|
|
 هيا ..الخروفة !!
|
خروف العيد في الإمارت وفي العين تحديدا مشكلة كبيرة و هيدك ماليه اول ولا آخر
أيام الشارقة الموضوع كان ساهل بتشتر خروفك وتمشي الصناعية تلقى البتان عاملين مسالخ في بيوتهن زي الترتيب يطقطقوا ليك الخروف و يكسّروه ليك في دقيقة لا صف لازحمة لا يحزنون
تجربتي بتاعة الستة الفاتت في مسلخ العين شيلتني هم اخدت لي خرتمية ساعة في الصف وفقدت اعصابي من الزحام و المدافرة و اتشاكلت مع كم واحد و بعد دا حصلت لخبطة في التوكن و الخروف ما جا و حكاية اظن لامن مرقت كانت الساعة قريب إطناشر ونص
المهم السنة بعد جينا من الصلاة غيرت وانا مارق لقيت في اتنين بتان راجين واقفين قدام جيرانا سالتهم الخبر شنو قالوا "قسّاب" يازول الكلام دا كيف؟ مش ممنوع!! قال مافي مشكلة أرباب داخل كراج سوي ترتيب و سكّر باب
قلت يامعلم مافي داعي بعدين بتجيب ليها هوا و غرامتها قدر الليلة وبكرة غير النضافة بعدين شغلانة المهم اتوكلنا و مشينا المسلخ
اها في المسلخ لقينا الخرفان كلها حاجزة الهلال الأحمر ومافي بيع تمشي تجيب خروفك من السوق وتجي, طيب السوق وين؟ قالوا السوق دا هنااااااااك ورا البوادي مول حتة كدة بعيدة وفقر, يا الله ياخ...
المهم مشينا السوق, زحمة الف, يا الله يا الله حتى لقينا باركنغ, طيب وين الأسترالية قالوا الأسترالية السنة مافي, كيف الكلام دا؟ دا الحاصل, يا سلااااام ياخ طيب ما شربت زيت لأني كل سنة مغمض بجيب من الاسترالي و بطلع كويس و بريحني من شناف الولية وناس غشوك وما بتعرف تعزل و غالي .. إلخ و ما تقول الدورة دي الحجاج معيّدين معانا كمان
طيب اجيب شنو؟ الخرفان دي اشكالها ما مريحة العندو قُصة و الصلعتو تقول يا غربتي وحكاية
المهم بي جاي بيجاي لقيت واحد كدا قلبي ارتاح ليه من اول نظرة قلت بس ياهو دا زولي - خروفي - اها شيلك ختك اتفقنا مع البتاني و شلناه ومتوكلين على المسلخ القريب من السوق
لقيت صف العربات اوله جوة المسلخ و آخره في الزلط الهناك قلت نمشي المسلخ التاني القبيل نفس القصة الصف مبالغة و الساعة ماشة على عشرة اتذكرت البتان القبيل في الحلة قلت يمكن احصّلهن
وفعلا لقيتهم لسّة شغالين اظن الشارع كلو جاب ليهم يضبحوا ليه اليوم داك قلت ليهم منتظركم
اها الجماعة جو, قفّلنا الباب و فرشنا البلاستيك في الأرض و الحيط - دكستر بس  - و اتوكلوا و ضبحوه
لما قلبوا على بطنه عايز يبدا سلخ الرجل بلا اعاين ليك لبيضو بقى لي غريب كدا وزي الفيه حلمة
هيا خينا دا شنو؟ قال لي هدا مال حليب !! حليب شنو يا معلم!! كيف إنت مايشوف هدا حرمة. حرمة كيف يا خينا انا يشتريه ريّــال. شو ريّـال إنت مايشوف (سَمان) مال هو مافي. يا الله طلع خروفة وما عندو (سَمان) دي مصيبة شنو دي
وياربي الأضحية تجوز بالنعجة ونسيت ليكم كلام الإبتدائي داك كلو, جري على اسلام ويب و فتحت الأسئلة لقيت قالوا شروط الأضحية بالضأن كذا وكذا ولا فرق بين الذكر و الأنثى, الحمد لله دي سلامة
لكن مع الشنافين الجوة ديل كيف الدبارة, دي حيمسكوها لي لا جنا الجنا
قلت يا معلم بس تنوم بيها واعمل رايح, اها بقيت متابع في السلخ ويدي في قلبي أكان طلعت حامل أقبل وين
وكل ما ال"قسّاب" يفتح حاجة اعصابي تبوظ متخيل يمرق ليك ضلف ولا أضان وخلاس حيلي لامن برد
ربك رب الخير ستر وطلعت ما حامل الحمد لله, المهم خلّصوا الجماعة سريع سريع لميت الحاجات - الحلمات و السّمان المافي دا - ولفيت البلاستيك و على الزبالة
اها الفطور طلع و ياسلام عليها اللحمة رخصة وطاعمة - ما حرمة عاد ههههههههه - اها وانا كل شوية بسال الولية وأمي رايكم شنو في اللحمة رايكم شنو في الخروف هم يشيلو و يشكّروا و كمان ادوها كوز موية قالوا احسن من بتاع السنة الفاتت, وأنا أضحك ساي
بعدين لي المغرب كدا تاني سألتهم اها كيف اللحمة وكيف الخروف قالوا تمام, طيب النكلّمكم حاصل كيت كيت وطلعت خروفة!!
