|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: اليوم الحار ومابندار يوم الهندسة والمعمار (Re: Amna Mohamed Arh)
|
السلام عليكم
امنة ازيييييك
Quote: الناس شغال معاي بالعكس ولا شنو؟؟؟
معقول مافي ولا زول حايم الليلة بجاي ...!!! |
ولا شغالين معاك بالعكس ولا حاجة بس المنبر دا من مادخلته دا حاله
الناس شغالة بنظرية غيب وتعال لحدى ما قربت احرد الكاشف قالى مافى زول حايشتغل بيك تراجعت عن القرار
نصيحة
اكتبى ساى
| |
 
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
طبعا عذرا للإنقطاعة الطويلة،
و يصعب على إبداء أسباب،
تعددت الأسباب و النتيجة واحدة...
ومن هذا المنبر،
أرجو من الجميع تقبل:
التعازى لكل من فقد عزيز،
التهانى لكل الناجحين،
المباركات لكل حادث سعيد،
الشفاء لكل مريض،
الزغاريد لكل زواج ميمون،،
التحايا لكل الحجيج،
و تانى شنو؟
تانى شنو؟؟
:
:
:
أيوة،،،،،،
Merry Xmas
Happy New Year
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
ياسلام عليك يا نازك
و علي ابداعاتك
Quote: فى حالات الإجهاد والضغط العصبى ، يفضل الرجل أن يدخل صندوق اللاشئ
، أما المرأة فتفضل أن تعمل شبكتها فتتحدث فى الموضوع مع أى أحد ولأطول
فترة ممكنة . إن المرأة إذا لم تتحدث عما يسبب لها الضغط والتوتر يمكن
لعقلها أن ينفجر ، مثل ماكينة السيارة التى تعمل بأقصى طاقتها رغم أن
الفرامل مكبوحه ، والمرأة عندما تتحدث مع زوجها فيما يخص أسباب عصبيتها
لا تطلب من الرجل النصيحة أو الرأى ، ويخطئ الرجل إذا بادر بتقديمها
، كل ما تطلبه المرأة من الرجل أن يصمت ويستمع ويستمع ويستمع .... فقط .
|
حقيقة الموضوع يحتاج الي نقاش
و اذهاننا يجب ان تتفتح لنقاشات كهذه
خاصة بعد التجارب التي نعيشها الان
((الجماعة ما عاوزين يعترفوا باعمارهم الحقيقية و لا شنو؟؟))
لي عودة اكيد علي هذا الموضوع الهام
كل عام و الجميع بخير و ان شاء الله 2011 عام سعيد للجميع علي
المستوي الشخصي (السياسي قنعانين منو)
| |
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hamid Elsawi)
|
السلام عليكم يا ناس هندسة
الصاوى
Quote: ياسلام عليك يا نازك
و علي ابداعاتك
|
شكرا ياباشمهندس بس الموضوع دا سبق ان نشر بواسطة هالة كزين
انا قريته من المنبر العام وعجبنى شديد عشان انا بعانى من احمد ولدى وابوه بينطبق عليهم الموضوع جدا الواحد تكون بتتكلم معاه وهو فى عالم تانى قمت نشرته هناوكمان علمت بالاحمر على الحاجات المثيرة للجدال بس مافى زول اشتغل بى الشغلة .
Quote: ((الجماعة ما عاوزين يعترفوا باعمارهم الحقيقية و لا شنو؟؟))
|
شمار قاصد مهند صاح
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: نازك يوسف)
|
يا جماعة،
عندى مشكلة رهيبة فى الكونكشن بتاعتى الليلة و التليفون كمان،
عموما أحاول أختصر كام مداخلة فى واحدة،
إبراهيم و حاج علاء،
قلتوا لى من 128 إلى 182،
يعنى الخير على قدوم الواردين،،
شكرا،،،، شكرا،
ما قصرتوا معاكم أبدأ،،
طبعا بعد ما فندت أسباب الحاج علاء، و ووجدت الاتى:
سبب الإستفتاء..... بكون فى حزن.... يعنى إنكماش،
سبب البرد.... بكون فى رجفة... يعنى كنكشة،،،
ما علينا،
::
::
::
تصدقوا نسيت عايزة أقول شنو كمان؟؟
على العموم،
عايزة أشكر كل من أتصل أو وصل أو أستفسر أو دعى لى بظاهر الغيب أو باطنه،
و ذلك لكسر رجلى،
وندعو الله أن لا يريكم كسرا فى رجل أو يد أو (أنف)،
..................... أو وطن!!!!
