|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: اليوم الحار ومابندار يوم الهندسة والمعمار (Re: ابراهيم محمد الحسن)
|
التحيات الزاكيات
لا شوفتن تبل الشوق....ولا ردا يطمن
الجميع مركلس...حتي ابراهومه الرائع
الواحد بقي يجي ويقعد يقرا في القديم!!!
من كتبات شيخ الحبر...عسي ولعل!!!!:Quote: قبل ما يدخل ابوسمرة انا عندى نظرية بهديها لى اخونا خليل والجميع
نص النظرية(انشاء الله سيستمر هذا البوست عشرات السنين على الاقل )
البرهان
اذا دخل محمد الحسين مع الحبر فى هذا البوست وحكو ذكرياتم لسنين الجامعةبالتفصيل
يكون عدد اجمالى السنين 19 سنة(بدون ما نورى اى واحد قعد كم اصلو انا والحسين
جيبنا واحد) يمكن ان يحكو لمدة اربعة سنوات وتسعة اشهر (دة ما تخمين دة علم)
السنة فى ثلاثة اشهر منها اسبوعين للذكريات المتعلقة بال(السمستر والشواكيش والرياضة
والثقافة و......و........وخلافو) وشهرين ونص للسياسة وما تستغربو وتستكترو الكلام دة
لانو فى الحاجات السياسية انت بتحكى الحدث وبتجى تقول اراء التنظيمات السياسية(35 تنظيم)
واراء الكوادر المنسلخة من هذه التنظيمات والكوادر المزروعة من تنظيم فى تنظيم اخر
واراء الطلبة الذين يحبون (خالف تعرف) و.......... و........... وكثير(هنا التوسع راسى)
طبعا دة فى حالة مافى زول غيرنا قال بغم اما اذا دخل ياسر محمد احمد ومحمد فارق ومعتز على
وحكو ذكرياتم مافى شك المسالة بتاخد 20 الى 25 سنة.
طبعا انا بتكلم على الذكريات وال بنى ادم فيها مستيقظ (يعنى انا بتكلم على حوالى 16 ساعة فى
اليوم) واذا لقينا المسالة خلصت. فى ذكريات فى ال8 ساعات بتاعة النوم لانو طالما فى سمستر
وشوكيش ومقصات(مقالب الطلبة فى بعض) ومظاهرات وخلافو يبقى لازم يكون فى احلام لها علاقة بالموضوع
فمثلا انا مرة شفت فى حلم امراة واقفة جنب المكتبة وأول ماشافتنى جرت وقالت لى اذا لحقتنى
بديك جائزة قيمة قمت جارى وراها لما قربت منها عترت لى درابة كبيرة اترتعت شوية وتانى واصلت
والمرة دى لمن قربت جا واحد ضربنى من الخلف لمن وقعت. صحيت من النوم قلت لازم اشوف لى
خبير فى تفسير الاحلام لكن لمن صحصحت وشربت كباية شاى قلت يا ود يا حبر المسالة واضحة
اكثر من شمس الظهيرة وطالما الايام ايام سمستر (انا فى رابعة اول) يبقى المراة
دى الstructure والدرابة دة الcoursework والزول ال ضربنى دة عبدالله ابراهيم ووحياتك
يا ابو القوق تانى قعدت فى رابعة لمن هنق حمار الوادى
(حمار الوادى بهنق كل مائة سنة بس انا محظوظ لانو كان اخر مرة هنق قبل 96 سنة |
| |
  
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
السلام عليكم
..
