|
Re: اليوم الحار ومابنداريوم الهندسة والمعمار (Re: khaleel)
|
Quote: عليك الله قول لناس البوست مايقطوعوا ويواصلوا ويتحفونا بالدرر واى زول عارف اخبار اى زول يكتبها لينا وياريت صوره حديثة للناس عشان لما نلاقيهم نعرفهم مباشره رغم انهم محفورين فى الدواخل وذكراهم الحلوه هى المصبرانا على قساوة الدنيا وده ممكن يكون مقترح رابع |
دى رسالة برضو من طارق الكوتش وهو من المدمنين للبوست وانشاء الله ادمانا ما مرقت منو
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الاخ عمر انا شايف انو المقترح الاخير بتاع ابوسمرة والذى تم دعمه من مجموعة طيبة من الناس يعطى الاولوية لانو هو اكثر فائدة ومن ثم نشوف مواضيع الاحتفالات |
انا برشح ابوسمرة وهشام مجذوب يبداوا فى الموضوع ونحن مساعدين لهم وعلى الفور
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: مقترح خامس من طارق الكوتش بانزال السيره الذاتيه للمهندسين الباحثين عن عمل مع تحديد البلد التى يريد العمل بها وده بيقود لمزيد من الترابط |
هذا اقتراح من الباشمهندس طارق احمد عبدالحفيظ87(الكوتش) وهو يحى كل الاخوان بالبوست ويا ريت تدونا رايكم فى القتراح
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: هندسة رجالة
عليك الله تحيه لكل عشاق البوست وخصوصا القرود - كيكى _ الرايع ابراهيم محمد الحسن _ والاروع محمد الخاتم والجميل ابوسمره وتهانى و هشام مجذوب و ايريا الكده و و و والله مشتاق يابوا القوق |
هذه مواصلة من العملاق الكوتش له التحية وسؤالك عن اليسع والله انا طولت ما عندى اخبار عنو لكن لو فى زول عارف ال ادينا اخبارو
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
هلا وحباب الهندسة ونرحب بالدكتورة تهاني وحبابها الف.. ونجي لموضوع الدفع والاحتفالات باليوبيل وطبعا احنا الكواشف ديل قصتنا بتكون دايرة ليها لجنة خاصة فالقلب يشتهي التواجد مع كل الدفع التي قرينا معاها فكلهم فيهم حاجة كده بتجنن.. ولكن دوما هنالك الدفعة الخشيت معاها الجامعة دي البتكون في شي جواك كده بنقرش تجاهها.. اندهشتم سويا للجامعة واكتشفتم كراكيرها سوي وبتكون عندك فيهم اصدقاء كده ما بفاتوا كلو كلو.. لذا يا خلي احنا85.... وايضا يمكننا الحضور الي باقي الدفع الثانية كمخضرمين مثل (جيتا الاولي) فهم ما بفاتوا ياخي الناس ديل كلهم...
عمر الحبر نسال عن طارق السنوسي ؟؟ وقصي ومنير اين هؤلا الان فلهم منا الشوق الكثيف..
ويا ايريا متعة الحكي عندك وصرعتنا يارجل صرعتنا يامحمد تيب سليم او كما قال د.حسن فاشر ذات يوم
| |
|
|
|
|
|
|
Re: اليوم الحار ومابنداريوم الهندسة والمعمار (Re: عبدالكريم الامين احمد)
|
نحي الجميل طارق الكوتش ونسائل عن بشري وغازي هشام وحباب سيرة ابراهيم دقل شايف الاخت تهاني طرتو يطراهو الخير ياخي المساح الجميل ده... مرة قبض عليه متلبسا باكل ايسكريم في كافتيريا هندسة وهو برفقة حنكوشة ولبدوا ليهو الجماعة كل معلقة تذهب الي فم دقل كان هنالك صوت وتصفيق حااررر كرهنا ليك دقل ده الايسكريم ذاااتو (حليلك يا القضارف)..
ايضا من المخضرمين الكبار كبر واسكلاتشي والمنظراتي التاريخي ابو الدرداء..
وين الناس ديل يا خليل والحبر ياخي
| |
|
|
|
|
|
|
Re: اليوم الحار ومابنداريوم الهندسة والمعمار (Re: عبدالكريم الامين احمد)
|
Quote: قبل الفيض تحية للجميع.. ونرحب بطارق الكوتش لاعباً ماهراً في بوست اليوم الحار.. وياريت تساعدنا بالألفاظ |
ياجماعة معليش انا فايتني ضحك كثير وكثير جدا في البوست ده وياايريا ياخي الزول ده قال شنو حسع..