بعدين يا إبراهيم،
إنت عارف موضوع أمشى و أفتش دى صعبة شديد،
و كمان بعد ما بقت صفحات (مغشوشة!!!)،،،
عشان كدة لو سمحت،
أنت مطالب تجى تفتوا لأختك هنا كلووووووا،،،،
و شكرا،،
_______________________________
كما لا يفوتنى أن أرحب،
بكل القادمين الجدد لمنبرنا الحار،
و تراكم بقيتوا ناس بيت،،،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
السلام عليكم
...
الموضوع عاوز وقت للمراجعة
Quote: ابراهيم محمد الحسن
تاريخ التسجيل: 07-11-2006
مجموع المشاركات: 7624
تغير كلمة السر
مكتبة الفساد
من اقوالهم
(مكتبة مفتوحة للتحديث)
Free Abuzar اه ياجنوب.. ياعشقاً في القلوب مكتوب
Re: اليوم الحار ومابندار يوم الهندسة والمعمار (Re: نازك يوسف)
حاج الخطاب،،
Quote: رغم اللفح
وسرعة النت
سبتها ليك بمزاااجي ،،
عشان :
Quote: لكن
كلكم صفوة
ليس إلا ،،،
(وش واحد دخل في صندوق مفاجئ ،،
منعو من طيها ،،) |
دي مداخلة من ابراهيم رقم 7624 بتاريخ 28 / 12 / 2010
وهناك مداخلات صفحة 27 بنفس الرقم
...
ابراهيم بقى عندو ازدواج في الشخصية !
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
السلام عليكم
كيفكم .. والله مشتاقين
ونبارك وللا نعزي في السودان ما عارفين...
اول حاجة يا نازك عندك مداخلة مفروض تحزفي منها الكود
عشان المنبر يستعدل وهي المداخلة دي ..
أرجعي ليها وأضغي على عدل واحذفي الكود كامل
اها وتاني شنو
انتو من ناس كده
وللا فرحانين وعاملين كده
رايكم يا مهندسين
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: نازك يوسف)
|
لا يانازك التعديل ما كان لي عدد الصفحات
ارجعي شوفي شكل مداخلتك بعد وقبل التعديل
عدد الصفحات والمداخلات وحتى المواضيع في المنبر
دي الظاهر بكري لعب فيها كتير مع الانفصال ده..
غايتو ضيع ليكي ناس الارقام المميزة وقلبت الصفحة زاتها بقى ما معروف متين
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: ابراهيم محمد الحسن)
|
بيكوا شرشح جماعة الفح
وترم من الصفحة تضامنا مع الترم المدور فى البلد
بس 30 رد كافى لاخوان يور الدكتور ... ما اظن
ياخ ديل يستحقون البلد كلها >>> عافى منهم >> شغل نضيف
سلاح طاخ طراخ وبعدين سياسة و بعدين سلام و بنى وقلع واى حاجة
وبعداك سيك فى القبول >>> فى السلك يا بكرى
ياربى بيكو بعد الغرب ينفصل >> بترم كم ؟
اها وناس المريخ جنوب ديل موقفهم كيف >> وااااااااااك بمزاااااج
لكن بالجد تاثرت جدا
لضياع من سافر جوبا
و فيفيان
و من ثم امدر يا ربوع سودانا
واخير وطن الجدود للراحل الشفيع
و
نميرى قال كلام
...........
ياخ تهانينا القلبية الحاره جدا لكل من درس بكلية الهندسة
جامعة الخرطوم من الزملاء بدولة الجنوب الحبيب >> ومباركتنا لهم
للتخلص من قبضة هؤلاء اولا ولنيل حريتهم كااااامله غير منقوصة ...
وعقبال بقية الاتجاهات الجغرافية الاخرى
واخيرا >>> وداعا بلد المليون ميل مربع
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: نازك يوسف)
|
| Quote: غايتو جنس حسادة!!! |
؟؟؟؟؟؟
تعرفي يا نازك..في جماعة ظريفة جدا عندها مكانتها وهيبتها وناس الاعلام بيتصلو بيهم
الجماعة ديل اسمهم (النقاد)..(ناقد رياضي - ناقد ادبي- ناقد موسيقي- ناقد روائي..) وهكذا..