اتصلت بابراهيم وهو مشغول شدييد
قلت اجرب عمر الحبر
اتونسنا وقال عندو عين اسفيرية
قمت اتصلت بهالة وهي بخير
اتوعكت ليها وعكتين لكن هسع هي كويسة
والحبر وهالة بسلمو عليكم
اخيرا اتصلت بامنة
وهي تتوقع ان تكون اغنى من بشير النفيدي
اما البقية فهي مختفية الى اخطار اخر
وخاصة المدعو خطاب
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: صلاح ليون)
|
الليون ،،،
سلامات
Quote: يا آمنة لكن البلابل ديل ما تلاتة
الراجل ده تهدي ليهو اليومين ديل اي حاجة ثنائي
مثلا
ثنائي العاصمة
ثنائي النغم
أو لو عايزة تهدي ليها مفرد تديهو ندى القلعة
في أغنية الفتى الطائر |
والله أنا قلت كفاية عليه سخانة السودان
ما في داعي نسخنها عليه نحن هنا ويبقو عليه سخانتين
بعدين الزول دا بكون متحسس شوية
يعني اليوم اللي يوصل فيه السودان
الجماعة حصل ليهم الحصل
غايتو كفاية عليه فرحة اللمة مع اهله
عشان لو بقو فرحتين ممكن ما يستحملهم
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: صلاح ليون)
|
يا ناس المنبر الحار
يا علاء الدين
يا أبراهيم محمد الحسن
يا حمد
يا صلاح
يا
يا
يا
والله جيرتكم زي ما بتقول أمي ( جيرة التاباني ) الله يديها العافية وطولة العمر ان شاء الله
قلنا ليكم بصفتكم مهندسين وعارفين في الشغلة ومقددنها عازين رأيكم واستشارتكم
ولا واحد يطل علينا
والله يقول لينا مبروك
والله عوافي
جيران شنو إنتو ؟
يا شباب خشو هنا
شركة الزقازيق القابضة
نحنا بدينا نؤسس شركة مقاولات في السودان
اغلب اعائها راح يكونو خريجي جامعة الزقازيق
شركة المقاولات هي الخطوة الاولي لطموحات كبيرة لكل ناس الزقازيق انشاء الله
عايزين رأيكم في المرحلة دي
ما تبقوا بخلاء
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: كمال الشادي)
|
التحيات الزاكيات
انتو يا اخوانا الحاصل شنو؟؟؟؟
الواد خايف يلقي الاعلان دا:
بيع بالمزاد العلني:بيع منبر...او مقايضته بمنبر حي!!!!
ابراهومه في السودان!!!ونن ما جايبين خبر
الف الف مرحب...ونلتقي انشاء الله
الاخوه في منبر الزقازيق-كمال الشادي-
لكم كل الود وانتم تمرون هنا...عفوا لعدم التواصل..واعطاء الاراء
دخلتم ومنبرنا في حاله الجذر....ولن تستمر طويلا انشاء الله
توقعوا اراء مفيده في القريب
كمال الشادي:الله يعدل ليك طريقك...
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابوهريره احمد ابراهيم)
|
Quote: سلام لكل عشاق البوست
أذكر و نحن برالمة في تانية كهرباء و كانت الامتحانات الزمن داك مركزية
يعني الحكاية مشكوكة كل الاقسام مع بعض ما ذي هسه كل قسم لوحده
بعد عشرة دقائق من بداية الامتحان رفع اخونا المساح المخضرم
ميسرة النجار يده و طلب كراس إضافي
الناس كلها خافت متييين الزول ده ملأ الكراس (و كان الكراس كبير الزمن داك هسه نقص مع عوامل التعرية)
بعد الامتحان سألتو ( وكانت تربطني به علاقة أسرية) نفس السؤال: ماشاء الله إنت متين مليت الكراس الأول
علشان تجيب كراس إضافي
ضحك و قال لي: دي حركات بنرهب بيها البرالمة ساكت
تحياتي للأخ ميسرة النجار و أعتقد هو في أبوظبي الآن |
ادوني منبر تاني!!!!!!!!
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابوهريره احمد ابراهيم)
|
صباح الخير لكل عشاق المنبر الهندسي الرائع
نأسف كتيييييييييييييير
المشغوليات كتيييييييييييرة
المدارس فتحت
و هاك يا رسوم تسجيل
و كراسات و كتب و جلادات و هلم جر ....