مرة كنا لكشر بتاع دكتور عكودوطبعا دي( يا ايريا ح احكيها استباقيا لاني شايفك بديت تدق في صفائح) وعكود قبل علي السبورة وانا كنت في المقاعد الوراء وقلنا دي فرصة يا ود تندكل ليك سفة تساعد علي امتصاص الفلويد شنو كده ماعارفو داك.. المهم وانا بخت في السفة ده (وعند الضربة) عكود .كرف اتقلب وعلي التعر لي قام عاين في محلي القاعد فيهو انا وساعتها الشفة علي مرمي حجر من الشلاليف الغليظة.. والمهم قفلت السفة بحركة يدية وعكود قام قال لي ..ده سفة ولا شنو يازول؟؟ قلت ليهو لا يادكتور بس عندي الم في الشفة دي..!! لحدي هنا الموضوع عادي.. وما ان انتهي اللكشر حتي سرت اشاعة بقيادة المرجف غازي تفيد بانني قلت لعكود لا يادكتور انا قاعد اكفكف في الشلوفة دي.. وياايريا عشان ما تحكي بفيرشن تاني دي القصة يا ابراهيم
| |
|
|
|
|
|
|
Re: اليوم الحار ومابنداريوم الهندسة والمعمار (Re: عبدالكريم الامين احمد)
|
Quote: مبالغه ....شكلى خرفت |
هلا يا اسمارت انا 2001 او اسمارت انا وانتي كما تقول الرائعة نجوان
مادام انتي خرفتي خيلانك ناس الحبر وخليل وكريم ديل يقولوا شنو ولا عمك محمد الطيب بتاع الايميلات الطاعمة ديل يقولوا شنو حضورك ضروروي يا باشمهندشة عشان نشوف جيلكم ده كان بسوي شنو في الكلية دي
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: وحباب سيرة ابراهيم دقل شايف الاخت تهاني طرتو يطراهو الخير ياخي المساح الجميل ده... مرة قبض عليه متلبسا باكل ايسكريم في كافتيريا هندسة وهو برفقة حنكوشة ولبدوا ليهو الجماعة كل معلقة تذهب الي فم دقل كان هنالك صوت وتصفيق حااررر كرهنا ليك دقل ده الايسكريم ذاااتو (حليلك يا القضارف).. |
يا كيكى السمتو بت المهدى (دى طريقة دسمة للتعريف بالشخص) اكمالا" للقصة التقينا بدقل بعد الحادثة دى وسالناهو لى الناس كانت بتضحك قال هو اكتشف انو الايسكريم مفروض يلحسو وهو كان بقرمو وجزم لينا بانو دا السبب الاساسى بتاع ضحك الناس فيه
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
هلا يا باشمهندس ومرحب بيك اولا في هذا المكان سودانيز اولاين وفي هذا البوست الذي اعادنا الي الزمن الجميل وسيرة الناس الرائعين ودقل اخ جميل ومساح اسطوري له الشوق الكثيف وقد زرته في سنين خلت عقب زواجه ووجدته رائعا والان اعتقد بانه يستطيع التعامل مع الايس كريم بكل سهولة يسر فالطب والمساحة اتطورت شديد ومرحب بيك تاني واخوك كان غائب شوية كده وجينا هبشنا في المنبر( شوية دشمان كده بعيد عنك) واهو جيتا لهندستنا ويومها الحار الما بندار ومعاكم حجل بالرجل يا هشام وحبابك
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: انا بختلف مع الراى دة والعبرة فى تاريخ انتماءك لهذه المؤسسة العريقة والدليل انو نحن حانحتفل باليوبيل الفضى لى دفعة 83 ولو العبرة فى التخريج كنا نحتفل ب 78 لانها هى الدفعة ال اتخرجت 83 |
الاخ ود الكباشى نسبة لرغبتنا فى انك تنضم لاحتفال دفعة 88 فانا باقترح انو الواحد يكون مشترك فى الاحتفال مع كل دفعاته يعنى عندك 5 سنوات من الاحتفالات
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
أعزائي لكم الود و الشوق و أجمل الأمنيات الشكر لأخ بكري الذي نكت العزيز عمر الحبر من وين ما عارف و عمر ما قصر نكت البوست الذي كانت اخر مشاركاتي به عام 2006 صفحة رقم 3 قبل يومين زارني المهندس د. عبد القادر مدنية و زوجته هيفاء معمار و قضينا و قت ممتع في تصفح هذا البوست و اجترار الذكريات. و بالناسبة انا في مدينة كالقري مقاطعة البرتا غرب كندا و قبل فترة زارتني الاخت زينب مدنية و هي تقيم في مدينة ادمنتون التي تبعد حوالي 300 كلم من مدينتنا. و سوف اسجل لها زيارة قريباً ان شاء الله غازي تحدثت معه قبل فترة و هو في امريكا (ميريلاند ) و ح أحاول أنكت ليكم زينب و غازي زي ما بكري نكت عمر و عمر نكت البوست لو علموني طريقة النكت. امتحان الرسم الهندسي ح يجعل مسألة نكت زينب صعبة لكن ح أحاول لكم الود
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الاخت زينب مدنية و هي تقيم في مدينة ادمنتون |
الأخ الصاوي تحياتي... من إشارتك لامتحان الرسم الهندسي أظنك تقصد الأخت زينب سليمان دفعة 86. بالله بلغها تحاياي و قول ليها بيرك في سنة البرلم بسلم عليك. أنا جاركم في ساسكاتشوان... و يا حيذا لو اتكرمت و رسلت لي رقم تلفونها في الماسنجر.