تعرفي انا ديل ما حصل وقعت تحت مشرطهم قبل كدة لكن دائما بحب اشوف (النقاد الهواة) لانو المنهجية واحدة..
النقاد يل عندي اعتقاد جادي انهم عندهم علاقة مع (الجداد) لأنو (نقدهم) و(نقد) الجداد واحد.. تعرفي كيف؟
دايما (ينكتو ليك حاجة انت زاتك لا شايفها ولا حاريها ولا قاصدة).والله يا نازك..
يقولوك قول اصلالا ما قاصدو..وكانت قلت ليهم انا ما قاصد كدي.. تطلع انت راجل جهلول ساي..مع العلم انك انت (المنقود) وكاتب ما تم نقده..
احكي ليك قصة تشبيهي لابراهيم والعمود:
يومين ورا بعض بفتح المنبر بلقي اخر مشاركة لابراهيم واقفة في وشي..
اقفل وارجع تاني القي اخر مشاركة واقفة في وشي..
ليه وكيف وعشان شنو، نتيجة لتكرار المشاركة الواقفة دي اتذكرت زمااان ، مرات بتطلع من البيت من غير موضوع تلقي واحد من اولاد الحلة واقف في ضل العامود..تسلم عليهو وتدخل..
بعد فترة تزهج تاني تفتح الباب تلقي نفس الولد واقف لسة في ضل العامود..
مشاركة ابراهيم الواقفة دي، جابت لي من الذاكرة البعيدة الولد الواقف في ضل العامود..كتبتها وطلعت...
ويالا هاك با تفسيرات ويا نقد..انا اقرا واضحك..لأنو ما في علاقة ما بين فكرتي وافكاركم..
لمن البوستات جاطت..
ما لقينا ليها تفسير..
اتذكرت زمان الواحد لمن الحاجات تجوط في راسو بيطلع الشارع ويقيف يبحلق في الناس من دون موضوع..
فقلت ليكم ما دام ما فاهمين حاجة، نطلع الشارع..
قمت اتذكرت ابراهيم واقف تحت العامود، قلت اقيف في العامود الجنبو، رحت اتذكرت الشمش البتطق في راسك وتخلي عيونك تدعمش،
قمت قلت ليكم ادي وشك عكس الشمش..
بس..
يعني الموضوع لا فيهو حسادة ولا ليهو علاقة مع مشاركات دينمو المنبر واليوم الحار هومي السمتو هناية..
انتي ما بتعرفي انثي الجردل بتسوي شنو؟؟
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
السلام عليكم
مهند
Quote: (النقاد الهواة) لانو المنهجية واحدة..
|
بس ما تكون قاصد عشة زاتها
انشاء الله تنقدك جدادة
Quote: لمن البوستات جاطت..
|
جنس جوطه غايتو
Quote: يعني الموضوع لا فيهو حسادة ولا ليهو علاقة مع مشاركات دينمو المنبر واليوم الحار هومي السمتو هناية..
|
اها بدينا التبريرات والاعتذارات بالغت يامهند
.
.
.
.
.
الكلام كله تهريج فى تهريج ماالمقصود الحسادة
يا مهند دى مش كافتريا هندسة ولا مكان تانى انقدنى بلا زعل
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح مختار)
|
| Quote: اتذكرت زمان الواحد لمن الحاجات تجوط في راسو بيطلع الشارع ويقيف يبحلق في الناس من دون موضوع.. |
لتوضيح الحاجات:
في تالتة عالي وممتحن شهادة وقاعد تحل في مسألة مقذوفات..والحجر طاير وبتتخيل فيهو،
والواطة سخنة وصوت المروحة فوق راسك تقول سيك سيك سيك وماقدرة تجيب هواء شان يطرد الضبان البيزنزن فوق اضانك زنننن زننن وتمسكك واحدة وتلف للأضان التانية وتسلم الأضان دي لضبانة تاني..
وفوق دة كلو (الحجر المقذوف مابي يرك)..يقول ليك (يقف ولد علي حافة قيفة ارتفاعها 10 متر ةقذف حجر بسرعة 20 متر في الثانية...)زز فجأة تخت القلم وتفتح باب الشارع في الهجيرة ديك..