التراحيب الحارة بالبير في السودان الحبيب
حبابك عشرة و حباب أسرتك في أرض المليون ميل مربع
_______________________
تخريمة:
إنت يا أبو هريرة الكلام الفوق ده جبتو من وين؟؟
دي شكلها مداخلة حقتي قديييييييييييييييمة
بس ما فهمت تعليقك
______________________
في لقاء مطول مع الشيخ الحبر
أسفر عن أشياء حلوة كتيرة في الإنتظار
خليكم قرااااااااب
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Tahani abdalla Attia)
|
السلام عليكم
للاسباب اعلاه كل الناس غياب
..
الدكتورة
احوالك كيف بعد الرحول
Quote: أسفر عن أشياء حلوة كتيرة في الإنتظار
خليكم قرااااااااب |
دي بتاعتك يا دكتورة ولا بتاعت الكوتش
عشان نحدد موقفنا
..
امنة ساءلين منك كتير
انشاء الله المانع خير
..
ابو هريرة
دعمي ليك ما طلع ساكت ( الحمد لله )
..
الاخ علاء الدين ( هؤلاء الزول )
مسافر قريب بي جاي ( ماشي بلجيكا )
ربنا يجيبه بالسلامة
..
الاخ طارق احمد خالد مشى ماليزيا وجا
ما جاب لينا الصور
منظرين وقرااااب
..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Tahani abdalla Attia)
|
التحيات الزاكيات
الدكتوره تهاني:اكيد مرورك رغم المشغوليات-بدايه العام الدراسي-
له وقع جميل...وانشاء الله باقي الشباب يتحركو
فعلا الماخله حقتك...وانا لمن ادخل والقي الشباب كسلانين...بقعد اجترفي
الزكريات...باختيار صفحه...وتفعيلها...وحقيقه بستمتع جدا
المداخله:بقصد للشباب اتحركو ونشطو المنبر...ولا حاشوف منبر تاني
وطبعا دي حركات ساكت مني...زي الكراس التاني...هو نحن نقدر نفوت رائعي
اليوم الحار!!!!!
ابراهومه: طلع نشاطتك نت ملح ساي!!!
حمد ابو عنقريب: يا كبيرنا بركاتك....ادي المنبر دفره
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
ابوالكديسة،،،
استفدت من ركلسة الناس بطريقة كويسة
لكن خلاص عاد عضو المنبر النشيط.. الفعال... المتألق... ال............
دكتورة تهاني الرائعة،،،
يبدو انو النت الملح رجع ... ما تنقطعي رغم المشغوليات... مشتاغووون شديييد
حمد ابوعنقريب،،،
كيف أنك ... ؟؟؟
وشكرن جميلن على السؤال والاهتمام
علاء الدين،،،
ياهؤلاء الزول ... عامل شنو... ؟؟؟
ويلا سريع كرهنا بلجيكا دي....(والله انتي بتمشي حتات عجيبة خلاص)
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
التحيات الزاكيات
امنه:حمدالله علي العوده وبقوه
من قبيل بفتش في المفتاح...كويس الجيتي وفتحتي
امس هاتفت الرائع هومي...والسودان رحب به بنزله من النوع ابوكديس
والحمد لله هو الان بخير...بس فاقد النت الملح!!
بالمناسبه:الساده الشئون الاجتماعيه والثقافيه(حمد +امنه)وين البرنامج المقترح!!!
وبرضو هاكم دي من القديم: من القائل وما المناسبه
Quote:
نغيب ،،
تكوركو ،،،
نجيكم ،،
تغيبو؟!
خلاص ما جاي تاني .... |
| |
|
|
|
|
|
|
|
|
 Re: اليوم الحار ومابندار يوم الهندسة والمعمار (Re: Amna Mohamed Arh)
|
في جلسة ودية بين الرئيس السوداني عمر البشير والرئيس الأمريكى باراك أوباما، دار الحوار التالى:
البشير:
فخامة الرئيس ... كم متوسط راتب الموظف الأمريكى في الشهر؟
أوباما:
حوالى 5.000 دولار.
