مقالات |بيانات

21-02-2006, 02:28 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)


    اتي السمستر الاول في خامسة وانتهي بسلام برغم الام الحب واستعدينا لاجازة بين السمسترين

    ناس القطة كانو في اجازة ونزلو.

    طبعا قابلت القطة لما جات من السفر ومشينا علوم وطوال هذه الفترة اوقفت كل العلاقات الدبلوماسية

    مع صديقتي الشول.

    والشول عينها قوية قابلتني مع القطة فعملت مطاعنة نسوان

    ازيك يا خليل متين جيت من سلطنة عمان المهم بعد ذلك ذهبت للاجازة.

    ونحن في الاجازة حصلت المواجهة بين القطة والشول وهدي بتاعة حادثة الافك.

    البنات مشو جنب هندسة وبدو في الشكلة

    وعلت الاصوات انتي قلتي كدة

    وقلت لي هدي كدي

    علت الاصوات

    الشول عصرت القطة

    وشتمتها

    لم تجد القطة بدا

    وردت الاساة باسواء منها

    امشي كدة يا الشول

    انتي ناس خليل اصحابك

    قالو انتي ما كويسة

    فازت القطة بالقاضية الفنية

    ويبدو اني تعرضت لسيل من الشتائم من الشول

    هكذا تخيلت .

    عدت من الاجازة ووجدت هذه المصيبةامام عيونو

    ويبدو ان خليل

    ختم اجمل سبعة سنين في هذا السقوط المدوي

    (عدل بواسطة khaleel on 09-03-2006, 06:13 AM)
    (عدل بواسطة khaleel on 09-03-2006, 06:14 AM)

                   |Articles |News |مقالات |بيانات

22-02-2006, 06:03 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    في نفس التوقيت

    كانت هناكميات من الشواكيش

    محمد الحسين اخد ضربة قاضية من بت اقتصاد لانو كان جنو تربيت

    عاطف جلي ضربتو بت مدني لما امن

    عبد الفتاح الحبيب الحب عذاب في كسلا

    عبادة السراج مضروب من منطقة العمارات

    بعد لوي نمر ودها حبيبتو لصاحبنا

    وقام صاحبنا اتزوجها وفكها لوي نمر في الفرقة
                   |Articles |News |مقالات |بيانات

23-02-2006, 02:06 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    عدت من الاجازة

    في نص المين الرود

    قابلتني الشول وعفاريت الدنيا في وجهها وقالت في صرامة حادة

    اسمع يا خليل كيف تقول للقطة انا بت ما كويسة بتعرفني من وين بتعرف لي شنو

    وانا كلمت اخواني وحاجوك بعد شوية وانت عارف البت سمعة ونحن في جامعة الخرطوم

    قلت ليها اسمعي كلام كتير ما دايرو جيبي القطة وتعالو لي في هندسة عشان نشوف الحاصل شنو

    بيني وبينكم خفت خوف جد وقلت القصة ممكن تجيب ليها قاضي وفيها قذف ووممكن اقيمو الحد علي خليل

    بالله رايكم شنو في القطة دي مش فاقت سوء الظن

    اديتها اقوي اسرار الحزب

    واديتها وجداني ونبضي وشرياني واستسلمت لها كاملا

    وما حفظت سري ولا حبي

    كل الخبراء ادانوها

    ابو الدرداء قال لو دي مرتي كنت طلقتها

    محمد جمال قال هي جميلة لكن في زهور جميلة لكن سامة

    ابراهيم حسبو قال لي يعني هي ما عارفاهم ما كويسين وممكن تكون زيهم


    قابلتها وقلت ليها

    والله يا قطة عيب منك الكلام دها

    كيف تتطلعي كلام زي دها

    وانا ندمان علي اي لحظة صدق عشتها معك

    وقلبي البعزك دها انا حاقطعو

    ومازالت الاحداث حبلي
                   |Articles |News |مقالات |بيانات

23-02-2006, 02:37 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    Quote: بيني وبينكم خفت خوف جد وقلت القصة ممكن تجيب ليها قاضي وفيها قذف ووممكن اقيمو الحد علي خليل


    تاني..تجي..يا ابو الخل..خشمك خفيف ياخي..!!!!
                   |Articles |News |مقالات |بيانات

23-02-2006, 02:47 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    كريم

    بتلومني ليه

    لو شفتم عينيه

    حلويين اد ايه

    والله القطه

    تشق القلوب قبل الجلود
                   |Articles |News |مقالات |بيانات

24-02-2006, 04:09 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    كنت اليوم في زيارة للباشمهندس بهاء الدين بخيت برفقة مهندس مرتضي الطاهر وعاطف جلال وطارق