تلقي ابراهيم واقف في ضل العامود وتجي نازك تقول ليك حسادة..اريتا حسادت عدوك؟؟
يا لا انقد يا صلاح..
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: علاء الدين محمد بابكر)
|
| Quote: يا لا انقد يا صلاح.. |
دعونا نتأمل ماكتبه الحاج
Quote: صوت المروحة فوق راسك تقول سيك سيك سيك
وتفتح باب الشارع في الهجيرة ديك.. |
هذا في تقديري من اعقد ما كتبته العرب و ذلك من عدة اوجه
الوجه الاول هو ان هذا بيت شعر قام الكاتب بإخفائه بصورة إحترافيه
متقنه في نص مقروء.
و الوجه الثاني و حيث ان الحديث عن (الجداد) فقد اراد الكاتب ان يخبرنا
ان صفة (النقد) هذه متجزره و منتشره في كل الاسره الجداديه و لذلك قام بالإشاره
لبقية افراد الاسره بصورة مذهله حفظت النص في السياق الذي اراده و ادت المعنيين القريب
و البعيد كما موضح باللون الاخضر.
اما الوجه الثالث فهو (وجه ضاحك).
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
صلاح مختار
Quote: هذا في تقديري من اعقد ما كتبته العرب و ذلك من عدة اوجه
الوجه الاول هو ان هذا بيت شعر قام الكاتب بإخفائه بصورة إحترافيه
متقنه في نص مقروء.
و الوجه الثاني و حيث ان الحديث عن (الجداد) فقد اراد الكاتب ان يخبرنا
ان صفة (النقد) هذه متجزره و منتشره في كل الاسره الجداديه و لذلك قام بالإشاره
لبقية افراد الاسره بصورة مذهله حفظت النص في السياق الذي اراده و ادت المعنيين القريب
و البعيد كما موضح باللون الاخضر.
|
هذا من انقد مانقده النقاد(الجداد)
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: نازك يوسف)
|
جمعة مباركة
..
الناقد الاديب صلاء
| Quote: اما الوجه الثالث فهو (وجه ضاحك). |
وهو اهم الاوجه
وهو معني لوجستي ( بتاعت الكوتش )
وفي نفس الوقت راديكالي متغلغل
لان النقد الضاحك هو من النقد المستحدث
وبما ان الجداد لا يستطيع الصحك لذلك اصبح النقد مستحدثا لانه استحدث الضحك في غير مكانه
واعتقد ان الناقد اجاد في استخراج ( النقدات ) الخفية
فبخ عليك بخ
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
مرة الجمعة بالليل كدة والواطة سخنة، قمت قاعد في ضل الحيطة شان تضاريني من سخونة الشمش..
رفعت راسي لفوق وقلت ياربي الليلة الشمش دي نحنا عملنا ليها شنو قاعدة لحدي اذان العشا؟
متخيلة عازمنها صلاة جماعة في كنيستنا الجديدة، لقيت القمرا بتضحك علي..زهجت زهجة مديت ايدي في الضلمة ديك وختفت اول حاجة وقعت في ايدي وفنننن فنيت بيها القمرا..بس حاجة لينة جلبطتت وشي وسمعت ليك صوت جدادة تكورك كاااك كااااك كاااك...وفجأة كنكشت في جضمي بيد واليد التانية تجر في عيني دايرة توصلها لنخرتي..وبالعين التانية شفت ليك القمرا تضحك لامن طلعت سنونا..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
خبر هام لكل محبى الرياضة..نقول
لو كان المشي مفيد للصحه كان ساعى البريد أحسن صحه فى العالم..
الحوت بيعوم طول اليوم وياكل سمك ويشرب ومع هذا سمين..
الأرنب بيجرى وينطتت ومع هذا موش بيعيش غير15 سنه..
السلحفاة لا بتجرى ولا بتعمل اى حاجة ومع هذا بتعيش 450 سنه..
إذاً بلا رياضة بلا كلام فاضى نام وارتـــاح يأتيك النجاح ..
مع تحيات
باحث سوداني
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
تصدق انا دخلت عشان اسأل من العمود..أقصد (البير)..
كنت قايلو من كترت ما واقف جنب العمود..عمال الكهرباء قالو دة عمود تاني..
قامو ربطو بيناتم محول (امية)..
قلت قطع شك (الأمية) بعد شهر حاتفك الخط..وتتعلم الكتابة ونلقي البير عمليها باسويرد عند بكري..