البشير:
وكم بيصرف شهريا؟
أوباما:
حوالى 2.800 دولار.
البشير:
يعنى يبقى معاه 2.200 دولار!! بيعمل بالمبلغ الباقي ده شنو؟
أوباما:
فى الحقيقة لأننا دولة ديمقراطية، احنا ما بنسألو.
أوباما:
وانتم يا فخامة الرئيس... كم متوسط راتب الموظف عندكم؟
البشير:
حوالى 100 دولار.
أوباما:
أووو!!! ... وبيصرف كم؟
البشير:
حوالى 1.000 دولار.
أوباما:
ومن وين بيجيب الفرق الكبير ده؟؟؟!!!!
البشير
فى الحقيقة لأننا دولة ديمقراطية زيكم بالضبط، احنا كمان ما بنسألو.
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Tahani abdalla Attia)
|
مصير المساعدات الخا رجية فى السودان
تبدأ القصة عندما كان رئيس صندوق النقد فى زيارة للسودان
واثناء مروره في احد شوارع الخرطوم وقف رجل بائس “رث الثياب وراح ينادي بأعلي صوته : امريكا لله لله ....
وبالطبع كان الرجل شحاتا ويطلب الإحسان مر الموكب بسلام وعاد الرئيس الي واشنطن وجلس مع مساعديه يقيم نتائج الزيارة ثم شرد بذهنه لوهله
سأله احد مساعديه : سيادة الرئيس هل انت بخير
سكت لبرهة ثم قال : اثناء مروري في الخرطوم كان هناك رجل ينادي باسمي ثم يقول امريكا هل فهم احد ما كان يقول
اجاب مساعد آخر : نعم سيدي انه فقط كان يريد منك مساعده مالية
قال حسنا نحن نعتبر هؤلاء اصدقاء لنا ودائما مؤيدين لنا فلم لا نساعده
وامر بإرسال مبلغ 100 الف دولار مساعدة شخصية منه للمواطن المذكور
بعده بأيام وصل المبلغ مع مندوب الي رئاسة الجمهورية بالسودان مع توضيح الغرض بأن هذه قيمة المساعده من رئيس صندوق النقد لذلك المواطن السودانى
وعلي الفور قامت رئاسة الجمهوريه بالتحري لمعرفة المحافظه والمدينة التابع لها المواطن المذكور
وبمجرد التأكد قامت بإرسال مبلغ 25 مليون جنيه سودانى بالقديم (من أصل 100 الف دولار) الي المحافظه التابع لها المواطن المذكور
بدورها قامت المحافظه بإرسال مبلغ 10مليون جنيه الي المدينه التابع لها المواطن المذكور
ومباشرة ارسل رئيس المحلية مبلغ مليون جنيه الي مأمور قسم الشرطه التابع له الموظف المذكور
فقام المأمور ونادي علي ضابط برتبة ملازم أول واعطاه مئة الف جنيه هي قيمة المساعده التي قررها الرئيس للمواطن المذكور
خرج الضابط ونادي علي العسكري وقال له : هل تعرف بيت فلان
قال : نعم اعرفه
قال حسنا هذه عشرين جنيها اعطه اياها هي قيمة المساعدة التي قررها رئيس الصندوق الدولى للمواطن
ذهب العسكري الي منزل الرجل مهرولا ودق الباب
خرج الرجل بثيابه الرثه المعتاده وشعره المنكوش وعيناه الجاحظتان وقال :مين
قال العسكري انت فلان الذي كنت واقفا يوم كذا وطلبت مساعده من رئيس صندوق النقد
رد الرجل : ايوه بتسأل ليه.. قام العسكرى ضرب المواطن كف
قال: فضحتونا مع الضيوف الاجانب ... عموما رئيس الصندوق بيقولك ( الله كريم )
--
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
دكتور ودبادي..جامعة الخرطوم..منتصف الثمانينات
ياسكان القصر العالي.. سلام
يا سادات البرج العاجي.. سلام
يا ناسات البلد الغادي.. سلام
تبقي مصيبة ان كانت سنة اتعدمت بين الناس
تبقي مصيبة ان كان القرش الأحمر قسم الخلق أجناس أجناس
يا ما لين الكاس من دم الخلق الشربت عرق الفاس
يا الشرف البدري انداس...والبلد الظالم شالكم فوق الراس
أنواركم طعنت كبد السحب البكايات
وقار الليل سالباه كهارب الهجعة الضوايات
قايمين الليل..الكاس مليان..الجوف مليان..واللحم الطازج راقد بالعينات..