    احتج بهاء وقال انه كان في البوست كومبارس وانه اساسي في فريق الهندسة

    وان كل الاضواء اتجهت لمحمد متوكل النجم اللامع في فريق هندسة

    وانا يا بهاء خلدت بشعري في زمانك

    وغنيت ليك في المدرجات

    الله مين الله مين الله يا ليلي من بهاء الدين

    بهاء ياخوانا اعظم ثيردباك مر علي فريق الهندسة

    له هدوء طارق وحرفنة شيخ ادريس وذكاء عصام عبد الخير


    في مباراة الطب الشهيرة رفض بهاء الدين لعب ضربة جزاء ظالمة احتسبها لهم الحكم

    فهتف جمهور الطب


    بهوية يا فتة شلت الكورة وشتت
                   |Articles |News |مقالات |بيانات

25-02-2006, 05:51 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    خليل في مطب مع البرلومات

    الشول حشاها محروق من التهمة اللعينة

    والقطة شعرت بنشوة الانتصار

    بعد الاحداث القطة صارت اكثر الفة

    وبطلت الغرور والتعالي علي ناس بيطرة

    لانها خايفة برضو تلوكها الالسن

    يا ربي هي مالها خلتم

    ما قايلو ما كويسين

    يا ربي هي ما كانت عارفاهم

    المهم نخرتها جات ا##########
    الشول صارت اكثر ادبا

    وبطلت الفرفرة واختفت وانزوت

    وسابت المين رود

    واتخيلو من سنة تانية جامعة اتزوجت

    كنت اشعر بوخذ الضمير

    لكن المدرب الجديد محمد جمال بتاع بيزنس

    ودها عينتو واقلت الهادي الاصم

    كان بقول خليل انسي القط

    دي ما بتشبهك

    انت انيق رائع

    وهولاء فيهم بعض من الجاهلية

    وديل لسع ما بقدرو اقاسمو قلبك ودقاتو

    واضاف ياخي البركة الادتبو

    ديل كانو مفرفرين

    كان لازم ياخذو قرصة

    عشان ارتقو لمستوي طلاب جامعة الخرطوم


    عشان كدة يا خليل الناس لما

    اموتو ما حانسوك

    (عدل بواسطة khaleel on 09-03-2006, 06:23 AM)
    (عدل بواسطة khaleel on 09-03-2006, 06:23 AM)
    (عدل بواسطة khaleel on 05-04-2006, 11:21 AM)

                   |Articles |News |مقالات |بيانات

25-02-2006, 01:43 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    نسيت احكي عن امتدادات خارج الجامعة

    يا سلام علي مصطفي الفيل حفار

    وناس برهان تية وعامر كلانا ومامون الكوتش وعادل فرشة وسريقة ومحمد ماكوك وعمي النور وازهري

    ومحمد طه وكمال كبوري في سوق امدرمان وسوما ونميري وخالد زعموط وخالد عبدالرحمن وكمال ابراهيم

    وابو اللول وخالد العربي.

    كل هولاء تعرفنا بهم عن طريق اصدقائنا في الجامعة

    ما قلت ليكم الجامعة هي حياة الانسان
                   |Articles |News |مقالات |بيانات

25-02-2006, 01:55 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    Quote: برهان تية وعامر كلانا


    مدربين كبار ديل يا خليل...وبلغني انهم..كانوا متابعين..موضوع القط...

    وشافيك نسيت صديقنا(الطيب الدويم)...صديقنا اللذيذ واللعاب..الذي كان(ضبانة)

    ما بتمر لمن كان(باك الفريق القومي)
                   |Articles |News |مقالات |بيانات

25-02-2006, 02:04 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    صاح يا كريم برهان تية مرة كان عندهم كورس في جامعة الخرطوم مع سيد سليم ومجموعة من المدربين

    بعدين برهان قام شاف القط

    قال لي تعرف يا خليل البت اكونو في حياتها ما ادوها كف

    تعرف قال كده ليه

    عشان عجبنو جضوم القط

    شفنا الجمال تهنا رقصنا

    لكن جمالك خوفنا

    نحن فيك انت

    وانت ما داري

    يا قطيط الخير

    لي القلوب هاري
                   |Articles |News |مقالات |بيانات

25-02-2006, 02:18 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    Quote: يا قطيط الخير


    وليل العاشقين طويل...خليل يازول انا متاكد

    انو القطيط ده لسع (واجعك شديد خلاص)
                   |Articles |News |مقالات |بيانات

26-02-2006, 02:30 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    زنقت القطة زنقة كلب في طاحونة

    ليه يا بت تقولي كدة ياخ انتي ما سترتيني وقلت كلام خطير وما اظن في بت بتقول كلام زي دة

    المهم البت قالت ناس الشول شتموها واستعملت الجوكر لكسب الجولة

    وبررت بانها انفعلت وما فكرت.

    لكن يا اخوانا الشول لعبت(dirty game)

    شوشت كل رادارات القطة وقالت ليها خليل دها ذو الوجهين لانو برضو قال لينا القطة دي بت ما كويسة

    وبخيلة .