ويقعدو البير والأمية المابقت امية يدردشو مع بعض ..ويجي حمد يخط عنقريبو تحت العمود وهاك يا شاتنق..
.........
بالمناسبة..ازيكم..
التوقيع..علاء..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: نازك يوسف)
|
السلام عليكم
صباح الخير
كيف اصبحتو
..
قالو والله يكفينا شر قالو
فلان داك حردان
وفلان داك ما لاقي زمن
وفلانة متواجدة بكثرة لكن الصاح ما مسخن عشان تعوس
..
وقالو العمود ماعارف شنو كده ده !!
..
.
.
شيخ الحبر مجهز الجزء الاخير من حاجة سعيدة
منتظرييين
...
.
فخري المتابع منتظر ايميلاتك
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: نازك يوسف)
|
السلام عليكم
صباح الخير
كيف اصبحتو
..
قالو والله يكفينا شر قالو
فلان داك حردان
وفلان داك ما لاقي زمن
وفلانة متواجدة بكثرة لكن الصاح ما مسخن عشان تعوس
..
وقالو العمود ماعارف شنو كده ده !!
..
.
.
شيخ الحبر مجهز الجزء الاخير من حاجة سعيدة
منتظرييين
...
.
فخري المتابع منتظر ايميلاتك
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hisham Magzoub)
|
السلام عليكم
..
التحيات للجميع
والسؤال عن ابراهومة
واخبار الحاج الخطاب
..
نحن تاني حا نعمل اتندانس
واخر السنة نشوف الكورس ويرك
والساقط نعمل ليهو صب
وحا يكون الامتحان زي بتاع د علي زروق
اعملو حسابكم
حايكون في ربيت ودسمس
وممكن تمتجن خارجي مرتين
واذا ما نجحت تكون اقسوستد . الا تشوف ليك منبر تاني
ومافي تحويل
يعني ناس المطرطش الجايين لينا من اداب يجو يتونسو بس ويرجعو
بعدين ناسنا الاصليين ناس خليل وكيكي البهناك في اركان النقاش بتاعت النشاط
لازم يجو شوية شوية
والاااااا
وعمر الحبر وهو يملك نت ولا يدخل حا نلحقو ( بتشديد الحاء ) حاجة سعيدة !!
حتى ابو كديسة
وناس سارة وسحر
لن ينجو احد !!!!
الا هل بلغت الا هل بلغت
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
واحد صعيدى مثقف اوى بعت رساله لاخوه بيقول له:
Open happy wrote his book on in in Friday
يقصد:
فتحى سعيد كتب كتابه على فيفى جمعه
*******
حرامى بيقول لامه الدنيا معدش فيها اخلاص
بسرق محفظة ابويا لقيت محفظتى معاه
*******
محشش وقفوه فى كمين سألوه مش رابط الحزام ليه؟
رد انا اصلا مش لابس البنطلون
*******
افريقى و ابنه من اكلة لحوم البشر خرجوا يشوفوا شغلهم فاصطادوا هيفاء وهبى
الولد قال لابوه نوديها البيت و ناكلها
قال له لا نوديها البيت و ناكل امك
*******
واحد مسطول ماشى بعربيته عكس الاتجاه
سمع المذيعة فى الراديو بتقول: الشرطة تلاحق واحد يمشى عكس الاتجاه
قال لنفسه: هههه هوا واحد بس دنا شايف عشرين لحد دلوقتى
*******
مسطول ضرب ظابط و موته و اتصل ب 999 و قال لهم احب ابلغكم انكم بقيتو 998
*******
واحد سأل شيخ لو شفت اسد و انا بصلى اكمل الصلاة؟
قال له لو لسة على وضوءك كمل
*******
راجل قام من النوم على صوت زعيق سأل الجيران فى ايه؟ قالوا له تصدق المياه مسممة
مراته صحيت سألته فى ايه؟
قال لها : المياه هتقطع اشربى و نامى
| |
|
|
|
|
|
|
| |
Amna Mohamed Arh
نازك يوسف
علاء الدين محمد بابكر
حمد محمد احمد
ابراهيم محمد الحسن
Hamid Elsawi
صلاح ليون
Hisham Magzoub
Tahani abdalla Attia
فيس بوك
تويتر
انستقرام
يوتيوب
بنتيريست