غفيركم نوم نجم القبلة..أبراسا قوي وجنبو كلابو الهوايات..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
يا سادات البزخ البازخ..يا بعض كروش مليانة فساد..
يا نجس الأرض المدعية..
يا نسل الأمم المدعيات..
ماعون الويسكي الأحمر..علب البيرة السايدر..حتي قزازة البلدي..
البلدي النازف من شريان المشرق..مصو الخبث الراكض فيهو سما يعشرق..
ونحنا أدونا الفاضي هدية....
يقعد في شمش الله تلاتة أيام بتطهر منو السية..
نسلخ منو الدمغة الوصفت عينتو ، والكمية..
وتمش أم أحمد تغسل بطنو وضهرو ما لازماها وصية..
بعضا ينفع لو نشالا للبير أم تسعة رجال..
تقدل بيو بنية سمحة,,ومعاشا هلال..تسقي بو حلال وزلال..
والفاضي الكان مليان أحزان وأطرافو تسيل..
اتحول لكوب معقود فوق قلة تنقع، وراقدة سبيل..
سبيل مسروف..مكتوف بلحاية تحت سيالة رامية ضليل,,
للماشي والغاشي ..الرايح والغادي..الراحل ونوخ دابو..ودلة الشيل..
الطير الطاير فوق بلداتنا..وناوي رحيل..
الولد السادر فوق مشهاد البرق ..الشايل ودربو طويل..
عموم الناس..الفرع الصايبو يباس..كلاب الحر..بنات الريل بتشيل..بتبل الريق..
ها ناس..الموية نواحي السافل موية نيييل..
.
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
يا سكان القصر العالي سلام..
يا سادات البرج العاجي سلام..
آناسات البلد الغادي سلام..
أدوني سلام..إن جيتكم تاني ملام..
والله كان عارفني تمام..
قدامي وما شايفكم..وساعة أشوفكم ..أشوف قدامي أقزام..
أما سوافل..تبنو عوالي تناطح الغيم الراحل تالا السافل..
دور فوق دور..حدائق سور..وتلاتة مداخل..
باب مقرون في باب..مفتوح في باب..دهليز ومجاهل..
والقرش الأحمر بينكم صايل..تارك وفاعل..
اللقمة الطوسة اتحقت بالإيجار..
الريش يتقصقص تحتك بالإيجار..
وحرير يتماوج فوقك بالإيجار.
لكن الموووت.. الموت إن جاكم طرفة عين..بتأجرو مين..
إن كان الموت بالأجرة يفوت..بتأجرو زول علشانكم يموت..
لكن الموت مرسال..جبار وعنيد..
أعذار الناس..أعمار الناس..عظمة الناس في إيد.. والموت في إيد..
أرقدو عوافي..نومو عوافي..فوق الفوق لا حر.. لا سموم..لا سوافي..
الليد الطايلة تجيب المافي..
خزاين الأرض ونعيم الدنيا الزايل .. كلو معاكم وما كفاكم..
حتي القرش إن فاتكم للبيستاهلو..تزعلو ليش ما جاكم..
يا الملك النازل فجراوي..وشايل أرزاق الخلق الرقدو رقاد..
إنتو تختفو اللقمة الحفت من جنحين الملك الرفت..وسيدها يموت بالفاق..
العين إن زاغت..شن بيملاها غير مولاها..وبيتا رملو دقاق..