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
يا شباب معليش والله عارفكم حبيتوني شدييد بس أنا منتظر عمر الحبر ... الذي كان تأخيره لــــــ :
خبر عااااااجل في محادثة هاتفية مع الأخ الحبر للإطمئنان على اسباب تأخيره .. عرفت إنه تعرض لحادث حركة بسيييييييييييييييييط الحمد لله .. جات بسيطة في العربية .. بس الإجراءات أخرته .. هو الآن في طريقه لليوم الحار ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
خليل بركة الجيت انا من الصباح منتظر زول يجي ويعلق على كلامي ده .. خصوصا انت
Quote: يا شباااااااااااااااااااااااااااااااااااب حصلوا تعالوا سرييييييييييييييييييييييييييع وخصوصا خليل وكيكي وعمر حسين وإيريا وزينب سليمان ياخي شكلي حا أقول كل الناس .. تعرفو كنت بأتكلم مع منو هسع ؟ ما حا اقول خمنوا .... |
تقوم تطنشني كده ؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا جماعة قبل اى تعليق انا سعيد جدا بعودة المخضرم حامد الصاوى ولك وحشة والله يا حامد وبركة الجيت , يا اخى انت من المطلوبين من زمان وعملية غيابك دى (تفل ما اعملها) عودا حميدا يا الصاوى وارجو ان لا تنقطع مرة اخرى والتحية لكل المعاك وانا حا اكون معاك بالايميل. ويا ابراهيم شوقتنا يللا فك القنبلة
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
الحبر أولا حمدا لله على السلامة online ثانيا : القنبلة إني لميت ليكم في :
أأي .. دكتور التـــــــــــــــــــــــاج شخصيا .. حصلت على تلفونه من الأخ محمد قيلي .. وهو يعمل معهم بجامعة الملك سعود بالرياض .. اتصلت عليه .. وأديتو فكرة عن البوست .. أول سؤال قال لي : أوعى تكونوا جبتو سيرتي؟ قلت ليه بصراحة ناس خليل وإيريا ما عندهم سيرة غيرك وإمتحان ال drawing ضحك شديد .. ووعد بالدخول والمتابعة وكمان عشان المشاركة في مشروع دعم الكلية
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: عمر الحبر نسال عن طارق السنوسي ؟؟ وقصي ومنير اين هؤلا الان فلهم منا الشوق الكثيف |
عودا حميدا يا كيكى , طارق سنوسى طولت ما لاقيتو وسمعت انو باع المساحة وبقى ببيع كوكا كولا فى كسلا ومنير عوض قبلتو اخر مرة قبل سنتين و هو موجود فى الخلرطوم قصى مختار فى الخرطوم ونسوانو 2 او 3 وخلا الميكانيكا وشغال مقاولات(بالله شوف هملة المقاولات)
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: يا ابراهيم ممكن اقول كمال الشيخ |
خليل ياخي بالغت .. وكمال الشيخ بيخليك تتنازل عن حقوق الملكية للبوست؟
انا غايتو اتكلمت مع دكتور التاج .. وهو اليوم موجود في جدة .. بس مشغول شوية .. وعد يزورني في البيت المرة الجاية والراجل بقى صاحبي خلاص .. انت وإيريا وناس ال drawing غايتو بطريقتكم