وما تتخيّل شماتي فيهم قدر شنو
|
|
 
|
|
|
|
|
| العنوان |
الكاتب |
Date |
| هيا ..الخروفة !! | محمد البشرى الخضر | 11-01-12, 08:25 AM |
 Re: هيا ..الخروفة !! | MOHAMMED ELSHEIKH | 11-01-12, 08:32 AM |
 Re: هيا ..الخروفة !! | ABUHUSSEIN | 11-01-12, 08:32 AM |
| Re: هيا ..الخروفة !! | صبري طه | 11-01-12, 08:37 AM |
| Re: هيا ..الخروفة !! | omer osman | 11-01-12, 08:33 AM |
| Re: هيا ..الخروفة !! | وليد محمد المبارك | 11-01-12, 08:42 AM |
| Re: هيا ..الخروفة !! | على محمد على بشير | 11-01-12, 08:48 AM |
| Re: هيا ..الخروفة !! | محمد أبوالعزائم أبوالريش | 11-01-12, 08:59 AM |
| Re: هيا ..الخروفة !! | بدري الياس | 11-01-12, 09:33 AM |
| Re: هيا ..الخروفة !! | بابكر التوم | 11-01-12, 09:43 AM |
| Re: هيا ..الخروفة !! | عادل الباهي عبدالرازق | 11-01-12, 10:14 AM |
| Re: هيا ..الخروفة !! | saif massad ali | 11-01-12, 10:18 AM |
| Re: هيا ..الخروفة !! | طارق جبريل | 11-01-12, 10:46 AM |
| Re: هيا ..الخروفة !! | طلحة عبدالله | 11-01-12, 10:47 AM |
| Re: هيا ..الخروفة !! | abas | 11-01-12, 10:47 AM |
| Re: هيا ..الخروفة !! | محمد البشرى الخضر | 11-01-12, 10:51 AM |
| Re: هيا ..الخروفة !! | ياسر نجيلة | 11-01-12, 11:03 AM |
| Re: هيا ..الخروفة !! | osman righeem | 11-01-12, 11:25 AM |
| Re: هيا ..الخروفة !! | تماضر الخنساء حمزه | 11-01-12, 11:17 AM |
| Re: هيا ..الخروفة !! | محمد البشرى الخضر | 11-01-12, 01:17 PM |
| Re: هيا ..الخروفة !! | بابكر التوم | 11-01-12, 09:22 PM |
| Re: هيا ..الخروفة !! | Ashraf el-Halabi | 11-01-12, 10:23 PM |
| Re: هيا ..الخروفة !! | محمد عبد الماجد الصايم | 11-02-12, 04:37 AM |
| Re: هيا ..الخروفة !! | حمد عبد الغفار عمر | 11-02-12, 09:38 AM |
| Re: هيا ..الخروفة !! | اساسي | 11-02-12, 05:10 PM |
| Re: هيا ..الخروفة !! | محمد البشرى الخضر | 11-05-12, 02:35 PM |
| Re: هيا ..الخروفة !! | النذير حجازي | 11-05-12, 02:52 PM |
 Re: هيا ..الخروفة !! | محمد مصطفي مجذوب | 11-05-12, 03:30 PM |
| Re: هيا ..الخروفة !! | محمد البشرى الخضر | 11-05-12, 07:07 PM |
| Re: هيا ..الخروفة !! | محمد مصطفي مجذوب | 11-06-12, 04:58 AM |
| Re: هيا ..الخروفة !! | ismeil abbas | 11-06-12, 03:20 PM |
| Re: هيا ..الخروفة !! | Haytham Abdulaziz | 11-07-12, 07:59 PM |
| Re: هيا ..الخروفة !! | البحيراوي | 11-07-12, 08:31 PM |
| Re: هيا ..الخروفة !! | محمد البشرى الخضر | 11-09-12, 05:36 PM |
|
| |
محمد البشرى الخضر
فيس بوك
تويتر
انستقرام
يوتيوب
بنتيريست