يا سكان القصر العالي..وداع
يا سادات البرج العاجي..وداع
آ ناسات البلد الغادي ..وداع
نتلاقي يوم أنداد..
ونصفي حسابنا الصاع بالصاع..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
السلام
...
بالامس بمنتزه الرياض
كان الحضور
د / تهاني
هالة
هشام مجذوب
والمحتفى به الزعيم ابراهيم
..
صلاح مختار لم يحضر لوعكة المت به
علاء الدين اتاه التاكيد متاخرا
ط ا خ
لوعكة المت بابنته اية ( ان شاء الله بقت كويسة )
امنة لم تحضر لمطرة المت بامدرمان
..
عمر الحبر سيواصل
نطالب الجميع بالمداخلات
الكوتش
ليون
د عبد القادر
خطاب
.
.
.
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: طارق الكوتش)
|
بالإنابة أو النيابة زي ما عُدِّلت مؤخراً
أشكر حضور منتزه الرياض لّلقاء الظريف خفيف الظل
و على رأسهم زوجي جمال الدين و مناهل زوجة حمد و مهاد بنته و الصغار الحلوين
كما نتوجه للشكر الجزيل للرائعة لينا زوجة ابراهيم
و للبير إبراهيم وهالة حسن و هشام مجذوب و حمد و شخصي
و الشكر موصول لأحمد و أسيل إبراهيم
والله كانت حلوة و رائعة بس الحضور كان مفترض يكون أكبر من كده
لكلٍ عذره و مافي مشكلة بس مشتاقين نشوفكم
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
Quote: دة شنو
يا اخيناانا اول مرة اشوف زول فى بلجيكا وكرشو فى الدنمارك |
حجاج الحبر..كيفك ياخ..
تعرف الحاجة دي قانونية لأني داخل بتأشيرة (الشينقن) فبالتالي يحق لي ادخل اي دولة اوربية..
يعني لو كرشي دخلت انجلترا، كان تحتج.............هههههههههههههههههههههه
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
سلامات للجميع،،،
يا حاج علاء،،،
Quote: بكري ابوبكر..
اقتراح ليك..
نبيع ليك المنبر حقنا دة, او ناجروا ليك عشان تجدع فيهو الحاجات الماعاوزة..
يعني تعملو الخور بدل ما هو قاعد سااااااااااااااااااااااي.. |
رغم انو فترة زي دي ما مرت على المنبر ابداً
لكن الناس دي بكة بتجي خليك متفائل زيي كدا
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
قلتوا لى بياتكم الشتوى فى عز الصيف،
سببوا شنو؟؟
عن نفسى،
عندى أسباب كتيرة،
أتراكمت على بعضـ،
و المحصلة كانت الإنقطاع التام،،
غايتو،
ممكن أوزع ليكم منها شوية (للمحتاجين فقط)،،،
غايتو 2:
بس أعفوا لى لأى تقصير فى الفترة الفاتت،
لعدم المجاملة فى أى مناسبة سعيدة أو... غير ذلك،،
تأكدوا،
أكيد ما بكون عرفت،،،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Hala Hassan)
|
قلتوا لى،
منو كان بشجع شنو فى كاس العالم؟؟
و منو بالظبط كان مراهن على أيبانيا من البداية،،
يعنى شايفاكم كنتوا نوم شديد ايام المونديال،،،
عن نفسى،
ما ببدل فريقى،
بشجعوا من فتحت عينى على الدنيا،
و للأسف،
طوالى خاذلنى،،،،
غايتو بلبس أحمر لكن خايل فيه يا إبراهيم،،،
عرفتووووو؟؟؟؟
| |
|
|
|
|
|
|
| |
ابراهيم محمد الحسن
Hisham Magzoub
Amna Mohamed Arh
حمد محمد احمد
Tahani abdalla Attia
صلاح ليون
كمال الشادي
علاء الدين محمد بابكر
طارق أحمد خالد
فيس بوك
تويتر
انستقرام
يوتيوب
بنتيريست