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: دكتور التـــــــــــــــــــــــاج شخصيا .. حصلت على تلفونه من الأخ محمد قيلي .. وهو يعمل معهم بجامعة الملك سعود بالرياض .. اتصلت عليه .. وأديتو فكرة عن البوست .. أول سؤال قال لي : أوعى تكونوا جبتو سيرتي؟ قلت ليه بصراحة ناس خليل وإيريا ما عندهم سيرة غيرك وإمتحان ال drawing ضحك شديد .. ووعد بالدخول والمتابعة وكمان عشان المشاركة في مشروع دعم الكلية |
والله دة انجاز يا ابراهيم بس اذا الراجل دة قال ادونى باس ويرد ودخل علينا انا حا اطالبك بتعويض مادى كبير تدفعه لى ابوالقوق والناس الضايقين قرصة د.التاج وانا رغم انو ما درسنى لكن رجفت شوية على راى المثل البقول الضايق قرصة عبدالله ابرهيم برجف من سيرة د.التاج
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
في محادثة هاتفية مع الأخ محمد حسن قيلي (كيميائية – 86) وهو يعمل بجامعة الملك سعود في الرياض .. وفي إطار حصر خريجي كلية الهندسة من مختلف الدفع .. طلعت من محمد بالحصيلة التالية من جامعة الملك سعود:-
قسم الهندسة الكيميائية: - بروف/ كامل محمد الحسن وقيع الله - بروف/ حامد محمد مصطفى - بروف/ أحمد أبا سعيد الحاج - بروف/ محمد البشير الأمين أبشر - مأمون محمد عباس – كيميائية 81 - محمد حسن قيلي – كيميائية 86 - خالد مصطفى أورتشي – كيميائية 86 - أشرف كمال يوسف – كيميائية 93
قسم الهندسة الكهربائية: - محمد جعفر – كهرباء 81
قسم الهندسة المدنية: - بروف/ عصمت محمد الحسن
الإدارة العامة للتشغيل والصيانة: - د. تــــــاج الدين محمـد عثمـــــان
وكذلك : - د. إبن الوليد علي حسين – كيميائية 85 ( جامعة الملك فهد بالظهران)
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
الحبر .. اسمع موضوع دعم الكلية مش عاوز شوية تنسيق ؟ يعني أولا لازم تنسقوا مع الأقسام لمعرفة الإحتياجات الفعلية .. عشان الناس توفرها حسب الإمكانيات والأولويات ..
وهل حسب مقترح أبو سمرة كل واحد إذا كان دعمه عيني .. يكون بخصوص قسمه؟ يعني خريج كهرباء يدعم قسم الكهرباء وهكذا ؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: عمر الحبر نسال عن طارق السنوسي ؟؟ |
تعرف يا كيكى مرة طارق سنوسى اصر اننا نمشى ندخل سينما فى بحرى وبعد السينما نضرب الفول التاريخى جنب سينما الوطنية مشينا لقينا الفلم هندى ودخلنا, اول ما بدات المقدمة وقبل ما نشوف اى حاجة من الفلم طارق سنوسى قال لى الفلم دة انا شفتو قبل كدة قلت ليهو فيهو شنو قال لى فيهو ضرب شديد جدا جدا قلت ليهو ما اى فلم هندى فيهو ضرب شديد تانى فيهو شنو قال لى حا تشوف بعد شوية, طبعا انا متاكد انو سنوسى فكاها ساكت لانو يا داب الفلم فى المقدمةقمت قلت ليهو احكى لى شوية من قصة الفلم , قام عاين لى كدة وقال لى يا حبر يا اخى نبقى زى النوبة نحكى الفلم جوة السينما.