    وقالت ليها اذا كان نحن البنعرفو من قبلك قال علينا كدة

    البمنعو اقول عنك شنو.

    اتخيلو سامحت القطة وغفرت لها كل ذنوبها

    لكن البت بقت ما بتقدر تقيف معاي في الجامعة

    كل ما تشوفني بينطط عيونها وبتحاول تمشي سريع

    الله يا خليل يا رب العذاري

    يا صائد النجوم معظم الحسان كانو تحت قبضة خليل

    البرلومة طلعتك مشبوه ورفضت حتي الونسة

    صارت القطة غير اليفة

    الخبير طارق قال لي والله البنات اكونو بتمنو متين تتخرج

    لانك كاتم عليهم انفاسهم

    والناس كلهم شافوهم معاك وانت ممكن تشتمهم

    يا اخوانا والله دي ما اخلاق خليل

    لكن الاخرون هم الجحيم

    كما قال الفيلسوف فولتير
                   |Articles |News |مقالات |بيانات

26-02-2006, 02:57 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    Quote:
    الخبير طارق قال لي والله البنات اكونو بتمنو متين تتخرج

    لانك كاتم عليهم انفاسهم


    ده كلام..يا اخوانا
                   |Articles |News |مقالات |بيانات

27-02-2006, 05:58 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: عبدالكريم الامين احمد)

    عاتبني دكتور طارق وقال اني لم اكتب عن فترة جميلة قضيتها مع اولاد الطب

    لسع يا طارق المواضيع جاية

    وساكتب عن اكل الحمام في داخلية حسيب

    وكيف كنت اقدم ليكم محاضرات في فنون الويست والهارت

    ساكتب عن شموس وقدورة وعبد الرحيم الحرس

    وبنات طب وصيدلة

    وهاموش وامجد علي رجب واشرف عبد الكريم

    ومناع وياسر ابراهيم

    والايام المفتوحة في الفرع
                   |Articles |News |مقالات |بيانات

27-02-2006, 06:16 AM

Elkhawad
<aElkhawad
تاريخ التسجيل: 05-02-2002
مجموع المشاركات: 2843

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)


    خليل والشباب الوقت داك مجسل الكليه كان ابراهيم الخواض ؟؟؟

                   |Articles |News |مقالات |بيانات

27-02-2006, 06:35 AM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: Elkhawad)

    الخواض المسجل
    ما كنت بعرفو

    ممكن اكون ابراهيم الخواض احتمال
                   |Articles |News |مقالات |بيانات

27-02-2006, 01:45 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    يا اخوانا(i cant beat the feelin)

    عاودني الحنين لايام القط بعد اربعة اسابيع من حادثة الافك

    وقلت امش اخد لي خشم خشمين وننسي الشول والشكل والذي حدث

    لكني وجدت صدودا غريبا

    ونسة بالقطارة وشخص غير مرغوب فيه بعد كل التضحيات دي

    عدت للهندسة حزينا ودرب الحسرة في عيوني

    شكوت قسوة القطة للصديق والمدرب المهندس احمد شبو

    فقال لي يا خليل لو عايز القرب استحمل.

    مرة تانية لقيتها باليل صدفة في بنشات المين رود وتجلس معاها واحدة

    اتوكلت علي الوهاب الما ضهاب وسلمت وقعدت

    الغريبة اليوم داك البت كان نازل منها ونسة وضحك ونكات

    وانا اكاد اطير في الفضاء احلق

    فجاة جات واحدة لابسة توب اسمها هدي

    وسالت القطة بهمس دها منو دها

    فاجابت القطة بهمس دها خليل فاجابت هدي بالله

    بيني وبينكم اتعقدت

    وسالت نفسي

    اي خليل

    الذي شتم البنات

    خليل البحبني

    وبعد مرور خمسة عشرة عاما

    لم اعرف ماذا كانت تقصد هدي بكلمة بالله

    نواصل في الحاصل

    (عدل بواسطة khaleel on 20-03-2006, 04:02 PM)

                   |Articles |News |مقالات |بيانات

27-02-2006, 02:00 PM

mohammed elsaim

تاريخ التسجيل: 20-08-2003
مجموع المشاركات: 200

للتواصل معنا

FaceBook
تويتر Twitter
YouTube


Re: اليوم الحار ومابنداريوم الهندسة والمعمار (Re: khaleel)

    Quote: وبعد مرور خمسة عشرة عاما
    لم اعرف ماذا كانت تقصد هدي بكلمة بالله
    خليل

    Quote: بعد معرفة عميقة وخبرة طويلة كل الذي عرفته هو انني لا أعرف شيئا عن المرأة
    بلزاك
                   |Articles |News |مقالات |بيانات


[رد على الموضوع] صفحة 3 „‰ 133:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de