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: قام عاين لى كدة وقال لى يا حبر يا اخى نبقى زى النوبة نحكى الفلم جوة السينما |
ذكرتني واحد زميلنا هنا .. قال وهم في السينما في كسلا والفلم هندي .. في لقطة حاسمة كده والبطل مزنوق والجماعة هاجمين عليه .. والجمهور متنشن ... نط واحد بأعلى صوتو : يا جماعة ما تيخافو .. بتل ما يموت .. فيلم ده أنا شوفتو في قدارف
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: خليل الخير فعلا بقى عب كبير و مااظنو فاضى للبوست دة, اخر مره حضرت ليهم حفله فى حديقه عبود قبل سنتين تقريبا بعد الحفله عشان اسلم عليهو منتظر لي قريب ساعه عشان هو يخلص سلام وتحايا من المعجبات اللهم لاحساده اما يوم الحنه بتاعتو فكان عباره عن هلال مريخ التحيه للفنان الكبير الخير ادم وطالبين منك نقله نقلتين انشاء الله بين الفاصلين بهاء الدين |
هذه مواصلة من عملاق الهندسة بهاء الدين والخير دة كان طال الزمن ولا قصر حا يدخل البوست
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: وهل حسب مقترح أبو سمرة كل واحد إذا كان دعمه عيني .. يكون بخصوص قسمه؟ يعني خريج كهرباء يدعم قسم الكهرباء وهكذا ؟ |
والله رغم انو ابوسمرة عندو حق الفيتو لكن انا اظن حقو ما يكون فى تقسيم الدعم يكون حسب الحوجة بعد التنسيق مع ناس الكلية وانا افضل الناس ال فى امريكا واوروبا حقو يدخلو فى الموضوع دة بشدة عشان نطور الكلية لتواكب التطور التكنولوجى فى العالم
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: بروف/ كامل محمد الحسن وقيع الله - بروف/ حامد محمد مصطفى - بروف/ أحمد أبا سعيد الحاج - بروف/ محمد البشير الأمين أبشر |
انا اعتقد يا ابراهيم دة نوع من انواع الارهاب والترويع لى ناس البوست البرفات والدكاترة القدام ديل سيرتم بدخل الرعب فى نفوس السادة المخضرمين وتانى تفتش ليهم ما تلقاهم فيا اخوى الله رضى عليك قلل من الحاجات دى
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Hi new commers Tahani and others and old friend elsawi Khaleel iam in Malysia before Tarig ahmed Khalid next week i will be in Abu dahbi with Magid Elkuj I will try to meet Engineers there and talk about this post and liberary supoort
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
هلا ياابراهيم محمد الحسن التاج عديييييييييل كده...ياساتر
اخوك حيشيل كورتو ومفرتق من البوست ده الزول ده بكون سمع بسيرة قراية الكبر القلتها ليكم الايام الفاتن ديل وداير يجي يلحقنا غنم زهرة تاني..
قول لييهو احنا الزول ده بهزر ساكت ياخي
الف مرحب بدكتورنا التاج وحبابك فمنكم تعلمنا معاني شتي في هذه الدنيا ام قدود
سلام ياحامد الصاوي سلام
| |
|
|
|
|
|
|
Re: اليوم الحار ومابنداريوم الهندسة والمعمار (Re: Elawad)
|
عماد عائد
Al Hibir, since Hassan Khidir is going to join the club, please ask him to give his input on his relationship with Prof. Zaroug, specially in the 4th year, 1989/1990 and the steel bridge design exam.
BR,
Imad
| |
|
|
|
|
|
|
Re: اليوم الحار ومابنداريوم الهندسة والمعمار (Re: Elawad)
|
Quote: تهرش يا عبد الكريم؟... أها جاك السم القدر عشاك... بس فلاحتك في الجلاكين و الخرد ناس عمك بشاشا... |
هلا يا العوض اها يا العوض الزي دكتور التاج دي اقوم اتشالق معاهو يقوم يقول لي ارسم يحي فضل الله (THREE DIMENSION) اها اودي وشي وين مع البورداب ديل
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: سلام سلام سلام انا عارف انو انا مقصر لكين والله محكوووووك حك شديد عموما انا عندي وصية لازم ابلغها وما على الرسول الا البلاغ
ناظم عبد الرحيم بيقول لحسن خضر
يا حسن ارعى بقيدك
وحتى نلتقي لكم كل الود |
هسى عليك الله يا ابوسمرة تغيب وتجى عشان تفك ليك طوبة زى دى غايتو يوم بتكتليك زول شكلو وكت ترجع الدور الجاى حتفكليك قنبلة قرنيت
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hisham Magzoub)
|
Quote: يا خليل ارجو ان تبحث عن ولدنا نزار فقيرى فى قطر قال جاى قطر من امريكا مايكون نزل فى بلد تانى بالغلط |
نزار فقيري لو في يا هشام بجيب ليك خبرو
لكن اتخيل علي باخريبة جاء الدوحة
وشال تلفون خالد كبوش ونمر وما فكر اسال فيني
واتعامل معاي كشخص عابر في حياتو
لكن لا يضيرك ان تكون عابر سبيل
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
إبراهيم محمد الحسن
إضافة لمن يقيم بالسعودية من المهندسين : محمد الأمين محمد أحمد - كيميائية 83 - الرياض حسان محمد عبدالله امين - كهربائية 83 - الرياض محمد عكاشة - كهربائية 84 - مكة
.. أيضا د. إبن الوليد - كيميائية أعتقد انه دفعة 82 (إن لم يكن دفعة 81)....
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
في إتصال هاتفي أمس من الأخ صلاح مختار وهم ملمومين في الأسكلة إحتفاءا بالأخوان القادمين إلى أرض الوطن .. د. منتصر عباس .. ومحمد أبكم .. وما عارف تاني في منو .. الظاهر اللمة كانت كبيرة بختكم والله ..
بالمناسبة يا صلاح مختار انت الباسورد اللي تعب ليك فيه الحبر دي مدكنها لشنو ؟ يلا عاوزين نشوفك هنا ..
سلام
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
سلام لناس البوست جميعا و سلام خاص للناس الحييوني و الفرحو بقدومي و تحياتي لخليل للمعلومة عن إبراهيم دقل المساح المخضرم و بالمناسبة أنا اقترحت إنو يكون التكريم بسنة التخرج لأنو عندي دليل الخريج فيه خريجي كلية الهندسة و العمارة (سابقاً) لأنو طبعا العمارة اعلنت الإنفصال عن الهندسة، منذ 1941 و حتى 2001. و كفارة يا عمر الحبر إن شاء الله جات خفيفة و الجاتك في عربيتك سامحتك. و يا حبر رجائي تصحيح اسم الدكتورة صليبة إلى: د. نجاة بنجامين نخلة و هي خريجة كهرباء 1974 و زوجها د. صليب يسى خريج كهرباء 1973. و يا كيكي السمتو رباح: و الله أنا برضو كنت بخاف من الدروينق خوف شديد خلاص و بذكر في سمستر ون طلعت من الامتحان بكيت بكاء شديد و رميت التي سكوير في الميدان الغربي.
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الحبر .. اسمع موضوع دعم الكلية مش عاوز شوية تنسيق ؟ يعني أولا لازم تنسقوا مع الأقسام لمعرفة الإحتياجات الفعلية .. عشان الناس توفرها حسب الإمكانيات والأولويات ..
|
بالنسبة للتنسيق أنا تحت الخدمة و أي حاجة تطلبوهامن الكليات تعتبروها اتعملت بس الإمكانيات دي بقى يمكن تنسيقهامع المجموعات الراغبة في دعم الكلية أولى الاولويات هي بالتأكيد المكتبةالتي كادت تخلو من الكتب الحديثة ( إلا بالإجتهادات الشخصية ) و الدوريات التي كانت إهم المراجع للبحث العلمي قبل الإنترنت و كذلك المعامل و التي ظل بعضها من زمن الإنجليز
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: سلام لناس البوست جميعا و سلام خاص للناس الحييوني و الفرحو بقدومي |
الاخت الدكتورة تهانى نحن فرحنا بقدومك وكنا بنحضر فى خطاب الاستقبال ومر على لجنة التنقيح ورسلناهو للمطبعة لكنك استعجلت وحرقتى الموضوع لكن نرتجل الكلام ونقول مرحب بيك اضافة جميلة لليوم الحار
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: حلو لينا مشكلة التدريس بالعربي
|
بالنسبة للغة التدريس فمنذ اتفاقية السلام و الحكاية بقت مفتوحة مافي تقييد يعني تقدر تقول حتى الآن بقت 70 بالمئة إنجليزي و ماشة في اتجاه الإنجليزي أكتر و حتى كل مشاريع التخرج و الدراسات العليا أصلا ما اتغيرت أرجو تكوين لجنة من متطوعين للطواف معي علي باقي أقسام الكلية تحياتي لأبوبكر عثمان وشكرا ليك و تصل بالسلامة وبسألك عن شقيقك عمر عثمان و بالمناسبة عمر دة كان أول السودان 87 ما جبدوا أبوبكر
| |
|
|
|
|
|
|
Re: اليوم الحار ومابنداريوم الهندسة والمعمار (Re: Tahani abdalla Attia)
|
Quote: بالنسبة للغة التدريس فمنذ اتفاقية السلام و الحكاية بقت مفتوحة مافي تقييد يعني تقدر تقول حتى الآن بقت 70 بالمئة إنجليزي و ماشة في اتجاه الإنجليزي أكتر و حتى كل مشاريع التخرج و الدراسات العليا أصلا ما اتغيرت أرجو تكوين لجنة من متطوعين للطواف معي علي باقي أقسام الكلية تحياتي لأبوبكر عثمان وشكرا ليك و تصل بالسلامة وبسألك عن شقيقك عمر عثمان و بالمناسبة عمر دة كان أول السودان 87 ما جبدوا أبوبكر |
من تبقي من استاذة كلية الهندسة والحرس القديم
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: سلام دكتورة تهاني .. يا ريت تنسقي مع الحبر والجماعة في الداخل بخصوص إحتياجات القسم والكلية .. والإفادة حتى يتم توفير الإحتياجات حسب الإمكانيات المتاحة للجميع .. وبهذه المناسبة .. العام الدراسي وضعه شنو هسع؟ متين بداية السمستر الجديد ؟
|
سلام يا هومي السمتو عواطف (بيري My pair) و الله لو شفت السمستر مسخن سخانة شديدة نحن في نص امتحانات الفصل الدراسي الثاني و لو شفت الطلبة حالتهم تحنن و لما اتذكرت أيام زمان جبت ليهم امتحانات سااااااهلة يعني شهر 7 و 8 العطلة الصيفية و بمناسبة العطلة الصيفية انتو قايلين التدريب الخارجي لسه زي زمان؟ مثلا نحن في الكهرباء: سنتين لوراء ماليزيا مرتين و قبلهم تركيا
و يا وليد تقريبا 80 بالمئة من الاساتذة موجودين و ممكن تدخل موقع الجامعة www.uofk.edu
سلامات منتصر عباس ود دفعتي و مرحب بيك في البلاد
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ايميل من طارق الكوتش
سلام لكل ناس البوست. كنت قبل فترة قدمت مقترحين الرابع والخامس وبالتشاور مع اغلبية المهندسين الموجودين فى دبي .... لكن لم نجد اى حماس رغم انهم لايحتاجون إلى مجهود وللتذكير : المقترح الرابع بتجميع الصور الحديثة للمهندسين مع شوية اخبار مثل مكان العمل و الايميل والتلفون ( اختياري ) و اى اضافه أخرى ترونها مناسبة
إما المقترح الخامس بخصوص دعم الخرجين الجدد الباحثين عن عمل ( اكرر يا القرود الباحثين عن عمل ) وإنزال سيرتهم الذاتية مع تحديد نوع العمل ومكان العمل ( داخل أم خارج السودان ) فهولاء الخريجون هم الاولى بالدعم المعنوي والعملي حتى ليعشون الإحباط الذي عاشه اغلب خريجين القرون الماضية لانقطاع التواصل بين الأجيال . ويجب تكوين لجنه من كل بلد على حسب عدد الخرجين العاملين بتلك البلد مثلا الحبر وعثمان صديق وابو سمره وتهانى عبداللة السودان القرود حامد عجبان قطر شبو وطارق الكوتش الإمارات وهكذا ... رجاء الاهتمام بهذا المقترح والذي استشرت فيه غالبية المقيمين بالإمارات ورحبوا بالفكرة وأيضا المهندس عثمان صديق الذي يقوم بزيارتنا هذه الأيام وهو على استعداد للتنسيق والاجتهاد مع الآخرين الموجدين في السودان وعنوانه مع الحبر ... الرجاء ياشباب الاهتمام بهذا المقترح
مداخله 1 تهانى عبدالله ازيك يابت دفعتى ارجو منك حصر الكتب المطلوبه وبشكل عاجل لقسم المساحه فانا معى هنا كميه طيبه من المساحين على سبيل المثال لا الحصر :
د. كمال عبداللطيف , د. عبدالعظيم النويرى , بشرى الفاضل ، احمد مالك وممكن نتكاتف فى توفير جزء من احتياجات قسم المساحة وخصوصا علاقتى بيهم طيبه وبقدر اقتلع منهم الدعم المناسب .
انتظروا مزيد من المداخلات............. اخوكم طارق الكوتش 87 (مساحه)
نرجو الرد أو التعليق
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: و بمناسبة العطلة الصيفية انتو قايلين التدريب الخارجي لسه زي زمان؟ مثلا نحن في الكهرباء: سنتين لوراء ماليزيا مرتين و قبلهم تركيا |
د. تهاني .. طبعا مع الوضع العام .. وطاولات البلياردو القالو منتشرة في الكافتريا ما أعتقد رحلة مصر ( بقطر حلفا .. عبر النمر .. أسوان والصعايدة وسباتت البط والوز ) .. بتكون مناسبة بس والله أقول ليك حاجة .. ياخي دي أجمل رحلة وألذ معاناة بالجد ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
تحايا خاصة للأخ طارق الكوتش .. وشكرا على تواصلك .. طلعت أحسن من ناس عندهم باسورد ولابدين .. عشان كدة التوصية جارية لمنحك العضوية
Quote: المقترح الرابع بتجميع الصور الحديثة للمهندسين مع شوية اخبار مثل مكان العمل و الايميل والتلفون ( اختياري ) و اى اضافه أخرى ترونها مناسبة |
ده مقترح جميل ..وممكن الناس تبدأ فيه طوالي .. رغم إنه مقترح الحبر بتاع تكريم الدفع (اليوبيل الفضي للدفع) حا يغطي الحتة دي .. وحاليا بالفعل بدأنا في دفعة 83 .. لكن بيني وبينك كتيرة ننتظر كم سنة عشان ننزل بيانات ومعلومات عن دفعنا بالذات (86 / 87) والبقية .. فما عارف .. الحتة دي عاوزة شوية مناقشة وتنسيق ..
Quote: إما المقترح الخامس بخصوص دعم الخرجين الجدد الباحثين عن عمل ( اكرر يا القرود الباحثين عن عمل ) وإنزال سيرتهم الذاتية مع تحديد نوع العمل ومكان العمل ( داخل أم خارج السودان ) فهولاء الخريجون هم الاولى بالدعم المعنوي والعملي حتى ليعشون الإحباط الذي عاشه اغلب خريجين القرون الماضية لانقطاع التواصل بين الأجيال |
برضو ده كلام جميل .. نثني .. وممكن يتعمل إعلان من خلال البوست عشان يرسلو السيرة الذاتية .. وعلى السادة المهندسين من العضوية وغيرهم التعامل مع السيرة الذاتية حسب البلد المعني ..
تحياتي للأخ أحمد مالك .. ويا ريت يكون متابع البوست .. (ممكن تلفونه؟)
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: مداخله 1 تهانى عبدالله ازيك يابت دفعتى ارجو منك حصر الكتب المطلوبه وبشكل عاجل لقسم المساحه فانا معى هنا كميه طيبه من المساحين على سبيل المثال لا الحصر : د. كمال عبداللطيف , د. عبدالعظيم النويرى , بشرى الفاضل ، احمد مالك وممكن نتكاتف فى توفير جزء من احتياجات قسم المساحة وخصوصا علاقتى بيهم طيبه وبقدر اقتلع منهم الدعم المناسب . |
إذن كمان يا تهاني الرجاء حصر إحتياجات قسم الكهرباء (كتب / equipments) وخلافه ... حتى نسق ونشرع في توفيرها ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
كيكي ( السمتو رباح ..) مفروض الواحد أول ما يصحى من النوم ويدخل النيت يجي يعمل check بهنا يشوف الأوضاع شنو ... شايفك مشيت تهني في مولود أحمد التجاني بهناك :
Quote: الف تحية وشكر يا اساسي علي اشراكنا الفرحة والتهاني لصديق الزمن الجميل ابوحميد.. والف مبروك احمد تجاني والوليد مبروك |
نحن برضو نزلنا خبر مولود أحمد التجاني طازة عشان تعرفو إنه الأعضاء مراقبين ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
السلام عليكم ايها الاخوة واسف على الانقطاع لاسباب فنية ومبروك المولود يا احمد التجانى ربنا يحفظو ويخليكم ليهو والتهنئة كذلك لاخونا الباشمهندس خالد كبوش 88 مدنية(قطر) على المولودة الاولى وتتربى فى عزكم, التهنئة من مرتضى حسن فى الاول وعمر الحبر ثانيا ثم باقى الشباب ويا ابوبكر عثمان ما كنت عارف انك فى ماليزيا وانشاء الله سفرية موفقة .
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: السلام عليكم ايها الاخوة واسف على الانقطاع لاسباب فنية |
عمر الحبر حمدا لله على السلامة وبركة الجيت .. بركة الجيت .. (يتمها خليل) وإنشاء الله الأسباب الفنية زالت الشباب الليلة نوم شديد .. وأنا كملت المواضيع العندي كلها ما لاقي حاجة أقولها .. يلا إستلم .. عشان بأطلع بعد شوية ..
سلام
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا حسن خضر انا متاسف جدا لان المكالمة اتفطعت معاك اول امس بسبب بطارية الموبايل ارجو تن ترسل لى نمرتك وكمان ايميل بالموضوع ال كنا بنتكلم فيهو عشان انزلو فى الموقع ولك الشكر على الاتصال ولك التحية. ويا ابراهيم عندك هجو الضو 84 (ميكانيكا) جدة
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: ما عندنا مشكلة في الدعم |
بالنسبة لموضوع دعم الكلية انا انشاء الله حا امشى لى د. تهانى فى خلال االسبوع دة وانا افضل ننسق مع د. عبدالله خوجلى عميد الكلية, ونبدا فى تقسيم الناس لمجموعات للبدء فى تكوين لجان لتنفيذ المقترح وان يكون برضو اقتراح الكوتش ماشى فى خط موازى لاهميته
| |
|
|
|
|
|
|
|